#Trai

ప్రపంచవ్యాప్తంగా గుర్తింపు పొందిన రియాలిటీ షో ‘ది ట్రైటర్స్’ ఇప్పుడు తెలుగులోకి వచ్చేస్తోంది. సస్పెన్స్, మైండ్ గేమ్స్, వ్యూహాలతో సాగనున్న ఈ షోకు యంగ్ హీరో తేజ సజ్జా హోస్ట్‌గా వ్యవహరిస్తున్నారు. తాజాగా షోలో పాల్గొనే 20 మంది కంటెస్టెంట్స్ జాబితాను మేకర్స్ ప్రకటించడంతో అంచనాలు మరింత పెరిగాయి.

విభిన్న కథలను ఎంచుకుంటూ తనకంటూ ప్రత్యేక గుర్తింపు తెచ్చుకున్న హీరో శ్రీవిష్ణు నటిస్తున్న తాజా చిత్రం ‘కామ్రేడ్ కల్యాణ్’. జానకిరామ్ మారెళ్ల దర్శకత్వంలో తెరకెక్కుతున్న ఈ సినిమా థియేట్రికల్ ట్రైలర్‌ను టాలీవుడ్‌కు చెందిన తొమ్మిది మంది ప్రముఖ దర్శకులు కలిసి విడుదల చేశారు. కామెడీ, ఎంటర్‌టైన్‌మెంట్‌తో రూపొందిన ట్రైలర్ సినిమాపై ఆసక్తిని మరింత పెంచుతోంది.

సూపర్‌స్టార్ రజనీకాంత్ హీరోగా నెల్సన్ దిలీప్‌కుమార్ దర్శకత్వంలో తెరకెక్కుతున్న ‘జైలర్ 2’ ట్రైలర్ విడుదలైంది. ముత్తువేల్ పాండియన్‌గా రజనీకాంత్ మరోసారి మాస్ అవతార్‌లో కనిపించనున్నారు. యాక్షన్, వయలెన్స్, పవర్‌ఫుల్ డైలాగ్స్, భారీ ఎలివేషన్స్‌తో ఉన్న ట్రైలర్ సినిమాపై అంచనాలను మరింత పెంచుతోంది. దసరా కానుకగా ఈ సినిమా అక్టోబర్ 15న థియేటర్లలోకి రానుంది.

బెంగళూరు–ముంబై నగరాల మధ్య మరో కీలక రైలు సర్వీసు అందుబాటులోకి రానుంది. కేఎస్ఆర్ బెంగళూరు–ముంబై సీఎస్ఎంటీ మధ్య వందేభారత్ స్లీపర్ రైలు త్వరలో పట్టాలెక్కనుంది. ఈ రైలు ఆంధ్రప్రదేశ్ మీదుగా ప్రయాణించనుండగా రాష్ట్రంలో అనంతపురం, గుంతకల్లు స్టేషన్లలో ఆగనుంది.

ఆదాయానికి మించిన ఆస్తుల కేసులో అరెస్టైన డీఎస్పీ భీమ్‌రెడ్డి వ్యవహారంలో ఏసీబీ దర్యాప్తును మరింత ముమ్మరం చేసింది. ఆయన బినామీలు, ఆర్థిక వ్యవహారాలు నిర్వహిస్తున్న వ్యక్తులు, సంస్థలపై హైదరాబాద్‌, జహీరాబాద్‌లో ఏకకాలంలో 10 బృందాలతో సోదాలు నిర్వహించింది. ఈ తనిఖీల్లో రూ.1.35 కోట్ల నగదు, విదేశీ కరెన్సీ, మద్యం సీసాలతో పాటు కీలక పత్రాలు, డిజిటల్‌ ఆధారాలను అధికారులు స్వాధీనం చేసుకున్నట్లు సమాచారం.

