#Bjp

దేశంలోని మూడు రాష్ట్రాలు, ఒక కేంద్రపాలిత ప్రాంతంలో ఆరు స్థానాలకు ఉప ఎన్నికల పోలింగ్ జరుగుతుంది. పశ్చిమ బెంగాల్‌లో రెండు అసెంబ్లీ స్థానాలు, తమిళనాడులో రెండు, పుదుచ్చేరిలో ఒక అసెంబ్లీ స్థానం, అస్సాంలో ఒక లోక్‌సభ స్థానానికి మంగళవారం (అక్టోబర్ 6) ఉదయం 7 గంటలకు పోలింగ్ మొదలైంది. అక్టోబర్ 9న ఓట్ల లెక్కింపు జరగనుంది. అధికార పార్టీలకు కీలక పరీక్షగా మారిన ఈ ఉప ఎన్నికలపై దేశవ్యాప్తంగా ఆసక్తి నెలకొంది.

కేంద్ర హోం శాఖ మంత్రి అమిత్ షా తెలంగాణ పర్యటన రద్దైంది. ముందుగా నిర్ణయించిన షెడ్యూల్ ప్రకారం శనివారం రాత్రి హైదరాబాద్ చేరుకుని, ఆదివారం మెదక్, కరీంనగర్ జిల్లాల్లో పలు కార్యక్రమాల్లో పాల్గొనాల్సి ఉంది. అయితే ఢిల్లీలో కొనసాగుతున్న కీలక రాజకీయ, రాజ్యసభ నామినేషన్ల ప్రక్రియ నేపథ్యంలో ఆయన పర్యటన రద్దైనట్లు సమాచారం.

ఢిల్లీ పర్యటనలో తెలంగాణ సీఎం రేవంత్‌రెడ్డి చేసిన వ్యాఖ్యలపై కేంద్ర మంత్రి, తెలంగాణ బీజేపీ నేత కిషన్‌రెడ్డి తీవ్రంగా స్పందించారు. రాముడు, శివుడి విషయంలో రేవంత్‌రెడ్డి వ్యాఖ్యలు బాధ్యతారహితంగా ఉన్నాయని విమర్శించారు. రాష్ట్ర ప్రభుత్వం ఇచ్చిన ఆరు గ్యారెంటీల అమలుపై దృష్టి పెట్టకుండా మతాలు, దేవుళ్ల అంశాలను తెరపైకి తెస్తోందని ఆరోపించారు.

రాబోయే తెలంగాణ అసెంబ్లీ ఎన్నికల్లో బీజేపీతో ఎట్టి పరిస్థితుల్లోనూ పొత్తు ఉండదని బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌ స్పష్టం చేశారు. గత 26 ఏళ్లలో బీజేపీతో బీఆర్‌ఎస్‌ ఒక్కసారి కూడా పొత్తు పెట్టుకోలేదని తెలిపారు. తెలంగాణలో మరోసారి బీఆర్‌ఎస్‌ ప్రభుత్వం ఏర్పడి, కేసీఆర్‌ ముఖ్యమంత్రి అవుతారని ధీమా వ్యక్తం చేశారు.

మంత్రి పదవి కోల్పోవడంపై తనకు ఎలాంటి బాధ లేదని వరంగల్ ఎమ్మెల్యే కొండా సురేఖ అన్నారు. మంత్రిగా ఉంటే రాష్ట్రస్థాయిలో సేవ చేసే అవకాశం ఉండేదని, ప్రస్తుతం వరంగల్ నియోజకవర్గంపై మరింత దృష్టి పెట్టి అభివృద్ధి చేసే అవకాశం లభించిందని పేర్కొన్నారు. తమ అనుచరుల జోలికి వస్తే ఊరుకోబోమని హెచ్చరించారు.

