#Tdp

కూటమి ప్రభుత్వం ఏర్పడిన తర్వాత 28వసారి సామాజిక భద్రతా పెన్షన్లను పంపిణీ చేస్తున్నామని ఆంధ్రప్రదేశ్ ముఖ్యమంత్రి చంద్రబాబు నాయుడు తెలిపారు. గురువారం నిర్వహించిన ‘పేదల సేవలో’ కార్యక్రమంలో పాల్గొన్న ఆయన ప్రభుత్వం అంటే ప్రజల మధ్య ఉండే వ్యవస్థ అని, పేదలకు సేవ చేయడమే తన బాధ్యత అని పేర్కొన్నారు. ఇప్పటివరకు పెన్షన్ల రూపంలో రూ.76 వేల కోట్లు అందించినట్లు వెల్లడించారు.

ఆంధ్రప్రదేశ్ మాజీ డిప్యూటీ సీఎం, టీడీపీ నేత ఆళ్ల కాళీ కృష్ణ శ్రీనివాస్‌ (ఆళ్ల నాని) కన్నుమూశారు. మంగళవారం విశాఖపట్నంలో గుండెపోటుకు గురై తుదిశ్వాస విడిచారు.

చీపురుపల్లి రాజకీయాల్లో కీలక పరిణామం చోటుచేసుకుంది. మాజీ మంత్రి, వైసీపీ సీనియర్ నేత బొత్స సత్యనారాయణ మేనల్లుడు, విజయనగరం జిల్లా జెడ్పీ చైర్మన్‌ మజ్జి శ్రీనివాసరావు (చిన్న శ్రీను) వైసీపీని వీడి టీడీపీలో చేరడం రాజకీయంగా చర్చనీయాంశమైంది. ఈ నేపథ్యంలో గరివిడిలో జరిగిన వైసీపీ ఆత్మీయ సమావేశంలో బొత్స సత్యనారాయణ భావోద్వేగానికి గురై కంటతడి పెట్టడం హాట్ టాపిక్‌గా మారింది. చిన్న శ్రీనుతో ఉన్న అనుబంధాన్ని నేతలు, కార్యకర్తలు గుర్తు చేయడంతో బొత్స తీవ్ర భావోద్వేగానికి లోనైనట్లు తెలుస్తోంది.

ఆంధ్రప్రదేశ్ రాజకీయాల్లో కీలక పరిణామం చోటుచేసుకుంది. మాజీ మంత్రి, ఎమ్మెల్సీ ప్రతిపక్ష నేత బొత్స సత్యనారాయణ మేనల్లుడు, విజయనగరం జిల్లా వైసీపీ అధ్యక్షుడు మజ్జి శ్రీనివాసరావు (చిన్న శ్రీను) వైసీపీకి రాజీనామా చేసి టీడీపీలో చేరారు. ముఖ్యమంత్రి, టీడీపీ అధినేత చంద్రబాబు నాయుడు సమక్షంలో ఆయన పసుపు కండువా కప్పుకున్నారు.

వైసీపీ మాజీ ఎంపీ విజయసాయిరెడ్డి, ఆ పార్టీ నేత సజ్జల రామకృష్ణారెడ్డిపై టీడీపీ నెల్లూరు రూరల్ ఎమ్మెల్యే కోటంరెడ్డి శ్రీధర్‌రెడ్డి సంచలన వ్యాఖ్యలు చేశారు. మంగళగిరి ప్లీనరీ సమయంలో సజ్జల, విజయసాయిరెడ్డి మధ్య వివాదం జరిగి కొట్టుకున్నది వాస్తవమేనని ఆయన పేర్కొన్నారు. వైసీపీలో విజయసాయికి అనేక అవమానాలు జరిగాయని ఆరోపించారు.

తెలంగాణ కాంగ్రెస్‌ ఎమ్మెల్యే నాయిని రాజేందర్ రెడ్డి సంచలన వ్యాఖ్యలు చేశారు. మాజీ సీఎం కేసీఆర్, ఏపీ సీఎం చంద్రబాబు నాయుడు కాంగ్రెస్‌ బ్రాండేనని వ్యాఖ్యానించారు. కాంగ్రెస్‌ పార్టీపై విమర్శలు చేసే నేతలు ఆ పార్టీ చరిత్ర, త్యాగాల గురించి తెలుసుకోవాలని సూచించారు.

వైసీపీ నేత, మాజీ మంత్రి జోగి రమేష్ తన కుమారుడు రాజీవ్, కోడలు మేఘన మధ్య నెలకొన్న వివాదంపై స్పందించారు. మేఘనను తమ కుటుంబంలో కూతురిలా చూసుకున్నామని చెప్పారు. కుటుంబ వివాదాన్ని రాజకీయంగా వాడుకుంటూ తన కుటుంబంపై ఫేక్ వీడియోలు, ఆడియోలతో దుష్ప్రచారం చేస్తున్నారని ఆరోపించారు.