శ్రీకాకుళం జిల్లా టెక్కలి సమీపంలో ఘోర రైలు ప్రమాదం జరిగింది. రావివలస-బర్మా కాలనీ సమీపంలో రైల్వే ట్రాక్‌పై నడుచుకుంటూ వెళ్తున్న ఐదుగురు ఇంటర్మీడియట్ విద్యార్థులను రాజధానిఎక్స్‌ప్రెస్ ఢీకొట్టింది. ఈ ఘటనలో నలుగురు విద్యార్థులు అక్కడికక్కడే మృతి చెందగా.. మరో విద్యార్థి తీవ్రంగా గాయపడ్డాడు.

హైదరాబాద్‌లో ఈ నెల 25న జరగనున్న గణేశ్ నిమజ్జనాన్ని వీక్షించేందుకు భారీగా భక్తులు తరలిరానున్న నేపథ్యంలో దక్షిణ మధ్య రైల్వే కీలక నిర్ణయం తీసుకుంది. ప్రయాణికుల రద్దీని దృష్టిలో ఉంచుకుని 25, 26 తేదీల్లో రాత్రివేళ అదనపు ఎంఎంటీఎస్ రైళ్లను నడపనుంది.

డేటా అవసరం లేని మొబైల్ వినియోగదారులకు ఊరట కల్పించేలా టెలికాం రెగ్యులేటరీ అథారిటీ ఆఫ్ ఇండియా (TRAI) కీలక నిర్ణయం తీసుకుంది. ఇకపై టెలికాం కంపెనీలు వాయిస్ కాలింగ్, SMS సేవలు మాత్రమే అందించే ప్రత్యేక రీఛార్జ్ ప్లాన్లను వివిధ వ్యాలిడిటీలతో అందుబాటులో తీసుకురావాలని ఆదేశించింది. తక్కువ ఆదాయ వర్గాలు, ఫీచర్ ఫోన్ వినియోగదారులు, కాలింగ్ కోసం మాత్రమే మొబైల్ ఉపయోగించే వారికి ఈ నిర్ణయం ఉపయోగపడనుంది.

దళపతి విజయ్ తనయుడు జేసన్ సంజయ్ దర్శకుడిగా పరిచయమవుతున్న మోస్ట్ అవేటెడ్ మూవీ ‘సిగ్మా’. సందీప్ కిషన్ హీరోగా నటిస్తున్న ఈ హై-ఆక్టేన్ యాక్షన్ ఎంటర్‌టైనర్ ట్రైలర్ తాజాగా విడుదలైంది. గ్యాంబ్లింగ్, డ్రగ్స్, మనీ హైస్ట్ నేపథ్యంలో సాగుతున్న ఈ ట్రైలర్ సినిమాపై అంచనాలను పెంచుతోంది.

రైలు ప్రయాణంలో టికెట్ అడిగిన టీటీఈపై తప్పుడు లైంగిక వేధింపుల కేసు బనాయించేందుకు ఓ యువతి ప్రయత్నించినట్లు పేర్కొంటున్న వీడియో సోషల్ మీడియాలో వైరల్ అవుతోంది. టికెట్ లేకపోవడంతో తొలుత డబ్బులు ఇస్తానంటూ బేరసారాలకు దిగిన ఆమె టీటీఈ నిరాకరించడంతో బెదిరింపులకు పాల్పడినట్లు వీడియోలో కనిపిస్తోంది. అనంతరం తన దుస్తులను తానే చింపుకుని, టీటీఈ తనను వేధిస్తున్నాడంటూ 112కు ఫోన్ చేసినట్లు ఆరోపణలు ఉన్నాయి. అయితే టీటీఈ మొత్తం ఘటనను మొబైల్‌లో రికార్డు చేయడంతో అసలు విషయం వెలుగులోకి వచ్చినట్లు తెలుస్తోంది.

పెరిగిన మొబైల్ రీఛార్జ్ ధరలతో ఇబ్బంది పడుతున్న వినియోగదారులకు ఊరట కలిగించేలా కేంద్ర ప్రభుత్వం కీలక నిర్ణయాలపై ఆలోచిస్తున్నట్లు సమాచారం. టెలికాం కంపెనీలు చెల్లించే లైసెన్స్ ఫీజు, స్పెక్ట్రమ్ వినియోగ ఛార్జీల భారాన్ని తగ్గించే ప్రతిపాదనపై ప్రభుత్వం పరిశీలన చేస్తున్నట్లు తెలుస్తోంది. ఇదే జరిగితే జియో, ఎయిర్‌టెల్, వొడాఫోన్ ఐడియా వంటి సంస్థల రీఛార్జ్ ప్లాన్ల ధరలు తగ్గే అవకాశం ఉంది.