మంత్రి పొంగులేటి శ్రీనివాస్‌రెడ్డికి సంబంధించిన ప్రాంతాల్లో 2024 సెప్టెంబర్ 27న జరిగిన ED సోదాలకు రెండేళ్లు పూర్తైన సందర్భంగా బీఆర్ఎస్ నిరసనకు దిగింది. సోదాల్లో ఏం గుర్తించారు, ఏం స్వాధీనం చేసుకున్నారు, కేసులో ఇప్పటివరకు ఏం పురోగతి సాధించారో వెల్లడించాలని EDని బీఆర్ఎస్ నేతలు డిమాండ్ చేశారు. ED కార్యాలయం వద్ద నోట్ల కట్టలపై పొంగులేటి కూర్చున్నట్లుగా రూపొందించిన కటౌట్‌ను ప్రదర్శించారు. ఇదే అంశంపై కేటీఆర్ కూడా స్పందిస్తూ కేంద్ర దర్యాప్తు సంస్థ తీరుపై ప్రశ్నలు సంధించారు.

బెంగళూరుకు వలస వచ్చి స్థిరపడిన కొందరు ఎమ్మెల్యేలు రెండు పెళ్లిళ్లు చేసుకున్నారంటూ కర్ణాటక సీఎం డీకే శివకుమార్ అసెంబ్లీలో చేసిన వ్యాఖ్యలు రాజకీయ దుమారం రేపుతున్నాయి. ఇలాంటి ఎమ్మెల్యేలు డజనుకుపైగా ఉన్నారని, వారి జాబితా తన వద్ద ఉందని డీకే పేర్కొన్నారు. సీఎం వ్యాఖ్యలపై బీజేపీ తీవ్రంగా స్పందిస్తూ.. ఆ ఎమ్మెల్యేల పేర్లను బహిర్గతం చేయాలని డిమాండ్ చేసింది.

ఖైరతాబాద్ ఉప ఎన్నికకు బీఆర్ఎస్ అభ్యర్థిగా మాజీ మంత్రి, సనత్‌నగర్ ఎమ్మెల్యే తలసాని శ్రీనివాస్ యాదవ్ కుమారుడు తలసాని సాయి కిరణ్ పేరును ఖరారు చేసినట్లు సమాచారం. అలాగే వరంగల్-ఖమ్మం-నల్లగొండ పట్టభద్రుల ఎమ్మెల్సీ అభ్యర్థిగా ఏనుగుల రాకేశ్ రెడ్డిని ఎంపిక చేసినట్లు తెలుస్తోంది. త్వరలోనే పార్టీ అధికారిక ప్రకటన చేసే అవకాశం ఉంది.

ఎన్నికల సంఘం పనితీరు, ఓటర్ల జాబితా ప్రత్యేక సవరణ (SIR) అంశాలపై కాంగ్రెస్ అగ్రనేత, లోక్‌సభలో ప్రతిపక్ష నేత రాహుల్ గాంధీ తీవ్ర విమర్శలు చేశారు. దేశంలో ‘ఓట్ చోరీ’ జరుగుతోందని ఆరోపించిన ఆయన ప్రజాస్వామ్యాన్ని కాపాడేందుకు తాము ఎట్టి పరిస్థితుల్లోనూ వెనక్కి తగ్గబోమని అన్నారు. చీఫ్ ఎలక్షన్ కమిషనర్ జ్ఞానేశ్ కుమార్‌పై తీవ్ర వ్యాఖ్యలు చేస్తూ రాజీనామా చేయాలని డిమాండ్ చేశారు. రాహుల్ వ్యాఖ్యలపై బీజేపీ కూడా ఘాటుగా స్పందించింది.

బీజేపీలో కీలక సంస్థాగత మార్పులు చోటుచేసుకున్నాయి. దేశవ్యాప్తంగా 28 రాష్ట్రాలు, 8 కేంద్ర పాలిత ప్రాంతాలకు పార్టీ ఇన్‌ఛార్జ్‌లు, కో-ఇన్‌ఛార్జ్‌లను అధిష్ఠానం నియమించింది. తెలంగాణ, పశ్చిమ బెంగాల్‌ బాధ్యతలను సునీల్ బన్సల్‌కు అప్పగించగా.. తెలంగాణకు అభయ్ పాటిల్, రేఖా శర్మలను కో-ఇన్‌ఛార్జ్‌లుగా నియమించింది.

