Warangal

వరంగల్ జిల్లా వర్ధన్నపేటలో మున్సిపల్ ఛైర్మన్ పాలకుర్తి సారంగపాణి ఇంటి ముందు ఓ యువతి ఆందోళనకు దిగింది. ఛైర్మన్ కుమారుడు శ్రీకాంత్ ప్రేమ పేరుతో తనను నమ్మించి మోసం చేశాడని, పెళ్లి చేసుకుంటానని చెప్పి శారీరకంగా దగ్గరై, గర్భం దాల్చిన సందర్భాల్లో అబార్షన్ చేయించారని ఆమె ఆరోపించింది. తనకు న్యాయం చేయాలని డిమాండ్ చేసింది. యువతికి బీజేపీ, బీఆర్ఎస్ నాయకులు, స్థానికులు సంఘీభావం తెలిపారు.

వరంగల్‌-కరీంనగర్‌ మధ్య ప్రయాణికులకు గుడ్‌న్యూస్‌. రూ.1,641 కోట్లతో 68.015 కిలోమీటర్ల మేర నిర్మించిన నాలుగు లేన్ల జాతీయ రహదారి-563 పనులు తుది దశకు చేరుకున్నాయి. ఇప్పటికే ట్రయల్‌ రన్‌ ప్రారంభమైన ఈ హైవేను అక్టోబర్‌ తొలి లేదా రెండో వారంలో అధికారికంగా అందుబాటులోకి తీసుకురావడానికి అధికారులు ఏర్పాట్లు చేస్తున్నారు. కొత్త రహదారితో వరంగల్‌-కరీంనగర్‌ ప్రయాణ సమయం దాదాపు గంటన్నర నుంచి 45 నిమిషాలకు తగ్గే అవకాశం ఉంది.

వరంగల్ కాంగ్రెస్ రాజకీయాల్లో మాజీ మంత్రి, వరంగల్ తూర్పు ఎమ్మెల్యే కొండా సురేఖ వ్యాఖ్యలు చర్చనీయాంశంగా మారాయి. తనను, తన అనుచరులను ఉద్దేశించి ఇష్టానుసారంగా మాట్లాడే నేతలు నోరు అదుపులో పెట్టుకోవాలని ఆమె హెచ్చరించారు. లేదంటే మహిళా కార్యకర్తలతో గట్టిగా సమాధానం చెప్పిస్తామని వ్యాఖ్యానించారు.

నేచురల్ స్టార్ నాని హీరోగా శ్రీకాంత్ ఓదెల దర్శకత్వంలో తెరకెక్కిన ‘ది ప్యారడైజ్’ సినిమా విజయోత్సాహంలో ఉన్న చిత్రబృందం మేడారం సమ్మక్క-సారలమ్మ ఆలయాన్ని సందర్శించింది. హీరో నాని, దర్శకుడు శ్రీకాంత్ ఓదెల, నిర్మాత సుధాకర్ చెరుకూరితో పాటు చిత్రబృందం ప్రత్యేక పూజలు నిర్వహించి అమ్మవార్లకు నిలువెత్తు బంగారం, పట్టు వస్త్రాలు సమర్పించింది.

మంత్రి పదవి కోల్పోవడంపై తనకు ఎలాంటి బాధ లేదని వరంగల్ ఎమ్మెల్యే కొండా సురేఖ అన్నారు. మంత్రిగా ఉంటే రాష్ట్రస్థాయిలో సేవ చేసే అవకాశం ఉండేదని, ప్రస్తుతం వరంగల్ నియోజకవర్గంపై మరింత దృష్టి పెట్టి అభివృద్ధి చేసే అవకాశం లభించిందని పేర్కొన్నారు. తమ అనుచరుల జోలికి వస్తే ఊరుకోబోమని హెచ్చరించారు.

వరంగల్ శివనగర్ వాసవికాలనీలోని వినాయక ట్రస్టు భవన్‌లో వినాయక చవితి వేడుకలు ఘనంగా జరుగుతున్నాయి. ఈసారి గణపతిని ఏకంగా రూ.1.93 కోట్ల విలువైన వివిధ రంగుల కరెన్సీ నోట్లతో అలంకరించడం ప్రత్యేక ఆకర్షణగా నిలిచింది. గతేడాది రూ.1.51 కోట్ల కరెన్సీతో అలంకరించగా.. ఈసారి మరో రూ.42 లక్షల విలువైన నోట్లను అదనంగా వినియోగించారు.