టీమిండియా స్టార్ క్రికెటర్ రోహిత్ శర్మపై బాలీవుడ్ నటి, మాజీ మోడల్ సోఫియా హయత్ చేసిన వ్యాఖ్యలు మరోసారి సోషల్ మీడియాలో వైరల్‌గా మారాయి. 2012లో రోహిత్‌తో డేటింగ్ చేసినట్లు చెప్పిన సోఫియా.. తాజాగా ఓ టాక్ షోలో తమ రిలేషన్‌షిప్ గురించి వ్యక్తిగత వ్యాఖ్యలు చేసింది. గతంలోనూ రోహిత్‌తో తన సంబంధంపై ఆమె సోషల్ మీడియాలో పోస్టులు చేసింది.

భారత్‌ సొంతంగా తయారు చేస్తున్న తొలి బుల్లెట్‌ ట్రైన్‌ నిర్మాణం కీలక దశకు చేరుకుంది. రైలు బాడీ ఫ్రేమ్‌ సిద్ధమైందని కేంద్ర రైల్వే మంత్రి అశ్విని వైష్ణవ్‌ తెలిపారు. వచ్చే ఏడాది మే లేదా జూన్‌లో దేశీయ బుల్లెట్‌ ట్రైన్‌తో పట్టాలపై పరీక్షలు నిర్వహించనున్నట్లు వెల్లడించారు.

పరీక్షల్లో తక్కువ మార్కులు సాధించిన విద్యార్థుల ఆత్మవిశ్వాసాన్ని దెబ్బతీయకుండా బిహార్ ప్రభుత్వం కీలక నిర్ణయం తీసుకుంది. ఇకపై 10, 12వ తరగతి విద్యార్థుల మార్క్‌షీట్లలో ‘Fail’ అనే పదాన్ని ఉపయోగించకూడదని నిర్ణయించింది.

చెన్నై సమీపంలోని పుఝల్ సెంట్రల్ జైలులో తమిళనాడు ముఖ్యమంత్రి జోసెఫ్ విజయ్ ఆకస్మిక తనిఖీ నిర్వహించారు. జైలు సదుపాయాలు, ఖైదీలకు అందుతున్న ఆహారం, వైద్యం, విద్య, వృత్తి శిక్షణపై పరిశీలన జరిపిన ఆయన.. ఖైదీలతో నేరుగా మాట్లాడి వారి సమస్యలను తెలుసుకున్నారు.

ముంబై లోకల్ ట్రైన్‌లో కిక్కిరిసిన రద్దీ కారణంగా కొందరు మహిళలు రైలు కోచ్‌ బయట వేలాడుతూ ప్రయాణించిన వీడియో సోషల్ మీడియాలో వైరల్‌గా మారింది. వేగంగా దూసుకెళ్తున్న రైలులో ప్రాణాలను పణంగా పెట్టి ప్రయాణిస్తున్న దృశ్యాలు నెటిజన్లను తీవ్ర ఆందోళనకు గురిచేస్తున్నాయి.

లక్నో–ఢిల్లీ మధ్య నడిచే ప్రీమియం తేజస్ ఎక్స్‌ప్రెస్‌కు ఇకపై కొత్త పేరు రానుంది. ఆగస్టు 19, 2026 నుంచి ఈ రైలు 'స్ప్రైట్ తేజస్ ఎక్స్‌ప్రెస్’గా నడవనుంది. ఈ రైలు పేరును ఓ కూల్ డ్రింక్ బ్రాండ్‌తో అనుసంధానం చేయడం దేశంలో ఇదే తొలిసారిగా నిలిచింది.

