#Delhi

సీఈసీ జ్ఞానేశ్ కుమార్ రాజీనామా చేయాలంటూ విపక్షాలు చేపట్టిన ఆందోళనలు తీవ్రరూపం దాల్చాయి. ఢిల్లీలోని ఎన్నికల సంఘం ప్రధాన కార్యాలయం ‘నిర్వచన్ సదన్’కు ర్యాలీగా బయలుదేరిన కాంగ్రెస్ నేతలు రాహుల్ గాంధీ, ప్రియాంక గాంధీ సహా పలువురు నేతలను పోలీసులు అడ్డుకున్నారు. ఈ సందర్భంగా రాహుల్ గాంధీ బారికేడ్ ఎక్కి జాతీయ జెండాతో నిరసన తెలిపారు. అనంతరం రాహుల్, ప్రియాంకను పోలీసులు అదుపులోకి తీసుకున్నారు.

ఢిల్లీ లో వరుస అత్యాచార ఘటనలపై సుప్రీంకోర్టు తీవ్ర ఆందోళన వ్యక్తం చేసింది. మహిళలు, బాలికలపై నేరాలకు పాల్పడే నేరస్థుల మనసుల్లో పోలీసులంటే భయం కలిగేలా పటిష్టమైన పోలీసింగ్ వ్యవస్థను అమలు చేయాలని ఆదేశించింది. నేరం జరిగిన తర్వాత చర్యలు తీసుకోవడం కంటే.. అసలు నేరమే జరగకుండా నిరోధించడమే ముఖ్యమని స్పష్టం చేసింది.

ఢిల్లీలోని జంతర్ మంతర్ వద్ద జరిగిన నిరసనలో ఊహించని పరిణామం చోటుచేసుకుంది. ఆందోళనకారులను తరలించేందుకు సిద్ధమైన పోలీసు బస్సు డ్రైవర్‌ వద్ద నుంచి ఓ మహిళా కార్యకర్త తాళం చెవిని లాక్కొని బస్సు కదలకుండా అడ్డుకున్నారు. ఈ ఘటనకు సంబంధించిన వీడియో సోషల్ మీడియాలో వైరల్‌గా మారింది.

కేంద్ర ఎన్నికల సంఘం చేపట్టిన స్పెషల్ ఇంటెన్సివ్ రివిజన్ (SIR) ప్రక్రియపై అనుమానాలు ఉన్నాయని టీపీసీసీ అధ్యక్షుడు మహేశ్ కుమార్ గౌడ్ ఆరోపించారు. అర్హులైన ఓటర్లను అక్రమంగా తొలగిస్తున్నారని ఆరోపిస్తూ ప్రధాన ఎన్నికల కమిషనర్ జ్ఞానేశ్ కుమార్‌పై చర్యలు తీసుకోవాలని డిమాండ్ చేశారు. ఈ అంశంపై ఇండియా కూటమి ఆధ్వర్యంలో వరుస ఆందోళనలకు కార్యాచరణ ప్రకటించారు.

స్పెషల్ ఇంటెన్సివ్ రివిజన్ (SIR)కు వ్యతిరేకంగా, కేంద్ర ప్రధాన ఎన్నికల కమిషనర్ జ్ఞానేశ్ కుమార్ రాజీనామా చేయాలని డిమాండ్ చేస్తూ రాజకీయ పార్టీలు, సామాజిక కార్యకర్తలు దేశవ్యాప్తంగా నిరసనలకు పిలుపునిచ్చారు. ఈ నేపథ్యంలో ఢిల్లీలో పోలీసులు భారీ ఆంక్షలు విధించారు. జంతర్ మంతర్ పరిసరాల్లో ఉద్రిక్త పరిస్థితులు నెలకొనగా, పలువురు నేతలు, కార్యకర్తలను పోలీసులు అడ్డుకున్నారు.

ఢిల్లీ పర్యటనలో తెలంగాణ సీఎం రేవంత్‌రెడ్డి చేసిన వ్యాఖ్యలపై కేంద్ర మంత్రి, తెలంగాణ బీజేపీ నేత కిషన్‌రెడ్డి తీవ్రంగా స్పందించారు. రాముడు, శివుడి విషయంలో రేవంత్‌రెడ్డి వ్యాఖ్యలు బాధ్యతారహితంగా ఉన్నాయని విమర్శించారు. రాష్ట్ర ప్రభుత్వం ఇచ్చిన ఆరు గ్యారెంటీల అమలుపై దృష్టి పెట్టకుండా మతాలు, దేవుళ్ల అంశాలను తెరపైకి తెస్తోందని ఆరోపించారు.