మధ్యప్రదేశ్‌లో నవరాత్రి గర్భా వేడుకల సందర్భంగా రాజకీయ వివాదం చెలరేగింది. భోపాల్‌లోని హుజూర్ నియోజకవర్గ బీజేపీ ఎమ్మెల్యే రమేశ్వర్ శర్మ గర్భా కార్యక్రమాలకు ముస్లిం యువకులు రావాలనుకుంటే తమ అక్కాచెల్లెళ్లు, కుమార్తెలను కూడా వెంట తీసుకురావాలని వ్యాఖ్యానించారు. అంతేకాకుండా ముస్లింలు శాశ్వతంగా తమతో కలవాలనుకుంటే తిలకం ధరించి, ‘జై శ్రీరామ్’ నినాదాలు చేయాలని అన్నారు. ఈ వ్యాఖ్యలపై కాంగ్రెస్, ఏఐఎంఐఎం నేతలు తీవ్రంగా స్పందించారు.

ఖైరతాబాద్‌ ఎమ్మెల్యే దానం నాగేందర్‌పై అనర్హత వేటు వేస్తూ తెలంగాణ హైకోర్టు ఇచ్చిన తీర్పుపై ఆయన స్పందించారు. తీర్పును స్వాగతిస్తున్నానని, సుప్రీంకోర్టును ఆశ్రయించే ఆలోచన లేదని స్పష్టం చేశారు. ఖైరతాబాద్‌ ఉపఎన్నికలో పోటీ చేసేందుకు సిద్ధంగా ఉన్నానని, మళ్లీ విజయం సాధిస్తానని ధీమా వ్యక్తం చేశారు.

ప్రధాన మంత్రి నరేంద్ర మోదీ 76వ పుట్టినరోజు సందర్భంగా మధ్యప్రదేశ్‌లోని ఉజ్జయినిలో గురువారం (సెప్టెంబర్ 17) భారీ దీపోత్సవం నిర్వహించనున్నారు. క్షిప్రా నది ఘాట్లతో పాటు మహాకాల్ లోక్ ప్రాంతంలో 25 లక్షలకు పైగా మట్టి ప్రమిదలను వెలిగించనున్నారు. ఈ కార్యక్రమానికి వేలాది మంది వాలంటీర్లు పాల్గొననుండగా, దేశవ్యాప్తంగా ‘సేవా సంకల్ప్ అభియాన్’లో భాగంగా పలు ప్రజా సేవా కార్యక్రమాలు చేపడుతున్నారు.

సికింద్రాబాద్‌ పరేడ్‌ గ్రౌండ్స్‌లో సెప్టెంబర్‌ 17న కేంద్ర ప్రభుత్వం నిర్వహించనున్న ‘తెలంగాణ విమోచన దినోత్సవం’ ఏర్పాట్లను కేంద్ర మంత్రి జి. కిషన్‌ రెడ్డి పరిశీలించారు. కేంద్ర సాయుధ బలగాల పరేడ్‌ రిహార్సల్స్‌, సాంస్కృతిక ప్రదర్శనల సన్నాహాలను వీక్షించిన ఆయన.. భద్రత, ట్రాఫిక్‌, వీఐపీ ప్రొటోకాల్‌ తదితర అంశాలపై అధికారులతో సమీక్షించారు.

