వినోదం

విభిన్న కథలను ఎంచుకుంటూ తనకంటూ ప్రత్యేక గుర్తింపు తెచ్చుకున్న హీరో శ్రీవిష్ణు నటిస్తున్న తాజా చిత్రం ‘కామ్రేడ్ కల్యాణ్’. జానకిరామ్ మారెళ్ల దర్శకత్వంలో తెరకెక్కుతున్న ఈ సినిమా థియేట్రికల్ ట్రైలర్‌ను టాలీవుడ్‌కు చెందిన తొమ్మిది మంది ప్రముఖ దర్శకులు కలిసి విడుదల చేశారు. కామెడీ, ఎంటర్‌టైన్‌మెంట్‌తో రూపొందిన ట్రైలర్ సినిమాపై ఆసక్తిని మరింత పెంచుతోంది.

తమిళ స్టార్ డైరెక్టర్‌ లోకేష్‌ కనగరాజ్‌ నెక్స్ట్‌ ప్రాజెక్ట్‌పై ఆసక్తికరమైన వార్తలు వినిపిస్తున్నాయి. అల్లు అర్జున్‌, రామ్‌చరణ్‌తో అనుకున్న ప్రాజెక్టులు ప్రస్తుతానికి ముందుకు వెళ్లకపోవడంతో లోకేష్‌ ఇప్పుడు మహేశ్‌ బాబుతో సినిమా చేసేందుకు సిద్ధమవుతున్నట్టు సమాచారం. మైత్రీ మూవీ మేకర్స్‌ ఈ క్రేజీ కాంబినేషన్‌ను సెట్‌ చేస్తున్నట్టు టాక్‌ వినిపిస్తోంది.

సూపర్‌స్టార్ రజనీకాంత్ హీరోగా నెల్సన్ దిలీప్‌కుమార్ దర్శకత్వంలో తెరకెక్కుతున్న ‘జైలర్ 2’ ట్రైలర్ విడుదలైంది. ముత్తువేల్ పాండియన్‌గా రజనీకాంత్ మరోసారి మాస్ అవతార్‌లో కనిపించనున్నారు. యాక్షన్, వయలెన్స్, పవర్‌ఫుల్ డైలాగ్స్, భారీ ఎలివేషన్స్‌తో ఉన్న ట్రైలర్ సినిమాపై అంచనాలను మరింత పెంచుతోంది. దసరా కానుకగా ఈ సినిమా అక్టోబర్ 15న థియేటర్లలోకి రానుంది.

విక్టరీ వెంకటేశ్, మాటల మాంత్రికుడు త్రివిక్రమ్ శ్రీనివాస్ కాంబినేషన్‌లో తెరకెక్కుతున్న ‘ఆదర్శ కుటుంబం’ సినిమా విడుదల వాయిదా పడింది. ముందుగా ప్రకటించిన ప్రకారం అక్టోబర్ 9న థియేటర్లలోకి రావాల్సిన ఈ చిత్రాన్ని తుది దశ పనులు పూర్తి కాకపోవడంతో వాయిదా వేసినట్లు నిర్మాత నాగవంశీ వెల్లడించారు. నాణ్యత విషయంలో రాజీ పడకూడదనే ఈ నిర్ణయం తీసుకున్నట్లు ఆయన తెలిపారు.

మెగాస్టార్ చిరంజీవి, నందమూరి బాలకృష్ణ కాంబినేషన్‌లో సినిమా వస్తే అది టాలీవుడ్‌లోనే బిగ్గెస్ట్ మల్టీస్టారర్‌గా నిలిచే అవకాశం ఉంది. ఈ ఇద్దరు అగ్ర హీరోలను ఒకే ఫ్రేమ్‌లో చూపించాలని తాను కోరుకుంటున్నట్లు మాస్ డైరెక్టర్ బోయపాటి శ్రీను తెలిపారు. అవకాశం వస్తే అంతకంటే అదృష్టం మరొకటి ఉండదని ఆయన ఆసక్తికర వ్యాఖ్యలు చేశారు.

