#Breaking News

నోయిడా సెక్టార్‌ 94లోని సూపర్‌నోవా భవనంలో విషాద ఘటన చోటుచేసుకుంది. హర్యానాలోని మానేసర్‌కు చెందిన 25 ఏళ్ల సంభవ్‌ జైన్‌ 43వ అంతస్తు నుంచి దూకి మృతి చెందాడు. ఘటనకు ముందు తండ్రికి పలుమార్లు ఫోన్‌ చేసినట్లు పోలీసులు తెలిపారు. తీవ్ర ఆర్థిక ఒత్తిడిలో ఉన్నట్లు ప్రాథమికంగా సమాచారం అందినప్పటికీ.. మృతికి పూర్తి కారణాలపై దర్యాప్తు కొనసాగుతోంది.

వికారాబాద్ జిల్లా అనంతగిరి ఘాట్‌ రోడ్డులో శనివారం ఉదయం ఘోర రోడ్డు ప్రమాదం జరిగింది. శంకర్‌పల్లి మండలం కేసారం నుంచి ధారూర్ మండలం చింతకుంటకు అంత్యక్రియలకు వెళ్తున్న ప్రైవేట్ బస్సు అదుపుతప్పి బోల్తా పడింది. ఈ ప్రమాదంలో ముగ్గురు అక్కడికక్కడే మృతి చెందగా, మరో 15 మంది తీవ్రంగా గాయపడ్డారు.

తిరుపతి జిల్లా సత్యవేడు మండలం శ్రీసిటీ పారిశ్రామికవాడలోని టిల్‌ హెల్త్‌కేర్‌ పరిశ్రమలో శనివారం ఉదయం భారీ పేలుడు సంభవించింది. బాయిలర్‌ పేలిన ఘటనలో ఐదుగురు కార్మికులు మృతి చెందినట్లు తాజా సమాచారం. మరో పది మందికి పైగా తీవ్రంగా గాయపడినట్లు అధికారులు వెల్లడించారు. రెస్క్యూ, పోలీసు, అగ్నిమాపక బృందాలు సహాయక చర్యలు కొనసాగిస్తున్నాయి.

శ్రీకాకుళం జిల్లా టెక్కలి సమీపంలో ఘోర రైలు ప్రమాదం జరిగింది. రావివలస-బర్మా కాలనీ సమీపంలో రైల్వే ట్రాక్‌పై నడుచుకుంటూ వెళ్తున్న ఐదుగురు ఇంటర్మీడియట్ విద్యార్థులను రాజధానిఎక్స్‌ప్రెస్ ఢీకొట్టింది. ఈ ఘటనలో నలుగురు విద్యార్థులు అక్కడికక్కడే మృతి చెందగా.. మరో విద్యార్థి తీవ్రంగా గాయపడ్డాడు.

అమెరికాలోని లాస్ ఏంజెలెస్‌లో ఘోర ప్రమాదం చోటుచేసుకుంది. బస్సు ప్రమాదాన్ని కవర్ చేసేందుకు వెళ్లిన మీడియా హెలికాప్టర్ గాల్లో అదుపుతప్పి పార్కింగ్ ప్రాంతంలో కూలిపోయింది. ఈ ఘటనలో ముగ్గురు ప్రాణాలు కోల్పోయినట్లు అధికారులు వెల్లడించారు.

ఉత్తర్‌ప్రదేశ్‌లో మొబైల్ నెట్‌వర్క్ సమస్యపై గ్రామస్థులు తీవ్ర ఆగ్రహం వ్యక్తం చేశారు. రెండేళ్లుగా సమస్య పరిష్కారం కావడం లేదంటూ టవర్ పనుల కోసం వచ్చిన టెలికాం టెక్నీషియన్‌ను చుట్టుముట్టి, ఏకంగా మొబైల్ టవర్‌కు కట్టేశారు.

దేశవ్యాప్తంగా సంచలనం సృష్టించిన సికింద్రాబాద్ బొల్లారంలోని మద్రాస్ రెజిమెంటల్ సెంటర్ ఆయుధాల చోరీ కేసును తెలంగాణ పోలీసులు ఛేదించారు. ఈ కేసులో ప్రధాన నిందితుడిగా ఇటీవలే పదవీ విరమణ పొందిన హవల్దార్ ఉప్పుతోళ్ల మల్లేశ్‌ను గుర్తించినట్లు రాష్ట్ర డీజీపీ సీవీ ఆనంద్ వెల్లడించారు. రిటైర్మెంట్‌పై అసంతృప్తితో ముందస్తు ప్రణాళిక ప్రకారం ఆయుధాలు, మందుగుండు సామగ్రిని చోరీ చేసి.. వాటిని నాగర్‌కర్నూల్‌లోని తన స్వగ్రామం, యాప్రాల్‌లోని మరో ప్రాంతంలో పాతిపెట్టినట్లు పోలీసులు తెలిపారు.

