Crime

వరంగల్ జిల్లా వర్ధన్నపేటలో మున్సిపల్ ఛైర్మన్ పాలకుర్తి సారంగపాణి ఇంటి ముందు ఓ యువతి ఆందోళనకు దిగింది. ఛైర్మన్ కుమారుడు శ్రీకాంత్ ప్రేమ పేరుతో తనను నమ్మించి మోసం చేశాడని, పెళ్లి చేసుకుంటానని చెప్పి శారీరకంగా దగ్గరై, గర్భం దాల్చిన సందర్భాల్లో అబార్షన్ చేయించారని ఆమె ఆరోపించింది. తనకు న్యాయం చేయాలని డిమాండ్ చేసింది. యువతికి బీజేపీ, బీఆర్ఎస్ నాయకులు, స్థానికులు సంఘీభావం తెలిపారు.

పల్నాడు జిల్లాలో క్షుద్రపూజల పేరుతో ఇద్దరిని హత్య చేసినట్లు ఆరోపణలు ఎదుర్కొంటున్న నిందితుడిని పోలీసులు అరెస్ట్‌ చేశారు. నరసరావుపేటకు చెందిన నిఖిల్‌.. నిద్రిస్తున్న వారిని బండరాయితో హత్య చేసి, మృతదేహం నుంచి కొన్ని శరీర భాగాలను తీసుకెళ్లినట్లు పోలీసులు గుర్తించారు. ఈ కేసు దర్యాప్తులో 2018లో జరిగిన మరో హత్యలోనూ నిఖిల్‌ ప్రమేయం ఉన్నట్లు వెలుగులోకి వచ్చింది. సీసీటీవీ, సాంకేతిక ఆధారాలతో నిందితుడిని గుర్తించిన పోలీసులు రిమాండ్‌కు తరలించారు.

పదో తరగతిలో ఏర్పడిన పరిచయం ఓ వివాహితకు తీవ్ర విషాదాన్ని మిగిల్చింది. పాత పరిచయంతో ఆమెతో తరచూ మాట్లాడిన ఓ కానిస్టేబుల్ కరీంనగర్‌లో ఆమెపై లైంగిక దాడికి పాల్పడి, రహస్యంగా వీడియోలు చిత్రీకరించినట్లు ఆరోపణలు వచ్చాయి. ఆ వీడియోలను అడ్డుపెట్టుకుని బెదిరింపులకు పాల్పడి రూ.1.30 లక్షలు తీసుకున్నాడని బాధితురాలు ఫిర్యాదు చేసింది. చివరకు వీడియోలను భర్తకు పంపడంతో ఆమె కాపురం కూడా దెబ్బతింది.

ఫ్లైదుబాయ్ విమానంలో చోటుచేసుకున్న హైజాక్ ప్రయత్నం అంతర్జాతీయంగా తీవ్ర కలకలం రేపింది. విమానం టెల్ అవీవ్ వైపు దూసుకొస్తుండటంతో ఇజ్రాయెల్ అప్రమత్తమైందని, అవసరమైతే విమానాన్ని కూల్చివేయాలని కూడా ఒక దశలో నిర్ణయించినట్టు అమెరికా మీడియా కథనాలు వెల్లడించాయి. అయితే ప్రయాణికులు నిందితుడిని అదుపులోకి తీసుకోవడంతో పాటు విమానం సౌదీ వైపు మళ్లడంతో ఇజ్రాయెల్ ఆ నిర్ణయం నుంచి వెనక్కి తగ్గినట్టు సమాచారం.

రంగారెడ్డి జిల్లా వైద్య ఆరోగ్య శాఖ అధికారిణి (డీఎంహెచ్‌వో) స్వర్ణకుమారి లంచం తీసుకుంటూ అవినీతి నిరోధక శాఖ (ఏసీబీ) అధికారులకు పట్టుబడ్డారు. ఎల్బీనగర్‌లో లైసెన్స్ లేదంటూ మూసివేసిన ఫిజియోథెరపీ ఆస్పత్రిని తిరిగి తెరవడానికి రూ.2 లక్షలు డిమాండ్ చేసినట్లు ఫిర్యాదు అందడంతో ఏసీబీ అధికారులు పథకం ప్రకారం దాడి నిర్వహించారు. ఈ వ్యవహారంలో డీఎంహెచ్‌వోతో పాటు హెల్త్ ఇన్‌స్పెక్టర్, డ్రైవర్ పాత్రపై దర్యాప్తు చేపట్టారు.