రామ్‌చరణ్‌తో ‘పెద్ది’ తెరకెక్కించిన దర్శకుడు బుచ్చిబాబు తన తదుపరి సినిమాను మెగాస్టార్ చిరంజీవితో చేయనున్నట్లు టాలీవుడ్ వర్గాల్లో ప్రచారం జరుగుతోంది. చిరంజీవి కోసం బుచ్చిబాబు రా అండ్ రస్టిక్ నేపథ్యంలో ఓ కథ సిద్ధం చేసినట్లు సమాచారం. ఈ భారీ చిత్రాన్ని మైత్రీ మూవీ మేకర్స్ నిర్మించనున్నట్లు టాక్ వినిపిస్తోంది.

హీరోయిన్ రకుల్‌ప్రీత్ సింగ్, ఆమె భర్త వసు భగ్నానీ కార్యాలయాల్లో ఐటీ సోదాలు జరిగాయన్న వార్తలపై రకుల్ స్పందించింది. తాను ఎవరికీ బినామీ కాదని, తనకు కోట్ల విలువైన ఆస్తులను ఎవరూ బహుమతిగా ఇవ్వలేదని స్పష్టం చేసింది. ఎలాంటి ఆధారాలు లేకుండా అసత్య ప్రచారం చేయొద్దని కోరింది.

ఒకప్పుడు అడవుల్లో తుపాకులు పట్టిన చేతులు ఇప్పుడు కెమెరా ముందు నటించేందుకు సిద్ధమవుతున్నాయి. హింసను వీడి జనజీవన స్రవంతిలోకి వచ్చిన ఛత్తీస్‌గఢ్‌లోని సుక్మా జిల్లాకు చెందిన తొమ్మిది మంది మాజీ మహిళా మావోయిస్టులకు బాలీవుడ్ సినిమాలో నటించే అవకాశం లభించింది. రాయ్‌పూర్‌లో నిర్వహించిన ఫ్యాషన్ షోలో వారి ఆత్మవిశ్వాసంతో కూడిన ర్యాంప్ వాక్ వైరల్ కావడంతో ఈ అవకాశం వచ్చినట్లు తెలుస్తోంది.

‘దేవర’ సినిమాలోని ‘చుట్టమల్లె’ పాట పేరుతో వైరల్ అవుతున్న మార్ఫింగ్ వీడియోపై జూనియర్ ఎన్టీఆర్ తీవ్ర ఆగ్రహం వ్యక్తం చేశారు. AIని దుర్వినియోగం చేసి మహిళను అవమానకరంగా చూపించడాన్ని ఖండించిన ఆయన.. వీడియోను రూపొందించిన వారితో పాటు సోషల్ మీడియాలో ప్రచారం చేస్తున్న వారిపైనా చట్టపరమైన చర్యలు తీసుకుంటామని హెచ్చరించారు.

హర్ష్‌ రోషన్‌, నక్షత్ర జంటగా నటించిన ‘తెల్ల కాగితం’ అక్టోబర్‌ 1 న ప్రేక్షకుల ముందుకొచ్చింది. యుక్త వయసులో ప్రేమలో పడిన ఓ జంట తొందరపాటులో చేసిన తప్పు ఎలాంటి పరిణామాలకు దారితీసిందనే కథాంశంతో ఈ చిత్రం తెరకెక్కింది. మరి ఈ రొమాంటిక్‌ ఎంటర్‌టైనర్‌ ప్రేక్షకులను ఎంతవరకు ఆకట్టుకుంది? అన్నది చూద్దాం.

హీరో సందీప్ కిషన్, దర్శకుడిగా జాసన్ సంజయ్ కాంబినేషన్‌లో తెరకెక్కిన చిత్రం ‘సిగ్మా’. ఫరియా అబ్దుల్లా హీరోయిన్‌గా నటించిన ఈ సినిమాను అక్టోబర్ 2న ప్రేక్షకుల ముందుకు తీసుకొచ్చారు. దళపతి విజయ్ తనయుడు జాసన్ సంజయ్ దర్శకుడిగా పరిచయమైన ఈ మూవీ ఎలా ఉంది? కథ, కథనం, నటీనటుల పెర్ఫార్మెన్స్, టెక్నికల్ అంశాలు ప్రేక్షకులను ఎంతవరకు ఆకట్టుకున్నాయో చూద్దాం.