సికింద్రాబాద్ కంటోన్మెంట్‌లోని బొల్లారం 20 మద్రాస్ రెజిమెంట్ ఆయుధాగారం నుంచి ఆయుధాలు, మందుగుండు సామగ్రి చోరీ కేసులో అరెస్టులపై వస్తున్న వార్తలను తెలంగాణ పోలీసులు ఖండించారు. ఇప్పటివరకు ఎవరినీ అరెస్ట్ చేయలేదని మల్కాజిగిరి డీసీపీ శ్రీధర్ స్పష్టం చేశారు. మరోవైపు, రెజిమెంట్ సమీపంలో 160 ఎలక్ట్రికల్ డిటోనేటర్లు లభించడంతో దర్యాప్తు మరింత కీలకంగా మారింది.

టిబెట్‌లో బుధవారం భారీ భూకంపం సంభవించింది. రిక్టర్ స్కేలుపై 5.3 తీవ్రత నమోదైనట్లు యూరోపియన్ మెడిటరేనియన్ సీస్మాలాజికల్ సెంటర్ (EMSC) వెల్లడించింది. భూకంపం కారణంగా నేపాల్‌లోనూ ప్రకంపనలు నమోదయ్యాయి.

ఇండోనేషియాలో అనక్ క్రకటోవా అగ్నిపర్వతం విస్ఫోటనం చెందడంతో అగ్నిపర్వత బూడిద వ్యాపించింది. జకార్తా సొయేకార్నో-హట్టా అంతర్జాతీయ విమానాశ్రయంలో విమానాల రాకపోకలను తాత్కాలికంగా నిలిపివేశారు. 209 విమానాలపై ప్రభావం పడింది.

ఛత్తీస్‌గఢ్‌లో 2013లో జరిగిన జీరమ్ వ్యాలీ మావోయిస్టు దాడి కేసులో జగదల్‌పూర్ ప్రత్యేక NIA కోర్టు కీలక తీర్పు వెలువరించింది. ముగ్గురు మహిళలు సహా మొత్తం 10 మందిని దోషులుగా నిర్ధారించింది. దోషులకు విధించే శిక్షను సెప్టెంబర్ 16న ప్రకటించనుంది.

కామారెడ్డి జిల్లా జుక్కల్ సమీపంలో ఆర్టీసీ బస్సు అదుపుతప్పి డివైడర్‌ను ఢీకొట్టి బోల్తా పడింది. ఈ ప్రమాదంలో బస్సు డ్రైవర్ డి. ఆంజనేయులు అక్కడికక్కడే మృతి చెందగా, కండక్టర్ తీవ్రంగా గాయపడ్డారు. బస్సులోని 13 మంది ప్రయాణికులు స్వల్ప గాయాలతో బయటపడ్డారు.

నేపాల్‌లో వరదల కారణంగా టన్నెల్స్‌లో చిక్కుకుపోయిన వారిని రక్షించేందుకు కొనసాగుతున్న రెస్క్యూ ఆపరేషన్‌లో కీలక పురోగతి నమోదైంది. త్రిశూలీ త్రీఏ హైడ్రోపవర్ ప్రాజెక్ట్ టన్నెల్‌లో 9 రోజులుగా చిక్కుకుపోయిన ఇద్దరు సిబ్బందిని రెస్క్యూ బృందాలు సురక్షితంగా బయటకు తీశాయి. దీంతో టన్నెల్స్‌లో చిక్కుకున్న మిగిలిన వారిని కూడా రక్షించవచ్చన్న ఆశలు పెరిగాయి.

టిబెట్‌లో గురువారం మధ్యాహ్నం భూప్రకంపనలు సంభవించాయి. రిక్టర్ స్కేలుపై 5.0 తీవ్రత నమోదైన ఈ భూకంపం 10 కిలోమీటర్ల లోతులో సంభవించినట్లు జర్మన్ రీసెర్చ్ సెంటర్ ఫర్ జియోసైన్సెస్ (GFZ) వెల్లడించింది.

ఉత్తరప్రదేశ్‌లో ఘోర ప్రమాదం చోటుచేసుకుంది. కౌశాంబి జిల్లాలోని బాణసంచా ఫ్యాక్టరీలో భారీ పేలుడు సంభవించడంతో 11 మంది కార్మికులు మృతి చెందారు. మరో 10 మందికిపైగా గాయపడినట్లు అధికారులు తెలిపారు. పలువురు శిథిలాల కింద చిక్కుకుని ఉండొచ్చన్న అనుమానంతో సహాయక చర్యలు కొనసాగుతున్నాయి.

