#Viral News

సోషల్ మీడియా రీల్స్ విషయంలో భార్యాభర్తల మధ్య తలెత్తిన విభేదాలు విషాదానికి దారితీశాయి. రీల్స్ చేయొద్దని భర్త వారించడంతో మనస్తాపానికి గురైన 35 ఏళ్ల వివాహిత గజ్వేల్‌లో ఆత్మహత్యకు పాల్పడినట్లు పోలీసులు తెలిపారు. 11 ఏళ్ల వైవాహిక బంధం, ఇద్దరు పిల్లలున్న కుటుంబంలో ఈ ఘటన తీవ్ర విషాదాన్ని నింపింది.

అమెరికాలోని టెక్సాస్‌కు చెందిన నిక్ డీర్‌మన్ హనుమాన్ చాలీసాను అత్యంత వేగంగా, స్పష్టంగా పఠించిన వీడియో సోషల్ మీడియాలో వైరల్‌గా మారింది. ఎలాంటి తడబాటు లేకుండా డబుల్ స్పీడ్‌లో చాలీసాను చదివిన ఆయన ఏకాగ్రత, ఉచ్చారణపై నెటిజన్లు ప్రశంసలు కురిపిస్తున్నారు.

హాలీవుడ్ స్టార్, మార్షల్ ఆర్ట్స్ లెజెండ్ జాకీ చాన్ మరణించారంటూ సోషల్ మీడియాలో వైరల్ అవుతున్న వార్తలు పూర్తిగా అవాస్తవమని ఫ్యాక్ట్ చెక్ నివేదికలు వెల్లడించాయి. ‘1954–2026’ అంటూ ఆయన ఫొటోలతో వైరల్ అయిన పోస్టులు అభిమానుల్లో ఆందోళన రేపినా జాకీ చాన్ క్షేమంగా ఉన్నట్లు ధృవీకరణలు వెలువడ్డాయి.

బెంగళూరులో ఐటీ ఉద్యోగాన్ని వదిలి ఆటో డ్రైవర్‌గా మారిన ఓ యువతి కథ ప్రస్తుతం సోషల్ మీడియాలో వైరల్‌గా మారింది.

ఉత్తరప్రదేశ్‌లో ఎడతెరిపిలేకుండా కురుస్తున్న వర్షాలతో ఓ యువకుడు విసిగిపోయాడు. దీంతో ఏకంగా ఇంద్రుడిపైనే అధికారులకు ఫిర్యాదు చేశాడు.

జార్ఖండ్‌లోని రాంచీలో ఓ కోతి చేసిన పని ఇప్పుడు సోషల్ మీడియాలో వైరల్‌గా మారింది. ఓ మద్యం దుకాణంలోకి ప్రవేశించిన కోతి.. సిబ్బందిపై దాడి చేసిన అనంతరం ఓ మద్యం బాటిల్‌ను తెరిచి తాగింది. ఆ తర్వాత మద్యం మత్తులో బాటిళ్ల మధ్యే పడుకుని నిద్రపోయింది.

మతిమరుపుతో తీర్థయాత్ర బృందం నుంచి తప్పిపోయి పొరపాటున బీహార్ రైలు ఎక్కిన పంజాబ్‌కు చెందిన వృద్ధుడు చమన్ లాల్.. ఏకంగా 1,200 కిలోమీటర్ల దూరంలోని గయాకు చేరుకున్నాడు. ఆకలితో, ఆందోళనతో ఉన్న ఆయనకు నీరజ్ అనే స్థానికుడు ఆశ్రయం కల్పించాడు. వృద్ధుడు చెప్పిన గ్రామం ఆచూకీ కోసం చాట్‌జీపీటీని ఆశ్రయించిన నీరజ్ సాంకేతికత సాయంతో ఆయన కుటుంబాన్ని గుర్తించి తిరిగి కలిపాడు.

ట్రాఫిక్ నిబంధనలను పట్టించుకోకుండా బైక్‌పై పరిమితికి మించి ప్రయాణికులను ఎక్కించుకోవడం ఎంత ప్రమాదకరమో చెప్పే వీడియో ఒకటి సోషల్ మీడియాలో వైరల్‌గా మారింది. ఉత్తరప్రదేశ్‌ రిజిస్ట్రేషన్‌ ఉన్న ఓ బైక్‌పై ఓ వృద్ధుడు ఏకంగా ఆరుగురు నుంచి ఏడుగురు చిన్నారులను తీసుకెళ్తున్న దృశ్యాలు నెటిజన్లను షాక్‌కు గురిచేస్తున్నాయి.