స్వేచ్ఛ కోసం సాగిన ఉద్యమాల్లో తెలంగాణ సాయుధ పోరాటానికి ప్రత్యేక స్థానం ఉంది. నిజాం నిరంకుశ పాలన, భూస్వామ్య దోపిడీ, వెట్టిచాకిరీ, అక్రమ పన్నులు, రజాకార్ల దౌర్జన్యాలకు వ్యతిరేకంగా రైతులు, కూలీలు, సామాన్య ప్రజలు తిరుగుబాటు చేశారు. ఈ పోరాటానికి ఉమ్మడి వరంగల్‌ జిల్లా కీలక కేంద్రంగా నిలిచింది. కడవెండిలో దొడ్డి కొమురయ్య అమరత్వం నుంచి వరంగల్‌ కోటపై జాతీయ జెండా ఎగురవేసిన బత్తిని మొగిలయ్య వరకు.. పాలకుర్తి, పరకాల, బైరాన్‌పల్లి వంటి ప్రాంతాల్లో జరిగిన ఘటనలు తెలంగాణ చరిత్రలో చెరగని ముద్ర వేశాయి. సెప్టెంబర్‌ 17 తెలంగాణ విమోచన దినోత్సవం సందర్భంగా ఉమ్మడి వరంగల్‌ గడ్డపై సాగిన ఆ పోరాట పథాన్ని గుర్తుచేసుకుందాం.

కాంగ్రెస్ నేత, మాజీ ఎమ్మెల్సీ కొండా మురళి కీలక వ్యాఖ్యలు చేశారు. తన భార్య, మంత్రి కొండా సురేఖకు ఢిల్లీ నుంచి పలువురు ఫోన్లు చేసినా ఆమె వెళ్లలేదని తెలిపారు. పదవులు శాశ్వతం కాదని, ప్రజలకు సేవ చేయాలన్న మాటకు కట్టుబడి ఉన్నామని స్పష్టం చేశారు. రాహుల్ గాంధీని ప్రధానిని చేయడమే కొండా దంపతుల లక్ష్యమని పేర్కొన్నారు.

పెళ్లి చేసుకుంటానని నమ్మించి ప్రేమ పేరుతో దగ్గరైన వ్యక్తి.. ఆ తర్వాత పెళ్లి మాట దాటవేయడంతో ప్రియురాలు ఒత్తిడి పెంచింది. అంతేకాదు, ఇద్దరూ ఏకాంతంగా ఉన్న వీడియోలు, ఫొటోలను బయటపెడతానని బెదిరించింది. పరువు పోతుందనే భయంతో ఆమెను పెళ్లి చేసుకుంటానని నమ్మించి అటవీ ప్రాంతానికి తీసుకెళ్లిన ప్రియుడు గొంతు నులిమి హత్య చేశాడు. అనంతరం మృతదేహాన్ని ముక్కలుగా నరికి అడవిలో పడేశాడు. హన్మకొండ జిల్లా హసన్‌పర్తిలో వెలుగులోకి వచ్చిన ఈ ఘటన తీవ్ర కలకలం రేపింది.

మంత్రి కొండా సురేఖ, ఎమ్మెల్సీ బస్వరాజు సారయ్య మధ్య మాటల యుద్ధం మరింత ముదిరింది. తనపై వ్యక్తిగత వ్యాఖ్యలు చేశారంటూ ఆగ్రహం వ్యక్తం చేసిన సారయ్య.. ధైర్యముంటే ఇద్దరం ఇండిపెండెంట్‌గా పోటీ చేద్దామని సురేఖకు ఓపెన్ ఛాలెంజ్ చేశారు. ఒక్క పైసా ఖర్చు చేయకుండా ఎన్నికల్లో తలపడదామని సవాల్ విసిరారు.