దేశ రాజధాని ఢిల్లీలో 17 ఏళ్ల బాలికపై సామూహిక అత్యాచారం ఘటన కలకలం రేపింది. కల్కాజీ మందిర్ సమీపంలోని ఆస్థా కుంజ్ పార్కులో జరిగిన ఈ ఘటన నేపథ్యంలో సమీపంలోని లేడీ శ్రీరామ్ కాలేజీ (LSR) విద్యార్థినుల భద్రతపై ఆందోళనలు వ్యక్తమయ్యాయి. దీంతో మంగళవారం మధ్యాహ్నం నుంచి సాధారణ తరగతులను రద్దు చేసిన కాలేజీ.. బుధవారం ఆన్‌లైన్ క్లాసులను నిర్వహిస్తోంది.

దేశ రాజధాని ఢిల్లీలో 11 ఏళ్ల బాలికపై లైంగిక దాడి జరిగిన ఘటన కలకలం రేపింది. సదర్‌ బజార్‌ ప్రాంతంలో పెన్సిల్‌, పెన్ను వంటి వస్తువులు కొనుగోలు చేసేందుకు వెళ్లిన బాలికను ఓ వ్యక్తి మాయమాటలతో దుకాణంలోకి తీసుకెళ్లి చేతులు, కాళ్లు కట్టేసి అత్యాచారానికి పాల్పడినట్లు పోలీసులు తెలిపారు.

కొన్ని రోజులుగా వరుసగా తగ్గుతూ వచ్చిన బంగారం, వెండి ధరలు వరుసగా రెండో రోజూ పెరిగాయి. శనివారం ఉదయం 10 గంటల సమయానికి గుడ్ రిటర్న్స్ ప్రకారం ఢిల్లీ, ముంబై మార్కెట్లలో 24 క్యారెట్ల బంగారం ధర రూ.1,420 మేర పెరిగింది. కిలో వెండి ధర ఏకంగా రూ.5,000 పెరిగింది.

దేశ రాజధాని ఢిల్లీలో 17 ఏళ్ల బాలికపై ముగ్గురు మైనర్లు సహా నలుగురు సామూహిక అత్యాచారానికి పాల్పడి, అనంతరం కత్తితో పొడిచి హత్య చేసిన ఘటన ఆలస్యంగా వెలుగులోకి వచ్చింది. బాలిక మృతదేహాన్ని బహిరంగ ప్రదేశంలో పడేయగా.. కుక్కలు పీక్కుతిన్న స్థితిలో పోలీసులు గుర్తించారు.

న్యూఢిల్లీలో జరుగుతున్న 18వ బ్రిక్స్ సదస్సుకు వచ్చే దేశాధినేతలు, ప్రముఖ అతిథుల కోసం జైపూర్‌కు చెందిన అరుణ్స్ గ్రూప్ ఆఫ్ కంపెనీస్ ప్రత్యేక వెండి పూత పాత్రలను సిద్ధం చేసింది. భారతీయ సంప్రదాయం, ఆధునిక డిజైన్ల కలయికతో రూపొందించిన ఈ పాత్రలు గతంలో G20 సదస్సులోనూ ఉపయోగించారు.

భారత్ అధ్యక్షతన జరుగుతున్న 18వ బ్రిక్స్ శిఖరాగ్ర సమావేశంలో న్యూఢిల్లీ డిక్లరేషన్ 2026కు ఏకగ్రీవ ఆమోదం లభించింది. సభ్య దేశాల మధ్య సున్నితమైన భౌగోళిక రాజకీయ విభేదాలు ఉన్నప్పటికీ, ఏకాభిప్రాయాన్ని సాధించడంలో భారత్ కీలక పాత్ర పోషించింది. తెల్లవారుజాము వరకు సాగిన చర్చల అనంతరం అన్ని దేశాలు డిక్లరేషన్‌కు అంగీకరించడం భారత్ దౌత్య విజయంగా నిలిచింది.

చైనా అధ్యక్షుడు షీ జిన్‌పింగ్‌ ఏడేళ్ల తర్వాత భారత్‌లో అడుగుపెట్టారు. 18వ బ్రిక్స్‌ సదస్సులో పాల్గొనేందుకు శనివారం ఢిల్లీకి చేరుకున్న ఆయన.. ప్రధాని నరేంద్ర మోదీతో కీలక ద్వైపాక్షిక సమావేశంలో పాల్గొననున్నారు.

మంత్రి పదవి నుంచి బర్తరఫ్ అయిన కొండా సురేఖకు కాంగ్రెస్ అధిష్ఠానం నుంచి ఢిల్లీ పిలుపు రావడం తెలంగాణ రాజకీయాల్లో ఆసక్తికరంగా మారింది. వెంటనే ఢిల్లీకి రావాలని పార్టీ పెద్దలు సందేశం పంపినట్లు సమాచారం. మరోవైపు ఆమెకు కేబినెట్ స్థాయి పదవి ఇచ్చే అంశంపై అధిష్ఠానం ఆలోచిస్తున్నట్లు ప్రచారం జరుగుతోంది.