కర్ణాటకలో కాంగ్రెస్ ప్రభుత్వానికి చెందిన మంత్రి ఎస్‌.ఎస్‌.మల్లికార్జున చేసిన వ్యాఖ్యలు రాజకీయ దుమారం రేపుతున్నాయి. హరిహర బీజేపీ ఎమ్మెల్యే బీపీ హరీశ్‌ను ఉద్దేశించి మంత్రి ‘చెప్పులతో కొట్టాలి’ అంటూ వ్యాఖ్యానించినట్లు సోషల్ మీడియాలో వైరల్ అవుతున్న వీడియోలో కనిపిస్తోంది. ఈ వ్యాఖ్యలపై ఎమ్మెల్యే హరీశ్‌తో పాటు బీజేపీ నేతలు తీవ్రంగా మండిపడ్డారు.

రాహుల్ గాంధీ ‘పితృస్వామ్యాన్ని అంతం చేయాలి’ అంటూ చేస్తున్న వ్యాఖ్యలు డొల్ల మాటలేనని బీజేపీ ఎంపీ బన్సూరీ స్వరాజ్ తీవ్రంగా విమర్శించారు. తెలంగాణలో సీనియర్ కాంగ్రెస్ నాయకురాలు కొండా సురేఖను మంత్రి పదవి నుంచి తొలగించిన అంశాన్ని ప్రస్తావిస్తూ.. రాహుల్ గాంధీ ఎందుకు మౌనం వహిస్తున్నారని ప్రశ్నించారు.

బీఆర్‌ఎస్‌లో ఇతర పార్టీల నుంచి వచ్చిన నాయకులు పెద్ద సంఖ్యలో ఉన్నారని, అలాంటి పార్టీ కాంగ్రెస్‌ను ‘పచ్చ కాంగ్రెస్‌’ అంటూ విమర్శించడం హాస్యాస్పదమని పంచాయతీరాజ్‌ మంత్రి సీతక్క అన్నారు. బీఆర్‌ఎస్‌, బీజేపీ నేతలు రాజకీయ విమర్శలకు ముందు తమ గతాన్ని పరిశీలించుకోవాలని సూచించారు.

ధరణి స్థానంలో తీసుకొచ్చిన భూభారతి విధానంపై బీజేపీ ఎంపీ ఈటల రాజేందర్ తీవ్ర విమర్శలు చేశారు. సెక్షన్ 22A కింద వందలాది కాలనీలను నిషేధిత జాబితాలో చేర్చడంతో పేదలు, మధ్యతరగతి ప్రజలు తమ ఇళ్లను విక్రయించలేక, బ్యాంకు రుణాలు పొందలేక ఇబ్బందులు పడుతున్నారని ఆరోపించారు. భూబాధితులకు మద్దతుగా సెప్టెంబర్ 5, 6 తేదీల్లో ఇందిరా పార్క్ వద్ద బీజేపీ దీక్ష చేపట్టనున్నట్లు ప్రకటించారు.

కోల్‌కతాలో టీఎంసీ నేత, ఎంపీ అభిషేక్ బెనర్జీ కార్యాలయంపై దుండగులు దాడికి పాల్పడ్డారు. గురువారం తెల్లవారుజామున మాస్కులు, హెల్మెట్లు ధరించి వచ్చిన వ్యక్తులు కార్యాలయంలోకి చొరబడి అద్దాలు పగులగొట్టి, వస్తువులను ధ్వంసం చేశారు.

తెలంగాణలో కాంగ్రెస్ ప్రభుత్వం 1000 రోజుల పాలన పూర్తి చేసుకున్న నేపథ్యంలో చాణక్య స్ట్రాటజీస్ నిర్వహించినట్లు పేర్కొన్న తాజా సర్వే రాష్ట్ర రాజకీయాల్లో ఆసక్తికరమైన ట్రెండ్‌ను వెల్లడించింది.

నల్లగొండ జిల్లా బీజేపీ అధ్యక్షుడు నాగం వర్షిత్ రెడ్డిని పరామర్శించేందుకు బయలుదేరిన బీజేపీ రాష్ట్ర అధ్యక్షుడు రామచందర్ రావును పోలీసులు అరెస్ట్ చేశారు. అంతకుముందు తార్నాకలోని ఆయన నివాసం వద్ద పోలీసులు భారీగా మోహరించి హౌస్ అరెస్ట్ చేశారు. ఈ సందర్భంగా కాంగ్రెస్ ప్రభుత్వ తీరుపై రామచందర్ రావు తీవ్రస్థాయిలో విమర్శలు గుప్పించారు.

