#Iss

సీఈసీ జ్ఞానేశ్ కుమార్ రాజీనామా చేయాలంటూ విపక్షాలు చేపట్టిన ఆందోళనలు తీవ్రరూపం దాల్చాయి. ఢిల్లీలోని ఎన్నికల సంఘం ప్రధాన కార్యాలయం ‘నిర్వచన్ సదన్’కు ర్యాలీగా బయలుదేరిన కాంగ్రెస్ నేతలు రాహుల్ గాంధీ, ప్రియాంక గాంధీ సహా పలువురు నేతలను పోలీసులు అడ్డుకున్నారు. ఈ సందర్భంగా రాహుల్ గాంధీ బారికేడ్ ఎక్కి జాతీయ జెండాతో నిరసన తెలిపారు. అనంతరం రాహుల్, ప్రియాంకను పోలీసులు అదుపులోకి తీసుకున్నారు.

కర్ణాటకలో ఓ యువరైతు చేసిన విజ్ఞప్తి ఇప్పుడు సోషల్ మీడియాలో వైరల్‌గా మారింది. గ్రామీణ ప్రాంతాల్లో ఆస్తులు, పొలాలు ఉండి కష్టపడి వ్యవసాయం చేస్తున్న యువకులకు పెళ్లిళ్లు కావడం లేదని ఆయన డిప్యూటీ సీఎం డీకే శివకుమార్‌కు ఫిర్యాదు చేశారు. ఈ సమస్యను ప్రభుత్వం సీరియస్‌గా తీసుకుని పరిష్కరించాలని, కాంగ్రెస్ ప్రభుత్వం అమలు చేస్తున్న ఐదు గ్యారంటీల తరహాలో దీనినీ ‘ఆరో గ్యారంటీ’గా పరిగణించాలని కోరారు.

ఢిల్లీలోని జంతర్ మంతర్ వద్ద జరిగిన నిరసనలో ఊహించని పరిణామం చోటుచేసుకుంది. ఆందోళనకారులను తరలించేందుకు సిద్ధమైన పోలీసు బస్సు డ్రైవర్‌ వద్ద నుంచి ఓ మహిళా కార్యకర్త తాళం చెవిని లాక్కొని బస్సు కదలకుండా అడ్డుకున్నారు. ఈ ఘటనకు సంబంధించిన వీడియో సోషల్ మీడియాలో వైరల్‌గా మారింది.

హైదరాబాద్‌లోని కేబీఆర్ పార్క్ చుట్టూ ట్రాఫిక్ సమస్యకు శాశ్వత పరిష్కారం దిశగా జీహెచ్‌ఎంసీ కీలక నిర్ణయం తీసుకుంది. పార్క్ చుట్టూ అమలు చేస్తున్న సింగిల్ వే, ఫ్రీ లెఫ్ట్ విధానాన్ని శాశ్వతంగా కొనసాగించాలని నిర్ణయించింది. ప్రాజెక్టు ప్లానింగ్‌లో మార్పులు చేయడం ద్వారా సుమారు రూ.400 కోట్లు ఆదా చేయనుంది.

కేంద్ర ఎన్నికల సంఘం చేపట్టిన స్పెషల్ ఇంటెన్సివ్ రివిజన్ (SIR) ప్రక్రియపై అనుమానాలు ఉన్నాయని టీపీసీసీ అధ్యక్షుడు మహేశ్ కుమార్ గౌడ్ ఆరోపించారు. అర్హులైన ఓటర్లను అక్రమంగా తొలగిస్తున్నారని ఆరోపిస్తూ ప్రధాన ఎన్నికల కమిషనర్ జ్ఞానేశ్ కుమార్‌పై చర్యలు తీసుకోవాలని డిమాండ్ చేశారు. ఈ అంశంపై ఇండియా కూటమి ఆధ్వర్యంలో వరుస ఆందోళనలకు కార్యాచరణ ప్రకటించారు.

సీఈసీ జ్ఞానేష్ కుమార్‌ను తొలగించాలంటూ ప్రతిపక్షాల ఆధ్వర్యంలో జరుగుతున్న నిరసనలకు నటుడు ప్రకాశ్ రాజ్ మద్దతు తెలిపారు. గణేష్ నిమజ్జనం పూర్తయిందని, జ్ఞానేష్ నిమజ్జనం మాత్రం మిగిలి ఉందంటూ ఆయన వ్యాఖ్యానించారు. ప్రజాస్వామ్యాన్ని, పౌరసత్వాన్ని కాపాడేందుకు ప్రజలు ఆందోళనలకు మద్దతు ఇవ్వాలని పిలుపునిచ్చారు.