ఉత్తరప్రదేశ్‌లోని బరేలీలో ఓ యువకుడు పాము కాటుకు గురైన తర్వాత చేసిన పని ఆస్పత్రిలో కలకలం రేపింది. తనను కరిచిన పాము ఏ జాతికి చెందిందో వైద్యులకు తెలుస్తే సరైన చికిత్స అందుతుందని భావించిన అతడు ఆ పామును సజీవంగా పట్టుకుని బ్యాగులో పెట్టి ఆస్పత్రికి తీసుకొచ్చాడు. బ్యాగులో నుంచి పామును బయటకు తీయడంతో వైద్యులు, సిబ్బంది ఒక్కసారిగా షాక్‌కు గురయ్యారు.

మహారాష్ట్రలోని నిఫాడ్ నగర పంచాయత్ కార్యాలయంలో వినూత్న నిరసన చోటుచేసుకుంది. వీధి కుక్కల బెడదపై పలుమార్లు ఫిర్యాదు చేసినా అధికారులు చర్యలు తీసుకోవడం లేదంటూ శివసేన (యూబీటీ) యువసేన నేతలు ఆగ్రహం వ్యక్తం చేశారు. ఈ క్రమంలో కుక్క పిల్లలను సంచుల్లో తీసుకెళ్లి ఏకంగా పంచాయత్ ప్రధాన అధికారి టేబుల్‌పై వదిలారు. అంతేకాకుండా కరెన్సీ నోట్ల దండతో నిరసన తెలిపేందుకు ప్రయత్నించడంతో కార్యాలయంలో ఉద్రిక్తత నెలకొంది.

హైదరాబాద్‌లో కొత్త BMW కారు డెలివరీ తీసుకునేందుకు వెళ్లిన ఓ యువకుడికి ఊహించని చేదు అనుభవం ఎదురైంది. షోరూమ్ వద్ద కొందరు ట్రాన్స్‌జెండర్లు అతడిని అడ్డుకుని రూ.2 లక్షలు ఇవ్వాలని డిమాండ్ చేసినట్లు సమాచారం. నగదు లేదని చెప్పడంతో క్యూఆర్ కోడ్ చూపించి ఆన్‌లైన్‌లో డబ్బులు పంపాలని ఒత్తిడి చేసినట్లు తెలుస్తోంది.

సాధారణంగా భార్య మరొకరితో వెళ్లిపోయిందని తెలిస్తే భర్త ఆగ్రహానికి గురవుతాడు. కానీ ఉత్తరప్రదేశ్‌లోని లక్నోకు చెందిన ఓ వ్యక్తి మాత్రం అందుకు భిన్నంగా వ్యవహరించాడు.

ఈ-సిగరెట్లు, షిషా, ఫ్లేవర్డ్‌ హుక్కాల వినియోగం యువతలో పెరుగుతున్న వేళ.. యోగా గురు బాబా రామ్‌దేవ్‌కు సంబంధించిన ఓ వీడియో సోషల్‌ మీడియాలో వైరల్‌గా మారింది. ఇందులో ములేఠీ, పసుపు, ఆవాలు, ఆవు నెయ్యి తదితర పదార్థాలతో హుక్కా తరహా తయారీని చూపిస్తూ.. దాని పొగను పీల్చడం వల్ల కొన్ని శ్వాసకోశ సమస్యలకు ఉపశమనం కలుగుతుందని ఆయన చెప్పినట్టు కనిపిస్తోంది. అయితే, ఈ విధానానికి వైద్యపరమైన ఆధారాలు లేవని నిపుణుల వాదన.

మధ్యప్రదేశ్‌లోని ఉజ్జయినిలో రోడ్డు విస్తరణ పనుల కోసం దాదాపు 170 ఏళ్ల చరిత్ర కలిగిన ‘ఖడే హనుమాన్’ ఆలయాన్ని తొలగించారు. అయితే ఆలయంలోని హనుమంతుడి విగ్రహాన్ని తరలించేందుకు అధికారులు చేసిన ప్రయత్నాలు ఫలించలేదు. నాలుగు రోజుల పాటు భారీ యంత్రాలతో ప్రయత్నించినా విగ్రహం ఒక్క అంగుళం కూడా కదలకపోవడం స్థానికంగా ఆసక్తికర చర్చకు దారితీసింది.

రాజస్థాన్‌లో మొబైల్ నెట్‌వర్క్ సమస్య ఓ యువకుడిని తీవ్ర ఆగ్రహానికి గురిచేసింది. నెల రోజులుగా సిగ్నల్స్ సరిగా రావడం లేదంటూ పుష్కర్ అనే యువకుడు సెల్‌ఫోన్ టవర్ ఎక్కి నిరసనకు దిగాడు. సమస్య పరిష్కరించకపోతే టవర్‌పై నుంచి దూకి ఆత్మహత్య చేసుకుంటానంటూ హెచ్చరించడంతో పోలీసులు, గ్రామస్థులు తీవ్ర ఆందోళనకు గురయ్యారు. చివరకు టెలికాం సిబ్బంది నెట్‌వర్క్ సమస్యను పరిష్కరించడంతో యువకుడు కిందకు దిగాడు.