తెలంగాణ కాంగ్రెస్‌ ఎమ్మెల్యే నాయిని రాజేందర్ రెడ్డి సంచలన వ్యాఖ్యలు చేశారు. మాజీ సీఎం కేసీఆర్, ఏపీ సీఎం చంద్రబాబు నాయుడు కాంగ్రెస్‌ బ్రాండేనని వ్యాఖ్యానించారు. కాంగ్రెస్‌ పార్టీపై విమర్శలు చేసే నేతలు ఆ పార్టీ చరిత్ర, త్యాగాల గురించి తెలుసుకోవాలని సూచించారు.

నల్లగొండ జిల్లా కేంద్రంలో బీజేపీ, కాంగ్రెస్‌ కార్యకర్తల మధ్య ఘర్షణ తీవ్ర ఉద్రిక్తతకు దారితీసింది. మంత్రి కోమటిరెడ్డి వెంకటరెడ్డి కార్యాలయంపై బీజేపీ కార్యకర్తలు కోడిగుడ్లు, టమాటాలతో దాడి చేసి దిష్టిబొమ్మ, ఫ్లెక్సీని దహనం చేయగా.. దీనికి ప్రతిగా కాంగ్రెస్‌ శ్రేణులు బీజేపీ కార్యాలయం, జిల్లా అధ్యక్షుడు నాగం వర్షిత్‌ రెడ్డి ఇంటిపై దాడికి దిగారు. ఇరు వర్గాలు రాళ్లు రువ్వుకోవడంతో పోలీసులు రంగంలోకి దిగి పరిస్థితిని అదుపులోకి తీసుకొచ్చారు.

హైదరాబాద్‌లోని బీజేపీ రాష్ట్ర కార్యాలయం వద్ద యూత్ కాంగ్రెస్ నేతలు ఆందోళనకు దిగిన ఘటనపై కేంద్ర మంత్రి బండి సంజయ్ కుమార్ తీవ్రంగా స్పందించారు. ప్రధాని నరేంద్రమోదీ దిష్టిబొమ్మ దగ్ధం చేసి, బీజేపీ కార్యాలయ గేటుకు నల్ల రంగు పూస్తుంటే పోలీసులు ఏం చేస్తున్నారని ప్రశ్నించారు. ఘటనకు బాధ్యులను వెంటనే అరెస్ట్ చేయాలని డిమాండ్ చేస్తూ, చర్యలు తీసుకోకపోతే తీవ్ర పరిణామాలు ఉంటాయని హెచ్చరించారు.

రాకింగ్ స్టార్ యశ్ నటించిన ‘టాక్సిక్’ సినిమాపై తమిళనాడు బీజేపీ మాజీ నేత కే అన్నామలై తీవ్ర అభ్యంతరం వ్యక్తం చేశారు. సినిమాలో మహిళలను అతిగా లైంగికంగా, కించపరిచేలా చూపించడంపై ఆయన ఆగ్రహం వ్యక్తం చేశారు. పిల్లలపై ఇలాంటి సన్నివేశాలు ప్రతికూల ప్రభావం చూపే అవకాశం ఉందని ఆందోళన వ్యక్తం చేస్తూ, ఇలాంటి చిత్రాలకు సెంట్రల్ బోర్డ్ ఆఫ్ ఫిల్మ్ సర్టిఫికేషన్ (CBFC) ఎలా అనుమతి ఇస్తోందని ప్రశ్నించారు.

