అంతర్జాతీయం

ఫ్లైదుబాయ్ విమానంలో కోపైలట్ గొడ్డలితో చేసిన దాడిలో తీవ్రంగా గాయపడినా.. విమానాన్ని అదుపులో ఉంచి 174 మంది ప్రయాణికుల ప్రాణాలను కాపాడిన భారతీయ పైలట్ కెప్టెన్ స్మిత్ మచ్చార్‌కు పుర్రెలో తీవ్ర ఫ్రాక్చర్ అయినట్లు వైద్యులు వెల్లడించారు. ప్రస్తుతం అబుధాబిలో చికిత్స పొందుతున్న ఆయన వేగంగా కోలుకుంటున్నారని తెలిపారు.

చైనాలోని చోంగ్‌కింగ్ నగరం మరోసారి తన ప్రత్యేక భౌగోళిక నిర్మాణంతో ప్రపంచం దృష్టిని ఆకర్షిస్తోంది. ఇక్కడి హాంగ్‌యాన్‌కున్ మెట్రో స్టేషన్ భూమి ఉపరితలం నుంచి ఏకంగా 116 మీటర్ల లోతులో నిర్మితమై ప్రపంచంలోనే అత్యంత లోతైన మెట్రో స్టేషన్‌గా రికార్డు సృష్టించింది. స్టేషన్‌లోని ప్లాట్‌ఫామ్‌కు చేరుకోవాలంటే ప్రయాణికులు వరుసగా దాదాపు 10 ఎస్కలేటర్లను దాటాల్సి ఉంటుంది.

ఫ్లైదుబాయ్ విమానాన్ని కూల్చేందుకు ప్రయత్నించినట్లు ఆరోపణలు ఎదుర్కొంటున్న ఒమన్ జాతీయుడు, కో పైలట్ హమామ్ అల్-హమ్మామి విచారణలో కీలక విషయాలు వెల్లడించినట్లు మీడియా నివేదికలు చెబుతున్నాయి. ఫ్లైదుబాయ్‌లో చేరకముందే దాడికి ప్రణాళిక రచించినట్లు, గాజాపై దాడులకు ప్రతీకారంగా ఈ చర్యకు పాల్పడాలని భావించినట్లు దర్యాప్తు అధికారులకు చెప్పినట్లు సమాచారం.

ఫ్లైదుబాయ్ విమానంలో చోటుచేసుకున్న హైజాక్ ప్రయత్నం అంతర్జాతీయంగా తీవ్ర కలకలం రేపింది. విమానం టెల్ అవీవ్ వైపు దూసుకొస్తుండటంతో ఇజ్రాయెల్ అప్రమత్తమైందని, అవసరమైతే విమానాన్ని కూల్చివేయాలని కూడా ఒక దశలో నిర్ణయించినట్టు అమెరికా మీడియా కథనాలు వెల్లడించాయి. అయితే ప్రయాణికులు నిందితుడిని అదుపులోకి తీసుకోవడంతో పాటు విమానం సౌదీ వైపు మళ్లడంతో ఇజ్రాయెల్ ఆ నిర్ణయం నుంచి వెనక్కి తగ్గినట్టు సమాచారం.

దుబాయ్ నుంచి ఇజ్రాయెల్‌కు వెళ్తున్న ఫ్లైదుబాయ్ విమానంలో చోటుచేసుకున్న ఘటనపై దర్యాప్తులో సంచలన విషయాలు వెలుగులోకి వచ్చినట్టు హీబ్రూ మీడియా కథనాలు వెల్లడించాయి. పైలట్‌ను హతమార్చిన తర్వాత విమానాన్ని బెన్ గురియన్ విమానాశ్రయంలోని భవనం లేదా జెట్‌పై ఢీకొట్టాలని కో-పైలట్ హమామ్ అల్-హమ్మామి భావించినట్టు దర్యాప్తు అధికారులకు వెల్లడించినట్లు సమాచారం.

