#Health

తిరుపతి జిల్లా సత్యవేడు మండలం శ్రీసిటీ పారిశ్రామికవాడలోని టిల్‌ హెల్త్‌కేర్‌ పరిశ్రమలో శనివారం ఉదయం భారీ పేలుడు సంభవించింది. బాయిలర్‌ పేలిన ఘటనలో ఐదుగురు కార్మికులు మృతి చెందినట్లు తాజా సమాచారం. మరో పది మందికి పైగా తీవ్రంగా గాయపడినట్లు అధికారులు వెల్లడించారు. రెస్క్యూ, పోలీసు, అగ్నిమాపక బృందాలు సహాయక చర్యలు కొనసాగిస్తున్నాయి.

విధులను నిర్లక్ష్యం చేస్తూ సుదీర్ఘకాలంగా అనధికారికంగా గైర్హాజరవుతున్న ప్రభుత్వ వైద్యులపై ఆంధ్రప్రదేశ్ ప్రభుత్వం చర్యలు చేపట్టింది. ఇప్పటికే 70 మంది వైద్యులను విధుల నుంచి తొలగిస్తూ నిర్ణయం తీసుకుంది. ఇదే తరహాలో గైర్హాజరవుతున్న మరో 193 మందిపై చర్యలు వివిధ దశల్లో ఉన్నట్లు అధికారులు వెల్లడించారు.

పప్పులు నానబెట్టేటప్పుడు చిటికెడు వంటసోడా ఉపయోగించడం వల్ల పప్పు మెత్తబడటానికి సహాయపడవచ్చు. నానబెట్టిన నీటిని పారబోసి, పప్పులను బాగా కడిగి వండడం జీర్ణక్రియకు ఉపయోగపడొచ్చు.

వీఆర్కే హెల్త్ కేర్ సెంటర్ వ్యవస్థాపకుడు వీరమాచినేని రామకృష్ణపై సైబరాబాద్ పోలీసులు కేసు నమోదు చేశారు. టైప్-1 డయాబెటిస్‌తో బాధపడుతున్న తనకు ఇన్సులిన్ ఆపేయాలని సూచించారని, ఆ తర్వాత డయాబెటిక్ కీటోయాసిడోసిస్, తీవ్ర డీహైడ్రేషన్‌కు గురై ఆస్పత్రిలో చేరాల్సి వచ్చిందని నిర్మల్ జిల్లాకు చెందిన 30 ఏళ్ల యువకుడు పోలీసులకు ఫిర్యాదు చేశాడు. ఈ ఫిర్యాదు ఆధారంగా పోలీసులు దర్యాప్తు చేపట్టారు.

ఔషధాలు, వైద్య పరికరాల తయారీ వ్యయం, వాటి ఎమ్మార్పీ మధ్య భారీ వ్యత్యాసంపై సుప్రీంకోర్టు తీవ్ర అసంతృప్తి వ్యక్తం చేసింది. క్యాన్సర్‌ మందు తయారీకి రూ.3 వేలు ఖర్చవుతుంటే ఎమ్మార్పీ రూ.27 వేలుగా ఎలా నిర్ణయిస్తారంటూ కేంద్ర ప్రభుత్వాన్ని ప్రశ్నించింది.

ఖైరతాబాద్ అసెంబ్లీ ఉప ఎన్నికలో తెలంగాణ రక్షణ సేన తరఫున అభ్యర్థిని బరిలోకి దింపుతామని ఆ పార్టీ అధ్యక్షురాలు కల్వకుంట్ల కవిత ప్రకటించారు. దానం నాగేందర్ పార్టీ మార్పుపై అభ్యంతరం వ్యక్తం చేసిన ఆమె ఆదిలాబాద్ రిమ్స్‌లో చిన్నారుల మరణాలు, ప్రభుత్వ వైద్య సేవలు, ఓటర్ల జాబితా సవరణ, తన ఫామ్‌హౌస్‌పై వస్తున్న ఆరోపణలపైనా స్పందించారు.