కార్తిక్‌ సుబ్బరాజు దర్శకత్వంలో తెరకెక్కిన తమిళ చిత్రం ‘డోరతి’. కీర్తి సురేశ్‌, సనంత్‌, రిషికాంత్‌ కీలక పాత్రల్లో నటించిన ఈ సినిమాను తెలుగులో రానా దగ్గుబాటి స్పిరిట్‌ మీడియా విడుదల చేసింది. కుల, లింగ వివక్ష, పితృస్వామ్య భావజాలం, ట్రాన్స్‌జెండర్ల జీవన సంఘర్షణలను కథలో మేళవించిన ఈ చిత్రం ‘డోరతి’. మరి ఎలా ఉందంటే..

రాజమౌళి సమర్పణలో ఫహాద్‌ ఫాజిల్‌ ప్రధాన పాత్రలో తెరకెక్కిన ‘డోంట్‌ ట్రబుల్‌ ద ట్రబుల్‌’ భారీ అంచనాల మధ్య ప్రేక్షకుల ముందుకొచ్చింది. డబ్బు కోసం ఓ చిన్నారిని కిడ్నాప్‌ చేసిన హీరో ఆమె దెయ్యమని తెలుసుకున్న తర్వాత ఎదుర్కొన్న పరిణామాల చుట్టూ కథ సాగుతుంది. ఆసక్తికరమైన పాయింట్‌ ఉన్నప్పటికీ, కథనం నెమ్మదించడం, భావోద్వేగాలు బలంగా పండకపోవడం సినిమాకు ప్రతికూలంగా మారాయి.

జాతిపిత మహాత్మా గాంధీ, మాజీ ప్రధాని లాల్ బహదూర్ శాస్త్రి జయంతి సందర్భంగా మెగాస్టార్ చిరంజీవి వారికి ఘన నివాళులర్పించారు. సత్యం, అహింసతో గాంధీజీ అందించిన పోరాట స్ఫూర్తిని, ‘జై జవాన్–జై కిసాన్’ నినాదంతో శాస్త్రి చూపిన దేశభక్తిని గుర్తుచేసుకుంటూ ఎక్స్ వేదికగా భావోద్వేగ సందేశాన్ని పంచుకున్నారు.

ఎలాంటి అంచనాలు లేకుండా విడుదలై బాక్సాఫీస్ వద్ద విజయాన్ని అందుకున్న ఆధ్యాత్మిక చిత్రం ‘హనుమాన్ అంశ్’ ఇప్పుడు తెలుగులోకి రాబోతోంది. గతంలో తెలుగు విడుదలకు సంబంధించి త్రివిక్రమ్ శ్రీనివాస్ పేరు వినిపించిన ఈ సినిమా, కొన్ని కారణాలతో వాయిదా పడింది. తాజాగా అక్టోబర్ 9న థియేటర్లలోకి వస్తున్నట్లు మేకర్స్ ప్రకటించడంతో అదే రోజున విడుదల కానున్న త్రివిక్రమ్ చిత్రం ‘ఆదర్శకుటుంబం హౌస్ నెంబర్ 47’ తో ఆసక్తికరమైన పోటీ నెలకొంది.

నాని హీరోగా శ్రీకాంత్ ఓదెల దర్శకత్వంలో తెరకెక్కిన ‘ది ప్యారడైజ్’ చిత్రంలో మోహన్ బాబు శిఖంజా మాలిక్‌గా విలన్ పాత్రలో కనిపించారు. ఈ సినిమాకు సంబంధించిన ఓ చిట్‌చాట్ ఇంటర్వ్యూలో మోహన్ బాబు దర్శకుడు శ్రీకాంత్ ఓదెల తనను ‘మోసం చేశాడంటూ’ సరదాగా వ్యాఖ్యానించారు.

సినిమా ప్రమోషన్లు, కమర్షియల్ యాడ్స్‌కు సాధారణంగా దూరంగా ఉండే కోలీవుడ్ స్టార్ అజిత్ కుమార్ తాజాగా ఓ రియల్ ఎస్టేట్ సంస్థ కోసం చేసిన ఒక్క నిమిషం యాడ్ చర్చనీయాంశంగా మారింది. ఈ ప్రకటన కోసం ఆయనకు ఏకంగా రూ.40 కోట్ల పారితోషికం అందినట్లు సోషల్ మీడియాలో ప్రచారం జరుగుతోంది.

కన్నడ నటి రణ్యారావు గోల్డ్ స్మగ్లింగ్ కేసులో మరో కీలక పరిణామం క‌స్ట‌మ్స్ అధికారులు ఆమెకు ఏకంగా రూ.89.91 కోట్ల జరిమానా విధించారు.