దుబాయ్ నుంచి టెల్ అవీవ్ వెళ్తున్న ఫ్లైదుబాయ్ విమానంలో జరిగిన ఘటనకు సంబంధించి కీలక విషయాలు వెలుగులోకి వచ్చాయి. భారత పైలట్ కెప్టెన్ స్మిత్ మచ్చర్‌పై కో-పైలట్ హమామ్ అల్ హమామీ జరిపిన దాడిని యూఏఈ ప్రాసిక్యూటర్లు ఉగ్రవాద చర్యగా ధృవీకరించారు. విమానాన్ని తన ఆధీనంలోకి తీసుకుని కూల్చివేయాలనే ఉద్దేశంతోనే నిందితుడు దాడికి పాల్పడినట్లు అధికారులు వెల్లడించారు.

అమెరికాలోని టెక్సాస్‌కు చెందిన నిక్ డీర్‌మన్ హనుమాన్ చాలీసాను అత్యంత వేగంగా, స్పష్టంగా పఠించిన వీడియో సోషల్ మీడియాలో వైరల్‌గా మారింది. ఎలాంటి తడబాటు లేకుండా డబుల్ స్పీడ్‌లో చాలీసాను చదివిన ఆయన ఏకాగ్రత, ఉచ్చారణపై నెటిజన్లు ప్రశంసలు కురిపిస్తున్నారు.

ఫ్లై దుబాయ్‌ విమానంలో జరిగిన కాక్‌పిట్‌ దాడి తీవ్ర కలకలం రేపింది. దాడిలో భారతీయ పైలట్‌ కెప్టెన్‌ స్మిత్‌ మచ్చార్‌ తీవ్రంగా గాయపడి భారీగా రక్తస్రావం కావడంతో స్పృహ కోల్పోయే పరిస్థితికి చేరుకున్నారు. అదే విమానంలో ప్రయాణిస్తున్న ఇజ్రాయెల్‌ దంత వైద్యుడు డాక్టర్‌ షోటా మొసావ్‌ వెంటనే కాక్‌పిట్‌లోకి వెళ్లి ప్రాథమిక చికిత్స అందించారు. ఆయన సకాలంలో స్పందించడం పైలట్‌ ప్రాణాలను కాపాడడంలో కీలకంగా మారింది.

దుబాయ్‌ నుంచి టెల్‌అవీవ్‌ వెళ్తున్న ఫ్లైదుబాయ్ విమానంలో ఊహించని ఘటన చోటుచేసుకుంది. కాక్‌పిట్‌లో కో-పైలట్‌ కత్తితో దాడి చేయడంతో విమానం ప్రమాదకరంగా కిందికి పడిపోయింది. తీవ్రంగా గాయపడినప్పటికీ కెప్టెన్‌ స్మిత్‌ మచ్చర్‌ ధైర్యంగా ప్రతిఘటించి 174 మంది ప్రయాణికుల ప్రాణాలను కాపాడారు. ఆయన అసాధారణ సాహసాన్ని ప్రధాని నరేంద్ర మోదీ, ఇజ్రాయెల్‌ ప్రధాని బెంజమిన్‌ నెతన్యాహూ, అమెరికా అధ్యక్షుడు డొనాల్డ్‌ ట్రంప్‌ ప్రశంసించారు.

దుబాయ్‌ నుంచి టెల్ అవీవ్‌కు వెళ్తున్న ఫ్లైదుబాయ్ విమానంలో అనూహ్య ఘటన చోటుచేసుకుంది. సహ పైలట్ దాడి చేసినప్పటికీ భారతీయ కెప్టెన్ ప్రాణాలకు తెగించి అతడిని ఎదుర్కొన్నారు. అదే సమయంలో విమానంపై నియంత్రణ కోల్పోకుండా జాగ్రత్తలు తీసుకుని సుమారు 180 మంది ప్రయాణికుల ప్రాణాలను కాపాడినట్లు ఇజ్రాయెల్ వార్తా సంస్థలు వెల్లడించాయి.

ప్రపంచంలో అత్యంత విలువైన కరెన్సీ అనగానే చాలామందికి అమెరికా డాలర్, బ్రిటన్ పౌండ్ లేదా యూరో గుర్తుకొస్తాయి. కానీ యూనిట్ మారకం విలువ పరంగా వీటన్నింటినీ వెనక్కి నెట్టి అగ్రస్థానంలో నిలిచింది కువైట్ దీనార్.

