Spiritual

తిరుమల శ్రీవారి నవరాత్రి బ్రహ్మోత్సవాల నేపథ్యంలో టీటీడీ కీలక నిర్ణయం తీసుకుంది. అక్టోబర్‌ 11 నుంచి 20వ తేదీ వరకు వీఐపీ బ్రేక్‌ దర్శనాలతో పాటు పలు ప్రివిలేజ్డ్‌ దర్శనాలను రద్దు చేసింది. భక్తుల రద్దీని దృష్టిలో ఉంచుకుని ఈ నిర్ణయం తీసుకున్నట్లు టీటీడీ వెల్లడించింది. ఇదే సమయంలో కొన్ని తేదీలకు సంబంధించిన రూ.300 ప్రత్యేక ప్రవేశ దర్శనం టికెట్లను అక్టోబర్‌ 7న ఆన్‌లైన్‌లో విడుదల చేయనుంది.

ఆంధ్రప్రదేశ్‌లోని నెల్లూరు జిల్లాలో ఓ శివాలయంలో సోమవారం అరుదైన దృశ్యం భక్తులను ఆశ్చర్యానికి గురిచేసింది. ఒకటి కాదు.. ఏకంగా మూడు నాగుపాములు శివలింగం చుట్టూ తిరుగుతూ, అనంతరం దాని ముందు పడగవిప్పి నిలబడటం కనిపించింది. భక్తులు ఈ దృశ్యాలను తమ ఫోన్లలో చిత్రీకరించడంతో వీడియోలు సోషల్ మీడియాలో వైరల్‌గా మారాయి.

పితృ పక్షంలో పూర్వీకులను స్మరించుకుంటూ శ్రాద్ధం, తర్పణం, పిండదానం చేయడం హిందూ సంప్రదాయంలో ముఖ్యమైన ఆచారంగా భావిస్తారు. ముఖ్యంగా బీహార్‌లోని గయ క్షేత్రంలో పిండదానానికి ప్రత్యేక ప్రాధాన్యత ఉంది. గయలో భక్తిశ్రద్ధలతో పిండదానం చేస్తే ఏడు తరాల పితృదేవతలకు మోక్షం లభిస్తుందని మత విశ్వాసం. విష్ణుపాద ఆలయం, ఫల్గు నది, రామాయణంతో ముడిపడిన కథనాలు గయను పితృ తీర్థంగా ప్రత్యేకంగా నిలబెట్టాయి. ఎంతో ప్రాధాన్యత ఉన్న విష్ణుపాద క్షేత్రం ప్రాముఖ్యత ఏమిటో ఇప్పుడు తెలుసుకుందాం.

తెలంగాణ రాష్ట్ర పూల పండుగ బతుకమ్మ వేడుకలను ఈ నెల 10 నుంచి 18 వరకు అత్యంత వైభవంగా నిర్వహించేందుకు ప్రభుత్వం ఏర్పాట్లు చేస్తోంది. చివరి రోజు సద్దుల బతుకమ్మను హైదరాబాద్‌ ట్యాంక్‌బండ్‌పై వేలాది మంది మహిళలతో ఘనంగా నిర్వహించనున్నారు. ఈ మేరకు ప్రభుత్వ ప్రధాన కార్యదర్శి సంజయ్ జాజు అధికారులకు పలు సూచనలు చేశారు.

తిరుమల శ్రీవారి సాలకట్ల బ్రహ్మోత్సవాలు ఇటీవల వైభవంగా ముగిశాయి. ఈ ఉత్సవాలకు హాజరు కాలేకపోయిన భక్తులకు మరోసారి శ్రీవారిని వాహనసేవల్లో దర్శించుకునే అవకాశం రానుంది. అక్టోబర్ 12 నుంచి 20 వరకు తిరుమలలో నవరాత్రి బ్రహ్మోత్సవాలు నిర్వహించనున్నారు. ఈ సందర్భంగా వివిధ వాహనాలపై మలయప్ప స్వామివారు తిరుమాడ వీధుల్లో విహరిస్తూ భక్తులకు దర్శనమివ్వనున్నారు.

