#Ktr

బీఆర్ఎస్‌ నేత మన్నె క్రిశాంక్‌పై ఎఫ్‌ఐఆర్‌ నమోదవడంపై ఆ పార్టీ వర్కింగ్‌ ప్రెసిడెంట్‌ కేటీఆర్‌ తీవ్రంగా స్పందించారు. కాంగ్రెస్‌ ప్రభుత్వ అవినీతి, అక్రమాలను ప్రశ్నిస్తున్నందుకే కేసులు పెడుతున్నారని ఆరోపించిన ఆయన.. ఎన్ని కేసులు పెట్టినా కాంగ్రెస్‌ నేతల అవినీతిని బట్టబయలు చేస్తూనే ఉంటామని స్పష్టం చేశారు.

కేటీఆర్‌పై టీపీసీసీ ప్రధాన కార్యదర్శి గజ్జెల కాంతం తీవ్రస్థాయిలో ఆరోపణలు చేశారు. అమరావతిలో కేటీఆర్ భార్య శైలిమా పేరుతో భారీగా హోటల్ నిర్మించారంటూ ఆరోపించిన ఆయన యశోద ఆసుపత్రికి ప్రభుత్వ భూముల కేటాయింపు, మెడికోవర్ సంస్థతో సంబంధాలు, సీఎం రేవంత్‌రెడ్డి కుటుంబంపై వస్తున్న ఆరోపణలపై వివరణ ఇచ్చారు. ఆధారాలు ఉంటే బయటపెట్టాలని కేటీఆర్‌కు సవాల్ విసిరారు.

సిరిసిల్ల పర్యటనలో సీఎం రేవంత్‌రెడ్డి చేసిన వ్యాఖ్యలపై బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌ స్పందించారు. తన హోటల్‌ వ్యాపారం, కుటుంబ ఆస్తులపై సీఎం చేసిన వ్యాఖ్యలను ప్రస్తావిస్తూ తన హోటళ్లకు ఉచిత ప్రచారం కల్పించినందుకు ధన్యవాదాలు అంటూ వ్యాఖ్యానించారు. అదే సమయంలో కేసీఆర్‌, రేవంత్‌రెడ్డి కుటుంబాల ఆస్తులపై హైకోర్టు లేదా సుప్రీంకోర్టు సిట్టింగ్‌ జడ్జితో సమగ్ర విచారణ జరిపించాలని సవాల్‌ విసిరారు.

బీఆర్ఎస్ పదేళ్ల పాలనలో సిరిసిల్ల తీవ్ర సమస్యలకు కేంద్రంగా మారిందని తెలంగాణ సీఎం రేవంత్ రెడ్డి విమర్శించారు. సిరిసిల్లను ‘సిరుల సిల్ల’గా కాకుండా ‘ఉరిసిల్ల’గా మార్చారని ఆరోపించారు. సిరిసిల్ల కార్మికులు ఎదుర్కొన్న సమస్యలు, ఆత్మహత్యలు, గల్ఫ్ వలసలపై మాజీ మంత్రి కేటీఆర్‌ను సీఎం ప్రశ్నించారు.

రాబోయే తెలంగాణ అసెంబ్లీ ఎన్నికల్లో బీజేపీతో ఎట్టి పరిస్థితుల్లోనూ పొత్తు ఉండదని బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌ స్పష్టం చేశారు. గత 26 ఏళ్లలో బీజేపీతో బీఆర్‌ఎస్‌ ఒక్కసారి కూడా పొత్తు పెట్టుకోలేదని తెలిపారు. తెలంగాణలో మరోసారి బీఆర్‌ఎస్‌ ప్రభుత్వం ఏర్పడి, కేసీఆర్‌ ముఖ్యమంత్రి అవుతారని ధీమా వ్యక్తం చేశారు.