నేపాల్‌లో భోటేకోశీ నదికి ఆకస్మికంగా భారీ వరదలు రావడంతో హైదరాబాద్‌ నుంచి పర్యటనకు వెళ్లిన 156 మంది తెలుగు యాత్రికుల బృందంలో 140 మంది ఆచూకీ తెలియకపోవడం తీవ్ర కలకలం రేపుతోంది. మరో 16 మంది అనారోగ్య కారణాలతో హోటల్‌లోనే ఉండిపోవడంతో సురక్షితంగా ఉన్నట్లు సమాచారం. గల్లంతైన వారి కోసం కుటుంబసభ్యులు అధికారులను, టూర్ ఏజెన్సీని సంప్రదిస్తున్నారు.

హైదరాబాద్‌లో నకిలీ వైద్యుల దందాను టాస్క్‌ఫోర్స్‌ పోలీసులు బట్టబయలు చేశారు. గుర్తింపు పొందిన వైద్య అర్హతలు లేకుండానే నకిలీ సర్టిఫికెట్లతో క్లినిక్‌లు నిర్వహిస్తూ రోగులకు చికిత్స అందిస్తున్న 11 మందిని అదుపులోకి తీసుకున్నారు. వారి వద్ద నుంచి నకిలీ డిగ్రీ సర్టిఫికెట్లు, ప్రిస్క్రిప్షన్‌ ప్యాడ్లు, అనుమతి లేని మందులు, వైద్య పరికరాలను స్వాధీనం చేసుకున్నట్లు పోలీసులు తెలిపారు.

శ్రీశైలంలోని వడ్డెర అన్నదాన సత్రంలో ఒకే కుటుంబానికి చెందిన ఐదుగురు మృతిచెందిన ఘటన తీవ్ర కలకలం రేపింది. మూడు రోజులుగా గది నుంచి ఎవరూ బయటకు రాకపోవడంతో పాటు దుర్వాసన రావడంతో నిర్వాహకులు పోలీసులకు సమాచారం ఇచ్చారు. పోలీసులు తలుపులు తెరిచి చూడగా ముగ్గురు మహిళలు, ఇద్దరు పురుషులు మృతిచెందినట్లు గుర్తించారు. ఆర్థిక ఇబ్బందులే కారణమై ఉండొచ్చని పోలీసులు ప్రాథమికంగా భావిస్తున్నారు.

హనుమకొండ జిల్లా ఎల్కతుర్తిలో కారు డిక్కీలో మహిళ మృతదేహం లభించిన కేసులో సంచలన విషయాలు వెలుగులోకి వచ్చాయి.

పింప్రి-చించ్‌వాడ్‌ పోలీసు కమిషనరేట్‌లో ఇద్దరు మహిళా కానిస్టేబుళ్ల ప్రేమ, వివాహ నిర్ణయం చర్చనీయాంశంగా మారింది. గత కొంతకాలంగా సన్నిహితంగా ఉంటున్న వీరిద్దరూ ఈ నెల 30న వివాహం చేసుకోవాలని నిర్ణయించుకున్నారు. ఇందుకోసం సెలవు దరఖాస్తుతో పాటు వివాహ ఆహ్వాన పత్రికను ఉన్నతాధికారులకు సమర్పించినట్లు సమాచారం.

హైదరాబాద్‌లో చికెన్‌ వ్యర్థాల అక్రమ రవాణా ముఠా గుట్టురట్టయింది. కోళ్ల దుకాణాలు, మాంసం ప్రాసెసింగ్‌ యూనిట్ల నుంచి సేకరించిన వ్యర్థాలను రాత్రివేళల్లో లారీల ద్వారా ఆంధ్రప్రదేశ్‌కు తరలించి చేపల చెరువులకు మేతగా విక్రయిస్తున్నట్లు అధికారులు గుర్తించారు. సైబరాబాద్‌ పోలీసులు, పశువైద్య శాఖ అధికారులు సంయుక్తంగా నిర్వహించిన తనిఖీల్లో దాదాపు 100 టన్నుల చికెన్‌ వ్యర్థాలను సీజ్‌ చేశారు.

బంగ్లాదేశ్‌లోని రంగ్‌పూర్‌లో ఓ హిందూ కుటుంబానికి చెందిన నలుగురు దారుణ హత్యకు గురైన ఘటనలో సంచలన విషయాలు వెలుగులోకి వచ్చాయి. కుటుంబ సభ్యులను హత్య చేసిన అనంతరం నిందితులు వెంటనే పారిపోకుండా కొన్ని గంటల పాటు అదే ఇంట్లో ఉన్నట్లు పోలీసులు తెలిపారు. ఇంట్లోనే స్నానం చేసి, ఫ్రిజ్‌లో ఉన్న ఆహారాన్ని తిని, డ్రగ్స్ సేవించినట్లు దర్యాప్తులో వెల్లడైంది. ఈ కేసులో ఇద్దరు నిందితులను పోలీసులు అదుపులోకి తీసుకున్నారు.

