ఆంధ్రప్రదేశ్

తిరుమల శ్రీవారి నవరాత్రి బ్రహ్మోత్సవాల నేపథ్యంలో టీటీడీ కీలక నిర్ణయం తీసుకుంది. అక్టోబర్‌ 11 నుంచి 20వ తేదీ వరకు వీఐపీ బ్రేక్‌ దర్శనాలతో పాటు పలు ప్రివిలేజ్డ్‌ దర్శనాలను రద్దు చేసింది. భక్తుల రద్దీని దృష్టిలో ఉంచుకుని ఈ నిర్ణయం తీసుకున్నట్లు టీటీడీ వెల్లడించింది. ఇదే సమయంలో కొన్ని తేదీలకు సంబంధించిన రూ.300 ప్రత్యేక ప్రవేశ దర్శనం టికెట్లను అక్టోబర్‌ 7న ఆన్‌లైన్‌లో విడుదల చేయనుంది.

పల్నాడు జిల్లాలో క్షుద్రపూజల పేరుతో ఇద్దరిని హత్య చేసినట్లు ఆరోపణలు ఎదుర్కొంటున్న నిందితుడిని పోలీసులు అరెస్ట్‌ చేశారు. నరసరావుపేటకు చెందిన నిఖిల్‌.. నిద్రిస్తున్న వారిని బండరాయితో హత్య చేసి, మృతదేహం నుంచి కొన్ని శరీర భాగాలను తీసుకెళ్లినట్లు పోలీసులు గుర్తించారు. ఈ కేసు దర్యాప్తులో 2018లో జరిగిన మరో హత్యలోనూ నిఖిల్‌ ప్రమేయం ఉన్నట్లు వెలుగులోకి వచ్చింది. సీసీటీవీ, సాంకేతిక ఆధారాలతో నిందితుడిని గుర్తించిన పోలీసులు రిమాండ్‌కు తరలించారు.

ఆంధ్రప్రదేశ్‌లోని నెల్లూరు జిల్లాలో ఓ శివాలయంలో సోమవారం అరుదైన దృశ్యం భక్తులను ఆశ్చర్యానికి గురిచేసింది. ఒకటి కాదు.. ఏకంగా మూడు నాగుపాములు శివలింగం చుట్టూ తిరుగుతూ, అనంతరం దాని ముందు పడగవిప్పి నిలబడటం కనిపించింది. భక్తులు ఈ దృశ్యాలను తమ ఫోన్లలో చిత్రీకరించడంతో వీడియోలు సోషల్ మీడియాలో వైరల్‌గా మారాయి.

తిరుమల శ్రీవారి సాలకట్ల బ్రహ్మోత్సవాలు ఇటీవల వైభవంగా ముగిశాయి. ఈ ఉత్సవాలకు హాజరు కాలేకపోయిన భక్తులకు మరోసారి శ్రీవారిని వాహనసేవల్లో దర్శించుకునే అవకాశం రానుంది. అక్టోబర్ 12 నుంచి 20 వరకు తిరుమలలో నవరాత్రి బ్రహ్మోత్సవాలు నిర్వహించనున్నారు. ఈ సందర్భంగా వివిధ వాహనాలపై మలయప్ప స్వామివారు తిరుమాడ వీధుల్లో విహరిస్తూ భక్తులకు దర్శనమివ్వనున్నారు.

కృష్ణా జిల్లాలో ఆసక్తికర ఘటన చోటుచేసుకుంది. ఉద్యోగం పేరుతో మూడేళ్లుగా కుటుంబానికి దూరంగా ఉంటూ కనిపించకుండా తిరుగుతున్న భర్త.. చివరకు తన కాలనీలోని ఓ ఇంట్లో మరో మహిళతో ఉండగా భార్యకు కనిపించాడు. దీంతో ఆగ్రహానికి గురైన భార్య, కుమారుడితో కలిసి అతడిపై దాడి చేసి పోలీసులకు అప్పగించింది.

తిరుపతి జిల్లా సత్యవేడు మండలం శ్రీసిటీ పారిశ్రామికవాడలోని టిల్‌ హెల్త్‌కేర్‌ పరిశ్రమలో శనివారం ఉదయం భారీ పేలుడు సంభవించింది. బాయిలర్‌ పేలిన ఘటనలో ఐదుగురు కార్మికులు మృతి చెందినట్లు తాజా సమాచారం. మరో పది మందికి పైగా తీవ్రంగా గాయపడినట్లు అధికారులు వెల్లడించారు. రెస్క్యూ, పోలీసు, అగ్నిమాపక బృందాలు సహాయక చర్యలు కొనసాగిస్తున్నాయి.