ప్రభుత్వ పత్రం కోసం వెళ్లిన ఓ వ్యక్తికి అనూహ్యంగా తన అన్న ఎదురయ్యాడు. ఎన్నో ఏళ్లుగా ఒకరికి ఒకరు దూరంగా ఉన్న ఈ ఇద్దరు అన్నదమ్ములను ఓటర్ జాబితా పరిశీలన ప్రక్రియ మళ్లీ కలిపింది. ఈ ఘటన ఇప్పుడు స్థానికంగా ఆసక్తికరంగా మారింది.

నేపాల్‌లో భారీ వరదల వేళ ఓ హెడ్‌మాస్టర్ చూపిన సమయస్ఫూర్తి 1643 మంది విద్యార్థుల ప్రాణాలను కాపాడింది. వరద ముప్పు ఉందని సమాచారం అందుకున్న వెంటనే ఉపాధ్యాయులను అప్రమత్తం చేసి, విద్యార్థులను సురక్షిత ప్రాంతానికి తరలించారు. పిల్లలు సురక్షిత ప్రాంతానికి చేరుకున్న కొద్ది నిమిషాలకే స్కూల్ పరిసరాలను వరద నీరు ముంచెత్తింది.

నేపాల్‌లో ఆకస్మిక వరదలు, కొండచరియలు విరిగిపడటంతో భారీ ప్రాణ, ఆస్తి నష్టం సంభవించింది. చుట్టుపక్కల అనేక ఇళ్లు, నిర్మాణాలు వరద ప్రవాహంలో కొట్టుకుపోయినా.. ఓ భవనం మాత్రం చెక్కుచెదరకుండా నిలిచింది. అందులో ఉన్నవారు సైతం క్షేమంగా బయటపడటంతో, ఈ ఘటనకు సంబంధించిన వీడియోలు సోషల్ మీడియాలో వైరల్‌గా మారాయి.

మృత్యువు కళ్లముందే కనిపించినా.. అదృష్టం అతడిని కాపాడింది. రోడ్డుపై ఓ వ్యక్తి నడుచుకుంటూ వెళ్తుండగా.. అతడు కొద్ది అడుగులు ముందుకు వెళ్లిన వెంటనే పక్కనే ఉన్న భారీ ప్రహరీ గోడ ఒక్కసారిగా కుప్పకూలింది. క్షణం ఆలస్యమైనా అతడు శిథిలాల కింద చిక్కుకునే ప్రమాదం ఉండేది. మధ్యప్రదేశ్‌లోని దతియాలో జరిగిన ఈ ఘటనకు సంబంధించిన వీడియో ప్రస్తుతం వైరల్‌గా మారింది.

ఒడిశాలోని కటక్ జిల్లా బంకీ సమీపంలో షాకింగ్ ఘటన చోటుచేసుకుంది. కాలువలో స్నానం చేస్తున్న 14 ఏళ్ల బాలుడిపై అకస్మాత్తుగా అడవి పంది దాడి చేసింది. భయపడకుండా బాలుడు దాదాపు రెండు గంటల పాటు దానితో పోరాడినట్లు సమాచారం. చివరకు అక్కడికి చేరుకున్న స్థానికులు బాలుడిని అడవి పంది నుంచి కాపాడారు.

ముంబై లోకల్ ట్రైన్‌లో కిక్కిరిసిన రద్దీ కారణంగా కొందరు మహిళలు రైలు కోచ్‌ బయట వేలాడుతూ ప్రయాణించిన వీడియో సోషల్ మీడియాలో వైరల్‌గా మారింది. వేగంగా దూసుకెళ్తున్న రైలులో ప్రాణాలను పణంగా పెట్టి ప్రయాణిస్తున్న దృశ్యాలు నెటిజన్లను తీవ్ర ఆందోళనకు గురిచేస్తున్నాయి.

నటుడు జయరామ్, సీనియర్ నటి సిమ్రాన్ రహస్యంగా పెళ్లి చేసుకున్నారంటూ సోషల్ మీడియాలో ప్రచారం జరుగుతోంది. ఈ రోజుల్లో సోషల్ మీడియాలో పుకార్లు ఏ స్థాయిలో షికారు చేస్తాయో ప్రత్యేకంగా చెప్పాల్సిన పనిలేదు.