బీఆర్‌ఎస్‌ అధినేత కేసీఆర్‌ తీరుతోనే పార్టీ నష్టపోయిందన్న కేటీఆర్‌ వ్యాఖ్యలపై టీఆర్‌ఎస్‌ చీఫ్‌ కవిత తీవ్రంగా స్పందించారు. పార్టీ వైఫల్యాలను కేసీఆర్‌పై నెట్టడం మీ చేతగానితనానికి నిదర్శనమంటూ విమర్శించారు. గుంటనక్క మైండ్‌గేమ్‌లో పడి పెద్దాయననే తప్పుపడుతున్నారని కేటీఆర్‌పై మండిపడ్డారు. ఈ మేరకు మంగళవారం ఎక్స్‌ వేదికగా వరుస వ్యాఖ్యలు చేశారు.

ఫార్ములా ఈ-కార్ రేస్ కేసులో కీలక పరిణామం చోటుచేసుకుంది. బీఆర్‌ఎస్ వర్కింగ్ ప్రెసిడెంట్, మాజీ మంత్రి కేటీఆర్‌తో పాటు మరో ముగ్గురి పాస్‌పోర్టులను తాత్కాలికంగా జప్తు చేయాలని ఏసీబీ అధికారులు న్యాయస్థానాన్ని కోరారు.

మంత్రి పొంగులేటి శ్రీనివాస్‌రెడ్డికి సంబంధించిన ప్రాంతాల్లో 2024 సెప్టెంబర్ 27న జరిగిన ED సోదాలకు రెండేళ్లు పూర్తైన సందర్భంగా బీఆర్ఎస్ నిరసనకు దిగింది. సోదాల్లో ఏం గుర్తించారు, ఏం స్వాధీనం చేసుకున్నారు, కేసులో ఇప్పటివరకు ఏం పురోగతి సాధించారో వెల్లడించాలని EDని బీఆర్ఎస్ నేతలు డిమాండ్ చేశారు. ED కార్యాలయం వద్ద నోట్ల కట్టలపై పొంగులేటి కూర్చున్నట్లుగా రూపొందించిన కటౌట్‌ను ప్రదర్శించారు. ఇదే అంశంపై కేటీఆర్ కూడా స్పందిస్తూ కేంద్ర దర్యాప్తు సంస్థ తీరుపై ప్రశ్నలు సంధించారు.

నాని హీరోగా శ్రీకాంత్ ఓదెల దర్శకత్వంలో తెరకెక్కిన ‘ది ప్యారడైజ్’ బాక్సాఫీస్ వద్ద దూసుకెళ్తోంది. రెండు రోజుల్లోనే రూ.114 కోట్ల వసూళ్లు సాధించినట్లు మేకర్స్ ప్రకటించారు. ఈ నేపథ్యంలో బీఆర్ఎస్ వర్కింగ్ ప్రెసిడెంట్ కేటీఆర్ ఈ సినిమాను థియేటర్‌లో చూడబోతున్నట్లు సోషల్ మీడియా వేదికగా వెల్లడించారు. సినిమాలో తెలంగాణ అంశాలు, కేసీఆర్‌ను పోలిన ప్రియదర్శి పాత్ర ఉండటంతో కేటీఆర్ సినిమా వీక్షణపై ఆసక్తి నెలకొంది.

ముఖ్యమంత్రి రేవంత్‌రెడ్డి ప్రజా పాలనతో ప్రజల మద్దతు పొందుతుంటే బీఆర్ఎస్ ‘22ఏ’ పేరుతో రాజకీయాలు చేస్తోందని టీపీసీసీ సీనియర్ నేత రమ్యారావు విమర్శించారు. పదేళ్ల బీఆర్ఎస్ పాలనలో కేసీఆర్ కుటుంబం అడ్డగోలుగా సంపాదించిందని ఆరోపించారు. తన భూములపై కేటీఆర్ చేసిన వ్యాఖ్యలకు కౌంటర్ ఇచ్చిన ఆమె సంతోష్ రావు ఆస్తులు, భూములు, ప్లాట్లపై పలు ప్రశ్నలు సంధించారు.