విధులను నిర్లక్ష్యం చేస్తూ సుదీర్ఘకాలంగా అనధికారికంగా గైర్హాజరవుతున్న ప్రభుత్వ వైద్యులపై ఆంధ్రప్రదేశ్ ప్రభుత్వం చర్యలు చేపట్టింది. ఇప్పటికే 70 మంది వైద్యులను విధుల నుంచి తొలగిస్తూ నిర్ణయం తీసుకుంది. ఇదే తరహాలో గైర్హాజరవుతున్న మరో 193 మందిపై చర్యలు వివిధ దశల్లో ఉన్నట్లు అధికారులు వెల్లడించారు.

డ్రైవర్ సుబ్రహ్మణ్యం హత్య కేసులో వైసీపీ ఎమ్మెల్సీ అనంతబాబుకు మరోసారి ఎదురుదెబ్బ తగిలింది. రాజమహేంద్రవరం ఎస్సీ, ఎస్టీ ప్రత్యేక కోర్టు ఆయన దాఖలు చేసిన బెయిల్ పిటిషన్‌ను తిరస్కరించింది. గతంలో బెయిల్‌పై బయటకు వచ్చిన అనంతబాబు సాక్షులను ప్రభావితం చేసేందుకు ప్రయత్నించారన్న ఆరోపణల నేపథ్యంలో ఆయనను పోలీసులు మళ్లీ అరెస్ట్ చేశారు. ప్రస్తుతం జ్యుడీషియల్ కస్టడీలో ఉన్న ఆయనకు తాజాగా కూడా బెయిల్ లభించకపోవడంతో కేసు విచారణ పూర్తయ్యే వరకు జైలులోనే ఉండాల్సిన పరిస్థితి ఏర్పడింది.

రాయలసీమ అభివృద్ధిలో భాగంగా అన్నమయ్య జిల్లా మదనపల్లెలో గ్లోబల్ హార్టికల్చర్ హబ్, ఇండియన్ స్కూల్ ఆఫ్ అగ్రికల్చర్‌కు శంకుస్థాపన జరిగింది. ఈ కార్యక్రమంలో రిలయన్స్ ఇండస్ట్రీస్ ఎగ్జిక్యూటివ్ డైరెక్టర్ అనంత్ అంబానీ మాట్లాడుతూ.. “నన్ను ఆంధ్ర బిడ్డగా భావించండి. రాష్ట్రానికి నేనేం చేయగలనో గైడ్ చేయాలి” అంటూ సీఎం చంద్రబాబును కోరారు.

కూటమి ప్రభుత్వం ఏర్పడిన తర్వాత 28వసారి సామాజిక భద్రతా పెన్షన్లను పంపిణీ చేస్తున్నామని ఆంధ్రప్రదేశ్ ముఖ్యమంత్రి చంద్రబాబు నాయుడు తెలిపారు. గురువారం నిర్వహించిన ‘పేదల సేవలో’ కార్యక్రమంలో పాల్గొన్న ఆయన ప్రభుత్వం అంటే ప్రజల మధ్య ఉండే వ్యవస్థ అని, పేదలకు సేవ చేయడమే తన బాధ్యత అని పేర్కొన్నారు. ఇప్పటివరకు పెన్షన్ల రూపంలో రూ.76 వేల కోట్లు అందించినట్లు వెల్లడించారు.

బాపట్ల జిల్లా మార్టూరు మండలం కోనంకి గ్రామ శివారులో విషాద ఘటన చోటుచేసుకుంది. పాఠశాల వద్ద ఏర్పడిన పరిచయం తర్వాత సన్నిహితంగా మారిన 22 ఏళ్ల యువకుడు, పదో తరగతి చదువుతున్న 15 ఏళ్ల బాలిక ఇళ్ల నుంచి అదృశ్యమయ్యారు. అనంతరం కోనంకి గ్రామ శివారులోని చెరువులో మృతదేహాలుగా కనిపించడంతో కుటుంబాల్లో విషాదం నెలకొంది.