దుబాయ్‌ నుంచి టెల్ అవీవ్‌కు వెళ్తున్న ఫ్లై దుబాయ్‌ విమానంలో ఊహించని పరిణామం చోటుచేసుకుంది. కాక్‌పిట్‌లో ఇద్దరు పైలట్ల మధ్య ఘర్షణ జరగడంతో విమానం నుంచి అత్యవసర సంకేతాలు వెలువడ్డాయి. దీంతో హైజాక్‌ అనుమానాలు తలెత్తగా చివరకు విమానాన్ని సౌదీ అరేబియాలోని తబూక్‌ విమానాశ్రయానికి మళ్లించారు. ప్రయాణికులు, సిబ్బంది సురక్షితంగా ఉన్నట్లు విమానయాన సంస్థ వెల్లడించింది.

భారీ వర్షాలతో బ్యాంకాక్‌లోని ఓ నివాస ప్రాంతం వరద నీటిలో మునిగిపోయింది. ఈ క్రమంలో మోకాలి లోతు నీటిలో ఓ మొసలి ప్రత్యక్షం కావడంతో స్థానికులు భయాందోళనకు గురయ్యారు. కొందరు పిల్లలు, పెద్దలు కలిసి కర్రల సాయంతో దాన్ని జనావాసానికి దూరంగా తరలించారు. దీనికి సంబంధించిన వీడియో సోషల్ మీడియాలో వైరల్‌గా మారింది.

నేపాల్‌లోని మనంగ్ జిల్లాలో భారీ కొండచరియలు విరిగిపడిన ఘటనకు సంబంధించిన వీడియో సోషల్ మీడియాలో వైరల్‌గా మారింది. చామే ప్రాంతంలో ఒక్కసారిగా భారీ బండరాళ్లు, మట్టి, చెట్లు కొండపై నుంచి కిందికి జారిపడగా సమీపంలోని ఓ ఇంటి భాగం కూడా కొండచరియలతో పాటు కూలిన దృశ్యాలు వీడియోలో కనిపిస్తున్నాయి.

దుబాయ్‌ నుంచి టెల్ అవీవ్‌కు వెళ్తున్న ఫ్లైదుబాయ్‌ విమానంలో హైజాక్‌ అలర్ట్‌ కలకలం రేపింది. సౌదీ అరేబియా గగనతలం మీదుగా ప్రయాణిస్తున్న సమయంలో విమానం నుంచి రెండు అత్యవసర సంకేతాలు వెలువడినట్లు ఇజ్రాయెల్‌ మీడియా కథనాలు తెలిపాయి. దీంతో ఇజ్రాయెల్‌ అధికారులు అప్రమత్తమై ఫైటర్‌ జెట్లను రంగంలోకి దించారు. విమానాన్ని సౌదీ అరేబియా వైపు మళ్లించినట్లు సమాచారం.

హాలీవుడ్ స్టార్, మార్షల్ ఆర్ట్స్ లెజెండ్ జాకీ చాన్ మరణించారంటూ సోషల్ మీడియాలో వైరల్ అవుతున్న వార్తలు పూర్తిగా అవాస్తవమని ఫ్యాక్ట్ చెక్ నివేదికలు వెల్లడించాయి. ‘1954–2026’ అంటూ ఆయన ఫొటోలతో వైరల్ అయిన పోస్టులు అభిమానుల్లో ఆందోళన రేపినా జాకీ చాన్ క్షేమంగా ఉన్నట్లు ధృవీకరణలు వెలువడ్డాయి.

Bangkok Floods: బ్యాంకాక్‌లో భారీ వర్షాలతో వరదలు బీభత్సం సృష్టించాయి. 3 రోజుల్లో 30 సెం.మీ.కు పైగా వర్షంతో ఇళ్లు, కార్లు నీటమునిగాయి. రోడ్లు జలమయం కాగా అధికారులు సహాయక చర్యలు చేపట్టారు.

డెమోక్రటిక్ రిపబ్లిక్ ఆఫ్ కాంగోలో ఘోర విమాన ప్రమాదం చోటుచేసుకుంది. కిక్విట్‌ నుంచి రాజధాని కిన్షాసాకు తిరిగి వస్తున్న విమానం కెంగే సమీపంలో కుప్పకూలింది. ఈ ప్రమాదంలో ఇద్దరు సీనియర్ సైనిక అధికారులతో సహా మొత్తం 14 మంది ప్రాణాలు కోల్పోయారు.