అమెరికాలోని టెక్సాస్‌కు చెందిన నిక్ డీర్‌మన్ హనుమాన్ చాలీసాను అత్యంత వేగంగా, స్పష్టంగా పఠించిన వీడియో సోషల్ మీడియాలో వైరల్‌గా మారింది. ఎలాంటి తడబాటు లేకుండా డబుల్ స్పీడ్‌లో చాలీసాను చదివిన ఆయన ఏకాగ్రత, ఉచ్చారణపై నెటిజన్లు ప్రశంసలు కురిపిస్తున్నారు.

హైదరాబాద్‌ దిల్‌సుఖ్‌నగర్‌లోని సంతోషిమాత ఆలయంలో శుక్రవారం ఉదయం తీవ్ర కలకలం రేగింది. ఆలయంలోకి కర్రతో ప్రవేశించిన ఓ వ్యక్తి పూజారిపై దాడికి యత్నించడంతో పాటు అమ్మవారి విగ్రహంపై కర్రతో దాడి చేసినట్లు సీసీటీవీ దృశ్యాల్లో నమోదైంది. అప్రమత్తమైన భక్తులు అతడిని పట్టుకుని పోలీసులకు అప్పగించారు. ఘటనపై చైతన్యపురి పోలీసులు కేసు నమోదు చేసి దర్యాప్తు చేస్తున్నారు.

శబరిమల అయ్యప్ప స్వామి ప్రసాదం తయారీలో హలాల్ గుర్తు ఉన్న బెల్లం వినియోగంపై దాఖలైన పిటిషన్‌పై కేరళ హైకోర్టు కీలక ఆదేశాలు జారీ చేసింది. ఆలయ సంప్రదాయాలు, భక్తుల విశ్వాసాలకు అనుగుణంగా ప్రసాదం తయారీకి అవసరమైన ముడి పదార్థాలను అత్యంత జాగ్రత్తగా ఎంపిక చేయాలని ట్రావెన్‌కోర్ దేవస్వం బోర్డును ఆదేశించింది. భవిష్యత్తులో ఇలాంటి వివాదాలు తలెత్తకుండా ఈ-టెండర్ నిబంధనల్లోనే తగిన షరతులు చేర్చాలని సూచించింది.

తెలంగాణ సంస్కృతిలో ప్రకృతికి, పూలకు, స్త్రీ జీవితానికి ప్రత్యేక స్థానం ఉంది. ఈ సంప్రదాయానికి ప్రతీకగా నిలిచే పండుగల్లో బొడ్డెమ్మ ఒకటి. ముఖ్యంగా కన్నెపిల్లలు మంచి భర్త రావాలని కోరుకుంటూ బొడ్డెమ్మ పండుగను భక్తిశ్రద్ధలతో నిర్వహిస్తారు. సాధారణంగా 9 రోజుల పాటు జరిగే ఈ వేడుకలు ముగిసిన మరుసటి రోజు నుంచి బతుకమ్మ సంబరాలు ప్రారంభమవుతాయి.

తిరుమలలో భక్తులను మోసం చేస్తున్న తమిళనాడుకు చెందిన 52 ఏళ్ల మురుగన్ నాగరాజ్ అలియాస్ శంకర్రావును పోలీసులు అరెస్ట్ చేశారు. టీటీడీ ఉద్యోగి, చెన్నై ఎయిర్‌పోర్ట్ ఉద్యోగి పేరుతో నకిలీ గుర్తింపు కార్డులు తయారు చేసుకుని భక్తులను నమ్మించినట్లు పోలీసులు గుర్తించారు. మాంగళ్య పూజ పేరుతో మోసాలకు పాల్పడినట్లు కూడా దర్యాప్తులో వెల్లడైంది.

హైదరాబాద్‌ గణేశ్‌ నిమజ్జన వేడుకల్లో భక్తి, సందడి నడుమ పోలీసుల సరదా డ్యాన్స్‌లు ప్రత్యేక ఆకర్షణగా మారాయి. గణేష్‌ నిమజ్జనం సందర్భంగా కొందరు పోలీసులు డ్యాన్స్‌ స్టెప్పులతో సందడి చేయగా ఈ దృశ్యాలు ప్రస్తుతం సోషల్‌ మీడియాలో వైరల్‌గా మారాయి.

Mahalayam | ఏడాదిలో వచ్చే పన్నెండు అమావాస్యల్లో మహాలయ అమావాస్యకు ప్రత్యేక ప్రాధాన్యం ఉందని పురాణాలు, ధర్మశాస్త్రాలు పేర్కొంటున్నాయి. భాద్రపద బహుళ పాడ్యమి నుంచి అమావాస్య వరకు ఉండే పదిహేను రోజుల కాలాన్ని మహాలయ పక్షంగా వ్యవహరిస్తారు.