సోషల్ మీడియా రీల్స్ విషయంలో భార్యాభర్తల మధ్య తలెత్తిన విభేదాలు విషాదానికి దారితీశాయి. రీల్స్ చేయొద్దని భర్త వారించడంతో మనస్తాపానికి గురైన 35 ఏళ్ల వివాహిత గజ్వేల్‌లో ఆత్మహత్యకు పాల్పడినట్లు పోలీసులు తెలిపారు. 11 ఏళ్ల వైవాహిక బంధం, ఇద్దరు పిల్లలున్న కుటుంబంలో ఈ ఘటన తీవ్ర విషాదాన్ని నింపింది.

మద్యం, మత్తు పదార్థాలకు బానిసైన ఓ యువకుడు డబ్బులు ఇవ్వలేదన్న కోపంతో కన్నతల్లి నివసిస్తున్న ఇంటికే నిప్పుపెట్టాడు. పెట్రోల్ పోసి ఇంటిని దహనం చేయడంతో విలువైన వస్తువులతో పాటు రేషన్ సామాగ్రి పూర్తిగా కాలిపోయింది. ఈ దారుణ ఘటన మెదక్ జిల్లా రామాయంపేట మండలం నస్కల్‌ గ్రామంలో చోటుచేసుకుంది. నిందితుడిని పోలీసులు అరెస్ట్ చేసి రిమాండ్‌కు తరలించారు.

ఢిల్లీ లో వరుస అత్యాచార ఘటనలపై సుప్రీంకోర్టు తీవ్ర ఆందోళన వ్యక్తం చేసింది. మహిళలు, బాలికలపై నేరాలకు పాల్పడే నేరస్థుల మనసుల్లో పోలీసులంటే భయం కలిగేలా పటిష్టమైన పోలీసింగ్ వ్యవస్థను అమలు చేయాలని ఆదేశించింది. నేరం జరిగిన తర్వాత చర్యలు తీసుకోవడం కంటే.. అసలు నేరమే జరగకుండా నిరోధించడమే ముఖ్యమని స్పష్టం చేసింది.

మహాత్మా గాంధీ చిత్రంతో ఉన్న రూ.500 కరెన్సీ నోటును ఉపయోగించి అసభ్యకరంగా రీల్ చేసిన ఆరోపణలపై గుజరాత్‌లోని సూరత్‌కు చెందిన మహిళా కంటెంట్ క్రియేటర్ సిమ్రాన్ పటేల్‌ను పోలీసులు అరెస్ట్ చేశారు. సామాజిక కార్యకర్త ఇచ్చిన ఫిర్యాదుతో ఐటీ చట్టంలోని సెక్షన్ 67 కింద కేసు నమోదు చేశారు.

ఢిల్లీలోని జంతర్ మంతర్ వద్ద జరిగిన నిరసనలో ఊహించని పరిణామం చోటుచేసుకుంది. ఆందోళనకారులను తరలించేందుకు సిద్ధమైన పోలీసు బస్సు డ్రైవర్‌ వద్ద నుంచి ఓ మహిళా కార్యకర్త తాళం చెవిని లాక్కొని బస్సు కదలకుండా అడ్డుకున్నారు. ఈ ఘటనకు సంబంధించిన వీడియో సోషల్ మీడియాలో వైరల్‌గా మారింది.

హైదరాబాద్‌ శంషాబాద్‌లోని రాజీవ్ గాంధీ ఇంటర్నేషనల్ ఎయిర్‌పోర్ట్‌లో కస్టమ్స్ అధికారులు భారీగా బంగారాన్ని స్వాధీనం చేసుకున్నారు. తిరుచిరాపల్లి నుంచి హైదరాబాద్‌కు వచ్చిన ఓ ప్రయాణికుడి వద్ద సుమారు 800 గ్రాముల బంగారాన్ని గుర్తించి సీజ్ చేశారు. దీని విలువ దాదాపు రూ.1.20 కోట్లు ఉంటుందని అధికారులు తెలిపారు.

మేడ్చల్ జిల్లా మేడిపల్లిలో భారీ చోరీ కలకలం రేపింది. వరంగల్ జాతీయ రహదారిపై ఉన్న ఓ గోల్డ్ షాప్ షెట్టర్ తొలగించి లోపలికి ప్రవేశించిన దుండగులు సుమారు రూ.2 కోట్ల విలువైన వజ్రాలతో పాటు బంగారు ఆభరణాలను అపహరించినట్లు సిబ్బంది తెలిపారు. ఈ ఘటనపై పోలీసులు కేసు నమోదు చేసి దర్యాప్తు చేపట్టారు.