పెద్దపల్లి జిల్లా రామగుండంలో NIA నిర్వహించిన తనిఖీలు కలకలం రేపాయి. అయోధ్య నగర్‌లో చేపట్టిన సోదాల్లో ఉగ్రవాద సంస్థలతో సంబంధాలు ఉన్నాయన్న అనుమానంతో ఓ ఇంజినీరింగ్ విద్యార్థిని అధికారులు అదుపులోకి తీసుకున్నట్లు సమాచారం. అతడిని ఎన్‌టీపీసీ పోలీస్‌స్టేషన్‌కు తరలించి విచారిస్తున్నట్లు తెలుస్తోంది.

హర్యానాలోని కురుక్షేత్రలో ఒళ్లు గగుర్పొడిచే ఘటన వెలుగులోకి వచ్చింది. భర్తను హత్య చేసిన ఓ మహిళ.. మృతదేహం పొట్టను కోసి పేగులు బయటకు తీసింది. శరీరంలోని కొన్ని అవయవాలు కూడా కనిపించకుండా పోయాయి. ఈ దారుణాన్ని ఇంటి యజమాని గుర్తించడంతో నిందితురాలు టెర్రస్‌పై నుంచి దూకి ఆత్మహత్యాయత్నం చేసింది. ఘటనపై కేసు నమోదు చేసిన పోలీసులు మూఢనమ్మకాలు, భూతవైద్యం కోణంలో దర్యాప్తు చేస్తున్నారు.

మహారాష్ట్రలో వైద్యులపై దాడుల పరంపర ఆందోళన కలిగిస్తోంది. థానేలోని కల్యాణ్‌లో ఓ ప్రైవేట్ ఆసుపత్రిలో ఆర్థోపెడిక్ వైద్యుడు డాక్టర్ యోగేంద్ర జైస్వాల్‌పై రోగి కుమారుడు దాడికి పాల్పడ్డాడు. వైద్యుడిని దూషిస్తూ విచక్షణారహితంగా కొట్టిన ఘటనకు సంబంధించిన వీడియో సోషల్ మీడియాలో వైరల్‌గా మారింది.

తమిళనాడు ముఖ్యమంత్రి సి. జోసెఫ్ విజయ్ అసెంబ్లీలో కీలక సంక్షేమ నిర్ణయాలను ప్రకటించారు. ‘అన్నపూర్ణి సూపర్ సిక్స్’ పథకం కింద అర్హత కలిగిన కుటుంబాలకు ఏడాదికి మూడు ఉచిత ఎల్‌పీజీ సిలిండర్లు అందించనున్నట్లు వెల్లడించారు.

మహారాష్ట్ర జల్గావ్ జిల్లాలోని కన్నడ్ ఘాట్‌లో ఛత్రపతి శంభాజీనగర్ నుంచి సూరత్ వెళ్తున్న బస్సు స్టీరింగ్ రాడ్ విరిగి అదుపుతప్పింది.

ఢిల్లీలో విధుల్లో ఉన్న పోలీసులపై ఓ గుంపు దాడికి పాల్పడింది. బైక్‌ను సీజ్ చేశారన్న కోపంతో హెడ్ కానిస్టేబుళ్ల కళ్లలో కారం చల్లి, ఇటుకలు, కర్రలతో దాడి చేశారు. ఈ ఘటనలో ముగ్గురు పోలీసులు గాయపడ్డారు.

చెన్నైలో వెలుగుచూసిన దారుణ హత్య కేసు పోలీసులను సైతం విస్తుపోయేలా చేసింది. తమిళనాడు ఎక్స్‌ప్రెస్ రైలులో సూట్‌కేస్‌లో మానవ శరీర భాగాలు లభించిన కేసును దర్యాప్తు చేసిన పోలీసులు.. ఓ మహిళను హత్య చేసినట్లు గుర్తించారు. నిందితుల ఇంట్లో బిర్యానీ పాత్రలోనూ మానవ శరీర భాగాలు లభించడంతో కేసు మరింత సంచలనంగా మారింది.

ఢిల్లీలో 1984లో హత్య చేసి పరారైన నత్తూ అలియాస్ నత్తూలాల్ ఎట్టకేలకు పోలీసులకు చిక్కాడు. నేరం చేసినప్పుడు 23 ఏళ్ల వయసున్న అతడు.. దాదాపు 42 ఏళ్ల పాటు తన గుర్తింపును, ఆచూకీని దాచుకుంటూ తప్పించుకున్నాడు. తాజాగా 65 ఏళ్ల వయసులో ఢిల్లీ పోలీసులకు పట్టుబడ్డాడు.