వార్తలు వెతకండి
Search across news articles, policy updates, and press briefings.
9 మంది స్టార్ డైరెక్టర్ల చేతుల మీదుగా శ్రీవిష్ణు ‘కామ్రేడ్ కల్యాణ్’ ట్రైలర్ రిలీజ్!
విభిన్న కథలను ఎంచుకుంటూ తనకంటూ ప్రత్యేక గుర్తింపు తెచ్చుకున్న హీరో శ్రీవిష్ణు నటిస్తున్న తాజా చిత్రం ‘కామ్రేడ్ కల్యాణ్’. జానకిరామ్ మారెళ్ల దర్శకత్వంలో తెరకెక్కుతున్న ఈ సినిమా థియేట్రికల్ ట్రైలర్‌ను టాలీవుడ్‌కు చెందిన తొమ్మిది మంది ప్రముఖ దర్శకులు కలిసి విడుదల చేశారు. కామెడీ, ఎంటర్‌టైన్‌మెంట్‌తో రూపొందిన ట్రైలర్ సినిమాపై ఆసక్తిని మరింత పెంచుతోంది.
మాజీ మావోయిస్టులకు కవిత ఆహ్వానం.. ‘మా పార్టీలో చేరండి’
తెలంగాణ రక్షణ సేన అధ్యక్షురాలు కల్వకుంట్ల కవిత వేములవాడలో పర్యటించారు. జనజీవన స్రవంతిలోకి వచ్చిన మాజీ మావోయిస్టులు ప్రజాసేవలోకి రావాలని, తమ పార్టీలో చేరి ప్రజల కోసం పనిచేయాలని ఆమె ఆహ్వానించారు. మరోవైపు వేములవాడ రాజన్న ఆలయ అభివృద్ధి పనులను పరిశీలించిన కవిత ఆలయ పునర్నిర్మాణంలో కాంక్రీట్‌ వినియోగాన్ని వ్యతిరేకించారు.
శ్రీవారి నవరాత్రి బ్రహ్మోత్సవాలు..రూ.300 ప్రత్యేక ప్రవేశ దర్శనం టికెట్లు అక్టోబర్ 7న ఆన్‌లైన్‌లో విడుదల
తిరుమల శ్రీవారి నవరాత్రి బ్రహ్మోత్సవాల నేపథ్యంలో టీటీడీ కీలక నిర్ణయం తీసుకుంది. అక్టోబర్ 11 నుంచి 20వ తేదీ వరకు వీఐపీ బ్రేక్‌ దర్శనాలతో పాటు పలు ప్రివిలేజ్డ్‌ దర్శనాలను రద్దు చేసింది. భక్తుల రద్దీని దృష్టిలో ఉంచుకుని ఈ నిర్ణయం తీసుకున్నట్లు టీటీడీ వెల్లడించింది. ఇదే సమయంలో కొన్ని తేదీలకు సంబంధించిన రూ.300 ప్రత్యేక ప్రవేశ దర్శనం టికెట్లను అక్టోబర్ 7న ఆన్‌లైన్‌లో విడుదల చేయనుంది.
బీఆర్ఎస్ అధికార ప్రతినిధి మన్నె క్రిశాంక్ అరెస్ట్
బీఆర్ఎస్ పార్టీ అధికార ప్రతినిధి మన్నె క్రిశాంక్‌ను హైదరాబాద్ గోపాలపురం పోలీసులు అరెస్ట్ చేశారు. సీఎం రేవంత్ రెడ్డి కుటుంబానికి చెందిన వ్యాపారాలు, ఆర్థిక వ్యవహారాలపై తప్పుడు ఆరోపణలు చేశారంటూ కాంగ్రెస్ నేత మెట్టు సాయి కుమార్ ఇచ్చిన ఫిర్యాదు ఆధారంగా నమోదైన కేసులో ఈ అరెస్ట్ జరిగింది. క్రిశాంక్‌తో పాటు ఎంఆర్ మీడియా తెలంగాణ, మరికొందరిని కూడా ఈ కేసులో నిందితులుగా పోలీసులు పేర్కొన్నారు.
బన్నీ, చెర్రీలకు నో.. మహేశ్‌తో లోకేష్‌ కనగరాజ్‌ మూవీ?
తమిళ స్టార్ డైరెక్టర్ లోకేష్‌ కనగరాజ్‌ నెక్స్ట్‌ ప్రాజెక్ట్‌పై ఆసక్తికరమైన వార్తలు వినిపిస్తున్నాయి. అల్లు అర్జున్‌, రామ్‌చరణ్‌తో అనుకున్న ప్రాజెక్టులు ప్రస్తుతానికి ముందుకు వెళ్లకపోవడంతో లోకేష్‌ ఇప్పుడు మహేశ్ బాబుతో సినిమా చేసేందుకు సిద్ధమవుతున్నట్టు సమాచారం. మైత్రీ మూవీ మేకర్స్ ఈ క్రేజీ కాంబినేషన్‌ను సెట్‌ చేస్తున్నట్టు టాక్ వినిపిస్తోంది.
తెలంగాణలో కరెంట్ బిల్లులు పెరగనున్నాయి..నవంబర్‌ నుంచి కొత్త ఛార్జీలు
తెలంగాణ విద్యుత్ వినియోగదారులపై అదనపు భారం పడనుంది. గత ఆర్థిక సంవత్సరాల్లో విద్యుత్ కొనుగోలు వ్యయం, ఆదాయ లోటును సర్దుబాటు చేసేందుకు రూ.5,420.23 కోట్ల ట్రూఅప్ ఛార్జీలను వ్యవసాయేతర వినియోగదారుల నుంచి వసూలు చేసేందుకు తెలంగాణ విద్యుత్ నియంత్రణ మండలి (టీజీఈఆర్‌సీ) డిస్కంలకు అనుమతి ఇచ్చింది. నవంబర్‌లో యూనిట్‌కు 30 పైసలు, డిసెంబర్‌ నుంచి యూనిట్‌కు 50 పైసల చొప్పున అదనపు ఛార్జీలు వసూలు చేయనున్నారు.