తమిళ సూపర్‌స్టార్ రజనీకాంత్ మైసూరులో సందడి చేశారు. ధర్మాన్ సినిమా షూటింగ్‌లో భాగంగా నగరంలో ఉన్న ఆయన మంగళవారం ఆటోలో షూటింగ్‌ సెట్‌కు చేరుకున్నారు. అనంతరం చాముండేశ్వరి దేవిని దర్శించుకున్నారు. రజనీకాంత్‌ను చూసేందుకు అభిమానులు, స్థానికులు భారీగా తరలివచ్చారు.

ప్రభాస్‌పై ఉన్న అభిమానం ఓ వ్యక్తిని ఏకంగా థియేటర్ ఓనర్‌గా మార్చింది. ‘మిర్చి’ సినిమా సమయంలో టికెట్ దొరకకపోవడంతో ఎప్పటికైనా ఆ థియేటర్‌ను కొనుగోలు చేయాలని నిర్ణయించుకున్న అనకాపల్లికి చెందిన వ్యాపారవేత్త కాండ్రేగుల నాయుడు.. తన మాటను నిలబెట్టుకున్నారు. ప్రస్తుతం తాను నిర్మించిన ‘అనకాపల్లి’ సినిమాను అదే థియేటర్‌లో విడుదల చేస్తున్నారు.

సూపర్‌స్టార్‌ రజనీకాంత్‌ కథానాయకుడిగా నెల్సన్‌ దిలీప్‌కుమార్‌ తెరకెక్కిస్తున్న ‘జైలర్‌ 2’పై భారీ అంచనాలు నెలకొన్నాయి. తాజాగా ఈ చిత్రం నుంచి ‘బిందాస్‌’ లిరికల్‌ వీడియోను మేకర్స్‌ విడుదల చేశారు. ఇందులో నోరా ఫతేహి తన ఎనర్జిటిక్‌ డ్యాన్స్‌తో ఆకట్టుకోగా రజనీకాంత్‌ కూడా కాసేపు కనిపించి సందడి చేశారు.

మ్యాన్ ఆఫ్ మాసెస్ ఎన్టీఆర్ తన అభిమానుల పట్ల చూపించే ప్రేమ మరోసారి అందరి మనసులు గెలుచుకుంది. హైదరాబాద్‌లో జరిగిన ‘డోంట్ ట్రబుల్ ది ట్రబుల్’ ప్రీ రిలీజ్ ఈవెంట్‌లో తనను కలిసేందుకు వచ్చిన ఓ మూగ, వినికిడి శక్తి లేని అభిమానిని ఎన్టీఆర్ ప్రత్యేకంగా కలిశారు. తనను హగ్ చేసుకోవాలని ఆ అభిమాని కోరడంతో, చేతికి ఉన్న సపోర్ట్ బెల్ట్‌ను సైతం తీసేసి అతడిని ఆత్మీయంగా హత్తుకున్నారు. ఇందుకు సంబంధించిన వీడియో సోషల్ మీడియాలో వైరల్‌గా మారింది.

‘ది ప్యారడైజ్’ సినిమా విజయంతో జోష్‌లో ఉన్న నేచురల్ స్టార్ నాని, దర్శకుడు శ్రీకాంత్ ఓదెలతో పాటు చిత్ర బృందం విజయవాడ ఇంద్రకీలాద్రిపై కొలువైన శ్రీ కనకదుర్గ అమ్మవారిని దర్శించుకుంది. అమ్మవారికి ప్రత్యేక పూజలు నిర్వహించిన అనంతరం వేద పండితుల ఆశీర్వచనాలు అందుకున్నారు.

నేచురల్ స్టార్ నాని హీరోగా శ్రీకాంత్ ఓదెల దర్శకత్వంలో తెరకెక్కిన ‘ది ప్యారడైజ్’ సినిమా విజయోత్సాహంలో ఉన్న చిత్రబృందం మేడారం సమ్మక్క-సారలమ్మ ఆలయాన్ని సందర్శించింది. హీరో నాని, దర్శకుడు శ్రీకాంత్ ఓదెల, నిర్మాత సుధాకర్ చెరుకూరితో పాటు చిత్రబృందం ప్రత్యేక పూజలు నిర్వహించి అమ్మవార్లకు నిలువెత్తు బంగారం, పట్టు వస్త్రాలు సమర్పించింది.