జన్వాడ ఫార్మ్ హౌస్ భూములపై యజమాని ప్రదీప్ రెడ్డి కీలక వ్యాఖ్యలు చేశారు. ఫార్మ్ హౌస్ ఉన్న భూమి తన సొంతమని, బీఆర్ఎస్ వర్కింగ్ ప్రెసిడెంట్ కేటీఆర్‌కు భూమితో ఎలాంటి సంబంధం లేదని స్పష్టం చేశారు. తామిద్దరం చిన్ననాటి స్నేహితులమని, తన సొంత ఆస్తిని కేటీఆర్‌కు లీజుకు ఇచ్చినట్లు వెల్లడించారు. ప్రభుత్వ అధికారులు ఏవైనా వివరాలు కోరితే చట్టపరమైన ప్రక్రియలో పూర్తిగా సహకరిస్తానని తెలిపారు.

తెలంగాణ రాజకీయాల్లో కీలక పరిణామం చోటుచేసుకుంది. ఖైరతాబాద్ ఎమ్మెల్యే దానం నాగేందర్‌పై తెలంగాణ హైకోర్టు అనర్హత వేటు వేసింది. బీఆర్‌ఎస్‌ తరఫున ఎమ్మెల్యేగా గెలిచి కాంగ్రెస్‌లో చేరడంతో పాటు 2024 లోక్‌సభ ఎన్నికల్లో కాంగ్రెస్ అభ్యర్థిగా పోటీ చేసిన అంశాన్ని పరిగణనలోకి తీసుకున్న న్యాయస్థానం.. స్పీకర్‌ నిర్ణయాన్ని కొట్టివేసింది.

ఫార్ములా ఈ-కార్ రేసు కేసులో నాంపల్లి ఏసీబీ కోర్టులో మాజీ మంత్రి, బీఆర్‌ఎస్ వర్కింగ్ ప్రెసిడెంట్ కేటీఆర్ విచారణ ముగిసింది. తదుపరి విచారణను న్యాయస్థానం అక్టోబర్ 30కి వాయిదా వేసింది. విదేశీ కంపెనీకి సమన్లు అందకపోవడంతో విచారణ వాయిదా పడిందని కేటీఆర్ తరఫు న్యాయవాది తెలిపారు. మరోవైపు కేసులకు భయపడేది లేదని, న్యాయవ్యవస్థపై పూర్తి నమ్మకం ఉందని కేటీఆర్ పేర్కొన్నారు.

కేసీఆర్ కుటుంబ భూములపై తెలంగాణ అసెంబ్లీలో సీఎం రేవంత్ రెడ్డి చేసిన వ్యాఖ్యలపై బీఆర్ఎస్ వర్కింగ్ ప్రెసిడెంట్ కేటీఆర్ తీవ్రంగా స్పందించారు. గతంలో కేసీఆర్ ఫామ్‌హౌస్‌ను 1,000 ఎకరాలుగా పేర్కొన్న రేవంత్.. ఇప్పుడు కేసీఆర్ దంపతులకు 67.13 ఎకరాలు ఉన్నట్లు సభలో చెప్పడాన్ని కేటీఆర్ ప్రశ్నించారు. తమ ఆస్తులపై, ప్రభుత్వ పెద్దల ఆస్తులపై హైకోర్టు లేదా సుప్రీంకోర్టు జడ్జితో విచారణ జరిపించాలని సవాల్ చేశారు. ఇదే సమయంలో ఎర్రవల్లి ఫామ్‌హౌస్ పరిధిలోని భూములపై 30 రోజుల్లో నివేదిక ఇవ్వాలని సీఎం రేవంత్ రెడ్డి అధికారులను ఆదేశించారు.

తెలంగాణ అసెంబ్లీలో కల్వకుంట్ల కుటుంబానికి చెందిన భూములపై సీఎం రేవంత్ రెడ్డి చేసిన వ్యాఖ్యలకు టీఆర్ఎస్ అధ్యక్షురాలు కల్వకుంట్ల కవిత స్పందించారు. తన ఎన్నికల అఫిడవిట్‌లో పేర్కొన్న ఆస్తుల కంటే ఒక్క గజం భూమి ఎక్కువగా ఉన్నా ప్రభుత్వానికి సరెండర్ చేస్తానని స్పష్టం చేశారు.