విధులను నిర్లక్ష్యం చేస్తూ సుదీర్ఘకాలంగా అనధికారికంగా గైర్హాజరవుతున్న ప్రభుత్వ వైద్యులపై ఆంధ్రప్రదేశ్ ప్రభుత్వం చర్యలు చేపట్టింది. ఇప్పటికే 70 మంది వైద్యులను విధుల నుంచి తొలగిస్తూ నిర్ణయం తీసుకుంది. ఇదే తరహాలో గైర్హాజరవుతున్న మరో 193 మందిపై చర్యలు వివిధ దశల్లో ఉన్నట్లు అధికారులు వెల్లడించారు.

జీహెచ్‌ఎంసీ పునర్వ్యవస్థీకరణకు అనుగుణంగా తెలంగాణ ప్రభుత్వం పోలీసింగ్‌ వ్యవస్థలో కీలక మార్పులు చేసింది. హైదరాబాద్‌, సైబరాబాద్‌, మల్కాజిగిరి, ఫ్యూచర్‌సిటీ పోలీస్‌ కమిషనరేట్ల పరిధుల్లో కొత్త జోన్లు, డివిజన్లు ఏర్పాటు చేయడంతో పాటు పలు పోలీస్‌ స్టేషన్ల పరిధులను మార్చింది. కొన్ని స్టేషన్ల పేర్లను సవరించగా, మరికొన్ని ప్రాంతాలను ఇతర పోలీస్‌ స్టేషన్లలో విలీనం చేసింది.

స్పెషల్ ఇంటెన్సివ్ రివిజన్ (SIR)కు వ్యతిరేకంగా, కేంద్ర ప్రధాన ఎన్నికల కమిషనర్ జ్ఞానేశ్ కుమార్ రాజీనామా చేయాలని డిమాండ్ చేస్తూ రాజకీయ పార్టీలు, సామాజిక కార్యకర్తలు దేశవ్యాప్తంగా నిరసనలకు పిలుపునిచ్చారు. ఈ నేపథ్యంలో ఢిల్లీలో పోలీసులు భారీ ఆంక్షలు విధించారు. జంతర్ మంతర్ పరిసరాల్లో ఉద్రిక్త పరిస్థితులు నెలకొనగా, పలువురు నేతలు, కార్యకర్తలను పోలీసులు అడ్డుకున్నారు.

ఖైరతాబాద్ అసెంబ్లీ ఉపఎన్నికపై కీలక పరిణామం చోటుచేసుకుంది. కాంగ్రెస్ నేత పి. విజయారెడ్డి దాఖలు చేసిన ఎన్నికల పిటిషన్‌పై తెలంగాణ హైకోర్టు తుది తీర్పు వెలువడే వరకు ఉపఎన్నిక నోటిఫికేషన్ జారీ చేయబోమని కేంద్ర ఎన్నికల సంఘం స్పష్టం చేసింది. దీంతో ఖైరతాబాద్ బైఎలక్షన్‌పై కొనసాగుతున్న ఉత్కంఠ మరింత పెరిగింది.

బాపట్ల జిల్లా మార్టూరు మండలం కోనంకి గ్రామ శివారులో విషాద ఘటన చోటుచేసుకుంది. పాఠశాల వద్ద ఏర్పడిన పరిచయం తర్వాత సన్నిహితంగా మారిన 22 ఏళ్ల యువకుడు, పదో తరగతి చదువుతున్న 15 ఏళ్ల బాలిక ఇళ్ల నుంచి అదృశ్యమయ్యారు. అనంతరం కోనంకి గ్రామ శివారులోని చెరువులో మృతదేహాలుగా కనిపించడంతో కుటుంబాల్లో విషాదం నెలకొంది.

హైదరాబాద్‌లో ఓట్ల తొలగింపుపై కాంగ్రెస్ ఎమ్మెల్యే దానం నాగేందర్ తీవ్ర ఆరోపణలు చేశారు. హిమాయత్‌నగర్ డివిజన్‌లో సుమారు 20 వేల ఓట్లు తొలగించారని, వాటిని వెంటనే పునరుద్ధరించాలని డిమాండ్ చేశారు. ఎన్నికల సంఘం వైఖరి మార్చుకోకపోతే ఆందోళనలు ఉధృతం చేస్తామని, హైదరాబాద్‌లో పరిస్థితులు సాధారణంగా ఉండవని ఆయన హెచ్చరించారు.

