Adilabad

ఉత్తర తెలంగాణ, ఆదిలాబాద్ ప్రాంతాల్లో సాగునీటి కొరతను తీర్చేందుకు దివంగత కాకా వెంకటస్వామి కన్న కలను సాకారం చేయడమే లక్ష్యంగా ప్రాణహిత-చేవెళ్ల ప్రాజెక్టును ముందుకు తీసుకెళ్లేందుకు కట్టుబడి ఉన్నామని పెద్దపల్లి ఎంపీ గడ్డం వంశీకృష్ణ తెలిపారు. మహారాష్ట్రకు సంబంధించిన అంశాలు, అవసరమైన అనుమతులు, సాంకేతిక సమస్యల పరిష్కారంపై ప్రత్యేక దృష్టి సారిస్తున్నట్లు వెల్లడించారు.

ఆదిలాబాద్ రిమ్స్ దవాఖానలో సోమవారం అర్ధరాత్రి ఘోర అగ్నిప్రమాదం చోటుచేసుకుంది. నవజాత శిశువుల ఎస్‌ఎన్‌సీయూ వార్డులో ఏసీ వద్ద షార్ట్‌సర్క్యూట్ కారణంగా మంటలు చెలరేగాయి. దట్టమైన పొగతో ఊపిరాడక ముగ్గురు పసికందులు మృతిచెందారు. మరో చిన్నారుల పరిస్థితి ఆందోళనకరంగా ఉన్నట్లు వైద్యులు తెలిపారు.

తెలంగాణలో కాంగ్రెస్ ప్రభుత్వం అధికారంలోకి వచ్చి వెయ్యి రోజులు పూర్తవుతున్నా జర్నలిస్టులకు ఎన్నికల మేనిఫెస్టోలో ఇచ్చిన ఆరోగ్య పథకం హామీ అమలు కాకపోవడం విచారకరమని TUWJ రాష్ట్ర అధ్యక్షుడు కె. విరాహత్ అలీ అన్నారు. ప్రభుత్వ ఉద్యోగుల తరహాలో జర్నలిస్టులకు కూడా ఆరోగ్య పథకాన్ని వెంటనే అమలు చేయాలని ఆయన డిమాండ్ చేశారు.

మహారాష్ట్రలోని టిపేశ్వర్, తాడోబా టైగర్ రిజర్వుల నుంచి తెలంగాణలోని ఆదిలాబాద్ అడవుల్లోకి పులుల కదలికలు పెరిగాయి. భీంపూర్ మండలం అర్లి గ్రామంలో వ్యవసాయ పొలాల్లో పులి కనిపించగా.. మరో పులి కాగజ్‌నగర్ అటవీ డివిజన్‌లో అడుగుజాడల ద్వారా గుర్తించారు.

ఆదిలాబాద్‌ జిల్లాలో సైబర్‌ మోసాలపై ఎస్పీ అఖిల్‌ మహాజన్‌ హెచ్చరించారు. ఏపీకే ఫైళ్లు, తెలియని లింకులు, లోన్‌, వర్క్‌ ఫ్రం హోం, ఓటీపీ మోసాల పట్ల అప్రమత్తంగా ఉండాలని సూచించారు. ఈ వారంలో 38 సైబర్‌ క్రైమ్‌ ఫిర్యాదులు నమోదయ్యాయి.

ఒడిశాలోని నైనీ బొగ్గు బ్లాక్ నుంచి 4 వేల టన్నుల G-10 గ్రేడ్ బొగ్గుతో 59 వ్యాగన్ల తొలి రైలు 1,131 కి.మీ. ప్రయాణించి తెలంగాణలోని సింగరేణి థర్మల్ పవర్ ప్లాంట్‌కు చేరుకుంది. రాష్ట్ర ఇంధన భద్రతలో ఇది కీలక మైలురాయిగా ప్రభుత్వం పేర్కొంది.