మంత్రి పదవి నుంచి తనను తొలగించడంపై కొండా సురేఖ తీవ్రంగా స్పందించారు. తనను బర్తరఫ్‌ చేయాలనే ఆలోచన కాంగ్రెస్‌ అధిష్ఠానానికి లేదని, సీఎం రేవంత్‌ రెడ్డి బ్లాక్‌మెయిల్‌ రాజకీయాలకు పాల్పడి తనపై చర్యలు తీసుకునేలా చేశారని ఆరోపించారు. తన వివరణ తీసుకోకుండా, తనతో మాట్లాడకుండా మంత్రి పదవి నుంచి తొలగించడం ఎలా సాధ్యమని ప్రశ్నించారు.

మంత్రి కొండా సురేఖను మంత్రి పదవి పై వస్తున్న వార్తల నేపథ్యంలో ప్రజాశాంతి పార్టీ అధ్యక్షుడు కేఏ పాల్ స్పందించారు. కొండా సురేఖ తన పార్టీలో చేరాలని, బీసీ మహిళగా ఆమెను ముఖ్యమంత్రిని చేయాల్సిన అవసరం ఉందని అన్నారు. కాంగ్రెస్‌లో బీసీ నాయకులకు అన్యాయం జరుగుతోందని ఆయన ఆరోపించారు.

తెలంగాణ కాంగ్రెస్‌లో మంత్రి కొండా సురేఖ వ్యవహారం కీలక మలుపు తిరిగినట్లు ప్రచారం జరుగుతోంది. మంత్రి పదవికి రాజీనామా చేయాలని ఏఐసీసీ అధ్యక్షుడు మల్లికార్జున ఖర్గే ఆదేశించినట్లు వార్తలు వినిపిస్తున్నాయి. సాయంత్రంలోగా రాజీనామా చేయకపోతే బర్తరఫ్‌కు సిఫార్సు చేస్తామని హెచ్చరించినట్లు తెలుస్తోంది. దీంతో కొండా సురేఖ తదుపరి నిర్ణయంపై ఉత్కంఠ నెలకొంది.

బీఆర్‌ఎస్‌ నాయకులు అధికారం కోల్పోయామన్న అక్కసుతోనే కాంగ్రెస్‌ ప్రభుత్వంపై పదేపదే విమర్శలు చేస్తున్నారని వరంగల్‌ ఎంపీ డా. కడియం కావ్య మండిపడ్డారు. కాంగ్రెస్‌ ప్రభుత్వం రెండున్నరేళ్లలోనే అభివృద్ధి, సంక్షేమ రంగాల్లో గణనీయమైన మార్పులు తీసుకొచ్చిందని, 1000 రోజుల పాలనే తమ ప్రోగ్రెస్‌ రిపోర్ట్‌ అని పేర్కొన్నారు.

హత్య కేసులో జీవిత ఖైదు అనుభవిస్తున్న ఖైదీ పెరోల్‌పై బయటకు వచ్చి తిరిగి జైలుకు వెళ్లకుండా ఏకంగా 40 ఏళ్లకు పైగా తప్పించుకుని తిరిగాడు. ఈ కాలంలో ప్రభుత్వ ఉపాధ్యాయుడిగా దాదాపు 30 ఏళ్లు పనిచేసి ఉత్తమ ఉపాధ్యాయ అవార్డు పొందడమే కాకుండా, పదవీ విరమణ అనంతరం పెన్షన్ కూడా తీసుకున్నాడు. చివరకు వరంగల్‌ సెంట్రల్‌ ప్రిజన్‌ ప్రత్యేక టాస్క్‌ఫోర్స్‌కు చిక్కాడు.

హనుమకొండ జిల్లా ఎల్కతుర్తిలో కారు డిక్కీలో మహిళ మృతదేహం లభించిన కేసులో సంచలన విషయాలు వెలుగులోకి వచ్చాయి.

తెలంగాణ మంత్రి కొండా సురేఖ వ్యవహారంపై కాంగ్రెస్ క్రమశిక్షణ కమిటీ నివేదిక సిద్ధం చేసింది. ఆమె వివరణపై కమిటీ సంతృప్తి చెందలేదని, సురేఖతో పాటు మరో ఇద్దరిపై కఠిన చర్యలు తీసుకోవాలని సిఫారసు చేసినట్లు సమాచారం. ఈ నివేదికను టీపీసీసీ చీఫ్ మహేశ్ కుమార్ గౌడ్, కాంగ్రెస్ రాష్ట్ర వ్యవహారాల ఇన్‌చార్జీ మీనాక్షి నటరాజన్‌కు అందించనున్నారు.