హైదరాబాద్‌లో ఖైరతాబాద్ మహాగణపయ్య నిమజ్జనం ఘనంగా పూర్తైంది. ట్యాంక్‌బండ్ క్రేన్ నంబర్-4 వద్ద పంచముఖ సంకటహర మహాగణపతి విగ్రహాన్ని ప్రత్యేక పూజల అనంతరం గంగమ్మ ఒడికి చేర్చారు. భారీగా తరలివచ్చిన భక్తులతో ట్యాంక్‌బండ్ పరిసరాలు కిక్కిరిసిపోయాయి.

హైదరాబాద్‌లో ఖైరతాబాద్ మహాగణపతి శోభాయాత్ర ఘనంగా ప్రారంభమైంది. టస్కర్ ముందు దానం నాగేందర్ కొబ్బరికాయ కొట్టి యాత్రను ప్రారంభించారు. భారీగా తరలివచ్చిన భక్తుల మధ్య గణనాథుడు నిమజ్జనానికి తరలివెళ్తున్నాడు.

హైదరాబాద్‌లో గణేశ్‌ నిమజ్జన శోభాయాత్రలు కొనసాగుతున్న నేపథ్యంలో శుక్రవారం ప్రార్థనలను దృష్టిలో పెట్టుకుని చార్మినార్‌, పాతబస్తీ పరిసరాల్లో పోలీసులు భద్రతను మరింత కట్టుదిట్టం చేశారు. కీలక ప్రాంతాల్లో బాంబ్‌ డిటెక్షన్‌ బృందాలు, ప్రత్యేక పోలీసు బలగాలతో తనిఖీలు చేపడుతూ సీసీ కెమెరాలు, డ్రోన్ల ద్వారా నిరంతరం నిఘా కొనసాగిస్తున్నారు.

బాలాపూర్ గణేష్ లడ్డూ వేలం మరోసారి రికార్డు సృష్టించింది. ఏటా పెరుగుతూ వస్తున్న లడ్డూ ధర ఈసారి ఏకంగా రూ.39 లక్షలకు చేరింది. సాహెబ్‌నగర్‌కు చెందిన అర్బన్ గ్రూప్ అధినేత సామ ప్రణీత్ రెడ్డి ఈ ఏడాది లడ్డూను దక్కించుకున్నారు. గతేడాది రూ.35 లక్షలుగా ఉన్న ధరతో పోలిస్తే ఈసారి మరో రూ.4 లక్షలు పెరిగింది.

హైదరాబాద్‌లోని ఖైరతాబాద్ మహాగణపతి నిమజ్జనానికి ఏర్పాట్లు పూర్తయ్యాయి. శుక్రవారం గణనాథుడిని నిమజ్జనం చేయనున్నారు. అయితే నిమజ్జనం సందర్భంగా మరో ప్రత్యేకత భక్తులను ఆకట్టుకుంటోంది. తూర్పు గోదావరి జిల్లా తాపేశ్వరం నుంచి ఏటా ఖైరతాబాద్ గణేశుడికి సమర్పించే భారీ లడ్డూకు ప్రత్యేక గుర్తింపు ఉంది. ఈ సంప్రదాయం ఎలా ప్రారంభమైంది? లడ్డూను ఎలా తయారు చేస్తారు? తెలుసుకుందాం.

బాలాపూర్ గణేష్ ఉత్సవాల్లో కీలక ఘట్టమైన లడ్డూ వేలానికి రంగం సిద్ధమైంది. చివరి పూజా కార్యక్రమాలు ప్రారంభమైన అనంతరం గణనాథుడిని గ్రామ ప్రదక్షిణకు తీసుకెళ్లనున్నారు. అనంతరం ప్రసిద్ధ బాలాపూర్ గణేష్ లడ్డూ వేలం జరగనుంది. 1994లో కేవలం రూ.450తో ప్రారంభమైన ఈ వేలం.. 2025 నాటికి రూ.35 లక్షలకు చేరింది. దీంతో ఈసారి లడ్డూ ఎంత ధర పలుకుతుందనే ఆసక్తి నెలకొంది.