వండిన అన్నాన్ని చల్లార్చి తింటే రెసిస్టెంట్ స్టార్చ్ పెరగవచ్చని పరిశోధనలు సూచిస్తున్నాయి. ఇది భోజనం తర్వాత బ్లడ్ షుగర్ పెరుగుదల, గట్ హెల్త్‌పై ప్రభావం చూపే అవకాశం ఉంది. అయితే ఇది డయాబెటిస్‌కు చికిత్స కాదు. అన్నాన్ని సురక్షితంగా నిల్వ చేయడం కూడా చాలా ముఖ్యం.

Mars Transit 2026 | జ్యోతిషశాస్త్రంలో గ్రహాల సంచారానికి ప్రత్యేక స్థానం ఉంది. ఒక గ్రహం ఒక రాశి నుంచి మరో రాశిలోకి మారిన సమయంలో.. ఆ గ్రహం ప్రభావం ఆయా రాశులపై భిన్నంగా ఉంటుంది. కుజుడు శుక్రవారం కర్కాటకరాశిలోకి ప్రవేశించాడు. కర్కాటకరాశికి చంద్రుడు అధిపతి. దీంతో కర్కాటకంలో కుజుడి సంచారం ప్రత్యేక ప్రాధాన్యం సంతరించుకుంది.

Social Media | సోషల్‌ మీడియా ప్రభావాన్ని తగ్గించే దిశగా యూరోపియన్‌ యూనియన్‌ (ఈయూ) కీలక ప్రతిపాదన చేసింది. 13 ఏళ్లలోపు పిల్లలు సోషల్‌ మీడియా, ఆన్‌లైన్‌ గేమ్స్‌, చాట్‌బాట్‌లను వినియోగించకుండా నిషేధం విధించాలని ఈయూ అధ్యక్షురాలు ఉర్సులా వాన్‌ డెర్‌ లేయెన్‌ ప్రతిపాదించారు.

Alcohol | ఆహార పదార్థాల్లో కల్తీ గురించి తరచూ వింటుంటాం. కానీ, మద్యంలోనూ కల్తీ జరుగుతోందన్న షాకింగ్‌ మారింది. పేరున్న మద్యం తయారీ సంస్థలు సైతం అసలు మద్యం తయారీ ప్రక్రియను పక్కనపెట్టి.. కృత్రిమ ఫ్లేవర్లతో ఆల్కహాల్‌ను సిద్ధం చేసి విక్రయిస్తున్నట్లు వెల్లడైంది. ఇటీవల ముంబై హైకోర్టు ఇచ్చిన ఆదేశం ఈ అంశాన్ని మరోసారి తెరపైకి తెచ్చింది.

ఈ-సిగరెట్లు, షిషా, ఫ్లేవర్డ్‌ హుక్కాల వినియోగం యువతలో పెరుగుతున్న వేళ.. యోగా గురు బాబా రామ్‌దేవ్‌కు సంబంధించిన ఓ వీడియో సోషల్‌ మీడియాలో వైరల్‌గా మారింది. ఇందులో ములేఠీ, పసుపు, ఆవాలు, ఆవు నెయ్యి తదితర పదార్థాలతో హుక్కా తరహా తయారీని చూపిస్తూ.. దాని పొగను పీల్చడం వల్ల కొన్ని శ్వాసకోశ సమస్యలకు ఉపశమనం కలుగుతుందని ఆయన చెప్పినట్టు కనిపిస్తోంది. అయితే, ఈ విధానానికి వైద్యపరమైన ఆధారాలు లేవని నిపుణుల వాదన.