మూడేళ్ల ప్రేమ..మూడు అబార్షన్లు.. మున్సిపల్ ఛైర్మన్ కుమారుడిపై యువతి ఆరోపణలు
వరంగల్ జిల్లా వర్ధన్నపేటలో మున్సిపల్ ఛైర్మన్ పాలకుర్తి సారంగపాణి ఇంటి ముందు ఓ యువతి ఆందోళనకు దిగింది. ఛైర్మన్ కుమారుడు శ్రీకాంత్ ప్రేమ పేరుతో తనను నమ్మించి మోసం చేశాడని, పెళ్లి చేసుకుంటానని చెప్పి శారీరకంగా దగ్గరై, గర్భం దాల్చిన సందర్భాల్లో అబార్షన్ చేయించారని ఆమె ఆరోపించింది. తనకు న్యాయం చేయాలని డిమాండ్ చేసింది. యువతికి బీజేపీ, బీఆర్ఎస్ నాయకులు, స్థానికులు సంఘీభావం తెలిపారు.
తల వెనకాల పగులు.. చూపు ఇంకా పూర్తిగా రాలేదు..అయినా వెనక్కి తగ్గని పైలట్ స్మిత్ మచ్చర్
ఫ్లైదుబాయ్ విమానంలో కోపైలట్ గొడ్డలితో చేసిన దాడిలో తీవ్రంగా గాయపడినా.. విమానాన్ని అదుపులో ఉంచి 174 మంది ప్రయాణికుల ప్రాణాలను కాపాడిన భారతీయ పైలట్ కెప్టెన్ స్మిత్ మచ్చార్‌కు పుర్రెలో తీవ్ర ఫ్రాక్చర్ అయినట్లు వైద్యులు వెల్లడించారు. ప్రస్తుతం అబుధాబిలో చికిత్స పొందుతున్న ఆయన వేగంగా కోలుకుంటున్నారని తెలిపారు.
ప్రపంచంలోనే లోతైన మెట్రో స్టేషన్ ఇదే..ఇక్కడ ప్రయాణం ఓ సాహసమే!
చైనాలోని చోంగ్‌కింగ్ నగరం మరోసారి తన ప్రత్యేక భౌగోళిక నిర్మాణంతో ప్రపంచం దృష్టిని ఆకర్షిస్తోంది. ఇక్కడి హాంగ్‌యాన్‌కున్ మెట్రో స్టేషన్ భూమి ఉపరితలం నుంచి ఏకంగా 116 మీటర్ల లోతులో నిర్మితమై ప్రపంచంలోనే అత్యంత లోతైన మెట్రో స్టేషన్‌గా రికార్డు సృష్టించింది. స్టేషన్‌లోని ప్లాట్‌ఫామ్‌కు చేరుకోవాలంటే ప్రయాణికులు వరుసగా దాదాపు 10 ఎస్కలేటర్లను దాటాల్సి ఉంటుంది.
ఈసీపై విపక్షాల సమరం.. రాహుల్, ప్రియాంకను అదుపులోకి తీసుకున్న పోలీసులు
సీఈసీ జ్ఞానేశ్ కుమార్ రాజీనామా చేయాలంటూ విపక్షాలు చేపట్టిన ఆందోళనలు తీవ్రరూపం దాల్చాయి. ఢిల్లీలోని ఎన్నికల సంఘం ప్రధాన కార్యాలయం ‘నిర్వచన్ సదన్’కు ర్యాలీగా బయలుదేరిన కాంగ్రెస్ నేతలు రాహుల్ గాంధీ, ప్రియాంక గాంధీ సహా పలువురు నేతలను పోలీసులు అడ్డుకున్నారు. ఈ సందర్భంగా రాహుల్ గాంధీ బారికేడ్ ఎక్కి జాతీయ జెండాతో నిరసన తెలిపారు. అనంతరం రాహుల్, ప్రియాంకను పోలీసులు అదుపులోకి తీసుకున్నారు.
6 స్థానాలకు ఉప ఎన్నికలు: బెంగాల్ నుంచి తమిళనాడు వరకు.. ఎవరి బలమెంతో తేల్చే పరీక్ష!
దేశంలోని మూడు రాష్ట్రాలు, ఒక కేంద్రపాలిత ప్రాంతంలో ఆరు స్థానాలకు ఉప ఎన్నికల పోలింగ్ జరుగుతుంది. పశ్చిమ బెంగాల్‌లో రెండు అసెంబ్లీ స్థానాలు, తమిళనాడులో రెండు, పుదుచ్చేరిలో ఒక అసెంబ్లీ స్థానం, అస్సాంలో ఒక లోక్‌సభ స్థానానికి మంగళవారం (అక్టోబర్ 6) ఉదయం 7 గంటలకు పోలింగ్ మొదలైంది. అక్టోబర్ 9న ఓట్ల లెక్కింపు జరగనుంది. అధికార పార్టీలకు కీలక పరీక్షగా మారిన ఈ ఉప ఎన్నికలపై దేశవ్యాప్తంగా ఆసక్తి నెలకొంది.
ప్రతీకారం కోసమే..9/11 తరహాలో విమానంతో దాడి.. విచారణలో ఫ్లైదుబాయ్ కో-పైలట్ సంచలన వెల్లడి!
ఫ్లైదుబాయ్ విమానాన్ని కూల్చేందుకు ప్రయత్నించినట్లు ఆరోపణలు ఎదుర్కొంటున్న ఒమన్ జాతీయుడు, కో పైలట్ హమామ్ అల్-హమ్మామి విచారణలో కీలక విషయాలు వెల్లడించినట్లు మీడియా నివేదికలు చెబుతున్నాయి. ఫ్లైదుబాయ్‌లో చేరకముందే దాడికి ప్రణాళిక రచించినట్లు, గాజాపై దాడులకు ప్రతీకారంగా ఈ చర్యకు పాల్పడాలని భావించినట్లు దర్యాప్తు అధికారులకు చెప్పినట్లు సమాచారం.