హైదరాబాద్‌లో గణేశ్‌ నిమజ్జన వేడుకలు ఘనంగా కొనసాగుతున్నాయి. ఖైరతాబాద్‌ మహాగణపతి శోభాయాత్ర మాత్రం బాహుబలి క్రేన్‌లో సాంకేతిక సమస్య కారణంగా రెండు గంటలకు పైగా ఆలస్యమైంది. సమస్యను పరిష్కరించిన అనంతరం మహాగణపతిని టస్కర్‌పైకి చేర్చి శోభాయాత్రను ప్రారంభించారు. మధ్యాహ్నం 2 గంటల్లోపు నిమజ్జనం పూర్తి చేసేలా చర్యలు తీసుకుంటున్నామని సీపీ వీసీ సజ్జనార్‌ తెలిపారు.

జ్యోతిషశాస్త్రంలో బుధుడిని తెలివితేటలు, నైపుణ్యాలు, వ్యాపారం, సంపాదన, ప్రణాళికలకు కారకుడిగా పరిగణిస్తారు. సెప్టెంబర్ 26 నుంచి డిసెంబర్ 1 వరకు బుధుడు తులా రాశిలో సంచరించనున్నాడు. ఈ ప్రభావంతో మిథునం, కర్కాటకం, కన్య, తుల, ధనుస్సు, మకర రాశుల వారికి ఉద్యోగ, వ్యాపార, ఆర్థిక విషయాల్లో అనుకూల ఫలితాలు కలిగే అవకాశం ఉందని జ్యోతిష్య విశ్లేషణలు చెబుతున్నాయి.

స్వదేశానికి వేల కిలోమీటర్ల దూరంలో ఉన్న అంటార్కిటికాలో భారత శాస్త్రవేత్తలు వినాయక చవితిని వినూత్నంగా జరుపుకున్నారు. మైత్రి పరిశోధన కేంద్రంలో మంచుతో గణపతి విగ్రహాన్ని స్వయంగా రూపొందించి పూజలు నిర్వహించారు. అనంతరం పర్యావరణానికి ఎలాంటి హాని కలగకుండా కేంద్రం లోపలే నీటితో నిమజ్జనం చేశారు. ఇందుకు సంబంధించిన వీడియో సోషల్ మీడియాలో వైరల్‌గా మారింది.

కేరళలోని శబరిమల అయ్యప్ప స్వామి ఆలయంలో మరో బంగారం గోల్‌మాల్ వెలుగులోకి వచ్చింది. 2012లో భక్తులు సమర్పించిన 445 గ్రాముల బంగారు కిరీటం స్ట్రాంగ్‌రూమ్ నుంచి మాయమైనట్లు తేలింది. దాని స్థానంలో అదే డిజైన్‌తో ఉన్న 240 గ్రాముల నకిలీ కిరీటం ఉన్నట్లు అధికారులు గుర్తించారు. గతంలో వెలుగులోకి వచ్చిన బంగారం అవకతవకలపై జరుగుతున్న తనిఖీల్లో ఈ వ్యవహారం బయటపడింది.

తిరుచానూరులోని శ్రీ పద్మావతి అమ్మవారి ఆలయంలో పవిత్రోత్సవాలకు ఏర్పాట్లు పూర్తయ్యాయి. సెప్టెంబర్ 24 నుంచి 26 వరకు మూడు రోజుల పాటు పవిత్రోత్సవాలు నిర్వహించనుండగా, బుధవారం సాయంత్రం అంకురార్పణ కార్యక్రమాలను శాస్త్రోక్తంగా చేపట్టనున్నారు. పవిత్రోత్సవాల నేపథ్యంలో భక్తుల సౌకర్యార్థం పలు ఆర్జిత సేవలను టీటీడీ రద్దు చేసింది.

తిరుమల శ్రీవారి సాలకట్ల బ్రహ్మోత్సవాలు అర్చకులు, అధికారులు, ఉద్యోగులు, పోలీసులు, జిల్లా యంత్రాంగం, శ్రీవారి సేవకులు, మీడియా, భక్తుల సమష్టి కృషితో విజయవంతంగా ముగిశాయని టీటీడీ చైర్మన్ బీఆర్ నాయుడు తెలిపారు. ఎనిమిది రోజులపాటు జరిగిన ఉత్సవాల్లో 5.76 లక్షల మంది భక్తులు శ్రీవారిని దర్శించుకోగా హుండీ ద్వారా రూ.28.94 కోట్ల ఆదాయం లభించిందని వెల్లడించారు.