తెలంగాణ అసెంబ్లీ వేదికగా మాజీ సీఎం కేసీఆర్, కల్వకుంట్ల కుటుంబంపై సీఎం రేవంత్ రెడ్డి తీవ్ర ఆరోపణలు చేశారు. తెలంగాణ ఉద్యమం, ధరణిని అడ్డుపెట్టుకుని భూముల వ్యవహారాల్లో అక్రమాలకు పాల్పడ్డారని ఆరోపించారు. కేసీఆర్ కుటుంబ సభ్యుల పేర్లపై ఉన్నట్లు పేర్కొన్న భూముల వివరాలను సభలో వెల్లడించారు. ఎర్రవెల్లిలోని కేసీఆర్ ఫాంహౌస్ భూములపై 30 రోజుల్లో విచారణ పూర్తి చేసి నివేదిక ఇవ్వాలని అధికారులను ఆదేశించారు.

తెలంగాణ సీఎం రేవంత్ రెడ్డి, మంత్రి పొంగులేటి శ్రీనివాస్ రెడ్డిపై బీఆర్ఎస్ వర్కింగ్ ప్రెసిడెంట్ కేటీఆర్ తీవ్రస్థాయిలో విమర్శలు చేశారు. రాష్ట్రంలోని భూములను కాజేసే ప్రయత్నాలు జరుగుతున్నాయని ఆరోపించారు. రేవంత్ రెడ్డి ప్రభుత్వం తీసుకొచ్చే ప్రతి పథకం వెనుక ఓ స్కామ్ ఉందని విమర్శించారు. 22ఏ నిషేధిత భూముల అంశంపై హైదరాబాద్ తెలంగాణ భవన్‌లో బీఆర్ఎస్ ముఖ్యనేతలతో సమావేశమైన కేటీఆర్.. కాంగ్రెస్ ప్రభుత్వంపై పలు ఆరోపణలు చేశారు.

తెలంగాణ అసెంబ్లీ వద్ద విధుల్లో ఉన్న మహిళా పోలీసులతో దురుసుగా ప్రవర్తించారన్న ఆరోపణలపై బీఆర్ఎస్ వర్కింగ్ ప్రెసిడెంట్ కేటీఆర్, మాజీ మంత్రి టి. హరీశ్‌రావు సహా నలుగురు నేతలపై సైఫాబాద్ పోలీసులు కేసు నమోదు చేశారు. ఓ మహిళా కానిస్టేబుల్ ఇచ్చిన ఫిర్యాదు మేరకు ఎఫ్‌ఐఆర్ నమోదు చేసి దర్యాప్తు చేపట్టారు.

తెలంగాణ అసెంబ్లీ సమావేశాల మూడో రోజు తీవ్ర ఉద్రిక్తత నెలకొంది. సభలో నిరసనకు దిగిన 20 మంది బీఆర్ఎస్ ఎమ్మెల్యేలను స్పీకర్ ఈ సెషన్‌ మొత్తం సస్పెండ్ చేశారు. కేటీఆర్‌, హరీష్‌రావు, జగదీష్‌రెడ్డి, తలసాని శ్రీనివాస్ యాదవ్, సబితా ఇంద్రారెడ్డి తదితరులు సస్పెన్షన్‌కు గురయ్యారు.

శాసనసభ వద్ద సోమవారం బీఆర్‌ఎస్‌ ఎమ్మెల్యేలు, ఎమ్మెల్సీలు నిర్వహించిన నిరసన ఉద్రిక్తతకు దారితీసింది. పోలీసుల ఫిర్యాదుల ఆధారంగా కేటీఆర్‌, హరీశ్‌రావు సహా పలువురు బీఆర్‌ఎస్‌ నేతలపై మూడు ఎఫ్‌ఐఆర్‌లు నమోదయ్యాయి. భద్రతా సిబ్బందిపై దాడి, మహిళా పోలీసులతో దురుసుగా ప్రవర్తించడం, బెదిరింపులు, స్పీకర్‌ను దూషించడం వంటి ఆరోపణలు కేసుల్లో నమోదయ్యాయి.