క్షుద్రపూజల కోసం వరుస హత్యలు.. నిద్రిస్తున్న వారే టార్గెట్‌!
పల్నాడు జిల్లాలో క్షుద్రపూజల పేరుతో ఇద్దరిని హత్య చేసినట్లు ఆరోపణలు ఎదుర్కొంటున్న నిందితుడిని పోలీసులు అరెస్ట్ చేశారు. నరసరావుపేటకు చెందిన నిఖిల్‌.. నిద్రిస్తున్న వారిని బండరాయితో హత్య చేసి, మృతదేహం నుంచి కొన్ని శరీర భాగాలను తీసుకెళ్లినట్లు పోలీసులు గుర్తించారు. ఈ కేసు దర్యాప్తులో 2018లో జరిగిన మరో హత్యలోనూ నిఖిల్‌ ప్రమేయం ఉన్నట్లు వెలుగులోకి వచ్చింది. సీసీటీవీ, సాంకేతిక ఆధారాలతో నిందితుడిని గుర్తించిన పోలీసులు రిమాండ్‌కు తరలించారు.
పాత పరిచయం పేరుతో వేధింపులు.. వివాహితపై కానిస్టేబుల్ లైంగిక దాడి, వీడియోలతో బెదిరింపులు
పదో తరగతిలో ఏర్పడిన పరిచయం ఓ వివాహితకు తీవ్ర విషాదాన్ని మిగిల్చింది. పాత పరిచయంతో ఆమెతో తరచూ మాట్లాడిన ఓ కానిస్టేబుల్ కరీంనగర్‌లో ఆమెపై లైంగిక దాడికి పాల్పడి, రహస్యంగా వీడియోలు చిత్రీకరించినట్లు ఆరోపణలు వచ్చాయి. ఆ వీడియోలను అడ్డుపెట్టుకుని బెదిరింపులకు పాల్పడి రూ.1.30 లక్షలు తీసుకున్నాడని బాధితురాలు ఫిర్యాదు చేసింది. చివరకు వీడియోలను భర్తకు పంపడంతో ఆమె కాపురం కూడా దెబ్బతింది.
ఫ్లైదుబాయ్‌ను కూల్చేందుకు ఇజ్రాయెల్ ప్లాన్!
ఫ్లైదుబాయ్ విమానంలో చోటుచేసుకున్న హైజాక్ ప్రయత్నం అంతర్జాతీయంగా తీవ్ర కలకలం రేపింది. విమానం టెల్ అవీవ్ వైపు దూసుకొస్తుండటంతో ఇజ్రాయెల్ అప్రమత్తమైందని, అవసరమైతే విమానాన్ని కూల్చివేయాలని కూడా ఒక దశలో నిర్ణయించినట్టు అమెరికా మీడియా కథనాలు వెల్లడించాయి. అయితే ప్రయాణికులు నిందితుడిని అదుపులోకి తీసుకోవడంతో పాటు విమానం సౌదీ వైపు మళ్లడంతో ఇజ్రాయెల్ ఆ నిర్ణయం నుంచి వెనక్కి తగ్గినట్టు సమాచారం.
‘ఫేక్ గాంధీ’.. కాంగ్రెస్‌పై కేటీఆర్ సంచలన వ్యాఖ్యలు
బీఆర్ఎస్ నేత మన్నె క్రిశాంక్‌పై ఎఫ్ఐఆర్ నమోదవడంపై ఆ పార్టీ వర్కింగ్‌ ప్రెసిడెంట్‌ కేటీఆర్ తీవ్రంగా స్పందించారు. కాంగ్రెస్ ప్రభుత్వ అవినీతి, అక్రమాలను ప్రశ్నిస్తున్నందుకే కేసులు పెడుతున్నారని ఆరోపించిన ఆయన.. ఎన్ని కేసులు పెట్టినా కాంగ్రెస్ నేతల అవినీతిని బట్టబయలు చేస్తూనే ఉంటామని స్పష్టం చేశారు.
వయలెన్స్.. హీరోయిజం.. ఎలివేషన్స్.. రజనీకాంత్ జైలర్ 2 ట్రైలర్ రిలీజ్
సూపర్‌స్టార్ రజనీకాంత్ హీరోగా నెల్సన్ దిలీప్‌కుమార్ దర్శకత్వంలో తెరకెక్కుతున్న ‘జైలర్ 2’ ట్రైలర్ విడుదలైంది. ముత్తువేల్ పాండియన్‌గా రజనీకాంత్ మరోసారి మాస్ అవతార్‌లో కనిపించనున్నారు. యాక్షన్, వయలెన్స్, పవర్‌ఫుల్ డైలాగ్స్, భారీ ఎలివేషన్స్‌తో ఉన్న ట్రైలర్ సినిమాపై అంచనాలను మరింత పెంచుతోంది. దసరా కానుకగా ఈ సినిమా అక్టోబర్ 15న థియేటర్లలోకి రానుంది.
జ్ఞానేష్ కుమార్ రాజీనామా చేయాలి: హనుమకొండలో ‘ఇండియా’ కూటమి ఆందోళన
కేంద్ర ఎన్నికల సంఘం తీరును నిరసిస్తూ ‘ఇండియా’ కూటమి ఆధ్వర్యంలో హనుమకొండలో భారీ ఆందోళన నిర్వహించారు. ఏఐసీసీ పిలుపు మేరకు అంబేద్కర్ సెంటర్ నుంచి కలెక్టరేట్ వరకు ప్రజాస్వామ్య పరిరక్షణ పాదయాత్ర చేపట్టిన కూటమి నేతలు.. అనంతరం కలెక్టరేట్ ఎదుట నిరసన తెలిపారు. ఎన్నికల సంఘం స్వతంత్రతను కాపాడాలని, కేంద్ర ఎన్నికల ప్రధాన అధికారి జ్ఞానేష్ కుమార్ తక్షణమే రాజీనామా చేయాలని డిమాండ్ చేశారు.