కాంగ్రెస్‌ పార్టీని వీడి ఇతర పార్టీలను ఏర్పాటు చేసిన లేదా ఇతర పార్టీల్లో చేరిన నేతలు తిరిగి హస్తం గూటికి రావాలని తెలంగాణ డిప్యూటీ సీఎం భట్టి విక్రమార్క పిలుపునిచ్చారు. వైఎస్‌ జగన్‌మోహన్‌రెడ్డి, శరద్‌ పవార్‌, మమతా బెనర్జీలను ప్రస్తావిస్తూ కాంగ్రెస్‌ సిద్ధాంతాలను ముందుకు తీసుకెళ్లేందుకు అందరూ కలిసి పనిచేయాలని కోరారు.

ఆన్‌లైన్ క్రికెట్ బెట్టింగ్‌కు బానిసైన గుంటూరు జిల్లా మంగళగిరికి చెందిన వెన్న దుర్గా దినేష్ అలియాస్ సాయి జీవితం అనేక మలుపులు తిరిగింది. బెట్టింగ్‌లో చేసిన అప్పులు తీర్చేందుకు కిడ్నీ అమ్ముకున్నా అప్పులు తీరలేదు. చివరకు చోరీల బాట పట్టిన సాయి.. జైలులో పరిచయమైన వారికి దొంగతనాల్లో శిక్షణ ఇచ్చి ముఠాగా ఏర్పడి వరుస చోరీలకు పాల్పడ్డాడు. పల్నాడు ప్రాంతంలో జరిగిన భారీ చోరీ కేసులో సాయితో పాటు మరో ఇద్దరిని పోలీసులు అరెస్టు చేశారు.

గుంటూరులో విషాద ఘటన చోటుచేసుకుంది. డయాలసిస్ కోసం కొడుకుతో కలిసి కారులో ఆసుపత్రికి వెళ్లి తిరిగి వస్తున్న సమయంలో అకస్మాత్తుగా కారులో మంటలు చెలరేగాయి. ఈ ఘటనలో వెనుక సీటులో ఉన్న హరికృష్ణ మంటల్లో చిక్కుకుని మృతి చెందారు. కారు నడుపుతున్న ఆయన కుమారుడు అఖిలేష్ స్థానికుల సాయంతో బయటపడి స్వల్ప గాయాలతో తప్పించుకున్నారు.

తిరుమలలో భక్తులను మోసం చేస్తున్న తమిళనాడుకు చెందిన 52 ఏళ్ల మురుగన్ నాగరాజ్ అలియాస్ శంకర్రావును పోలీసులు అరెస్ట్ చేశారు. టీటీడీ ఉద్యోగి, చెన్నై ఎయిర్‌పోర్ట్ ఉద్యోగి పేరుతో నకిలీ గుర్తింపు కార్డులు తయారు చేసుకుని భక్తులను నమ్మించినట్లు పోలీసులు గుర్తించారు. మాంగళ్య పూజ పేరుతో మోసాలకు పాల్పడినట్లు కూడా దర్యాప్తులో వెల్లడైంది.

వనపర్తి జిల్లా శ్రీరంగాపురంలోని ప్రసిద్ధ శ్రీరంగనాథ స్వామి ఆలయ సముదాయంలో చోరీ కలకలం రేపింది. రాములవారి గుడిలోని శ్రీరాముడు, లక్ష్మణుడు, ఆంజనేయస్వామి పంచలోహ విగ్రహాలను గుర్తుతెలియని దుండగులు అపహరించినట్లు ఆలయ వర్గాలు గుర్తించాయి.

శ్రీకాకుళం జిల్లా టెక్కలి సమీపంలో ఘోర రైలు ప్రమాదం జరిగింది. రావివలస-బర్మా కాలనీ సమీపంలో రైల్వే ట్రాక్‌పై నడుచుకుంటూ వెళ్తున్న ఐదుగురు ఇంటర్మీడియట్ విద్యార్థులను రాజధానిఎక్స్‌ప్రెస్ ఢీకొట్టింది. ఈ ఘటనలో నలుగురు విద్యార్థులు అక్కడికక్కడే మృతి చెందగా.. మరో విద్యార్థి తీవ్రంగా గాయపడ్డాడు.