తెలంగాణలో శాంతిభద్రతలు పూర్తిగా గాడి తప్పాయని బీఆర్ఎస్ డిప్యూటీ ఫ్లోర్ లీడర్, మాజీ మంత్రి హరీశ్ రావు ఆరోపించారు. రాష్ట్రంలో పరిస్థితిని కేంద్రం, గవర్నర్ జోక్యం చేసుకుని రాష్ట్రపతి పాలన విధించాలని డిమాండ్ చేశారు. ముఖ్యమంత్రి రేవంత్ రెడ్డిపై తీవ్రస్థాయిలో విమర్శలు గుప్పించిన ఆయన.. కేసీఆర్ ఇంటిపై దాడి, మహిళా ఎమ్మెల్యేలపై దాడులు, ప్రజా సమస్యలపై అసెంబ్లీలో చర్చకు అవకాశం ఇవ్వకపోవడంపై మండిపడ్డారు.

హైదరాబాద్‌లోని బోయిన్‌పల్లి పోలీస్‌స్టేషన్‌ మంగళవారం రణరంగంగా మారింది. బీఆర్ఎస్, కాంగ్రెస్ కార్యకర్తలు పోలీస్‌స్టేషన్‌ ఎదుటే రాళ్లు, కర్రలు, కుర్చీలతో పరస్పరం దాడులకు దిగడంతో తీవ్ర ఉద్రిక్తత నెలకొంది. ఈ ఘటనలో పలువురు కాంగ్రెస్ కార్యకర్తలు గాయపడగా, ఓ మహిళా కార్యకర్తపై కూడా దాడి జరిగినట్లు సమాచారం.

హైదరాబాద్‌లోని తెలంగాణ అసెంబ్లీ ప్రాంగణంలో మంగళవారం విషాద ఘటన చోటుచేసుకుంది. ఇరిగేషన్ శాఖ ముఖ్య కార్యదర్శి నవీన్ మిట్టల్ వద్ద పర్సనల్ సెక్రటరీగా పనిచేస్తున్న రాజు గుండెపోటుతో అకస్మాత్తుగా కుప్పకూలారు. వెంటనే స్పందించిన మంత్రి వాకిటి శ్రీహరి స్వయంగా సీపీఆర్ చేసి, అంబులెన్స్‌లో ఆసుపత్రికి తరలించే ఏర్పాట్లు చేసినప్పటికీ.. రాజు ప్రాణాలు దక్కలేదు.

తెలంగాణ రాజకీయాల్లో మరోసారి ఉద్రిక్తత నెలకొంది. మాజీ సీఎం కేసీఆర్ ఎర్రవల్లి ఫామ్‌హౌస్‌కు వెళ్లేందుకు ప్రయత్నించిన బీఆర్ఎస్ నేతలను బొల్లారం వద్ద పోలీసులు అడ్డుకోవడంతో పరిస్థితి ఉద్రిక్తంగా మారింది. ఈ ఘటనపై బీఆర్ఎస్ వర్కింగ్ ప్రెసిడెంట్ కేటీఆర్ తీవ్ర ఆగ్రహం వ్యక్తం చేశారు. కేసీఆర్‌పై దాడికి కాంగ్రెస్ ప్రభుత్వం కుట్ర చేస్తోందని ఆరోపిస్తూ సీఎం రేవంత్ రెడ్డిపై తీవ్ర వ్యాఖ్యలు చేశారు.

గజ్వేల్ నియోజకవర్గంలోని మాజీ సీఎం కేసీఆర్ ఎర్రవెల్లి ఫాంహౌస్ వద్ద ఉద్రిక్త పరిస్థితులు నెలకొన్నాయి. వెయ్యి డప్పులతో ఫాంహౌస్ ముట్టడికి కాంగ్రెస్ శ్రేణులు పిలుపునివ్వడంతో పోలీసులు భారీ బందోబస్తు ఏర్పాటు చేశారు. మరోవైపు కేసీఆర్‌పై కాంగ్రెస్ ఎమ్మెల్యే చేసిన వ్యాఖ్యలను నిరసిస్తూ కేటీఆర్, హరీశ్‌రావు ఆధ్వర్యంలో బీఆర్‌ఎస్ ఎమ్మెల్యేలు ఫాంహౌస్‌కు బయలుదేరడంతో రాజకీయ ఉత్కంఠ మరింత పెరిగింది.