వీసా గడువు ముగిసినా హైదరాబాద్‌లో అక్రమంగా ఉంటున్న విదేశీయులపై పోలీసులు కొరడా ఝుళిపిస్తున్నారు. హైదరాబాద్ సిటీ పోలీస్ స్పెషల్ బ్రాంచ్, FRRO, ఐటీ సెల్, స్థానిక పోలీసులు సంయుక్తంగా నిర్వహిస్తున్న తనిఖీల్లో ఇప్పటివరకు 49 మంది అక్రమ విదేశీయులను గుర్తించారు. వీరిలో 12 మందిని ఇప్పటికే స్వదేశాలకు పంపగా.. మరో 37 మందిని హోల్డింగ్ సెంటర్లలో ఉంచారు. విచారణలో నకిలీ కరెన్సీ, డ్రగ్స్, మోసాలు, అక్రమ కార్యకలాపాలకు సంబంధించిన అంశాలు వెలుగులోకి వచ్చాయి.

దుబాయ్ నుంచి టెల్ అవీవ్ వెళ్తున్న ఫ్లైదుబాయ్ విమానంలో జరిగిన ఘటనకు సంబంధించి కీలక విషయాలు వెలుగులోకి వచ్చాయి. భారత పైలట్ కెప్టెన్ స్మిత్ మచ్చర్‌పై కో-పైలట్ హమామ్ అల్ హమామీ జరిపిన దాడిని యూఏఈ ప్రాసిక్యూటర్లు ఉగ్రవాద చర్యగా ధృవీకరించారు. విమానాన్ని తన ఆధీనంలోకి తీసుకుని కూల్చివేయాలనే ఉద్దేశంతోనే నిందితుడు దాడికి పాల్పడినట్లు అధికారులు వెల్లడించారు.

సికింద్రాబాద్ కంటోన్మెంట్ పరిధిలోని బొల్లారం 20 బెటాలియన్ మద్రాస్ రెజిమెంట్ క్యాంప్‌లో జరిగిన ఆయుధాల చోరీ కేసులో పోలీసులు భారీ కుట్రను ఛేదించారు. బ్యాంకులు, జ్యువెలరీ షాపులు, సంపన్నుల ఇళ్లలో దోపిడీలకు ఈ ఆయుధాలను ఉపయోగించేందుకు పథకం రచించినట్లు దర్యాప్తులో తేలింది. కేసులో ముగ్గురు సర్వీసులో ఉన్న ఆర్మీ జవాన్లతో పాటు ఏడుగురిని పోలీసులు అరెస్ట్ చేశారు.

నోయిడా సెక్టార్‌ 94లోని సూపర్‌నోవా భవనంలో విషాద ఘటన చోటుచేసుకుంది. హర్యానాలోని మానేసర్‌కు చెందిన 25 ఏళ్ల సంభవ్‌ జైన్‌ 43వ అంతస్తు నుంచి దూకి మృతి చెందాడు. ఘటనకు ముందు తండ్రికి పలుమార్లు ఫోన్‌ చేసినట్లు పోలీసులు తెలిపారు. తీవ్ర ఆర్థిక ఒత్తిడిలో ఉన్నట్లు ప్రాథమికంగా సమాచారం అందినప్పటికీ.. మృతికి పూర్తి కారణాలపై దర్యాప్తు కొనసాగుతోంది.

కృష్ణా జిల్లాలో ఆసక్తికర ఘటన చోటుచేసుకుంది. ఉద్యోగం పేరుతో మూడేళ్లుగా కుటుంబానికి దూరంగా ఉంటూ కనిపించకుండా తిరుగుతున్న భర్త.. చివరకు తన కాలనీలోని ఓ ఇంట్లో మరో మహిళతో ఉండగా భార్యకు కనిపించాడు. దీంతో ఆగ్రహానికి గురైన భార్య, కుమారుడితో కలిసి అతడిపై దాడి చేసి పోలీసులకు అప్పగించింది.

హైదరాబాద్‌లో 27 ఏళ్ల యువ వైద్యురాలు అనుమానాస్పద స్థితిలో మృతి చెందడం కలకలం రేపింది. హఫీజ్‌పేట్‌లోని ఓ సర్వీస్ అపార్ట్‌మెంట్‌లో ఆమె మృతదేహాన్ని పోలీసులు గుర్తించారు. ఆమెతో కలిసి హైదరాబాద్‌కు వచ్చిన యువకుడు ప్రస్తుతం పరారీలో ఉన్నట్లు పోలీసులు తెలిపారు. మృతికి గల కారణాలపై దర్యాప్తు కొనసాగుతోంది.