ఏడేళ్ల తర్వాత చైనా అధ్యక్షుడు షీ జిన్‌పింగ్ భారత్‌లో పర్యటించనున్నారు. న్యూఢిల్లీలో సెప్టెంబర్ 12, 13 తేదీల్లో జరగనున్న బ్రిక్స్ సదస్సుకు ప్రధాని నరేంద్ర మోదీ ఆహ్వానం మేరకు జిన్‌పింగ్ హాజరుకానున్నారు. 2020 గల్వాన్ ఘర్షణ తర్వాత ఇరు దేశాల మధ్య సంబంధాల్లో నెలకొన్న ఉద్రిక్తతల నేపథ్యంలో ఈ పర్యటనకు ప్రాధాన్యత ఏర్పడింది.

తెలంగాణ కాంగ్రెస్‌లో కేబినెట్ విస్తరణపై ఊహాగానాలు ఊపందుకున్న వేళ ఎమ్మెల్సీ విజయశాంతి హుటాహుటిన ఢిల్లీ వెళ్లడం రాజకీయ వర్గాల్లో ఆసక్తికర చర్చకు దారితీసింది. కొండా సురేఖ స్థానంలో బీసీ మహిళా నేతగా విజయశాంతికి అవకాశం దక్కే అవకాశముందనే ప్రచారం సాగుతోంది.

భారత్‌లో బంగారం ధరలు ఒక్కసారిగా భారీగా పెరిగాయి. గత మూడు రోజులుగా వరుసగా తగ్గిన పసిడి రేట్లు సెప్టెంబర్ 3న ఒక్కరోజే రూ.3 వేలకుపైగా పెరిగింది. హైదరాబాద్‌లో 24 క్యారెట్ల 10 గ్రాముల బంగారం ధర రూ.1.55 లక్షలు దాటింది.

మంత్రి కొండా సురేఖ వ్యవహారం తెలంగాణ కాంగ్రెస్‌లో మరోసారి చర్చనీయాంశంగా మారింది. ఆమె కుమార్తె కొండా సుస్మిత చేసిన వ్యాఖ్యల నేపథ్యంలో పార్టీపరంగా వివాదం ముదిరిన వేళ.. కొండా సురేఖ హుటాహుటిన ఢిల్లీ వెళ్లడం ప్రాధాన్యత సంతరించుకుంది. అధిష్టానం నుంచి వచ్చిన పిలుపుతోనే ఆమె ఢిల్లీ వెళ్లినట్లు ప్రచారం జరుగుతోంది.

జూలై 20న కాక్రోచ్ జనతా పార్టీ (CJP) చేపట్టిన నిరసనలకు సంబంధించి విద్యార్థులపై నమోదైన ఎఫ్‌ఐఆర్‌లను సుప్రీంకోర్టు రద్దు చేసింది. క్రిమినల్ నేపథ్యం ఉన్నవారికి సంబంధించిన కేసును మాత్రం కొనసాగించేందుకు అనుమతించింది. కోర్టు ఆదేశాలతో సంతృప్తి చెందిన సీజేపీ.. సెప్టెంబర్ 5న ఢిల్లీలో తలపెట్టిన భారీ మార్చ్‌ను రద్దు చేస్తున్నట్లు ప్రకటించింది.

దేశ రాజధాని ఢిల్లీలో మరో నిర్భయ తరహా ఘటన కలకలం రేపింది. కదులుతున్న బస్సులో 16 ఏళ్ల బాలికపై డ్రైవర్, కండక్టర్ సామూహిక అత్యాచారానికి పాల్పడిన ఘటన ఆలస్యంగా వెలుగులోకి వచ్చింది. బాధితురాలి ఫిర్యాదుతో కేసు నమోదు చేసిన పోలీసులు సీసీటీవీ ఆధారంగా నిందితులను గుర్తించి అరెస్ట్ చేశారు.

రాఖీ పౌర్ణమి సందర్భంగా ఢిల్లీలోని తన అధికారిక నివాసంలో పాఠశాల విద్యార్థులతో ప్రధాని నరేంద్ర మోదీ రక్షాబంధన్‌ వేడుకలు జరుపుకున్నారు. చిన్నారుల చేత రాఖీలు కట్టించుకున్న ఆయన.. విద్యార్థినుల పేర్లు, తరగతులు అడిగి తెలుసుకుని వారితో సరదాగా ముచ్చటించారు.