మహబూబాబాద్‌ జిల్లాలో మహిళలు, బాలికల అదృశ్య కేసులు ఆందోళన కలిగిస్తున్నాయి. జిల్లాలోని వివిధ పోలీస్‌స్టేషన్ల పరిధిలో 246 మిస్సింగ్‌ కేసులు నమోదైనట్లు సమాచారం. సోషల్‌ మీడియా పరిచయాలు, ప్రేమ పేరుతో మాయమాటలు వంటి అంశాల నేపథ్యంలో బాలికలు ఇళ్ల నుంచి వెళ్లిపోతున్న ఘటనలు చోటుచేసుకుంటున్నాయని అధికారులు, స్థానికులు చెబుతున్నారు.

కాంగ్రెస్‌ పార్టీని వీడి ఇతర పార్టీలను ఏర్పాటు చేసిన లేదా ఇతర పార్టీల్లో చేరిన నేతలు తిరిగి హస్తం గూటికి రావాలని తెలంగాణ డిప్యూటీ సీఎం భట్టి విక్రమార్క పిలుపునిచ్చారు. వైఎస్‌ జగన్‌మోహన్‌రెడ్డి, శరద్‌ పవార్‌, మమతా బెనర్జీలను ప్రస్తావిస్తూ కాంగ్రెస్‌ సిద్ధాంతాలను ముందుకు తీసుకెళ్లేందుకు అందరూ కలిసి పనిచేయాలని కోరారు.

సినిమా ప్రారంభానికి ముందు 22 నిమిషాల పాటు వాణిజ్య ప్రకటనలు ప్రసారం చేసి షోను ఆలస్యం చేసిన హైదరాబాద్‌లోని ఓ థియేటర్‌కు వినియోగదారుల కమిషన్ భారీ జరిమానా విధించింది. బాధిత ప్రేక్షకుడికి రూ.25 వేలు చెల్లించడంతో పాటు మరో రూ.50 వేలను జిల్లా వినియోగదారుల సంక్షేమ నిధికి జమ చేయాలని ఆదేశించింది.

మతిమరుపుతో తీర్థయాత్ర బృందం నుంచి తప్పిపోయి పొరపాటున బీహార్ రైలు ఎక్కిన పంజాబ్‌కు చెందిన వృద్ధుడు చమన్ లాల్.. ఏకంగా 1,200 కిలోమీటర్ల దూరంలోని గయాకు చేరుకున్నాడు. ఆకలితో, ఆందోళనతో ఉన్న ఆయనకు నీరజ్ అనే స్థానికుడు ఆశ్రయం కల్పించాడు. వృద్ధుడు చెప్పిన గ్రామం ఆచూకీ కోసం చాట్‌జీపీటీని ఆశ్రయించిన నీరజ్ సాంకేతికత సాయంతో ఆయన కుటుంబాన్ని గుర్తించి తిరిగి కలిపాడు.

ఎన్నికల సంఘం పనితీరు, ఓటర్ల జాబితా ప్రత్యేక సవరణ (SIR) అంశాలపై కాంగ్రెస్ అగ్రనేత, లోక్‌సభలో ప్రతిపక్ష నేత రాహుల్ గాంధీ తీవ్ర విమర్శలు చేశారు. దేశంలో ‘ఓట్ చోరీ’ జరుగుతోందని ఆరోపించిన ఆయన ప్రజాస్వామ్యాన్ని కాపాడేందుకు తాము ఎట్టి పరిస్థితుల్లోనూ వెనక్కి తగ్గబోమని అన్నారు. చీఫ్ ఎలక్షన్ కమిషనర్ జ్ఞానేశ్ కుమార్‌పై తీవ్ర వ్యాఖ్యలు చేస్తూ రాజీనామా చేయాలని డిమాండ్ చేశారు. రాహుల్ వ్యాఖ్యలపై బీజేపీ కూడా ఘాటుగా స్పందించింది.

NEET PG 2026 Results: నేషనల్ బోర్డ్ ఆఫ్ ఎగ్జామినేషన్స్ ఇన్ మెడికల్ సైన్సెస్ (NBEMS) NEET PG 2026 ఫలితాలను సెప్టెంబర్ 24న విడుదల చేసింది. పరీక్షకు హాజరైన అభ్యర్థులు అధికారిక వెబ్‌సైట్‌లో తమ ఫలితాలు, ర్యాంకును చెక్ చేసుకోవచ్చు.

