Nizamabad విభాగానికి సంబంధించిన తాజా వార్తలు మరియు కథనాలు.
నిజామాబాద్ జిల్లా నవీపేట్ మండలం జన్నేపల్లి గ్రామంలో విషాదం చోటుచేసుకుంది. వాగులోకి దూకిన చెల్లిని కాపాడేందుకు వెళ్లిన అన్న కూడా నీటి ఉధృతికి గల్లంతయ్యాడు. గజ ఈతగాళ్లతో గాలింపు చేపట్టగా అన్నాచెల్లెళ్ల మృతదేహాలు లభ్యమయ్యాయి.
కాంగ్రెస్‌తో తాను ఎలాంటి మంతనాలు చేయలేదని మాజీ మంత్రి, బాల్కొండ ఎమ్మెల్యే వేముల ప్రశాంత్‌రెడ్డి స్పష్టం చేశారు. లక్ష్మీనరసింహస్వామి ఆలయంలో ఉండి ఈ మాట చెబుతున్నానని పేర్కొన్న ఆయన.. ఇదే విషయాన్ని కవిత చెప్పగలరా? అని ప్రశ్నించారు. కష్టకాలంలో కేసీఆర్ వెంట ఉన్నది తానేనని, కవిత కాదని వ్యాఖ్యానిస్తూ ఆమె విమర్శలకు ఘాటుగా కౌంటర్ ఇచ్చారు.
నిజామాబాద్‌లో నిర్వహించిన పాంచజన్య సంకల్ప సభలో తెలంగాణ రక్షణ సేన పార్టీ అధ్యక్షురాలు కల్వకుంట్ల కవిత బీఆర్‌ఎస్‌ మాజీ మంత్రి వేముల ప్రశాంత్‌ రెడ్డిపై తీవ్రస్థాయిలో విమర్శలు చేశారు. కేసీఆర్ పెద్ద కొడుకుగా చెప్పుకునే ప్రశాంత్‌ రెడ్డి మహాభారతంలోని శకుని లాంటి వ్యక్తి అని వ్యాఖ్యానించారు. తన జీవితంలో హరీశ్ రావు, సంతోశ్‌ కుమార్‌ను క్షమించినా ప్రశాంత్‌ రెడ్డిని మాత్రం క్షమించబోనని స్పష్టం చేశారు.
గల్ఫ్ దేశం బహ్రెయిన్‌లో కష్టాల్లో ఉన్న తెలంగాణ ప్రవాసులకు అండగా నిలుస్తూ నిస్వార్థ సేవలు అందిస్తున్న సమాజ సేవకుడు కోటగిరి నవీన్ కుమార్‌కు రాష్ట్రస్థాయిలో గుర్తింపు లభించింది.
టీపీసీసీ అధ్యక్షుడు, ఎమ్మెల్సీ మహేష్ కుమార్ గౌడ్ మాజీ మంత్రి హరీశ్ రావుపై మరోసారి విమర్శలు గుప్పించారు. హరీశ్ రావు క్షుద్రపూజలు చేశారనే సమాచారం ఉందని తాము చెప్పినందుకే తనతో పాటు కాంగ్రెస్ నాయకులకు లీగల్ నోటీసులు పంపారని అన్నారు. నోటీసులతో భయపడే ప్రసక్తే లేదని స్పష్టం చేస్తూ, క్షుద్రపూజలకు ప్రసిద్ధి చెందిన దేవాలయాలను ఎందుకు సందర్శించారో హరీశ్ రావు ప్రజలకు వివరణ ఇవ్వాలని డిమాండ్ చేశారు.
తెలంగాణలో పలు జిల్లాల్లో భారీ వర్షాలు కురిసే అవకాశం ఉందని వాతావరణ శాఖ హెచ్చరించింది. హైదరాబాద్‌తో పాటు 11 జిల్లాలకు ఎల్లో అలర్ట్ జారీ చేయగా, గంటకు 30 నుంచి 40 కిలోమీటర్ల వేగంతో ఈదురుగాలులు వీచే అవకాశం ఉందని తెలిపింది.
నిజామాబాద్ పోలీస్ కమిషనరేట్ పరిధిలో ఆగస్టు 1 నుంచి 15 వరకు పలు కీలక నిబంధనలు అమల్లో ఉంటాయని పోలీస్ కమిషనర్ పి.సాయి చైతన్య తెలిపారు. రాత్రి 10 గంటల నుంచి ఉదయం 6 గంటల వరకు డీజేలపై నిషేధం, డ్రోన్ల వినియోగానికి ముందస్తు అనుమతి, సభలు, ఊరేగింపులకు ప్రత్యేక నిబంధనలు విధించారు. బహిరంగ ప్రదేశాల్లో మద్యం సేవించడాన్ని నిషేధించడంతో పాటు నకిలీ గల్ఫ్ ఏజెంట్ల విషయంలో అప్రమత్తంగా ఉండాలని సూచించారు. ‘A’ సర్టిఫికెట్ సినిమాలకు మైనర్లను అనుమతించరాదని థియేటర్లకు ఆదేశించారు. నిబంధనలు ఉల్లంఘిస్తే చట్టపరమైన చర్యలు తీసుకుంటామని హెచ్చరించారు.
గోదావరి పుష్కరాలు-2027ను విజయవంతంగా నిర్వహించేందుకు ఇప్పటి నుంచే పటిష్ట కార్యాచరణ ప్రణాళిక రూపొందించాలని నిజామాబాద్ పోలీస్ కమిషనర్ పి. సాయి చైతన్య అధికారులను ఆదేశించారు. భక్తుల భద్రత, ట్రాఫిక్, సీసీ కెమెరాలు, అత్యవసర సేవలపై ప్రత్యేక దృష్టి సారించాలని సూచించారు.
జిల్లాలో డ్రగ్స్ నిర్మూలన, ట్రాఫిక్ నియంత్రణ, మహిళల భద్రత, ఎన్నారై సమస్యల పరిష్కారంలో ప్రతి ఒక్కరూ భాగస్వాములు కావాలని నిజామాబాద్ పోలీస్ కమిషనర్ పి. సాయి చైతన్య పిలుపునిచ్చారు.