స్వదేశానికి వేల కిలోమీటర్ల దూరంలో ఉన్న అంటార్కిటికాలో భారత శాస్త్రవేత్తలు వినాయక చవితిని వినూత్నంగా జరుపుకున్నారు. మైత్రి పరిశోధన కేంద్రంలో మంచుతో గణపతి విగ్రహాన్ని స్వయంగా రూపొందించి పూజలు నిర్వహించారు. అనంతరం పర్యావరణానికి ఎలాంటి హాని కలగకుండా కేంద్రం లోపలే నీటితో నిమజ్జనం చేశారు. ఇందుకు సంబంధించిన వీడియో సోషల్ మీడియాలో వైరల్‌గా మారింది.

యూకేలో ఉద్యోగాలు, వర్క్ వీసాలు ఇప్పిస్తామని నమ్మించి నిరుద్యోగులు, వీసా గడువు ముగియనున్న వారి నుంచి భారీగా నగదు వసూలు చేశారంటూ యూట్యూబర్ నందన, ఆమె భర్త జాగర్లమూడి మధుకర్‌పై పలువురు బాధితులు తెలంగాణ ప్రజావాణిలో ఫిర్యాదు చేశారు. ఒక్కొక్కరి నుంచి రూ.25 లక్షల నుంచి రూ.95 లక్షల వరకు వసూలు చేసినట్లు బాధితులు ఆరోపించారు. తమకు న్యాయం చేయాలని అధికారులను కోరారు.

అమెరికా అధ్యక్షుడు డొనాల్డ్‌ ట్రంప్‌కు ప్రముఖ టెలివిజన్‌ వార్తా సంస్థలు షాక్‌ ఇచ్చాయి. అధ్యక్ష భవనం కార్యకలాపాలను కవర్‌ చేసే మీడియా సంస్థలపై ట్రంప్‌ ప్రభుత్వం విధించిన నిషేధాన్ని నిరసిస్తూ అధ్యక్షుడి అధికారిక కార్యక్రమాలు, పర్యటనలకు కవరేజీ ఇవ్వకూడదని టెలివిజన్‌ పూల్‌ కన్సార్టియం నిర్ణయించింది. ఐక్యరాజ్యసమితి జనరల్‌ అసెంబ్లీలో ట్రంప్‌ పాల్గొనే కార్యక్రమాలకు కూడా ఈ నిర్ణయం వర్తించనుంది.

లండన్‌ నుంచి ఢాకాకు బయలుదేరిన బిమాన్ బంగ్లాదేశ్ ఎయిర్‌లైన్స్ విమానంలో ఇద్దరు ప్రయాణికులు తీవ్రంగా గొడవపడ్డారు. మాటామాటా పెరిగి పరస్పరం పిడిగుద్దులు కురిపించుకోవడంతో విమానంలో కలకలం రేగింది. ఈ ఘటనకు సంబంధించిన వీడియో సోషల్ మీడియాలో వైరల్‌గా మారింది.

హైదరాబాద్‌లోని ప్రత్యేక NIA కోర్టు 2019 నాటి అంతర్జాతీయ మానవ అక్రమ రవాణా కేసులో కీలక తీర్పు వెలువరించింది. బంగ్లాదేశ్‌కు చెందిన మహిళలను ఉద్యోగాల పేరుతో భారత్‌కు అక్రమంగా తరలించి, వ్యభిచారంలోకి నెట్టిన కేసులో ఎనిమిది మంది బంగ్లాదేశీయులు సహా తొమ్మిది మంది నిందితులకు జీవిత ఖైదు విధించింది.

Social Media | సోషల్‌ మీడియా ప్రభావాన్ని తగ్గించే దిశగా యూరోపియన్‌ యూనియన్‌ (ఈయూ) కీలక ప్రతిపాదన చేసింది. 13 ఏళ్లలోపు పిల్లలు సోషల్‌ మీడియా, ఆన్‌లైన్‌ గేమ్స్‌, చాట్‌బాట్‌లను వినియోగించకుండా నిషేధం విధించాలని ఈయూ అధ్యక్షురాలు ఉర్సులా వాన్‌ డెర్‌ లేయెన్‌ ప్రతిపాదించారు.