తెలంగాణలో ప్రజా సమస్యలు పరిష్కారం కాకుండా రాజకీయాలు వ్యక్తిగత విమర్శలు, దూషణలకే పరిమితమవుతున్నాయంటూ తెలంగాణ రక్షణ సేన చీఫ్‌ కల్వకుంట్ల కవిత విమర్శించారు.

హైదరాబాద్‌ హఫీజ్‌పేట రైల్వే స్టేషన్‌ వద్ద మహిళను జుట్టు పట్టుకుని ఈడ్చుకెళ్లిన ఘటనపై దక్షిణ మధ్య రైల్వే కీలక వివరణ ఇచ్చింది. మహిళపై దాడి చేసింది రైల్వే పోలీసు కాదని, తెలంగాణ పోలీస్‌ శాఖకు చెందిన హోంగార్డు అని స్పష్టం చేసింది. ఘటనపై సీరియస్‌ అయిన డీజీపీ సీవీ ఆనంద్‌ ఆదేశాలతో హోంగార్డును సర్వీసు నుంచి తొలగించగా, మియాపూర్ పోలీసులు కేసు నమోదు చేసి అదుపులోకి తీసుకున్నారు.

NTA Exam Schedule: 2026-27 విద్యా సంవత్సరానికి సంబంధించి పలు జాతీయ స్థాయి ప్రవేశ పరీక్షల తాత్కాలిక షెడ్యూల్‌ను నేషనల్‌ టెస్టింగ్‌ ఏజెన్సీ (NTA) విడుదల చేసింది. ఇందులో భాగంగా జేఈఈ మెయిన్‌ 2027 తొలి విడత పరీక్షలు జనవరి 22 నుంచి ప్రారంభం కానున్నాయి.

తెలంగాణ అసెంబ్లీ వేదికగా మాజీ సీఎం కేసీఆర్, కల్వకుంట్ల కుటుంబంపై సీఎం రేవంత్ రెడ్డి తీవ్ర ఆరోపణలు చేశారు. తెలంగాణ ఉద్యమం, ధరణిని అడ్డుపెట్టుకుని భూముల వ్యవహారాల్లో అక్రమాలకు పాల్పడ్డారని ఆరోపించారు. కేసీఆర్ కుటుంబ సభ్యుల పేర్లపై ఉన్నట్లు పేర్కొన్న భూముల వివరాలను సభలో వెల్లడించారు. ఎర్రవెల్లిలోని కేసీఆర్ ఫాంహౌస్ భూములపై 30 రోజుల్లో విచారణ పూర్తి చేసి నివేదిక ఇవ్వాలని అధికారులను ఆదేశించారు.

ప్రభుత్వ ఉద్యోగులు, ఉపాధ్యాయుల సమస్యల పరిష్కారంపై తెలంగాణ రక్షణ సేన అధ్యక్షురాలు కల్వకుంట్ల కవిత సీఎం రేవంత్ రెడ్డికి అల్టిమేటం జారీ చేశారు. సెప్టెంబర్ 18లోగా ఉద్యోగులకు ఇచ్చిన హామీలను నెరవేర్చాలని, లేదంటే హైదరాబాద్ దిగ్బంధానికి ఉద్యోగ సంఘాలు సిద్ధం కావాలని పిలుపునిచ్చారు.

ఆంధ్రప్రదేశ్‌ పబ్లిక్‌ సర్వీస్‌ కమిషన్‌ (APPSC) భారీగా ఉద్యోగ నోటిఫికేషన్లు విడుదల చేసింది. గ్రూప్‌-1లో 163 పోస్టులతో పాటు వివిధ శాఖల్లో మొత్తం 729 పోస్టుల భర్తీకి నోటిఫికేషన్లు జారీ చేసింది. పోస్టుల వారీగా అర్హతలు, ఇతర వివరాలను కమిషన్‌ అధికారిక వెబ్‌సైట్‌లో అందుబాటులో ఉంచింది.

ఆయుర్వేద చికిత్స కోసం కేరళలో కొన్ని వారాలు గడిపిన ఏపీ డిప్యూటీ సీఎం పవన్ కల్యాణ్ చికిత్సను విజయవంతంగా ముగించుకుని రాష్ట్రానికి వీడ్కోలు పలికారు. కేరళ ప్రజల ఆతిథ్యం, వైద్యుల సేవలు, ఆలయాల ఆధ్యాత్మిక అనుభూతిని గుర్తుచేసుకుంటూ ఆయన భావోద్వేగ సందేశం ఇచ్చారు. పవన్ సందేశానికి కేరళ సీఎం ఆత్మీయంగా స్పందిస్తూ సంపూర్ణ ఆరోగ్యం కలగాలని ఆకాంక్షించారు.