ఢిల్లీలో విధుల్లో ఉన్న పోలీసులపై ఓ గుంపు దాడికి పాల్పడింది. బైక్‌ను సీజ్ చేశారన్న కోపంతో హెడ్ కానిస్టేబుళ్ల కళ్లలో కారం చల్లి, ఇటుకలు, కర్రలతో దాడి చేశారు. ఈ ఘటనలో ముగ్గురు పోలీసులు గాయపడ్డారు.

ఢిల్లీలో 1984లో హత్య చేసి పరారైన నత్తూ అలియాస్ నత్తూలాల్ ఎట్టకేలకు పోలీసులకు చిక్కాడు. నేరం చేసినప్పుడు 23 ఏళ్ల వయసున్న అతడు.. దాదాపు 42 ఏళ్ల పాటు తన గుర్తింపును, ఆచూకీని దాచుకుంటూ తప్పించుకున్నాడు. తాజాగా 65 ఏళ్ల వయసులో ఢిల్లీ పోలీసులకు పట్టుబడ్డాడు.

లక్నో–ఢిల్లీ మధ్య నడిచే ప్రీమియం తేజస్ ఎక్స్‌ప్రెస్‌కు ఇకపై కొత్త పేరు రానుంది. ఆగస్టు 19, 2026 నుంచి ఈ రైలు 'స్ప్రైట్ తేజస్ ఎక్స్‌ప్రెస్’గా నడవనుంది. ఈ రైలు పేరును ఓ కూల్ డ్రింక్ బ్రాండ్‌తో అనుసంధానం చేయడం దేశంలో ఇదే తొలిసారిగా నిలిచింది.

పార్లమెంట్‌ వర్షాకాల సమావేశాల చివరి రోజు లోక్‌సభలో అరుదైన దృశ్యం కనిపించింది. గురువారం సభా కార్యకలాపాలు ప్రారంభమయ్యే ముందు తొలిసారిగా ‘వందే మాతరం’ను ఆలపించారు. ప్రధాని నరేంద్ర మోదీ, ప్రతిపక్ష నేత రాహుల్ గాంధీ సహా పలువురు ఎంపీలు ఈ సమయంలో సభలో ఉన్నారు. అనంతరం లోక్‌సభను నిరవధికంగా వాయిదా వేయడంతో వర్షాకాల సమావేశాలు ముగిశాయి.

‘భారత ప్రజాస్వామ్యానికి విలువైన వారసత్వం' కోవింద్ జీవితంపై ఆసక్తికరమైన పుస్తకం, మాజీ రాష్ట్రపతి రామ్‌నాథ్ కోవింద్ ఆత్మకథను విడుదల చేసిన ప్రధాని మోదీ..

ఫుకెట్-ఢిల్లీ ఎయిర్ ఇండియా విమాన ఘటనలో కొత్త మలుపు. తీవ్ర కుదుపుల అనంతరం నిర్వహించిన డ్రగ్ పరీక్షలో ఓ పైలట్ పాజిటివ్‌గా తేలినట్లు సమాచారం. డీజీసీఏ విచారణ కొనసాగుతోంది.

ఢిల్లీలోని జంతర్ మంతర్‌ను నిరసనల వేదికగా కొనసాగించడంపై ఢిల్లీ హైకోర్టు కీలక వ్యాఖ్యలు చేసింది. నిరసనల పేరుతో నగరాన్ని బందీగా మార్చడం సరికాదని శుక్రవారం ధర్మాసనం కీలక వ్యాఖ్యలు చేసింది.

భారత్‌లో తన సోషల్ మీడియా ఖాతాపై విధించిన పరిమితులపై ఆప్ అధినేత,ఢిల్లీ మాజీ ముఖ్యమంత్రి అరవింద్ కేజ్రీవాల్ మెటా సంస్థపై తీవ్ర అసంతృప్తి వ్యక్తం చేశారు. తన అకౌంట్‌ను ఎందుకు నియంత్రించారో స్పష్టమైన సమాధానం ఇవ్వడం లేదని ఆరోపించారు.

థాయ్‌లాండ్‌లోని ఫుకెట్ నుంచి ఢిల్లీకి బయలుదేరిన ఎయిర్ ఇండియా AI-2379 విమానం తీవ్ర టర్బులెన్స్‌కు గురైంది. విమానం ఒక్కసారిగా సుమారు 300 అడుగుల మేర కిందికి పడిపోవడంతో 10 మంది ప్రయాణికులు, నలుగురు సిబ్బంది గాయపడ్డారు. ఢిల్లీ IGI విమానాశ్రయానికి చేరుకున్న తర్వాత గాయపడిన వారిని ఆస్పత్రికి తరలించారు.