సూడాన్‌లో ఘోర గని ప్రమాదం చోటుచేసుకుంది. వెస్ట్ కొర్దోఫ్యాన్ ప్రాంతంలోని అల్‌-జరా బంగారు గని సొరంగాలు ఒక్కసారిగా కుప్పకూలడంతో సుమారు 60 మంది మృతి చెందారు. మరికొందరు శిథిలాల కింద చిక్కుకున్నట్లు సమాచారం. సహాయక చర్యలకు భారీ యంత్రాలు అందుబాటులో లేకపోవడంతో మృతుల సంఖ్య మరింత పెరిగే అవకాశం ఉంది.

అమెరికాలోని లాస్ ఏంజెలెస్‌లో ఘోర ప్రమాదం చోటుచేసుకుంది. బస్సు ప్రమాదాన్ని కవర్ చేసేందుకు వెళ్లిన మీడియా హెలికాప్టర్ గాల్లో అదుపుతప్పి పార్కింగ్ ప్రాంతంలో కూలిపోయింది. ఈ ఘటనలో ముగ్గురు ప్రాణాలు కోల్పోయినట్లు అధికారులు వెల్లడించారు.

భారత్‌లో వినాయకుడికి లడ్డూలు, మోదకాలు, ఉండ్రాళ్లు, కుడుములు నైవేద్యంగా సమర్పించడం సాధారణం. అయితే థాయ్‌లాండ్‌లో మాత్రం గణేశుడికి బబుల్ టీని నైవేద్యంగా సమర్పించే ప్రత్యేక ఆచారం కనిపిస్తోంది. బ్యాంకాక్‌లోని యూనియన్ మాల్ సమీపంలోని గణేశుడి ఆలయంలో భక్తులు పెద్ద సంఖ్యలో బబుల్ టీ కప్పులను సమర్పిస్తున్న దృశ్యాలు సోషల్ మీడియాలో వైరల్‌గా మారాయి.

అంతరిక్షంలో ఆయుధాలను మోహరించినట్లు అమెరికా తొలిసారి బహిరంగంగా అంగీకరించింది. కక్ష్యలోని ‘స్పేస్ కంట్రోల్’ ఆయుధాలు అమెరికా సంయుక్త బలగాలు, మిత్ర దేశాలను శత్రు దేశాల నుంచి ఎదురయ్యే ముప్పుల నుంచి రక్షించేందుకు ఉపయోగపడతాయని అమెరికా ఎయిర్ ఫోర్స్‌ సెక్రటరీ ట్రాయ్ మెయింక్ వెల్లడించారు. అయితే ఆయుధాల రకం, పూర్తి సామర్థ్యంపై మాత్రం వివరాలు వెల్లడించలేదు.

ఆర్టిఫిషియల్ ఇంటెలిజెన్స్ అభివృద్ధి వేగంపై మరోసారి తీవ్ర ఆందోళనలు వ్యక్తమవుతున్నాయి. గూగుల్ డీప్‌మైండ్ ఏజీఐ సేఫ్టీ టీమ్‌లో పనిచేసిన పరిశోధకుడు జోష్ ఎంగెల్స్ ఉద్యోగానికి రాజీనామా చేసి, వచ్చే ఐదేళ్లలోనే అధునాతన ఏఐ వ్యవస్థలు మానవాళికి తీవ్రమైన ముప్పుగా మారే అవకాశం ఉందని హెచ్చరించారు.

ఆసియా కప్‌లో అద్భుత విజయం సాధించిన భారత మహిళల జట్టు వరుసగా ఎనిమిదోసారి టైటిల్‌ను సొంతం చేసుకుంది. అయితే విజయం అనంతరం జరిగిన సంబరాల్లో కెప్టెన్‌ హర్మన్‌ప్రీత్‌ కౌర్‌ ట్రోఫీకి బదులుగా వాటర్‌ బాటిల్‌ను పైకెత్తి సెలబ్రేట్‌ చేసుకోవడం ప్రత్యేకంగా నిలిచింది. ఈ ఘటనకు సంబంధించిన వీడియోలు, ఫొటోలు సోషల్‌ మీడియాలో వైరల్‌గా మారాయి.