తెలంగాణలో పలు జిల్లాల్లో భారీ వర్షాలు కురిసే అవకాశం ఉందని వాతావరణ శాఖ హెచ్చరించింది. హైదరాబాద్‌తో పాటు 11 జిల్లాలకు ఎల్లో అలర్ట్ జారీ చేయగా, గంటకు 30 నుంచి 40 కిలోమీటర్ల వేగంతో ఈదురుగాలులు వీచే అవకాశం ఉందని తెలిపింది.

ఆధార్, ఓటర్‌ ఐడీ పాన్‌కార్డులతో నకిలీ జనన, మరణ ధ్రువపత్రాలను తయారుచేస్తున్న ముఠా గుట్టురట్టయ్యింది. ఆదిలాబాద్‌లో ఈ ముఠాకు చెందిన ఐదుగురిని పోలీసులు అరెస్టు చేశారు. మరో నిందితుడు పరారీలో ఉన్నాడు.

సింగరేణి సంస్థకు కేటాయించిన తాడిచర్ల బ్లాక్-2తో పాటు ఆర్‌కేపీ మైన్స్‌కు పెండింగ్‌లో ఉన్న పర్యావరణ అనుమతులను త్వరితగతిన మంజూరు చేయాలని తెలంగాణ శక్తి (కార్మిక, ఉపాధి, శిక్షణ&ఫ్యాక్టరీస్) మరియు గనుల శాఖ మంత్రి డా. జి. వివేక్ వెంకటస్వామి, పెద్దపల్లి ఎంపీ గడ్డం వంశీకృష్ణ కేంద్ర పర్యావరణ, అటవీ మరియు వాతావరణ మార్పుల శాఖ మంత్రి భూపేంద్ర యాదవ్‌ను కోరారు.

తెలంగాణ గనులు మరియు కార్మిక శాఖ మంత్రి డా. జి. వివేక్ వెంకటస్వామి, పెద్దపల్లి పార్లమెంట్ సభ్యుడు గడ్డం వంశీకృష్ణ, న్యూఢిల్లీలో కేంద్ర బొగ్గు, గనుల శాఖ మంత్రి జి. కిషన్ రెడ్డిని కలిసి తాడిచెర్ల-2 బొగ్గు గని ప్రాజెక్టు పనులను వేగవంతం చేయాలని కోరారు. స్థానిక యువతకు కనీసం 1000 ఉద్యోగాలు కల్పించడంతో పాటు సింగరేణి పదవీ విరమణ పొందిన కార్మికులకు కనీస నెలవారీ పెన్షన్ ₹10,000 అందేలా చర్యలు తీసుకోవాలని విజ్ఞప్తి చేశారు.

ఉత్తర తెలంగాణ అభివృద్ధికి తెలంగాణ ప్రభుత్వం మరో కీలక అడుగు వేసింది. ఆదిలాబాద్‌లో జాయింట్ యూజర్ ఎయిర్‌ఫీల్డ్ ఏర్పాటుకు రూ.2,278.14 కోట్ల పరిపాలనా అనుమతులు మంజూరు చేసింది. ఈ ప్రాజెక్టు పూర్తయితే పారిశ్రామికాభివృద్ధి, కార్గో రవాణా, పర్యాటకం, రక్షణ రంగాలతో పాటు వేలాది మంది యువతకు ఉపాధి అవకాశాలు లభించే అవకాశం ఉందని రాష్ట్ర రోడ్లు, భవనాలు, సినిమాటోగ్రఫీ శాఖ మంత్రి కోమటిరెడ్డి వెంకట్ రెడ్డి తెలిపారు.

బైండోవర్ నిబంధనలను ఉల్లంఘించి మళ్లీ మట్కా నిర్వహణకు పాల్పడిన వ్యక్తికి రూ.15 వేల జరిమానా విధించారు. ఆదిలాబాద్ వన్‌టౌన్ పోలీసుల నివేదిక ఆధారంగా అర్బన్ తహసీల్దార్ ఈ చర్యలు తీసుకున్నారు.