తెలంగాణ కాంగ్రెస్‌లో అంతర్గత విభేదాలు మరోసారి తెరపైకి వచ్చాయి. తనను, తన కుటుంబ సభ్యులను లక్ష్యంగా చేసుకుని కొందరు ఎమ్మెల్యేలు, ఎమ్మెల్సీలు అవమానకర వ్యాఖ్యలు చేస్తున్నారని మంత్రి కొండా సురేఖ ఆరోపించారు.

హనుమకొండలో ఆర్టీసీ కాంట్రాక్ట్ కండక్టర్లు ఆందోళనకు దిగారు. ఎలాంటి ముందస్తు సమాచారం లేకుండా వరంగల్ రీజియన్‌లో పనిచేస్తున్న సుమారు 90 మంది కండక్టర్లను విధుల నుంచి తొలగించారని ఆరోపించారు. వెంటనే తమను తిరిగి విధుల్లోకి తీసుకోవాలని డిమాండ్ చేశారు.

మంత్రి కొండా సురేఖ కుమార్తె సుస్మిత సీఎం రేవంత్ రెడ్డిపై చేసిన వ్యాఖ్యల నేపథ్యంలో కాంగ్రెస్‌లో విభేదాలు ముదురుతున్నాయి. ఈ వ్యాఖ్యలను ఖండించిన కాంగ్రెస్ ఎమ్మెల్యేలు, ఎమ్మెల్సీలు.. కొండా సురేఖపై పార్టీ అధిష్టానం చర్యలు తీసుకోవాలని డిమాండ్ చేశారు. ఈ సందర్భంగా ఎమ్మెల్యే నాయిని రాజేందర్ రెడ్డి కొండా కుటుంబంపై తీవ్రస్థాయిలో విమర్శలు చేశారు.

తెలంగాణ కాంగ్రెస్‌లో మరోసారి అంతర్గత విభేదాలు తెరపైకి వచ్చాయి. మంత్రి కొండా సురేఖ కుమార్తె సుస్మిత చేసిన వ్యాఖ్యలు పార్టీలో తీవ్ర రాజకీయ దుమారం రేపాయి. పరకాల ఎమ్మెల్యే రేవూరి ప్రకాశ్ రెడ్డిని ఉద్దేశించి ఆమె చేసిన వ్యాఖ్యలపై ఎమ్మెల్యే కేఆర్ నాగరాజు ఘాటుగా స్పందించగా.. రేవూరి ప్రకాశ్ రెడ్డి మాత్రం వ్యక్తిగత విమర్శలకు సమాధానం చెప్పి తన స్థాయిని తగ్గించుకోనని స్పష్టం చేశారు.

తెలంగాణ కాంగ్రెస్‌లో మరోసారి అంతర్గత విభేదాలు తెరపైకి వచ్చాయి. పరకాల నియోజకవర్గంపై మంత్రి కొండా సురేఖ కుమార్తె సుష్మితా పటేల్ సంచలన వ్యాఖ్యలు చేశారు. వచ్చే ఎన్నికల్లో కాంగ్రెస్ టికెట్ ఇవ్వకపోతే పరకాల నుంచి ఇండిపెండెంట్‌గా పోటీ చేసి గెలుస్తానని ప్రకటించారు. సీఎం రేవంత్ రెడ్డిపై తీవ్ర ఆరోపణలు చేస్తూ.. తనకు కౌంటర్ ఇస్తే ఆయనకు సంబంధించిన మరిన్ని విషయాలను బయటపెడతానని హెచ్చరించారు.

పరకాల నియోజకవర్గంలో కాంగ్రెస్‌ అంతర్గత రాజకీయాలు మరోసారి హాట్‌టాపిక్‌గా మారాయి. సీఎం రేవంత్‌రెడ్డి ప్రస్తుత ఎమ్మెల్యే రేవూరి ప్రకాశ్‌రెడ్డిని మరోసారి భారీ మెజార్టీతో గెలిపించాలని పిలుపునిచ్చిన నేపథ్యంలో.. మంత్రి కొండా సురేఖ కుమార్తె కొండా సుస్మితా పటేల్‌ పెట్టిన ‘అప్‌కమింగ్ పరకాల ఎమ్మెల్యే’ ఇన్‌స్టాగ్రామ్‌ స్టోరీ తీవ్ర చర్చకు దారితీసింది.