ఫిజియోథెరపీ ఆస్పత్రి తెరవాలంటే రూ.2 లక్షలు లంచం.. చివరికి ఏసీబీ వలకు
రంగారెడ్డి జిల్లా వైద్య ఆరోగ్య శాఖ అధికారిణి (డీఎంహెచ్‌వో) స్వర్ణకుమారి లంచం తీసుకుంటూ అవినీతి నిరోధక శాఖ (ఏసీబీ) అధికారులకు పట్టుబడ్డారు. ఎల్బీనగర్‌లో లైసెన్స్ లేదంటూ మూసివేసిన ఫిజియోథెరపీ ఆస్పత్రిని తిరిగి తెరవడానికి రూ.2 లక్షలు డిమాండ్ చేసినట్లు ఫిర్యాదు అందడంతో ఏసీబీ అధికారులు పథకం ప్రకారం దాడి నిర్వహించారు. ఈ వ్యవహారంలో డీఎంహెచ్‌వోతో పాటు హెల్త్ ఇన్‌స్పెక్టర్, డ్రైవర్ పాత్రపై దర్యాప్తు చేపట్టారు.
శివలింగాన్ని చుట్టూ ప్రదక్షిణలు.. మూడు నాగుపాముల అరుదైన దర్శనం
ఆంధ్రప్రదేశ్‌లోని నెల్లూరు జిల్లాలో ఓ శివాలయంలో సోమవారం అరుదైన దృశ్యం భక్తులను ఆశ్చర్యానికి గురిచేసింది. ఒకటి కాదు.. ఏకంగా మూడు నాగుపాములు శివలింగం చుట్టూ తిరుగుతూ, అనంతరం దాని ముందు పడగవిప్పి నిలబడటం కనిపించింది. భక్తులు ఈ దృశ్యాలను తమ ఫోన్లలో చిత్రీకరించడంతో వీడియోలు సోషల్ మీడియాలో వైరల్‌గా మారాయి.
రీల్స్ చేయొద్దన్న భర్త.. తీవ్ర నిర్ణయం తీసుకున్న భార్య
సోషల్ మీడియా రీల్స్ విషయంలో భార్యాభర్తల మధ్య తలెత్తిన విభేదాలు విషాదానికి దారితీశాయి. రీల్స్ చేయొద్దని భర్త వారించడంతో మనస్తాపానికి గురైన 35 ఏళ్ల వివాహిత గజ్వేల్‌లో ఆత్మహత్యకు పాల్పడినట్లు పోలీసులు తెలిపారు. 11 ఏళ్ల వైవాహిక బంధం, ఇద్దరు పిల్లలున్న కుటుంబంలో ఈ ఘటన తీవ్ర విషాదాన్ని నింపింది.
పైలట్‌ను హతమార్చి విమానాన్ని కూల్చేయాలని ప్లాన్.. ఫ్లైదుబాయ్ ఘటనలో షాకింగ్ వివరాలు
దుబాయ్ నుంచి ఇజ్రాయెల్‌కు వెళ్తున్న ఫ్లైదుబాయ్ విమానంలో చోటుచేసుకున్న ఘటనపై దర్యాప్తులో సంచలన విషయాలు వెలుగులోకి వచ్చినట్టు హీబ్రూ మీడియా కథనాలు వెల్లడించాయి. పైలట్‌ను హతమార్చిన తర్వాత విమానాన్ని బెన్ గురియన్ విమానాశ్రయంలోని భవనం లేదా జెట్‌పై ఢీకొట్టాలని కో-పైలట్ హమామ్ అల్-హమ్మామి భావించినట్టు దర్యాప్తు అధికారులకు వెల్లడించినట్లు సమాచారం.
పొలం ఉంది.. ఇల్లు ఉంది.. అయినా పెళ్లి కావడం లేదు..ఓ యువరైతు ఆవేదన
కర్ణాటకలో ఓ యువరైతు చేసిన విజ్ఞప్తి ఇప్పుడు సోషల్ మీడియాలో వైరల్‌గా మారింది. గ్రామీణ ప్రాంతాల్లో ఆస్తులు, పొలాలు ఉండి కష్టపడి వ్యవసాయం చేస్తున్న యువకులకు పెళ్లిళ్లు కావడం లేదని ఆయన డిప్యూటీ సీఎం డీకే శివకుమార్‌కు ఫిర్యాదు చేశారు. ఈ సమస్యను ప్రభుత్వం సీరియస్‌గా తీసుకుని పరిష్కరించాలని, కాంగ్రెస్ ప్రభుత్వం అమలు చేస్తున్న ఐదు గ్యారంటీల తరహాలో దీనినీ ‘ఆరో గ్యారంటీ’గా పరిగణించాలని కోరారు.
వెంకటేశ్ అభిమానులకు షాక్.. ‘ఆదర్శ కుటుంబం’ రిలీజ్ వాయిదా!
విక్టరీ వెంకటేశ్, మాటల మాంత్రికుడు త్రివిక్రమ్ శ్రీనివాస్ కాంబినేషన్‌లో తెరకెక్కుతున్న ‘ఆదర్శ కుటుంబం’ సినిమా విడుదల వాయిదా పడింది. ముందుగా ప్రకటించిన ప్రకారం అక్టోబర్ 9న థియేటర్లలోకి రావాల్సిన ఈ చిత్రాన్ని తుది దశ పనులు పూర్తి కాకపోవడంతో వాయిదా వేసినట్లు నిర్మాత నాగవంశీ వెల్లడించారు. నాణ్యత విషయంలో రాజీ పడకూడదనే ఈ నిర్ణయం తీసుకున్నట్లు ఆయన తెలిపారు.
చిరంజీవి–బాలకృష్ణ కాంబోపై బోయపాటి కీలక వ్యాఖ్యలు.. సినిమా పక్కా?