ఆర్మీ నియామకాల్లో తెలంగాణ యువతకు మరిన్ని అవకాశాలు కల్పించేందుకు జిల్లా కేంద్రాల్లో శిక్షణా కేంద్రాలు ఏర్పాటు చేయాలని సీఎం రేవంత్‌రెడ్డి కోరారు. దేశవ్యాప్త ఆర్మీ రిక్రూట్‌మెంట్లకు ముందే శిక్షణ ఇచ్చేందుకు సదరన్‌ కమాండ్‌ అధికారులు అంగీకరించారు.

పెద్దపల్లి పార్లమెంట్‌ నియోజకవర్గంలో PM-SETU ITI క్లస్టర్‌ను ఏర్పాటు చేయాలని కేంద్ర భారీ పరిశ్రమల మంత్రి హెచ్‌.డి. కుమారస్వామిని మంత్రి వివేక్‌ వెంకటస్వామి, ఎంపీ గడ్డం వంశీకృష్ణ కోరారు. NMDC ద్వారా క్లస్టర్‌ను ఏర్పాటు చేయాలని విజ్ఞప్తి చేశారు.

పూణే జిల్లా బరామతి ఎయిర్‌ఫీల్డ్‌లో శిక్షణ విమానం రన్‌వేను దాటి వెళ్లిన ఘటన చోటుచేసుకుంది. కెప్టెన్, క్యాడెట్ సురక్షితంగా బయటపడగా ఘటనపై అధికారులు విచారణ చేపట్టారు.

యష్‌ నటించిన టాక్సిక్‌ ట్రైలర్‌ విడుదలైంది. 4 నిమిషాల 38 సెకన్ల ట్రైలర్‌లో గ్యాంగ్‌స్టర్‌ ప్రపంచం, తండ్రీకొడుకుల మధ్య రక్తపాత యుద్ధం, భారీ యాక్షన్‌ సన్నివేశాలు చూపించారు.

బోనాల పండుగ సందర్భంగా హైదరాబాద్‌ నగరంలో పలు ప్రాంతాల్లో ట్రాఫిక్‌ ఆంక్షలు, మళ్లింపులు అమలు చేయనున్నట్లు ట్రాఫిక్‌ పోలీసులు తెలిపారు. లాల్‌దర్వాజా సింహవాహిని శ్రీ మహంకాళి బోనాలు, కార్వాన్‌ దర్బార్‌ మైసమ్మ బోనాలు, అంబర్‌పేట మహంకాళి ఆలయం, చిలకలగూడ శ్రీ కట్ట మైసమ్మ–పోచమ్మ ఆలయాల వద్ద భక్తుల రద్దీని దృష్టిలో ఉంచుకుని ఈ ఏర్పాట్లు చేసినట్లు వెల్లడించారు.

ట్రైనీ ఐపీఎస్ ఉదయ్ కృష్ణారెడ్డి కస్టడీ అనంతరం సీపీ సజ్జనార్‌తో పాటు పలువురు పోలీసులపై మేజిస్ట్రేట్‌కు ఫిర్యాదు చేశారు. ఎన్‌కౌంటర్ బెదిరింపులు, టార్చర్, నిబంధనల ఉల్లంఘనపై ఆరోపణలు చేశారు.

తెలంగాణలో ఇంటర్మీడియట్ పూర్తి చేసిన ఆర్థికంగా వెనుకబడిన వర్గాల అమ్మాయిలకు కమర్షియల్ పైలట్‌గా ఎదిగే అరుదైన అవకాశం లభించింది. ఇంటర్ విద్యాశాఖ, ఇండిగోరీచ్, భారత్ కేర్ ట్రస్ట్ సంయుక్తంగా 20 నెలల ఉచిత పైలట్ శిక్షణ కార్యక్రమాన్ని ప్రారంభించనున్నాయి.

భద్రాద్రి కొత్తగూడెం జిల్లా లక్ష్మీదేవిపల్లి పోలీస్‌స్టేషన్‌ పరిధిలో నమోదైన భారీ పెట్టుబడి మోసం కేసును పోలీసులు ఛేదించారు. కేసులో ప్రధాన నిందితుడు బేతంపూడి భరత్‌కుమార్‌ను కేరళలో అరెస్టు చేసి, అతడి వద్ద నుంచి నేరార్జిత ఆస్తులుగా భావిస్తున్న 35 వాహనాలను స్వాధీనం చేసుకున్నారు.