తెలంగాణ అసెంబ్లీ స్పీకర్ గడ్డం ప్రసాద్ కుమార్‌పై బీఆర్ఎస్ ఎమ్మెల్సీ తాతా మధు చేసిన అనుచిత వ్యాఖ్యలు రాజకీయ దుమారం రేపుతున్నాయి. తాతా మధుపై కఠిన చర్యలు తీసుకోవాలని మంత్రులు పొన్నం ప్రభాకర్, సీతక్క డిమాండ్ చేశారు. ఆయనను బీఆర్ఎస్ నుంచి సస్పెండ్ చేయడంతో పాటు శాసనమండలి సభ్యత్వాన్ని రద్దు చేయాలని కోరారు.

అసెంబ్లీ బయట తమపై పోలీసులు వ్యవహరించిన తీరుపై మాజీ మంత్రి, ఎమ్మెల్యే సబితా ఇంద్రారెడ్డి తీవ్ర ఆగ్రహం వ్యక్తం చేశారు. పోలీసుల ముసుగులో గూండాల్లా వ్యవహరించారేమోనని అనుమానం వ్యక్తం చేసిన ఆమె.. కేటీఆర్ లేకపోతే తమను కిందపడేసి తొక్కేవారని ఆరోపించారు.

తెలంగాణ అసెంబ్లీ వద్ద బీఆర్ఎస్ ఎమ్మెల్యేలు, ఎమ్మెల్సీలను పోలీసులు అడ్డుకోవడంపై ఖైరతాబాద్ జోన్ డీసీపీ శిల్పవల్లి స్పందించారు. నల్ల టీషర్టులపై అసభ్యకర పదాలు, ప్రభుత్వ వ్యతిరేక నినాదాలు ఉండటంతోనే వారిని అసెంబ్లీలోకి అనుమతించలేదని తెలిపారు. ఎమ్మెల్యే సునీతా లక్ష్మారెడ్డి చీరను పోలీసులు లాగారన్న ఆరోపణల్లో వాస్తవం లేదని స్పష్టం చేశారు.

తెలంగాణ అసెంబ్లీ వర్షాకాల సమావేశాల తొలిరోజే తీవ్ర ఉద్రిక్తత నెలకొంది. నల్ల దుస్తులతో అసెంబ్లీకి వచ్చిన బీఆర్‌ఎస్‌ ఎమ్మెల్యేలు, ఎమ్మెల్సీలను గేటు వద్ద పోలీసులు అడ్డుకోవడంతో నిరసనకు దిగారు. ఈ క్రమంలో తన చీర లాగారని, కాలికి గాయమైందని ఎమ్మెల్యే సునీతా లక్ష్మారెడ్డి ఆరోపించారు. ఘటనపై ఫిర్యాదు చేస్తానని తెలిపారు.

తెలంగాణ అసెంబ్లీ వర్షాకాల సమావేశాల ప్రారంభం రోజే అసెంబ్లీ ప్రధాన ద్వారం వద్ద తీవ్ర ఉద్రిక్తత నెలకొంది. నల్ల దుస్తులతో వచ్చిన బీఆర్‌ఎస్‌ ఎమ్మెల్యేలు, ఎమ్మెల్సీలను పోలీసులు అడ్డుకోవడంతో వాగ్వాదం, తోపులాట చోటుచేసుకుంది. బనియన్‌తో అసెంబ్లీలోకి వెళ్లేందుకు ప్రయత్నించిన మాజీ మంత్రి హరీశ్‌రావును పోలీసులు అదుపులోకి తీసుకోగా, కేటీఆర్‌తో పాటు పలువురు బీఆర్‌ఎస్‌ నేతలను కూడా అరెస్ట్ చేశారు.