మెగాస్టార్ చిరంజీవి, నందమూరి బాలకృష్ణ కాంబినేషన్‌లో సినిమా వస్తే అది టాలీవుడ్‌లోనే బిగ్గెస్ట్ మల్టీస్టారర్‌గా నిలిచే అవకాశం ఉంది. ఈ ఇద్దరు అగ్ర హీరోలను ఒకే ఫ్రేమ్‌లో చూపించాలని తాను కోరుకుంటున్నట్లు మాస్ డైరెక్టర్ బోయపాటి శ్రీను తెలిపారు. అవకాశం వస్తే అంతకంటే అదృష్టం మరొకటి ఉండదని ఆయన ఆసక్తికర వ్యాఖ్యలు చేశారు.
మద్యం, జల్సాలకు డబ్బులు ఇవ్వలేదని తల్లి ఇంటిని తగలబెట్టిన కొడుకు
మద్యం, మత్తు పదార్థాలకు బానిసైన ఓ యువకుడు డబ్బులు ఇవ్వలేదన్న కోపంతో కన్నతల్లి నివసిస్తున్న ఇంటికే నిప్పుపెట్టాడు. పెట్రోల్ పోసి ఇంటిని దహనం చేయడంతో విలువైన వస్తువులతో పాటు రేషన్ సామాగ్రి పూర్తిగా కాలిపోయింది. ఈ దారుణ ఘటన మెదక్ జిల్లా రామాయంపేట మండలం నస్కల్‌ గ్రామంలో చోటుచేసుకుంది. నిందితుడిని పోలీసులు అరెస్ట్ చేసి రిమాండ్‌కు తరలించారు.
కేటీఆర్‌పై గజ్జెల కాంతం సంచలన ఆరోపణలు.. అమరావతి హోటల్ నుంచి యశోద భూముల వరకు!
కేటీఆర్‌పై టీపీసీసీ ప్రధాన కార్యదర్శి గజ్జెల కాంతం తీవ్రస్థాయిలో ఆరోపణలు చేశారు. అమరావతిలో కేటీఆర్ భార్య శైలిమా పేరుతో భారీగా హోటల్ నిర్మించారంటూ ఆరోపించిన ఆయన యశోద ఆసుపత్రికి ప్రభుత్వ భూముల కేటాయింపు, మెడికోవర్ సంస్థతో సంబంధాలు, సీఎం రేవంత్‌రెడ్డి కుటుంబంపై వస్తున్న ఆరోపణలపై వివరణ ఇచ్చారు. ఆధారాలు ఉంటే బయటపెట్టాలని కేటీఆర్‌కు సవాల్ విసిరారు.
చిరంజీవి–పెద్ది డైరెక్టర్ బుచ్చిబాబు కాంబోలో పాన్ ఇండియా సినిమా.. ఎప్పటి నుంచి అంటే?
రామ్‌చరణ్‌తో ‘పెద్ది’ తెరకెక్కించిన దర్శకుడు బుచ్చిబాబు తన తదుపరి సినిమాను మెగాస్టార్ చిరంజీవితో చేయనున్నట్లు టాలీవుడ్ వర్గాల్లో ప్రచారం జరుగుతోంది. చిరంజీవి కోసం బుచ్చిబాబు రా అండ్ రస్టిక్ నేపథ్యంలో ఓ కథ సిద్ధం చేసినట్లు సమాచారం. ఈ భారీ చిత్రాన్ని మైత్రీ మూవీ మేకర్స్ నిర్మించనున్నట్లు టాక్ వినిపిస్తోంది.
ఢిల్లీలో మహిళల భద్రతపై సుప్రీంకోర్టు సీరియస్.. గూండాల మనసుల్లో భయం పుట్టించాలి
ఢిల్లీ లో వరుస అత్యాచార ఘటనలపై సుప్రీంకోర్టు తీవ్ర ఆందోళన వ్యక్తం చేసింది. మహిళలు, బాలికలపై నేరాలకు పాల్పడే నేరస్థుల మనసుల్లో పోలీసులంటే భయం కలిగేలా పటిష్టమైన పోలీసింగ్ వ్యవస్థను అమలు చేయాలని ఆదేశించింది. నేరం జరిగిన తర్వాత చర్యలు తీసుకోవడం కంటే.. అసలు నేరమే జరగకుండా నిరోధించడమే ముఖ్యమని స్పష్టం చేసింది.
గాంధీజీపై అసభ్యకర రీల్.. మహిళా కంటెంట్ క్రియేటర్ అరెస్ట్
మహాత్మా గాంధీ చిత్రంతో ఉన్న రూ.500 కరెన్సీ నోటును ఉపయోగించి అసభ్యకరంగా రీల్ చేసిన ఆరోపణలపై గుజరాత్‌లోని సూరత్‌కు చెందిన మహిళా కంటెంట్ క్రియేటర్ సిమ్రాన్ పటేల్‌ను పోలీసులు అరెస్ట్ చేశారు. సామాజిక కార్యకర్త ఇచ్చిన ఫిర్యాదుతో ఐటీ చట్టంలోని సెక్షన్ 67 కింద కేసు నమోదు చేశారు.
పోలీసులకే షాకిచ్చిన నిరసనకారిణి..జంతర్ మంతర్ వద్ద బస్సు తాళం చెవితో మహిళ పరార్!
ఢిల్లీలోని జంతర్ మంతర్ వద్ద జరిగిన నిరసనలో ఊహించని పరిణామం చోటుచేసుకుంది. ఆందోళనకారులను తరలించేందుకు సిద్ధమైన పోలీసు బస్సు డ్రైవర్ వద్ద నుంచి ఓ మహిళా కార్యకర్త తాళం చెవిని లాక్కొని బస్సు కదలకుండా అడ్డుకున్నారు. ఈ ఘటనకు సంబంధించిన వీడియో సోషల్ మీడియాలో వైరల్‌గా మారింది.