తెలంగాణలో గత ప్రభుత్వం తీసుకొచ్చిన ధరణి పోర్టల్‌ పేదలు, రైతులు, భూయజమానులకు తీవ్ర ఇబ్బందులు తెచ్చిపెట్టిందని రాష్ట్ర రెవెన్యూ శాఖ మంత్రి పొంగులేటి శ్రీనివాస్‌రెడ్డి ఆరోపించారు. ధరణి సమస్యలను అప్పటి మంత్రులు, ఎమ్మెల్యేలు పలుమార్లు మాజీ సీఎం కేసీఆర్‌ దృష్టికి తీసుకెళ్లినా పరిష్కారం లభించలేదని విమర్శించారు. ధరణిలోని సాంకేతిక లోపాలు, ‘సీక్రెట్‌ లాక్‌’ల వ్యవస్థ, భూ రికార్డుల సమస్యలపై శాసనసభలో ఆయన తీవ్ర వ్యాఖ్యలు చేశారు.

పెళ్లి చేసుకుంటానని నమ్మించి ప్రేమ పేరుతో దగ్గరైన వ్యక్తి.. ఆ తర్వాత పెళ్లి మాట దాటవేయడంతో ప్రియురాలు ఒత్తిడి పెంచింది. అంతేకాదు, ఇద్దరూ ఏకాంతంగా ఉన్న వీడియోలు, ఫొటోలను బయటపెడతానని బెదిరించింది. పరువు పోతుందనే భయంతో ఆమెను పెళ్లి చేసుకుంటానని నమ్మించి అటవీ ప్రాంతానికి తీసుకెళ్లిన ప్రియుడు గొంతు నులిమి హత్య చేశాడు. అనంతరం మృతదేహాన్ని ముక్కలుగా నరికి అడవిలో పడేశాడు. హన్మకొండ జిల్లా హసన్‌పర్తిలో వెలుగులోకి వచ్చిన ఈ ఘటన తీవ్ర కలకలం రేపింది.

ఉత్తర్‌ప్రదేశ్‌లో మొబైల్ నెట్‌వర్క్ సమస్యపై గ్రామస్థులు తీవ్ర ఆగ్రహం వ్యక్తం చేశారు. రెండేళ్లుగా సమస్య పరిష్కారం కావడం లేదంటూ టవర్ పనుల కోసం వచ్చిన టెలికాం టెక్నీషియన్‌ను చుట్టుముట్టి, ఏకంగా మొబైల్ టవర్‌కు కట్టేశారు.

తెలంగాణ సీఎం రేవంత్ రెడ్డి, మంత్రి పొంగులేటి శ్రీనివాస్ రెడ్డిపై బీఆర్ఎస్ వర్కింగ్ ప్రెసిడెంట్ కేటీఆర్ తీవ్రస్థాయిలో విమర్శలు చేశారు. రాష్ట్రంలోని భూములను కాజేసే ప్రయత్నాలు జరుగుతున్నాయని ఆరోపించారు. రేవంత్ రెడ్డి ప్రభుత్వం తీసుకొచ్చే ప్రతి పథకం వెనుక ఓ స్కామ్ ఉందని విమర్శించారు. 22ఏ నిషేధిత భూముల అంశంపై హైదరాబాద్ తెలంగాణ భవన్‌లో బీఆర్ఎస్ ముఖ్యనేతలతో సమావేశమైన కేటీఆర్.. కాంగ్రెస్ ప్రభుత్వంపై పలు ఆరోపణలు చేశారు.

రాజస్థాన్‌లో మొబైల్ నెట్‌వర్క్ సమస్య ఓ యువకుడిని తీవ్ర ఆగ్రహానికి గురిచేసింది. నెల రోజులుగా సిగ్నల్స్ సరిగా రావడం లేదంటూ పుష్కర్ అనే యువకుడు సెల్‌ఫోన్ టవర్ ఎక్కి నిరసనకు దిగాడు. సమస్య పరిష్కరించకపోతే టవర్‌పై నుంచి దూకి ఆత్మహత్య చేసుకుంటానంటూ హెచ్చరించడంతో పోలీసులు, గ్రామస్థులు తీవ్ర ఆందోళనకు గురయ్యారు. చివరకు టెలికాం సిబ్బంది నెట్‌వర్క్ సమస్యను పరిష్కరించడంతో యువకుడు కిందకు దిగాడు.