అమెరికాలో ఉన్నత చదువులు పూర్తి చేసి అక్కడే ఉద్యోగం చేయాలనుకునే లక్షలాది విదేశీ విద్యార్థులకు మరో భారీ షాక్ తగిలే సూచనలు కనిపిస్తున్నాయి. ఇప్పటికే హెచ్-1బీ వీసా, గ్రీన్‌కార్డ్ అంశాల్లో కఠిన వైఖరి అవలంబిస్తున్న అమెరికా అధ్యక్షుడు డొనాల్డ్ ట్రంప్.. ఇప్పుడు ఆప్షనల్ ప్రాక్టికల్ ట్రైనింగ్ (OPT) కోసం ఏకంగా లక్ష డాలర్లు (దాదాపు రూ.95 లక్షలు) ఫీజు విధించే ప్రతిపాదనను పరిశీలిస్తున్నట్లు అమెరికా మీడియా కథనాలు వెల్లడించాయి.

జోర్డాన్‌లోని అమెరికా సైనిక స్థావరంపై ఇరాన్ క్షిపణి దాడికి ప్రతీకారంగా అమెరికా ఇరాన్‌లోని పలు సైనిక లక్ష్యాలపై భారీ వైమానిక దాడులు చేపట్టింది. ఇస్లామిక్ రివల్యూషనరీ గార్డ్ కార్ప్స్ (IRGC) స్థావరాలు, క్షిపణి, డ్రోన్ కేంద్రాలు లక్ష్యంగా జరిగిన ఈ దాడులతో పశ్చిమాసియాలో యుద్ధ వాతావరణం మరింత తీవ్రరూపం దాల్చింది.

భారతీయ రైల్వే సరుకు రవాణాలో కొత్త యుగానికి శ్రీకారం చుట్టింది. వందే భారత్ ప్లాట్‌ఫామ్ ఆధారంగా రూపొందించిన దేశంలోని తొలి ఫ్రైట్ EMU (Freight Electric Multiple Unit) విజయవంతంగా సాంకేతిక పరీక్షలను ప్రారంభించింది. వెస్ట్ సెంట్రల్ రైల్వేలోని కోటా డివిజన్‌లో జరిగిన తొలి ట్రయల్‌లో ఈ రైలు గంటకు 145 కిలోమీటర్ల వేగాన్ని నమోదు చేసి దేశ రైల్వే చరిత్రలో మరో కీలక మైలురాయిని సృష్టించింది

ట్రైనీ ఐపీఎస్ ఉదయ్‌ కృష్ణారెడ్డికి ఉప్పరపల్లి కోర్టు 14 రోజుల రిమాండ్ విధించింది. ఆగస్టు 11వ తేదీ వరకు ఆయనకు రిమాండ్ విధిస్తుస్తున్నట్లు ఆదేశాలు జారీ చేసింది. దీంతో ఆయన్ను పోలీసులు చంచల్‌గూడ జైలుకు తరలించారు.

లైంగిక వేధింపుల ఆరోపణలు ఎదుర్కొంటున్న ట్రైనీ ఐపీఎస్ అధికారి ఉదయ్ కృష్ణారెడ్డి కేసులో కీలక పరిణామం చోటు చేసుకుంది. హైదరాబాద్‌లో ఆస్పత్రి నుంచి డిశ్చార్జ్ అయిన తర్వాత అజ్ఞాతంలోకి వెళ్లిన ఆయనను పోలీసులు మంగళవారం అరెస్ట్ చేశారు. ఇదే కేసులో ఆయన దాఖలు చేసిన క్వాష్ పిటిషన్‌పై బుధవారం హైకోర్టులో విచారణ జరగనున్న నేపథ్యంలో ఈ అరెస్ట్ రెండు తెలుగు రాష్ట్రాల్లో తీవ్ర చర్చకు దారితీసింది.