తిరుమలలో సాలకట్ల బ్రహ్మోత్సవాల్లో భాగంగా శ్రీవారి రథోత్సవం భక్తిశ్రద్ధల మధ్య వైభవంగా జరిగింది. ఉభయదేవేరులతో కలిసి రథంపై కొలువుదీరిన శ్రీమలయప్పస్వామిని దర్శించుకునేందుకు వేలాది మంది భక్తులు తరలివచ్చారు. ‘గోవిందా.. గోవిందా’ నామస్మరణతో తిరుమాడ వీధులు మారుమోగాయి.

బుధ, గురు, శుక్ర గ్రహాల అనుకూల సంచారం జ్యోతిష్య పరంగా కొన్ని రాశులకు ఆర్థికంగా అనుకూల ఫలితాలను సూచిస్తోంది. గురువు కర్కాటకంలో ఉచ్ఛ స్థితిలో, శుక్రుడు తులలో స్వస్థానంలో, బుధుడు కన్య, తుల రాశుల్లో సంచరిస్తుండటం విశేషంగా పరిగణిస్తున్నారు. ఈ గ్రహస్థితుల ప్రభావంతో ఈ రాశుల వారికి ఆదాయ మార్గాలు పెరగడం, ఆస్తుల విలువ వృద్ధి చెందడం, ఉద్యోగం-వ్యాపారాల్లో లాభాలు కలగడం వంటి ఫలితాలు ఉంటాయని జ్యోతిష్య అంచనాలు చెబుతున్నాయి. అయితే ఈ లిస్ట్‌లో మీ రాశి ఉందా.. తెలుసుకోండి?

తిరుమల అలిపిరి నడక మార్గంలో మరోసారి చిరుత సంచారం కలకలం రేపింది. 2700వ మెట్టు సమీపంలోని అటవీ ప్రాంతంలో చెట్టుపై చిరుతను చూసిన భక్తులు భయంతో పరుగులు తీశారు. సమాచారం అందుకున్న టీటీడీ విజిలెన్స్, అటవీ సిబ్బంది వెంటనే అక్కడికి చేరుకుని పరిస్థితిని పర్యవేక్షించారు.

ఖైరతాబాద్‌ శ్రీ పంచముఖ సంకటహర మహా గణపతి దర్శనానికి భక్తులు భారీగా తరలివస్తున్నారు. అయితే మహాగణపతి నిమజ్జనానికి ఏర్పాట్లు ప్రారంభమైన నేపథ్యంలో సెప్టెంబర్‌ 23 బుధవారం రాత్రి వరకే భక్తులను దర్శనానికి అనుమతించనున్నారు. సెప్టెంబర్‌ 24న షెడ్డు, బ్యారికేడ్ల తొలగింపు చేపట్టి.. 25న తెల్లవారుజామున మహాగణపతి శోభాయాత్ర నిర్వహించనున్నారు.

వరంగల్ శివనగర్ వాసవికాలనీలోని వినాయక ట్రస్టు భవన్‌లో వినాయక చవితి వేడుకలు ఘనంగా జరుగుతున్నాయి. ఈసారి గణపతిని ఏకంగా రూ.1.93 కోట్ల విలువైన వివిధ రంగుల కరెన్సీ నోట్లతో అలంకరించడం ప్రత్యేక ఆకర్షణగా నిలిచింది. గతేడాది రూ.1.51 కోట్ల కరెన్సీతో అలంకరించగా.. ఈసారి మరో రూ.42 లక్షల విలువైన నోట్లను అదనంగా వినియోగించారు.

హైదరాబాద్‌లోని ట్యాంక్ బండ్ వద్ద గణేశ్ నిమజ్జనంపై ఉద్రిక్త పరిస్థితులు నెలకొన్నాయి. ట్యాంక్ బండ్‌పై గణేశ్ విగ్రహాల నిమజ్జనానికి అనుమతి ఇవ్వాలని డిమాండ్ చేస్తూ భాగ్యనగర్ గణేశ్ ఉత్సవ సమితి ప్రతినిధులు ఆందోళనకు దిగారు. ఈ క్రమంలో బారికేడ్లు తొలగించడంతో పోలీసులు, నిరసనకారుల మధ్య తోపులాట చోటుచేసుకుంది.