Jangaon

కాంగ్రెస్ ప్రభుత్వం 1000 రోజుల పాలనలో ఇచ్చిన హామీలను అమలు చేయడంలో విఫలమైందని మాజీ మంత్రి, బీఆర్‌ఎస్‌ నేత ఎర్రబెల్లి దయాకర్ రావు ఆరోపించారు. జనగామ జిల్లా పాలకుర్తి నియోజకవర్గ కేంద్రంలో బీఆర్‌ఎస్‌ ఆధ్వర్యంలో నిర్వహించిన నిరసన కార్యక్రమంలో పాల్గొన్న ఆయన.. ప్రజలకు ఇచ్చిన హామీలను వెంటనే అమలు చేయాలని డిమాండ్ చేశారు.

పాలిటెక్నిక్ విద్యార్థుల్లో నెలకొన్న భయాందోళనలను ప్రభుత్వం నివృత్తి చేయాలని, వెంటనే జీవో 97ను రద్దు చేయాలని ఎమ్మెల్యే కడియం శ్రీహరి కోరారు. పాలిటెక్నిక్ విద్యను టెక్నికల్, ఇంజినీరింగ్ ఎడ్యుకేషన్ పరిధిలోనే కొనసాగించాలని ముఖ్యమంత్రి రేవంత్‌రెడ్డికి విజ్ఞప్తి చేశారు.

దేవరుప్పుల, కొడకండ్ల మండలాలకు సాగునీరు విడుదల చేయాలని డిమాండ్ చేస్తూ మాజీ మంత్రి ఎర్రబెల్లి దయాకర్‌రావు చేపట్టిన కాలువ బాట ఉద్రిక్తంగా మారింది. సింగరాజుపల్లి గ్రామంలో ధర్నాకు దిగిన ఎర్రబెల్లిని పోలీసులు అరెస్ట్ చేసి దేవరుప్పుల పోలీస్ స్టేషన్‌కు తరలించారు.

నర్సంపేటలో ప్రెస్‌మీట్‌కు హాజరయ్యేందుకు హైదరాబాద్‌ నుంచి బయలుదేరిన మాజీ మంత్రి ఎర్రబెల్లి దయాకర్ రావును జనగామ పోలీసులు అరెస్ట్ చేశారు. అనంతరం పోలీస్ స్టేషన్‌ నుంచి విడుదలైన ఆయన.. రాష్ట్రంలో అరాచక పాలన కొనసాగుతోందని ఆరోపించారు. కాంగ్రెస్ ప్రభుత్వంపై, సీఎం రేవంత్ రెడ్డిపై తీవ్ర విమర్శలు చేశారు.

సర్దార్ సర్వాయి పాపన్న గౌడ్‌ 376వ జయంతిని పురస్కరించుకొని జనగామ జిల్లా చిల్పూర్ మండలం చిన్నపెండ్యాల గ్రామంలో ఆయన విగ్రహానికి ఎమ్మెల్యే కడియం శ్రీహరి పూలమాల వేసి ఘన నివాళులర్పించారు. బడుగు, బలహీన వర్గాల సమానత్వం కోసం పాపన్న గౌడ్‌ చేసిన పోరాటం నేటి యువతకు ఆదర్శమని పేర్కొన్నారు.

ఏళ్లుగా ఎదురుచూస్తున్న చిన్నమాడూరు–రంభోజిగుడెం ఉన్నతస్థాయి వంతెన ప్రారంభమైంది. ఎమ్మెల్యే యశస్విని రెడ్డి చేతుల మీదుగా వంతెనను ప్రారంభించడంతో స్థానిక ప్రజలకు రాకపోకలు మరింత సులభం కానున్నాయి.