సినిమా ప్రారంభానికి ముందు 22 నిమిషాల పాటు వాణిజ్య ప్రకటనలు ప్రసారం చేసి షోను ఆలస్యం చేసిన హైదరాబాద్‌లోని ఓ థియేటర్‌కు వినియోగదారుల కమిషన్ భారీ జరిమానా విధించింది. బాధిత ప్రేక్షకుడికి రూ.25 వేలు చెల్లించడంతో పాటు మరో రూ.50 వేలను జిల్లా వినియోగదారుల సంక్షేమ నిధికి జమ చేయాలని ఆదేశించింది.

నాని హీరోగా శ్రీకాంత్ ఓదెల దర్శకత్వంలో తెరకెక్కిన ‘ది ప్యారడైజ్’ బాక్సాఫీస్ వద్ద దూసుకెళ్తోంది. రెండు రోజుల్లోనే రూ.114 కోట్ల వసూళ్లు సాధించినట్లు మేకర్స్ ప్రకటించారు. ఈ నేపథ్యంలో బీఆర్ఎస్ వర్కింగ్ ప్రెసిడెంట్ కేటీఆర్ ఈ సినిమాను థియేటర్‌లో చూడబోతున్నట్లు సోషల్ మీడియా వేదికగా వెల్లడించారు. సినిమాలో తెలంగాణ అంశాలు, కేసీఆర్‌ను పోలిన ప్రియదర్శి పాత్ర ఉండటంతో కేటీఆర్ సినిమా వీక్షణపై ఆసక్తి నెలకొంది.

హైదరాబాద్‌ గణేశ్‌ నిమజ్జన వేడుకల్లో భక్తి, సందడి నడుమ పోలీసుల సరదా డ్యాన్స్‌లు ప్రత్యేక ఆకర్షణగా మారాయి. గణేష్‌ నిమజ్జనం సందర్భంగా కొందరు పోలీసులు డ్యాన్స్‌ స్టెప్పులతో సందడి చేయగా ఈ దృశ్యాలు ప్రస్తుతం సోషల్‌ మీడియాలో వైరల్‌గా మారాయి.

న్యాచురల్ స్టార్ నాని, శ్రీకాంత్ ఓదెల కాంబినేషన్‌లో తెరకెక్కిన ‘ది ప్యారడైజ్’ ప్రేక్షకుల ముందుకు వచ్చింది. భారీ అంచనాలతో విడుదలైన ఈ సినిమాపై భిన్న స్పందనలు వస్తుండగా.. నెగెటివ్ రివ్యూస్, సోషల్ మీడియా ట్రోల్స్‌పై నాని స్పందించాడు. ప్రేక్షకుల ప్రేమతో పాటు విమర్శలను కూడా స్వీకరిస్తానని తెలిపాడు.

సూపర్ స్టార్ మహేశ్ బాబు కొత్త లుక్ సోషల్ మీడియాలో వైరల్‌గా మారింది. కొన్నేళ్లుగా గడ్డంతో రఫ్ లుక్‌లో కనిపించిన ఆయన.. తాజాగా క్లీన్ షేవ్‌తో మునుపటి కంటే యంగ్‌గా దర్శనమిచ్చారు. ‘వారణాసి’ షూటింగ్‌లో భాగంగా కాశీ షెడ్యూల్ పూర్తి చేసుకుని హైదరాబాద్ చేరుకున్న మహేశ్‌ను చూసి అభిమానులు ఫిదా అవుతున్నారు. అయితే ఈ కొత్త లుక్ వెనుక ‘వారణాసి’లోని కీలక పాత్రే కారణమా అన్న ఆసక్తి ఇప్పుడు నెలకొంది.

నేచురల్ స్టార్ నాని, శ్రీకాంత్ ఓదెల కాంబినేషన్‌లో తెరకెక్కిన ‘ది ప్యారడైజ్’ ప్రస్తుతం థియేటర్లలో సందడి చేస్తోంది. సినిమాలో నాని తల్లి సమ్మక్క పాత్రలో ఆమె యంగ్ వెర్షన్‌గా కనిపించిన నటి ఇప్పుడు సోషల్ మీడియాలో హాట్ టాపిక్‌గా మారింది. ఇంతకీ ఆ నటి ఎవరు? ఆమె సినీ నేపథ్యం ఏంటి?