తెలంగాణ ప్రభుత్వం ఉద్యోగుల కుటుంబాలకు ఆర్థిక భరోసా కల్పించేలా కీలక నిర్ణయం తీసుకుంది. ప్రభుత్వ ఉద్యోగులు, పెన్షనర్లు, కాంట్రాక్ట్‌, ఔట్‌సోర్సింగ్‌ సిబ్బందికి రూ.కోటి వరకు ప్రమాద బీమా కవరేజీ కల్పిస్తున్నట్లు డిప్యూటీ సీఎం మల్లు భట్టి విక్రమార్క అసెంబ్లీలో వెల్లడించారు. ఉద్యోగి ప్రమాదవశాత్తు మరణిస్తే బీమాతో పాటు ఇతర ప్రయోజనాలు కలిపి కుటుంబానికి రూ.1.20 కోట్ల వరకు లబ్ధి చేకూరేలా చర్యలు తీసుకున్నట్లు తెలిపారు.

తెలంగాణలో కాంగ్రెస్ ప్రభుత్వం అధికారంలోకి వచ్చి వెయ్యి రోజులు పూర్తవుతున్నా జర్నలిస్టులకు ఎన్నికల మేనిఫెస్టోలో ఇచ్చిన ఆరోగ్య పథకం హామీ అమలు కాకపోవడం విచారకరమని TUWJ రాష్ట్ర అధ్యక్షుడు కె. విరాహత్ అలీ అన్నారు. ప్రభుత్వ ఉద్యోగుల తరహాలో జర్నలిస్టులకు కూడా ఆరోగ్య పథకాన్ని వెంటనే అమలు చేయాలని ఆయన డిమాండ్ చేశారు.

భారీ వరదలతో తీవ్రంగా నష్టపోయిన నేపాల్‌కు భారత్‌ అందిస్తున్న సహాయంపై ఆ దేశ ఆరోగ్య శాఖ మంత్రి నిషా మెహతా ప్రశంసలు కురిపించారు. కష్టసుఖాల్లో భారత్‌ ఎప్పుడూ నేపాల్‌కు అండగా నిలుస్తుందని పేర్కొన్నారు. వరదల్లో మృతి చెందిన వారి గుర్తింపునకు డీఎన్‌ఏ పరీక్షల విషయంలో భారత్‌ నిపుణుల బృందం అందిస్తున్న సహకారం ఎంతో కీలకంగా మారిందని తెలిపారు.

దివంగత ముఖ్యమంత్రి వైఎస్ రాజశేఖర్‌రెడ్డి 17వ వర్ధంతి సందర్భంగా ఇడుపులపాయలోని వైఎస్ఆర్ ఘాట్ వద్ద కుటుంబ సభ్యులు నివాళులర్పించారు. మాజీ సీఎం వైఎస్ జగన్‌మోహన్‌రెడ్డి, పీసీసీ అధ్యక్షురాలు వైఎస్ షర్మిల వేర్వేరుగా ఘాట్‌కు చేరుకుని తండ్రిని స్మరించుకున్నారు. జగన్‌ను చూసిన తల్లి విజయమ్మ భావోద్వేగానికి గురై ఆప్యాయంగా హత్తుకుని ముద్దుపెట్టుకున్నారు.

అస్సాం జైళ్లలో హెచ్ఐవీ కేసులు ఆందోళనకర స్థాయిలో పెరుగుతున్నాయి. గత నాలుగు నెలల్లో 31 జైళ్లలో నిర్వహించిన ఆరోగ్య పరీక్షల్లో 226 మంది ఖైదీలకు హెచ్ఐవీ పాజిటివ్‌గా (HIV-positive) నిర్ధారణ అయింది.