తిరుమల శ్రీవారి సాలకట్ల బ్రహ్మోత్సవాలు అర్చకులు, అధికారులు, ఉద్యోగులు, పోలీసులు, జిల్లా యంత్రాంగం, శ్రీవారి సేవకులు, మీడియా, భక్తుల సమష్టి కృషితో విజయవంతంగా ముగిశాయని టీటీడీ చైర్మన్ బీఆర్ నాయుడు తెలిపారు. ఎనిమిది రోజులపాటు జరిగిన ఉత్సవాల్లో 5.76 లక్షల మంది భక్తులు శ్రీవారిని దర్శించుకోగా హుండీ ద్వారా రూ.28.94 కోట్ల ఆదాయం లభించిందని వెల్లడించారు.

తిరుమల అలిపిరి నడక మార్గంలో మరోసారి చిరుత సంచారం కలకలం రేపింది. 2700వ మెట్టు సమీపంలోని అటవీ ప్రాంతంలో చెట్టుపై చిరుతను చూసిన భక్తులు భయంతో పరుగులు తీశారు. సమాచారం అందుకున్న టీటీడీ విజిలెన్స్, అటవీ సిబ్బంది వెంటనే అక్కడికి చేరుకుని పరిస్థితిని పర్యవేక్షించారు.

యూకేలో ఉద్యోగాలు, వర్క్ వీసాలు ఇప్పిస్తామని నమ్మించి నిరుద్యోగులు, వీసా గడువు ముగియనున్న వారి నుంచి భారీగా నగదు వసూలు చేశారంటూ యూట్యూబర్ నందన, ఆమె భర్త జాగర్లమూడి మధుకర్‌పై పలువురు బాధితులు తెలంగాణ ప్రజావాణిలో ఫిర్యాదు చేశారు. ఒక్కొక్కరి నుంచి రూ.25 లక్షల నుంచి రూ.95 లక్షల వరకు వసూలు చేసినట్లు బాధితులు ఆరోపించారు. తమకు న్యాయం చేయాలని అధికారులను కోరారు.

భారతీయ శాస్త్రీయ సంగీతానికి ప్రపంచవ్యాప్తంగా గుర్తింపు తీసుకొచ్చిన మహాగాయని, భారతరత్న ఎం.ఎస్. సుబ్బులక్ష్మి. ఆమెలోని గాన మాధుర్యం తరాలు మారినా శ్రోతలను అలరిస్తూనే ఉంది. ఐక్యరాజ్యసమితిలో కచేరీ చేసిన తొలి భారతీయ సంగీత విద్వాంసురాలిగా, భారతరత్న అందుకున్న తొలి సంగీత విద్వాంసురాలిగా ఆమె ఎన్నో చరిత్రాత్మక ఘనతలు సాధించారు. ఇప్పుడు ఆమె జీవిత కథ వెండితెరపైకి వస్తుండటంతో మరోసారి ఎంఎస్ సుబ్బులక్ష్మి పేరు మార్మోగుతోంది.

కొన్ని రోజులుగా వరుసగా తగ్గుతూ వచ్చిన బంగారం, వెండి ధరలు వరుసగా రెండో రోజూ పెరిగాయి. శనివారం ఉదయం 10 గంటల సమయానికి గుడ్ రిటర్న్స్ ప్రకారం ఢిల్లీ, ముంబై మార్కెట్లలో 24 క్యారెట్ల బంగారం ధర రూ.1,420 మేర పెరిగింది. కిలో వెండి ధర ఏకంగా రూ.5,000 పెరిగింది.

తిరుమల శ్రీవారి లడ్డూ ప్రసాదంలో కొబ్బరి పీచు ఉన్నట్లు సోషల్ మీడియాలో వైరల్ అవుతున్న ఫొటోపై టీటీడీ స్పందించింది. ఆ ఫొటోలో ఉన్నది శ్రీవారి లడ్డూ ప్రసాదం కాదని స్పష్టం చేసింది. భక్తుల మనోభావాలను దెబ్బతీసేలా తప్పుడు ప్రచారం చేస్తే చట్టపరమైన చర్యలు తీసుకుంటామని హెచ్చరించింది. టీటీడీ ఫిర్యాదుతో పోలీసులు కూడా కేసు నమోదు చేసి దర్యాప్తు ప్రారంభించారు.