ఆధార్ సేవల్లో భారీ మార్పులు.. కొత్త వెబ్‌సైట్‌లో కీలక ఫీచర్లు
ఆధార్ సేవలను మరింత సులభతరం చేసేందుకు యూనిక్ ఐడెంటిఫికేషన్ అథారిటీ ఆఫ్ ఇండియా (UIDAI) కీలక మార్పులు చేసింది. ఆధార్ అధికారిక వెబ్‌సైట్‌ను పూర్తిగా పునరుద్ధరించి, వినియోగదారులకు అనుకూలంగా కొత్త ఫీచర్లను అందుబాటులోకి తీసుకొచ్చింది. మరోవైపు రేషన్ పంపిణీలో వేలిముద్రలతో ఎదురవుతున్న ఇబ్బందులకు చెక్ పెట్టేందుకు ఫేస్ ఆథెంటికేషన్‌ సదుపాయాన్ని కూడా అందుబాటులోకి తెచ్చింది.
ఇందిరమ్మ ఇళ్ల లబ్ధిదారులకు బిగ్ అప్‌డేట్..రూ.1 లక్ష చెల్లించకపోతే ఇల్లు రద్దు!..హౌసింగ్ బోర్డు కీలక సూచన
హైదరాబాద్ మహానగర పరిధిలో ఇందిరమ్మ టవర్స్‌ ఇళ్ల కేటాయింపు పొందిన లబ్ధిదారులకు తెలంగాణ హౌసింగ్ బోర్డు కీలక సూచన చేసింది. తొలి ఇన్‌స్టాల్‌మెంట్‌గా చెల్లించాల్సిన రూ.1 లక్ష మొత్తాన్ని చెల్లించేందుకు గడువును అక్టోబర్ 9 వరకు పొడిగించింది. ఈలోగా చెల్లింపు చేయని వారి తాత్కాలిక కేటాయింపులు రద్దయ్యే అవకాశం ఉందని అధికారులు స్పష్టం చేశారు.
నాకు గాడ్‌ఫాదర్లు ఎవరూ లేరు..నేను ఎవరికీ బినామీని కాదు..ఐటీ సోదాలపై రకుల్‌ప్రీత్ సింగ్ క్లారిటీ
హీరోయిన్ రకుల్‌ప్రీత్ సింగ్, ఆమె భర్త వసు భగ్నానీ కార్యాలయాల్లో ఐటీ సోదాలు జరిగాయన్న వార్తలపై రకుల్ స్పందించింది. తాను ఎవరికీ బినామీ కాదని, తనకు కోట్ల విలువైన ఆస్తులను ఎవరూ బహుమతిగా ఇవ్వలేదని స్పష్టం చేసింది. ఎలాంటి ఆధారాలు లేకుండా అసత్య ప్రచారం చేయొద్దని కోరింది.
కేబీఆర్ పార్క్ చుట్టూ ఇక శాశ్వత వన్‌వే.. ఫ్లైఓవర్లపై జీహెచ్‌ఎంసీ కీలక నిర్ణయం
హైదరాబాద్‌లోని కేబీఆర్ పార్క్ చుట్టూ ట్రాఫిక్ సమస్యకు శాశ్వత పరిష్కారం దిశగా జీహెచ్‌ఎంసీ కీలక నిర్ణయం తీసుకుంది. పార్క్ చుట్టూ అమలు చేస్తున్న సింగిల్ వే, ఫ్రీ లెఫ్ట్ విధానాన్ని శాశ్వతంగా కొనసాగించాలని నిర్ణయించింది. ప్రాజెక్టు ప్లానింగ్‌లో మార్పులు చేయడం ద్వారా సుమారు రూ.400 కోట్లు ఆదా చేయనుంది.
శంషాబాద్ ఎయిర్‌పోర్టులో భారీగా బంగారం పట్టివేత.. ప్రయాణికుడి అరెస్ట్
హైదరాబాద్ శంషాబాద్‌లోని రాజీవ్ గాంధీ ఇంటర్నేషనల్ ఎయిర్‌పోర్ట్‌లో కస్టమ్స్ అధికారులు భారీగా బంగారాన్ని స్వాధీనం చేసుకున్నారు. తిరుచిరాపల్లి నుంచి హైదరాబాద్‌కు వచ్చిన ఓ ప్రయాణికుడి వద్ద సుమారు 800 గ్రాముల బంగారాన్ని గుర్తించి సీజ్ చేశారు. దీని విలువ దాదాపు రూ.1.20 కోట్లు ఉంటుందని అధికారులు తెలిపారు.
మేడిపల్లిలో భారీ చోరీ..రూ.2 కోట్ల విలువైన వజ్రాలు మాయం.. షెట్టర్ తొలగించి బంగారం షాపులోకి దుండగులు
మేడ్చల్ జిల్లా మేడిపల్లిలో భారీ చోరీ కలకలం రేపింది. వరంగల్ జాతీయ రహదారిపై ఉన్న ఓ గోల్డ్ షాప్ షెట్టర్ తొలగించి లోపలికి ప్రవేశించిన దుండగులు సుమారు రూ.2 కోట్ల విలువైన వజ్రాలతో పాటు బంగారు ఆభరణాలను అపహరించినట్లు సిబ్బంది తెలిపారు. ఈ ఘటనపై పోలీసులు కేసు నమోదు చేసి దర్యాప్తు చేపట్టారు.
వీసా గడువు ముగిసినా హైదరాబాద్‌లోనే.. 49 మంది విదేశీయులపై పోలీసుల ఉక్కుపాదం
వీసా గడువు ముగిసినా హైదరాబాద్‌లో అక్రమంగా ఉంటున్న విదేశీయులపై పోలీసులు కొరడా ఝుళిపిస్తున్నారు. హైదరాబాద్ సిటీ పోలీస్ స్పెషల్ బ్రాంచ్, FRRO, ఐటీ సెల్, స్థానిక పోలీసులు సంయుక్తంగా నిర్వహిస్తున్న తనిఖీల్లో ఇప్పటివరకు 49 మంది అక్రమ విదేశీయులను గుర్తించారు. వీరిలో 12 మందిని ఇప్పటికే స్వదేశాలకు పంపగా.. మరో 37 మందిని హోల్డింగ్ సెంటర్లలో ఉంచారు. విచారణలో నకిలీ కరెన్సీ, డ్రగ్స్, మోసాలు, అక్రమ కార్యకలాపాలకు సంబంధించిన అంశాలు వెలుగులోకి వచ్చాయి.