తెలంగాణ రాష్ట్ర సాధన కోసం పోరాడిన ఉద్యమకారుల గుర్తింపు ప్రక్రియను వేగవంతం చేయాలని సీఎం రేవంత్‌రెడ్డి అధికారులను ఆదేశించారు. దరఖాస్తుల స్వీకరణకు ప్రత్యేక వెబ్‌సైట్, ఆన్‌లైన్ పోర్టల్ ఏర్పాటు చేసి డిజిటల్ విధానంలో ప్రక్రియను చేపట్టాలని సూచించారు. ఉద్యమకారుల సంక్షేమం కోసం 250 గజాల ఇళ్ల స్థలం, హెల్త్ కార్డులు, ఆసరా పెన్షన్, ఆర్టీసీలో ఉచిత ప్రయాణం వంటి డిమాండ్లపై కమిటీతో చర్చించారు.

హైదరాబాద్‌లో నకిలీ వైద్యుల దందాను టాస్క్‌ఫోర్స్‌ పోలీసులు బట్టబయలు చేశారు. గుర్తింపు పొందిన వైద్య అర్హతలు లేకుండానే నకిలీ సర్టిఫికెట్లతో క్లినిక్‌లు నిర్వహిస్తూ రోగులకు చికిత్స అందిస్తున్న 11 మందిని అదుపులోకి తీసుకున్నారు. వారి వద్ద నుంచి నకిలీ డిగ్రీ సర్టిఫికెట్లు, ప్రిస్క్రిప్షన్‌ ప్యాడ్లు, అనుమతి లేని మందులు, వైద్య పరికరాలను స్వాధీనం చేసుకున్నట్లు పోలీసులు తెలిపారు.

హైదరాబాద్‌లో చికెన్‌ వ్యర్థాల అక్రమ రవాణా ముఠా గుట్టురట్టయింది. కోళ్ల దుకాణాలు, మాంసం ప్రాసెసింగ్‌ యూనిట్ల నుంచి సేకరించిన వ్యర్థాలను రాత్రివేళల్లో లారీల ద్వారా ఆంధ్రప్రదేశ్‌కు తరలించి చేపల చెరువులకు మేతగా విక్రయిస్తున్నట్లు అధికారులు గుర్తించారు. సైబరాబాద్‌ పోలీసులు, పశువైద్య శాఖ అధికారులు సంయుక్తంగా నిర్వహించిన తనిఖీల్లో దాదాపు 100 టన్నుల చికెన్‌ వ్యర్థాలను సీజ్‌ చేశారు.

మహారాష్ట్రలో వైద్యులపై దాడుల పరంపర ఆందోళన కలిగిస్తోంది. థానేలోని కల్యాణ్‌లో ఓ ప్రైవేట్ ఆసుపత్రిలో ఆర్థోపెడిక్ వైద్యుడు డాక్టర్ యోగేంద్ర జైస్వాల్‌పై రోగి కుమారుడు దాడికి పాల్పడ్డాడు. వైద్యుడిని దూషిస్తూ విచక్షణారహితంగా కొట్టిన ఘటనకు సంబంధించిన వీడియో సోషల్ మీడియాలో వైరల్‌గా మారింది.

మహారాష్ట్రలోని అమరావతి జిల్లా ఆసుపత్రిలో ఘోర అగ్నిప్రమాదం జరిగింది. సోమవారం తెల్లవారుజామున సుమారు 3.30 గంటలకు మూడో అంతస్తులోని నియోనేటల్ ఇంటెన్సివ్ కేర్ యూనిట్‌ (NICU)లో మంటలు చెలరేగాయి.

ప్రముఖ సీనియర్‌ సినీ నటి షావుకారు జానకి అస్వస్థతకు గురయ్యారు. వృద్ధాప్య, శ్వాసకోశ సంబంధిత సమస్యలతో బాధపడుతున్న ఆమెను కుటుంబ సభ్యులు చెన్నైలోని కావేరి ఆస్పత్రికి తరలించారు. ప్రస్తుతం ఐసీయూలో చికిత్స పొందుతున్నట్లు సమాచారం. ఆమె ఆరోగ్య పరిస్థితిపై అధికారిక ప్రకటన వెలువడాల్సి ఉంది.