హైదరాబాద్‌ దిల్‌సుఖ్‌నగర్‌లోని సంతోషిమాత ఆలయంలో శుక్రవారం ఉదయం తీవ్ర కలకలం రేగింది. ఆలయంలోకి కర్రతో ప్రవేశించిన ఓ వ్యక్తి పూజారిపై దాడికి యత్నించడంతో పాటు అమ్మవారి విగ్రహంపై కర్రతో దాడి చేసినట్లు సీసీటీవీ దృశ్యాల్లో నమోదైంది. అప్రమత్తమైన భక్తులు అతడిని పట్టుకుని పోలీసులకు అప్పగించారు. ఘటనపై చైతన్యపురి పోలీసులు కేసు నమోదు చేసి దర్యాప్తు చేస్తున్నారు.

భూపాలపల్లి జిల్లా గణపురం మండలం బుద్దారం గ్రామంలో దారుణ ఘటన వెలుగులోకి వచ్చింది. వివాహేతర సంబంధానికి భర్త అడ్డుగా ఉన్నాడని భావించిన ఓ మహిళ ప్రియుడితో కలిసి భర్తను హత్య చేయించినట్లు పోలీసులు దర్యాప్తులో తేలింది. పురుగుల మందు కలిపిన మద్యం తాగించి హత్య చేసిన అనంతరం.. ఆత్మహత్యగా చిత్రీకరించేందుకు నిందితులు ప్రయత్నించారు. అయితే మృతుడి తల్లి అనుమానంతో పోలీసులకు ఫిర్యాదు చేయడంతో అసలు విషయం బయటపడింది.

డ్రైవర్ సుబ్రహ్మణ్యం హత్య కేసులో వైసీపీ ఎమ్మెల్సీ అనంతబాబుకు మరోసారి ఎదురుదెబ్బ తగిలింది. రాజమహేంద్రవరం ఎస్సీ, ఎస్టీ ప్రత్యేక కోర్టు ఆయన దాఖలు చేసిన బెయిల్ పిటిషన్‌ను తిరస్కరించింది. గతంలో బెయిల్‌పై బయటకు వచ్చిన అనంతబాబు సాక్షులను ప్రభావితం చేసేందుకు ప్రయత్నించారన్న ఆరోపణల నేపథ్యంలో ఆయనను పోలీసులు మళ్లీ అరెస్ట్ చేశారు. ప్రస్తుతం జ్యుడీషియల్ కస్టడీలో ఉన్న ఆయనకు తాజాగా కూడా బెయిల్ లభించకపోవడంతో కేసు విచారణ పూర్తయ్యే వరకు జైలులోనే ఉండాల్సిన పరిస్థితి ఏర్పడింది.

మహారాష్ట్రలో సరదాగా సాగాల్సిన విహారయాత్ర విషాదంగా మారింది. పుణెలోని అలందీకి చెందిన విద్యార్థులు రాయ్‌గఢ్‌ జిల్లాలోని దివేగార్‌ బీచ్‌కు పిక్నిక్‌కు వెళ్లగా సముద్రంలో ఈతకు దిగిన 8 మంది విద్యార్థులు నీట మునిగి ప్రాణాలు కోల్పోయారు. ఈ ఘటనతో బాధిత కుటుంబాల్లో తీవ్ర విషాదం నెలకొంది.

ఖైరతాబాద్ అసెంబ్లీ ఉపఎన్నికపై కీలక పరిణామం చోటుచేసుకుంది. కాంగ్రెస్ నేత పి. విజయారెడ్డి దాఖలు చేసిన ఎన్నికల పిటిషన్‌పై తెలంగాణ హైకోర్టు తుది తీర్పు వెలువడే వరకు ఉపఎన్నిక నోటిఫికేషన్ జారీ చేయబోమని కేంద్ర ఎన్నికల సంఘం స్పష్టం చేసింది. దీంతో ఖైరతాబాద్ బైఎలక్షన్‌పై కొనసాగుతున్న ఉత్కంఠ మరింత పెరిగింది.