పంజాబ్‌లోని ఫిరోజ్‌పూర్ జిల్లాలో ఓ పెళ్లి వేడుకలో అనూహ్య ఘటన చోటుచేసుకుంది. పెళ్లి చూపుల సమయంలో తనకు చూపించిన వరుడి ఫొటోలో ఉన్న వ్యక్తి కాకుండా మరో వ్యక్తి పెళ్లికొడుకుగా రావడంతో వధువు షాక్‌కు గురైంది. తనకు చూపించిన ఫొటో వేరు.. పెళ్లి మండపంలో ఉన్న వ్యక్తి వేరని ఆరోపిస్తూ పెళ్లిని నిరాకరించింది. దీంతో ఘనంగా జరగాల్సిన వివాహం అర్థాంతరంగా ఆగిపోయింది.

తెలుగు సినీ పరిశ్రమలో లెజెండరీ కమెడియన్‌గా గుర్తింపు పొందిన బ్రహ్మానందం గురించి ఆయన అన్నయ్య శ్రీవదన్ చేసిన వ్యాఖ్యలు ప్రస్తుతం వైరల్‌గా మారాయి. బ్రహ్మానందం తనను పలకరించడం లేదని ఆవేదన వ్యక్తం చేసిన ఆయన.. తనకు డబ్బు, ఆస్తులు ఏమీ అవసరం లేదని, అన్నయ్యగా ఒక్కసారి పలకరిస్తే చాలని భావోద్వేగానికి గురయ్యారు.

టాలీవుడ్ నిర్మాత, నటుడు బండ్ల గణేష్ కుమార్తె జనని వివాహం ఆదివారం హైదరాబాద్‌లో ఘనంగా జరిగింది. ఈ వేడుకకు హాజరై నూతన దంపతులను ఆశీర్వదించిన ప్రముఖులు, ఆత్మీయులు, సినీ మిత్రులకు బండ్ల గణేష్ సోషల్ మీడియా వేదికగా కృతజ్ఞతలు తెలిపారు. వేడుకలో ఏవైనా లోటుపాట్లు జరిగి ఉంటే పెద్ద మనసుతో క్షమించాలని కోరుతూ ఆయన చేసిన ఎమోషనల్ పోస్ట్ వైరల్‌గా మారింది.

హిందూ ధర్మం, నినాదాల దుర్వినియోగంపై తాను చేసిన వ్యాఖ్యలు వివాదానికి దారితీయడంతో నటి అనసూయ భరద్వాజ్ స్పందించారు. తన వ్యాఖ్యలను కొందరు కావాలనే వక్రీకరిస్తున్నారని, తాను సనాతన ధర్మాన్ని నిష్టగా పాటించే హిందువునని స్పష్టం చేశారు. ఎడిట్ చేసిన వీడియో క్లిప్పులు, సగం సగం కథనాలను నమ్మకుండా పూర్తి వాస్తవాలు తెలుసుకోవాలని నెటిజన్లకు సూచించారు.

కింగ్ కోబ్రా వంటి అత్యంత విషపూరిత పాము ముందు ఓ చిన్నారి నిర్భయంగా డ్యాన్స్ చేస్తూ, దానిని కవ్వించిన వీడియో సోషల్ మీడియాలో వైరల్‌గా మారింది. పాము దాడి నుంచి తప్పించుకున్న బాలిక.. ఆ తర్వాత దాని తోకను పట్టుకుని పైకి ఎత్తడం మరింత కలకలం రేపింది.

చిన్నారుల ముఖాలపై నకిలీ గాయాల మేకప్ వేసి భిక్షాటనకు దింపుతున్నారనే ఆరోపణలకు సంబంధించిన వీడియో సోషల్ మీడియాలో వైరల్‌గా మారింది.

ఉత్తరప్రదేశ్‌లోని గ్రేటర్ నోయిడాలో ఓ యువకుడి జేబులో కొత్త స్మార్ట్‌ఫోన్ ఒక్కసారిగా పేలిపోయింది. యువకుడి దుస్తులకు మంటలు అంటుకుని, రెండు చేతులకు తీవ్ర గాయాలయ్యాయి. ఘటనకు సంబంధించిన వీడియో సోషల్ మీడియాలో వైరల్‌గా మారింది.

7.1 తీవ్రతతో సంభవించిన భూకంపం వేళ ఆపరేషన్ థియేటర్‌లో చోటుచేసుకున్న ఘటన అందరినీ కదిలిస్తోంది. తీవ్ర ప్రకంపనల మధ్య కూడా రోగిని సురక్షితంగా కాపాడేందుకు వైద్యులు ప్రదర్శించిన అంకితభావానికి సంబంధించిన వీడియో ప్రస్తుతం సోషల్ మీడియాలో వైరల్ అవుతోంది.