తుపాకుల నుంచి కెమెరా ముందుకు.. మాజీ మహిళా మావోయిస్టులకు బాలీవుడ్ ఛాన్స్!
ఒకప్పుడు అడవుల్లో తుపాకులు పట్టిన చేతులు ఇప్పుడు కెమెరా ముందు నటించేందుకు సిద్ధమవుతున్నాయి. హింసను వీడి జనజీవన స్రవంతిలోకి వచ్చిన ఛత్తీస్‌గఢ్‌లోని సుక్మా జిల్లాకు చెందిన తొమ్మిది మంది మాజీ మహిళా మావోయిస్టులకు బాలీవుడ్ సినిమాలో నటించే అవకాశం లభించింది. రాయ్‌పూర్‌లో నిర్వహించిన ఫ్యాషన్ షోలో వారి ఆత్మవిశ్వాసంతో కూడిన ర్యాంప్ వాక్ వైరల్ కావడంతో ఈ అవకాశం వచ్చినట్లు తెలుస్తోంది.
పితృ పక్షంలో గయకే ఎందుకు వెళ్తారు? విష్ణుపాద క్షేత్రం విశిష్టత ఇదే!
పితృ పక్షంలో పూర్వీకులను స్మరించుకుంటూ శ్రాద్ధం, తర్పణం, పిండదానం చేయడం హిందూ సంప్రదాయంలో ముఖ్యమైన ఆచారంగా భావిస్తారు. ముఖ్యంగా బీహార్‌లోని గయ క్షేత్రంలో పిండదానానికి ప్రత్యేక ప్రాధాన్యత ఉంది. గయలో భక్తిశ్రద్ధలతో పిండదానం చేస్తే ఏడు తరాల పితృదేవతలకు మోక్షం లభిస్తుందని మత విశ్వాసం. విష్ణుపాద ఆలయం, ఫల్గు నది, రామాయణంతో ముడిపడిన కథనాలు గయను పితృ తీర్థంగా ప్రత్యేకంగా నిలబెట్టాయి. ఎంతో ప్రాధాన్యత ఉన్న విష్ణుపాద క్షేత్రం ప్రాముఖ్యత ఏమిటో ఇప్పుడు తెలుసుకుందాం.
ఫ్లైదుబాయ్ విమానంలో ఉగ్ర కుట్ర.. కో-పైలట్ దాడి వెనుక సంచలన విషయాలు
దుబాయ్ నుంచి టెల్ అవీవ్ వెళ్తున్న ఫ్లైదుబాయ్ విమానంలో జరిగిన ఘటనకు సంబంధించి కీలక విషయాలు వెలుగులోకి వచ్చాయి. భారత పైలట్ కెప్టెన్ స్మిత్ మచ్చర్‌పై కో-పైలట్ హమామ్ అల్ హమామీ జరిపిన దాడిని యూఏఈ ప్రాసిక్యూటర్లు ఉగ్రవాద చర్యగా ధృవీకరించారు. విమానాన్ని తన ఆధీనంలోకి తీసుకుని కూల్చివేయాలనే ఉద్దేశంతోనే నిందితుడు దాడికి పాల్పడినట్లు అధికారులు వెల్లడించారు.
అమిత్ షా తెలంగాణ పర్యటన రద్దు.. ఇదే కారణం!
కేంద్ర హోం శాఖ మంత్రి అమిత్ షా తెలంగాణ పర్యటన రద్దైంది. ముందుగా నిర్ణయించిన షెడ్యూల్ ప్రకారం శనివారం రాత్రి హైదరాబాద్ చేరుకుని, ఆదివారం మెదక్, కరీంనగర్ జిల్లాల్లో పలు కార్యక్రమాల్లో పాల్గొనాల్సి ఉంది. అయితే ఢిల్లీలో కొనసాగుతున్న కీలక రాజకీయ, రాజ్యసభ నామినేషన్ల ప్రక్రియ నేపథ్యంలో ఆయన పర్యటన రద్దైనట్లు సమాచారం.
FIR నుంచి సుప్రీంకోర్టు వరకు.. ఇక మూడేళ్లలోనే తీర్పు: అమిత్ షా
కొత్త క్రిమినల్ చట్టాలు దేశవ్యాప్తంగా పూర్తిస్థాయిలో అమల్లోకి వచ్చిన తర్వాత ఎఫ్ఐఆర్ నమోదు నుంచి సుప్రీంకోర్టు తుది తీర్పు వరకు న్యాయ ప్రక్రియ గరిష్టంగా మూడేళ్లలో పూర్తయ్యేలా వ్యవస్థ మారుతుందని కేంద్ర హోంమంత్రి అమిత్ షా తెలిపారు. మరో ఏడాదిన్నరలో కొత్త చట్టాల పూర్తి అమలు జరుగుతుందని ఆయన పేర్కొన్నారు.
అక్టోబర్ 18 న ట్యాంక్‌బండ్‌పై ఘనంగా సద్దుల బతుకమ్మ.. వేలాది మంది మహిళలతో వేడుకలు
తెలంగాణ రాష్ట్ర పూల పండుగ బతుకమ్మ వేడుకలను ఈ నెల 10 నుంచి 18 వరకు అత్యంత వైభవంగా నిర్వహించేందుకు ప్రభుత్వం ఏర్పాట్లు చేస్తోంది. చివరి రోజు సద్దుల బతుకమ్మను హైదరాబాద్ ట్యాంక్‌బండ్‌పై వేలాది మంది మహిళలతో ఘనంగా నిర్వహించనున్నారు. ఈ మేరకు ప్రభుత్వ ప్రధాన కార్యదర్శి సంజయ్ జాజు అధికారులకు పలు సూచనలు చేశారు.