శబరిమల అయ్యప్ప స్వామి ప్రసాదం తయారీలో హలాల్ గుర్తు ఉన్న బెల్లం వినియోగంపై దాఖలైన పిటిషన్‌పై కేరళ హైకోర్టు కీలక ఆదేశాలు జారీ చేసింది. ఆలయ సంప్రదాయాలు, భక్తుల విశ్వాసాలకు అనుగుణంగా ప్రసాదం తయారీకి అవసరమైన ముడి పదార్థాలను అత్యంత జాగ్రత్తగా ఎంపిక చేయాలని ట్రావెన్‌కోర్ దేవస్వం బోర్డును ఆదేశించింది. భవిష్యత్తులో ఇలాంటి వివాదాలు తలెత్తకుండా ఈ-టెండర్ నిబంధనల్లోనే తగిన షరతులు చేర్చాలని సూచించింది.

హైదరాబాద్‌ ఐటీ కారిడార్‌లోని సర్వీస్‌ అపార్ట్‌మెంట్లపై సైబరాబాద్‌ పోలీసులు నిఘా పెంచారు. పేకాట, వ్యభిచారం వంటి చట్టవిరుద్ధ కార్యకలాపాలకు అపార్ట్‌మెంట్లను ఉపయోగిస్తే కఠిన చర్యలు తప్పవని హెచ్చరించారు. అద్దెదారుల వివరాలు, గుర్తింపు పత్రాలు, బస ఉద్దేశం వంటి సమాచారాన్ని తప్పనిసరిగా నమోదు చేసుకోవాలని ప్రాపర్టీ ఓనర్లకు సూచించారు. నిబంధనలు పాటించకపోతే కేసులతో పాటు ఆస్తుల సీజ్‌కు కూడా అవకాశం ఉంటుందని స్పష్టం చేశారు.

భద్రాద్రి కొత్తగూడెం జిల్లా జూలూరుపాడు మండలం వెంగన్నపాలెంలో సంచలనం సృష్టించిన బీఎస్సీ నర్సింగ్ విద్యార్థిని ఇంద్రవెల్లి హరిణి (18) హత్య కేసును పోలీసులు ఛేదించారు. ప్రేమ వ్యవహారంలో దూరం పెట్టడంతో కక్ష పెంచుకున్న పవన్‌కుమార్‌ ముందస్తు పథకంతో హరిణిని హత్య చేసినట్లు పోలీసులు వెల్లడించారు.

కన్నడ నటి రణ్యారావు గోల్డ్ స్మగ్లింగ్ కేసులో మరో కీలక పరిణామం క‌స్ట‌మ్స్ అధికారులు ఆమెకు ఏకంగా రూ.89.91 కోట్ల జరిమానా విధించారు.

బాపట్ల జిల్లా మార్టూరు మండలం కోనంకి గ్రామ శివారులో విషాద ఘటన చోటుచేసుకుంది. పాఠశాల వద్ద ఏర్పడిన పరిచయం తర్వాత సన్నిహితంగా మారిన 22 ఏళ్ల యువకుడు, పదో తరగతి చదువుతున్న 15 ఏళ్ల బాలిక ఇళ్ల నుంచి అదృశ్యమయ్యారు. అనంతరం కోనంకి గ్రామ శివారులోని చెరువులో మృతదేహాలుగా కనిపించడంతో కుటుంబాల్లో విషాదం నెలకొంది.

గాంధీ జయంతి సందర్భంగా అక్టోబర్‌ 2న మద్యం, మాంసం విక్రయాలపై నిషేధం అమల్లోకి రానుంది. వైన్‌ షాపులు, బార్లు, పబ్‌లతో పాటు చికెన్‌, మటన్‌, బీఫ్‌ విక్రయ దుకాణాలు, జంతువధశాలలను మూసివేయాలని GHMC ఆదేశాలు జారీ చేసింది. నిబంధనలు ఉల్లంఘిస్తే చట్టపరమైన చర్యలు తీసుకుంటామని అధికారులు హెచ్చరించారు.

మహబూబాబాద్‌ జిల్లాలో మహిళలు, బాలికల అదృశ్య కేసులు ఆందోళన కలిగిస్తున్నాయి. జిల్లాలోని వివిధ పోలీస్‌స్టేషన్ల పరిధిలో 246 మిస్సింగ్‌ కేసులు నమోదైనట్లు సమాచారం. సోషల్‌ మీడియా పరిచయాలు, ప్రేమ పేరుతో మాయమాటలు వంటి అంశాల నేపథ్యంలో బాలికలు ఇళ్ల నుంచి వెళ్లిపోతున్న ఘటనలు చోటుచేసుకుంటున్నాయని అధికారులు, స్థానికులు చెబుతున్నారు.