NTA Exam Schedule: 2026-27 విద్యా సంవత్సరానికి సంబంధించి పలు జాతీయ స్థాయి ప్రవేశ పరీక్షల తాత్కాలిక షెడ్యూల్‌ను నేషనల్‌ టెస్టింగ్‌ ఏజెన్సీ (NTA) విడుదల చేసింది. ఇందులో భాగంగా జేఈఈ మెయిన్‌ 2027 తొలి విడత పరీక్షలు జనవరి 22 నుంచి ప్రారంభం కానున్నాయి.

ప్రధాని నరేంద్ర మోదీ 76వ జన్మదినం సందర్భంగా ఏపీ సీఎం చంద్రబాబు నాయుడు వారణాసిలో పర్యటిస్తున్నారు. కాశీ విశ్వనాథ స్వామిని దర్శించుకుని ప్రత్యేక పూజలు నిర్వహించిన చంద్రబాబు.. మోదీ నాయకత్వంలో దేశం అభివృద్ధి దిశగా సాగుతోందని పేర్కొన్నారు.

ఆంధ్రప్రదేశ్‌లో నిత్యావసర సరుకుల ధరలను నియంత్రించేందుకు ప్రభుత్వం కీలక చర్యలకు సిద్ధమవుతోంది. రైతు బజార్లు, రేషన్ డిపోల ద్వారా దాదాపు 60 రకాల నిత్యావసర సరుకులు అందుబాటులోకి తీసుకురావాలని సీఎం చంద్రబాబు నాయుడు అధికారులను ఆదేశించారు. ఉల్లి, కంది పప్పు, పామాయిల్ వంటి సరుకులను త్వరలో ఈ వ్యవస్థల ద్వారా సరఫరా చేయాలని సూచించారు.

డ్రైవింగ్ లైసెన్స్‌కు మొబైల్ నంబర్‌ను అప్‌డేట్ చేసుకోవాలని వాహనదారులకు సూచనలు జారీ అయ్యాయి. సెప్టెంబరు 25లోపు ఈ ప్రక్రియను పూర్తి చేసుకోవాలని అధికారులు సూచిస్తున్నారు. సారథి పరివాహన్ పోర్టల్‌ ద్వారా ఇంట్లో నుంచే ఉచితంగా మొబైల్ నంబర్‌ను అప్‌డేట్ చేసుకోవచ్చు.

భారత ప్రధాని నరేంద్ర మోదీ జన్మదినం సందర్భంగా దేశవ్యాప్తంగా శుభాకాంక్షలు వెల్లువెత్తుతున్నాయి. ఆంధ్రప్రదేశ్ సీఎం చంద్రబాబు నాయుడు, డిప్యూటీ సీఎం పవన్ కల్యాణ్ ఎక్స్ వేదికగా ప్రధానికి ప్రత్యేకంగా జన్మదిన శుభాకాంక్షలు తెలిపారు. మోదీ ప్రజాసేవ, నాయకత్వం, దేశ అభివృద్ధికి చేస్తున్న కృషిని ఇద్దరూ తమ సందేశాల్లో ప్రస్తావించారు.

అనంతపురం జిల్లాలో ఘోర రోడ్డు ప్రమాదం చోటుచేసుకుంది. బుక్కరాయసముద్రం మండలం రోటరీపురం సమీపంలో అదుపుతప్పిన కారు రోడ్డు పక్కనున్న హోటల్‌లోకి దూసుకెళ్లి బోల్తా పడింది. ఈ ఘటనలో ఇద్దరు యువతులు మృతి చెందగా.. మరో ఇద్దరు యువకులు తీవ్రంగా గాయపడ్డారు. అయితే తమ కుమార్తెలది ప్రమాదంలో జరిగిన మృతి కాదని, యువకులు హత్య చేసి ప్రమాదంగా చిత్రీకరించారని మృతుల కుటుంబ సభ్యులు ఆరోపించడం కలకలం రేపుతోంది.

ఆంధ్రప్రదేశ్ మాజీ డిప్యూటీ సీఎం, టీడీపీ నేత ఆళ్ల కాళీ కృష్ణ శ్రీనివాస్‌ (ఆళ్ల నాని) కన్నుమూశారు. మంగళవారం విశాఖపట్నంలో గుండెపోటుకు గురై తుదిశ్వాస విడిచారు.