రేషన్ కార్డుదారులకు అలర్ట్.. 6 నెలలు రేషన్ తీసుకోకపోతే మీ కార్డు రద్దు..!
రేషన్ కార్డుదారులకు కీలక సమాచారం. వరుసగా ఆరు నెలలపాటు రేషన్ తీసుకోని కార్డులను తాత్కాలికంగా ఇనాక్టివ్ చేసే ప్రక్రియను కేంద్ర ప్రభుత్వం చేపట్టనున్నట్లు తెలుస్తోంది. అక్టోబర్ నుంచి ఈ ప్రక్రియ ప్రారంభం కానుండగా, సంబంధిత లబ్ధిదారులకు ఈకేవైసీ పూర్తి చేసుకునేందుకు గడువు ఇవ్వనున్నారు. రేషన్ కార్డు ప్రయోజనాలు కొనసాగాలంటే ఈకేవైసీ పూర్తి చేసుకోవడం కీలకంగా మారింది.
తిరుమల భక్తులకు మరో అరుదైన అవకాశం.. అక్టోబర్ 12 నుంచి నవరాత్రి బ్రహ్మోత్సవాలు..పూర్తి వివరాలు ఇవే
తిరుమల శ్రీవారి సాలకట్ల బ్రహ్మోత్సవాలు ఇటీవల వైభవంగా ముగిశాయి. ఈ ఉత్సవాలకు హాజరు కాలేకపోయిన భక్తులకు మరోసారి శ్రీవారిని వాహనసేవల్లో దర్శించుకునే అవకాశం రానుంది. అక్టోబర్ 12 నుంచి 20 వరకు తిరుమలలో నవరాత్రి బ్రహ్మోత్సవాలు నిర్వహించనున్నారు. ఈ సందర్భంగా వివిధ వాహనాలపై మలయప్ప స్వామివారు తిరుమాడ వీధుల్లో విహరిస్తూ భక్తులకు దర్శనమివ్వనున్నారు.
బొల్లారం ఆయుధాల చోరీ వెనుక సంచలన కుట్ర..ముగ్గురు ఆర్మీ జవాన్లే కీలక పాత్ర
సికింద్రాబాద్ కంటోన్మెంట్ పరిధిలోని బొల్లారం 20 బెటాలియన్ మద్రాస్ రెజిమెంట్ క్యాంప్‌లో జరిగిన ఆయుధాల చోరీ కేసులో పోలీసులు భారీ కుట్రను ఛేదించారు. బ్యాంకులు, జ్యువెలరీ షాపులు, సంపన్నుల ఇళ్లలో దోపిడీలకు ఈ ఆయుధాలను ఉపయోగించేందుకు పథకం రచించినట్లు దర్యాప్తులో తేలింది. కేసులో ముగ్గురు సర్వీసులో ఉన్న ఆర్మీ జవాన్లతో పాటు ఏడుగురిని పోలీసులు అరెస్ట్ చేశారు.
ఈ కంపెనీ బంకుల్లో పెట్రోల్, డీజిల్ ధరలు పెంపు..లీటరు పెట్రోల్‌పై రూ.5, డీజిల్‌పై రూ.3 పెంపుదల
ప్రైవేట్ ఇంధన రిటైలర్ నయారా ఎనర్జీ వాహనదారులకు షాక్ ఇచ్చింది. పెట్రోల్ ధరను లీటరుకు రూ.5, డీజిల్ ధరను రూ.3 చొప్పున పెంచింది. దేశవ్యాప్తంగా ఉన్న నయారా ఫ్యూయల్ స్టేషన్లలో కొత్త ధరలు తక్షణమే అమల్లోకి వచ్చాయి. అంతర్జాతీయంగా ముడి చమురు ధరలు పెరుగుతున్న నేపథ్యంలో ఈ ధరల సవరణ చేపట్టినట్లు తెలుస్తోంది.
AIతో మహిళను అవమానిస్తారా? చుట్టమల్లె సాంగ్ మార్ఫింగ్ వీడియోపై తారక్ ఆగ్రహం
‘దేవర’ సినిమాలోని ‘చుట్టమల్లె’ పాట పేరుతో వైరల్ అవుతున్న మార్ఫింగ్ వీడియోపై జూనియర్ ఎన్టీఆర్ తీవ్ర ఆగ్రహం వ్యక్తం చేశారు. AIని దుర్వినియోగం చేసి మహిళను అవమానకరంగా చూపించడాన్ని ఖండించిన ఆయన.. వీడియోను రూపొందించిన వారితో పాటు సోషల్ మీడియాలో ప్రచారం చేస్తున్న వారిపైనా చట్టపరమైన చర్యలు తీసుకుంటామని హెచ్చరించారు.
SIRపై అనుమానాలు.. సీఈసీ జ్ఞానేశ్ కుమార్‌ను అరెస్ట్ చేయాలి: మహేశ్ కుమార్ గౌడ్
కేంద్ర ఎన్నికల సంఘం చేపట్టిన స్పెషల్ ఇంటెన్సివ్ రివిజన్ (SIR) ప్రక్రియపై అనుమానాలు ఉన్నాయని టీపీసీసీ అధ్యక్షుడు మహేశ్ కుమార్ గౌడ్ ఆరోపించారు. అర్హులైన ఓటర్లను అక్రమంగా తొలగిస్తున్నారని ఆరోపిస్తూ ప్రధాన ఎన్నికల కమిషనర్ జ్ఞానేశ్ కుమార్‌పై చర్యలు తీసుకోవాలని డిమాండ్ చేశారు. ఈ అంశంపై ఇండియా కూటమి ఆధ్వర్యంలో వరుస ఆందోళనలకు కార్యాచరణ ప్రకటించారు.