తెలంగాణలో కాంగ్రెస్ ప్రభుత్వం ఏర్పాటు చేసిన ఇందిరమ్మ కమిటీలపై మల్కాజ్‌గిరి ఎంపీ ఈటల రాజేందర్ తీవ్ర విమర్శలు చేశారు. కమిటీలను పార్టీ నాయకులకు కేటాయించుకోవడం సరికాదని, తెలంగాణ ఏ ఒక్కరి జాగీరు కాదని మండిపడ్డారు. కేసీఆర్ పాలనలో ఎలా ఉందో.. రేవంత్ రెడ్డి పాలన కూడా అలాగే ఉందని ఆరోపించారు.

కేంద్ర మంత్రి నితిన్ గడ్కరీ చేసిన తాజా వ్యాఖ్యలు రాజకీయ వర్గాల్లో చర్చకు దారితీశాయి. గతంలో మాదిరిగా తాను పని చేయలేకపోతున్నానని, బాధ్యతలను యువతరానికి అప్పగించాలని ఆయన చేసిన వ్యాఖ్యలతో యాక్టివ్ పాలిటిక్స్‌కు గడ్కరీ దూరం కానున్నారనే ఊహాగానాలు మొదలయ్యాయి. అయితే ఈ వ్యాఖ్యలు రాజకీయాల నుంచి తప్పుకునే ఉద్దేశంతో చేసినవి కావని ఆయన కార్యాలయం స్పష్టం చేసింది.

తెలంగాణలో ఫీజు రీయింబర్స్‌మెంట్‌ బకాయిలపై కేంద్ర హోంశాఖ సహాయ మంత్రి బండి సంజయ్‌కుమార్‌ రాష్ట్ర ప్రభుత్వంపై తీవ్ర విమర్శలు చేశారు. వేలాది విద్యాసంస్థలు బకాయిల కారణంగా సంక్షోభంలో ఉంటే.. విదేశీ విశ్వవిద్యాలయాలను రాష్ట్రానికి తీసుకొస్తామని సీఎం రేవంత్‌రెడ్డి చెప్పడం హాస్యాస్పదమని వ్యాఖ్యానించారు. విద్యార్థుల భవిష్యత్తును దృష్టిలో పెట్టుకుని బకాయిలను తక్షణమే చెల్లించాలని డిమాండ్‌ చేశారు.

మంత్రి కొండా సురేఖ కుమార్తె సుస్మిత సీఎం రేవంత్ రెడ్డిపై చేసిన వ్యాఖ్యల నేపథ్యంలో కాంగ్రెస్‌లో విభేదాలు ముదురుతున్నాయి. ఈ వ్యాఖ్యలను ఖండించిన కాంగ్రెస్ ఎమ్మెల్యేలు, ఎమ్మెల్సీలు.. కొండా సురేఖపై పార్టీ అధిష్టానం చర్యలు తీసుకోవాలని డిమాండ్ చేశారు. ఈ సందర్భంగా ఎమ్మెల్యే నాయిని రాజేందర్ రెడ్డి కొండా కుటుంబంపై తీవ్రస్థాయిలో విమర్శలు చేశారు.

తెలంగాణ ఉద్యోగులు, ఉపాధ్యాయుల హక్కుల కోసం లాఠీ దెబ్బలు తినడానికైనా, జైలుకు వెళ్లడానికైనా బీజేపీ కార్యకర్తలు సిద్ధంగా ఉంటారని కేంద్ర మంత్రి బండి సంజయ్ అన్నారు. డీఏలు, పీఆర్సీ, రిటైర్మెంట్ బెనిఫిట్స్ విషయంలో రాష్ట్ర ప్రభుత్వం ఉద్యోగులను ఇబ్బంది పెడుతోందని ఆయన ఆరోపించారు. ఉద్యోగ సంఘాలు ప్రభుత్వానికి తలొగ్గకుండా తమ హక్కుల కోసం రాజీలేని పోరాటం చేయాలని పిలుపునిచ్చారు. ఉద్యోగులు, ఉపాధ్యాయుల న్యాయమైన పోరాటానికి బీజేపీ పూర్తి మద్దతు ఇస్తుందని తెలిపారు.