Siddipet విభాగానికి సంబంధించిన తాజా వార్తలు మరియు కథనాలు.
సిద్దిపేట జిల్లా మర్కూక్ మండలం ఎర్రవల్లి గ్రామంలో ప్రభుత్వం చేపట్టిన భూముల రీసర్వే ఉద్రిక్తతకు దారితీసింది. తమ గ్రామానికి చెందిన 113 ఎకరాల భూమిని ఎర్రవల్లి గ్రామ రికార్డుల్లో నమోదు చేశారని ఆరోపిస్తూ శివారు వెంకటాపూర్ గ్రామస్థులు రెవెన్యూ అధికారుల ఎంజాయ్‌మెంట్ సర్వేను అడ్డుకున్నారు. ముందుగా తమ భూమిని క్షేత్రస్థాయిలో సర్వే చేసి హద్దులు నిర్ధారించాలని డిమాండ్ చేశారు.
కేసీఆర్ కుటుంబ భూములపై తెలంగాణ అసెంబ్లీలో సీఎం రేవంత్ రెడ్డి చేసిన వ్యాఖ్యలపై బీఆర్ఎస్ వర్కింగ్ ప్రెసిడెంట్ కేటీఆర్ తీవ్రంగా స్పందించారు. గతంలో కేసీఆర్ ఫామ్‌హౌస్‌ను 1,000 ఎకరాలుగా పేర్కొన్న రేవంత్.. ఇప్పుడు కేసీఆర్ దంపతులకు 67.13 ఎకరాలు ఉన్నట్లు సభలో చెప్పడాన్ని కేటీఆర్ ప్రశ్నించారు. తమ ఆస్తులపై, ప్రభుత్వ పెద్దల ఆస్తులపై హైకోర్టు లేదా సుప్రీంకోర్టు జడ్జితో విచారణ జరిపించాలని సవాల్ చేశారు. ఇదే సమయంలో ఎర్రవల్లి ఫామ్‌హౌస్ పరిధిలోని భూములపై 30 రోజుల్లో నివేదిక ఇవ్వాలని సీఎం రేవంత్ రెడ్డి అధికారులను ఆదేశించారు.
సిద్దిపేట శ్రీకృప ఫార్మాస్యూటికల్ సైన్సెస్ కాలేజీకి చెందిన బి.ఫార్మసీ విద్యార్థులు ఫీజు రీయింబర్స్‌మెంట్ బకాయిల కారణంగా ఒరిజినల్ సర్టిఫికెట్లు అందక తీవ్ర ఇబ్బందులు ఎదుర్కొంటున్నారు. ఎం.ఫార్మసీ కౌన్సిలింగ్‌కు గడువు సమీపిస్తున్న నేపథ్యంలో సీట్లు కోల్పోయే పరిస్థితి నెలకొందని విద్యార్థులు ఆవేదన వ్యక్తం చేశారు. ఈ అంశంపై బీఆర్ఎస్ నేత హరీశ్ రావు స్పందిస్తూ కాంగ్రెస్ ప్రభుత్వంపై తీవ్ర విమర్శలు చేశారు.
సిద్దిపేట జిల్లా దుబ్బాక మండలం అప్పనపల్లిలో అర్ధరాత్రి ఘోర రోడ్డు ప్రమాదం జరిగింది. కారు అదుపుతప్పి రోడ్డు పక్కన ఉన్న బావిలోకి దూసుకెళ్లడంతో ఒకే కుటుంబానికి చెందిన దంపతులు, ఇద్దరు చిన్నారులు మృతి చెందారు. మృతులను బలవంతపూర్‌కు చెందిన భాగ్య, రాజు, పిల్లలు నియాన్, శాన్వికగా పోలీసులు గుర్తించారు. ప్రమాదం అనంతరం బావిలో నుంచి నలుగురి మృతదేహాలను వెలికితీశారు. ఘటనపై పోలీసులు దర్యాప్తు చేస్తున్నారు.
సనత్‌నగర్ TIMS ఆసుపత్రి సందర్శనకు సిద్ధమైన మాజీ మంత్రులు హరీష్ రావు, సబితా ఇంద్రారెడ్డి, తలసాని శ్రీనివాస్ యాదవ్‌లను హౌస్ అరెస్ట్ చేయడంపై బీఆర్ఎస్ ఆగ్రహం వ్యక్తం చేసింది.
సిద్దిపేట జిల్లా హుస్నాబాద్‌లో దారుణ ఘటన చోటుచేసుకుంది. రిటైర్మెంట్ అనంతరం వచ్చే డబ్బులు, ఆస్తి పంపకాల విషయంలో భార్యాభర్తల మధ్య తలెత్తిన వివాదం తీవ్ర ఘర్షణకు దారితీసింది. ఆగ్రహానికి గురైన భార్య రోకలిబండతో భర్త తలపై దాడి చేయడంతో ఆయన మృతి చెందారు.
సిద్దిపేట జిల్లా హుస్నాబాద్ నియోజకవర్గ ప్రజల సమస్యలను నేరుగా తెలుసుకుని వెంటనే పరిష్కరించేందుకు నిర్వహించిన 'డయల్ యువర్ ఎమ్మెల్యే' కార్యక్రమానికి విశేష స్పందన లభించింది.
కొమురవెల్లి శ్రీ మల్లికార్జున స్వామి ఆలయానికి వచ్చే భక్తులకు శుభవార్త. ఎన్నాళ్లుగానో ఎదురుచూస్తున్న కొమురవెల్లి రైల్వే స్టేషన్ అందుబాటులోకి వచ్చింది. కేంద్ర బొగ్గు, గనుల శాఖ మంత్రి జి. కిషన్ రెడ్డి ఈ స్టేషన్‌ను ప్రారంభించి, భక్తులకు రైల్వే సౌకర్యాలు మరింత విస్తరించనున్నట్లు తెలిపారు.
లోక్‌సభ ప్రతిపక్ష నేత రాహుల్ గాంధీ, ఏఐసీసీ అధ్యక్షుడు మల్లికార్జున ఖర్గే, ప్రియాంక గాంధీతో పాటు కాంగ్రెస్ ఎంపీల అరెస్టును నిరసిస్తూ హుస్నాబాద్ అంబేద్కర్ చౌరస్తాలో రవాణా, బీసీ సంక్షేమ శాఖ మంత్రి పొన్నం ప్రభాకర్ ఆధ్వర్యంలో కాంగ్రెస్ పార్టీ మహాధర్నా నిర్వహించింది