పశ్చిమ బెంగాల్‌లోని ముర్షిదాబాద్‌కు చెందిన 16 ఏళ్ల ఇక్బాల్ షేక్‌ వింత అనారోగ్యంతో తీవ్ర ఇబ్బందులు పడుతున్నాడు. ఒంటిపై నిప్పులు పోసినట్లు మంటలు రావడంతో రోజంతా చెరువులోనే ఉండాల్సిన పరిస్థితి. ఈ విషయం సోషల్ మీడియాలో వైరల్ కావడంతో రిలయన్స్ ఇండస్ట్రీస్ ఎగ్జిక్యూటివ్ డైరెక్టర్ అనంత్ అంబానీ స్పందించారు. బాలుడిని ప్రత్యేక విమానంలో ముంబయికి తరలించి, సర్ హెచ్.ఎన్. రిలయన్స్ ఫౌండేషన్ ఆసుపత్రిలో చేర్పించారు.

సనత్‌నగర్ TIMS ఆసుపత్రిలో నాలుగు నెలలుగా జీతాలు అందలేదని ఆరోపిస్తూ ఔట్‌సోర్సింగ్ ఉద్యోగులు ప్రధాన గేటు ఎదుట ధర్నా చేశారు.

ఏపీలో వైద్య విద్యార్థుల సమ్మె 10వ రోజుకు చేరింది. విశాఖ బీచ్‌లో ర్యాలీ నిర్వహించిన పీజీ విద్యార్థులు ప్రభుత్వ స్పందన కోరారు.

జర్నలిస్టుల ఇళ్ల స్థలాల సమస్యపై ప్రభుత్వం తక్షణమే స్పష్టత ఇవ్వాలని టీడబ్ల్యూజేఎఫ్ నేతలు కోరారు. పాత్రికేయులు ఎదుర్కొంటున్న సమస్యలను పరిష్కరించాలని మంత్రి పొంగులేటి శ్రీనివాస్ రెడ్డిని కలిసి వినతిపత్రం సమర్పించారు.

సనత్‌నగర్‌ డా. MCR TIMS ను సీఎం రేవంత్ రెడ్డి, మంత్రి దామోదర్ రాజనర్సింహ ప్రారంభించనున్నారు. అధునాతన సూపర్‌ స్పెషాలిటీ ప్రబుత్వ వైద్య సేవలు అందుబాటులోకి రానున్నాయి.

రేపు సనత్‌నగర్‌లో డా. ఎంసీఆర్ టిమ్స్ ప్రారంభోత్సవానికి ఏర్పాట్లు పూర్తవుతున్నాయి. సీఎం రేవంత్ రెడ్డి చేతుల మీదుగా ప్రారంభం నేపథ్యంలో భద్రత, ట్రాఫిక్‌పై సమీక్ష నిర్వహించిన హెల్త్ మినిస్టర్ దామోదర్ రాజ నరసింహ.

తిరుపతిలో నిర్వహించిన స్వాతంత్య్ర వేడుకల్లో రాష్ట్ర దేవాదాయ శాఖ మంత్రి ఆనం రామనారాయణ రెడ్డి అస్వస్థతకు గురయ్యారు. జాతీయ పతాకాన్ని ఆవిష్కరించిన అనంతరం ప్రసంగిస్తుండగా బీపీ డౌన్ కావడంతో ఒక్కసారిగా స్పృహ కోల్పోయారు.

కొమురం భీం జిల్లా కెరమెరి మండలంలో ఏడు నెలల గర్భిణిని ఆస్పత్రికి తరలించేందుకు ఉధృతంగా ప్రవహిస్తున్న పెద్దవాగును స్ట్రెచర్‌పై దాటించాల్సి వచ్చింది. అత్యవసర సమయంలోనూ కనీస రహదారి సౌకర్యం అందుబాటులో లేకపోవడం ఆదివాసీ ప్రాంతాల్లో మౌలిక వసతుల దుస్థితిని మరోసారి బయటపెట్టింది.