ఒంగోలులో బాలినేని శ్రీనివాసరెడ్డి, దామచర్ల జనార్దన్‌ మధ్య నెలకొన్న వివాదంపై తెదేపా, జనసేన హైకమాండ్‌లు సీరియస్‌గా స్పందించాయి. కూటమికి నష్టం కలిగించేలా వ్యవహరించొద్దని ఇద్దరు నేతలకు సూచించాయి.

ఆంధ్రప్రదేశ్ అసెంబ్లీ వర్షాకాల సమావేశాలు ఆగస్టు 17 నుంచి ప్రారంభం కానున్నాయి. ఈ నేపథ్యంలో ముఖ్యమంత్రి చంద్రబాబు నాయుడు మంత్రులకు కీలక సూచనలు చేసినట్లు తెలుస్తోంది. అసెంబ్లీ, శాసన మండలిలో వైసీపీ సభ్యులు లేవనెత్తే ప్రతి అంశానికి స్పష్టమైన సమాధానం ఇచ్చేలా సిద్ధంగా ఉండాలని ఆదేశించినట్లు సమాచారం.

గుంటూరులో హర్‌ ఘర్‌ తిరంగా కార్యక్రమాన్ని కేంద్ర సహాయ మంత్రి పెమ్మసాని చంద్రశేఖర్‌ ప్రారంభించారు. ప్రతి భారతీయుడు దేశ గొప్పతనాన్ని గుండెల్లో నిలుపుకోవాలని పిలుపునిచ్చారు.

ప్రముఖ నటుడు, కమెడియన్ అలీ తన రాజకీయ ప్రయాణంపై కీలక వ్యాఖ్యలు చేశారు. టీడీపీకి పనిచేసినా తగిన గుర్తింపు దక్కలేదని, ఆ తర్వాత వైసీపీలోకి వెళ్లినా పరిస్థితిలో మార్పు రాలేదని తెలిపారు. రాజకీయాలకు స్వస్తి చెప్పడానికి ఇదే కారణమని వెల్లడించారు.

భోగాపురం అంతర్జాతీయ విమానాశ్రయం ప్రారంభోత్సవంలో మంత్రి నారా లోకేశ్ ప్రధాని నరేంద్ర మోదీపై ప్రశంసలు కురిపించారు. ఉత్తరాంధ్ర అభివృద్ధికి మోదీ రెక్కలు ఇచ్చారని, ఏపీ అభివృద్ధికి కేంద్రం పూర్తి సహకారం అందిస్తోందని అన్నారు. విశాఖ ఉక్కును కాపాడింది కూడా మోదీనే అని వ్యాఖ్యానించారు.

తెలుగుదేశం పార్టీకి కార్యకర్తలే అసలైన బలమని, పార్టీ కోసం అంకితభావంతో పనిచేసే కార్యకర్తలకు తమ కుటుంబం ఎప్పటికీ రుణపడి ఉంటుందని నారా భువనేశ్వరి అన్నారు. ఏపీ ముఖ్యమంత్రి చంద్రబాబు నాయుడు ప్రజలకు ఇచ్చిన హామీలను తప్పకుండా అమలు చేస్తారని పేర్కొన్న ఆమె, కూటమి ప్రభుత్వం అభివృద్ధి, సంక్షేమాన్ని సమాంతరంగా ముందుకు తీసుకెళ్తోందని తెలిపారు.

ఆంధ్రప్రదేశ్‌లో కూటమి ప్రభుత్వం చేపట్టిన "రెండేళ్ల నమ్మకం - సంక్షేమం - అభివృద్ధి" కార్యక్రమం బాపట్ల నియోజకవర్గంలో ఘనంగా ప్రారంభమైంది. బాపట్ల మండలం చుండూరుపల్లి గ్రామంలో ఎమ్మెల్యే వేగేశన నరేంద్ర వర్మ రాజు ఇంటింటికీ వెళ్లి ప్రభుత్వ రెండేళ్ల పాలనలో అమలు చేసిన సంక్షేమ పథకాలు, అభివృద్ధి కార్యక్రమాలను ప్రజలకు వివరించారు.

ఆంధ్రప్రదేశ్‌లో రెండేళ్ల కూటమి ప్రభుత్వ పాలనను ప్రజల్లోకి తీసుకెళ్లేందుకు తెలుగుదేశం పార్టీ ప్రత్యేక కార్యాచరణకు శ్రీకారం చుట్టింది. రేపటి నుంచి 45 రోజుల పాటు ఇంటింటి ప్రచార కార్యక్రమాన్ని నిర్వహించాలని నిర్ణయించిన నేపథ్యంలో పార్టీ ముఖ్య నేతలు, ప్రజాప్రతినిధులతో ముఖ్యమంత్రి చంద్రబాబు నాయుడు టెలీకాన్ఫరెన్స్ నిర్వహించి కీలక సూచనలు చేశారు.

ఆంధ్రప్రదేశ్‌లో ప్రతిష్టాత్మకంగా నిర్మితమవుతున్న భోగాపురం అంతర్జాతీయ విమానాశ్రయం ప్రారంభోత్సవానికి ప్రధాని నరేంద్ర మోదీ హాజరుకానున్నారు. ఆగస్టు 1న ఆయన ఏపీ పర్యటనకు రానున్నట్లు అధికార వర్గాలు తెలిపాయి.