వరంగల్ భద్రకాళి చెరువు సుందరీకరణలో భాగంగా భద్రకాళి బండ్‌పై సందర్శకుల సౌకర్యార్థం ఏర్పాటు చేసిన ఎలక్ట్రిక్ వెహికిల్‌ను ఎమ్మెల్యే నాయిని రాజేందర్ రెడ్డి, హనుమకొండ జిల్లా కలెక్టర్, కమిషనర్ తదితరులు మంగళవారం ప్రారంభించారు. చిన్నారులు, మహిళలు, వృద్ధులు, దూరం నడవలేని వారికి ఈ వాహనం ఎంతో ఉపయోగకరంగా ఉంటుందని తెలిపారు.

కాకతీయ వైద్య కళాశాల, వరంగల్ పూర్వ విద్యార్థుల సంఘం ఆధ్వర్యంలో, కళాశాల యాజమాన్యం సహకారంతో కళాశాల ప్రాంగణంలో మెగా ప్లాంటేషన్ వన మహోత్సవం కార్యక్రమాన్ని ఘనంగా నిర్వహించారు. కార్యక్రమంలో పెద్ద ఎత్తున మొక్కలు నాటి పచ్చదనం, పర్యావరణ పరిరక్షణపై అవగాహన కల్పించారు.

అర్ధరాత్రి 3 గంటలకు విగ్రహం తొలగింపు.. నర్సంపేటలో హైటెన్షన్ 1,500 మంది పోలీసుల బందోబస్తు.. కార్యకర్తల అరెస్టులు.. ఆ తర్వాత విగ్రహం తొలగింపు? నర్సంపేటలో ఏం జరిగింది?

వరంగల్ జిల్లా పర్వతగిరి మండలం సిత్య తండాలో సాగునీరు అందక ఎండిపోయిన పంట పొలాలను మాజీ మంత్రి ఎర్రబెల్లి దయాకర్ రావు పరిశీలించారు. SRSP కాలువ ద్వారా వెంటనే సాగునీరు విడుదల చేయాలని డిమాండ్ చేస్తూ రైతులకు మద్దతుగా నిరసన చేపట్టారు. రైతుల సమస్యలను ప్రభుత్వం పట్టించుకోవడం లేదని కాంగ్రెస్ ప్రభుత్వంపై విమర్శలు చేశారు.

వరంగల్ జిల్లా నర్సంపేటలో పెద్ది సుదర్శన్ రెడ్డి విగ్రహం చుట్టూ ఉద్రిక్తత కొనసాగుతోంది. గద్దె కూల్చివేత తర్వాత బీఆర్ఎస్ నేతలు మళ్లీ విగ్రహాన్ని ఏర్పాటు చేయగా, తొలగించేందుకు వచ్చిన మున్సిపల్ అధికారులను పోలీసులు అడ్డుకున్నారు. విగ్రహం వద్ద రాత్రంతా పోలీస్ బందోబస్తు కొనసాగుతోంది.

PM Jan Dhan Yojana: గ్రామీణ ప్రాంతాల్లో బ్యాంకింగ్ సేవల విస్తరణ, ప్రధానమంత్రి జన్‌ధన్ యోజన అమలుపై వరంగల్ ఎంపీ డా. కడియం కావ్య లోక్‌సభలో ప్రశ్నించారు.

నర్సంపేటలో మాజీ ఎమ్మెల్యే పెద్ది సుదర్శన్ రెడ్డి విగ్రహం కోసం ఏర్పాటు చేసిన గద్దెను కూల్చివేయడంపై బీఆర్ఎస్ నేతలు ఆగ్రహం వ్యక్తం చేశారు. మాజీ ఎంపీ వినోద్ కుమార్, మాజీ మంత్రి ఎర్రబెల్లి దయాకర్ రావు ఘటనాస్థలాన్ని పరిశీలించి ధర్నా నిర్వహించారు. బాధ్యులపై చర్యలు తీసుకోవాలని, అదే స్థలంలో విగ్రహం ఏర్పాటు చేయాలని డిమాండ్ చేశారు.