#Viral Video

ఆంధ్రప్రదేశ్‌లోని నెల్లూరు జిల్లాలో ఓ శివాలయంలో సోమవారం అరుదైన దృశ్యం భక్తులను ఆశ్చర్యానికి గురిచేసింది. ఒకటి కాదు.. ఏకంగా మూడు నాగుపాములు శివలింగం చుట్టూ తిరుగుతూ, అనంతరం దాని ముందు పడగవిప్పి నిలబడటం కనిపించింది. భక్తులు ఈ దృశ్యాలను తమ ఫోన్లలో చిత్రీకరించడంతో వీడియోలు సోషల్ మీడియాలో వైరల్‌గా మారాయి.

కర్ణాటకలో ఓ యువరైతు చేసిన విజ్ఞప్తి ఇప్పుడు సోషల్ మీడియాలో వైరల్‌గా మారింది. గ్రామీణ ప్రాంతాల్లో ఆస్తులు, పొలాలు ఉండి కష్టపడి వ్యవసాయం చేస్తున్న యువకులకు పెళ్లిళ్లు కావడం లేదని ఆయన డిప్యూటీ సీఎం డీకే శివకుమార్‌కు ఫిర్యాదు చేశారు. ఈ సమస్యను ప్రభుత్వం సీరియస్‌గా తీసుకుని పరిష్కరించాలని, కాంగ్రెస్ ప్రభుత్వం అమలు చేస్తున్న ఐదు గ్యారంటీల తరహాలో దీనినీ ‘ఆరో గ్యారంటీ’గా పరిగణించాలని కోరారు.

ఢిల్లీలోని జంతర్ మంతర్ వద్ద జరిగిన నిరసనలో ఊహించని పరిణామం చోటుచేసుకుంది. ఆందోళనకారులను తరలించేందుకు సిద్ధమైన పోలీసు బస్సు డ్రైవర్‌ వద్ద నుంచి ఓ మహిళా కార్యకర్త తాళం చెవిని లాక్కొని బస్సు కదలకుండా అడ్డుకున్నారు. ఈ ఘటనకు సంబంధించిన వీడియో సోషల్ మీడియాలో వైరల్‌గా మారింది.

అమెరికాలోని టెక్సాస్‌కు చెందిన నిక్ డీర్‌మన్ హనుమాన్ చాలీసాను అత్యంత వేగంగా, స్పష్టంగా పఠించిన వీడియో సోషల్ మీడియాలో వైరల్‌గా మారింది. ఎలాంటి తడబాటు లేకుండా డబుల్ స్పీడ్‌లో చాలీసాను చదివిన ఆయన ఏకాగ్రత, ఉచ్చారణపై నెటిజన్లు ప్రశంసలు కురిపిస్తున్నారు.

అరుణాచల్‌ప్రదేశ్‌కు చెందిన ముగ్గురు చిన్నారుల మధుర గానం సోషల్‌ మీడియాలో వైరల్‌గా మారింది. ప్రకృతి అందాల నడుమ ‘ఏక్‌ తూ హీ యార్‌ మేరా’ పాటను ఆలపిస్తూ, చిలిపి హావభావాలతో అలరించిన సింగా, న్గమ్‌జాన్‌, లిల్లీ వీడియోకు నెటిజన్ల నుంచి ప్రశంసలు వెల్లువెత్తుతున్నాయి.

మ్యాన్ ఆఫ్ మాసెస్ ఎన్టీఆర్ తన అభిమానుల పట్ల చూపించే ప్రేమ మరోసారి అందరి మనసులు గెలుచుకుంది. హైదరాబాద్‌లో జరిగిన ‘డోంట్ ట్రబుల్ ది ట్రబుల్’ ప్రీ రిలీజ్ ఈవెంట్‌లో తనను కలిసేందుకు వచ్చిన ఓ మూగ, వినికిడి శక్తి లేని అభిమానిని ఎన్టీఆర్ ప్రత్యేకంగా కలిశారు. తనను హగ్ చేసుకోవాలని ఆ అభిమాని కోరడంతో, చేతికి ఉన్న సపోర్ట్ బెల్ట్‌ను సైతం తీసేసి అతడిని ఆత్మీయంగా హత్తుకున్నారు. ఇందుకు సంబంధించిన వీడియో సోషల్ మీడియాలో వైరల్‌గా మారింది.

భారీ వర్షాలతో బ్యాంకాక్‌లోని ఓ నివాస ప్రాంతం వరద నీటిలో మునిగిపోయింది. ఈ క్రమంలో మోకాలి లోతు నీటిలో ఓ మొసలి ప్రత్యక్షం కావడంతో స్థానికులు భయాందోళనకు గురయ్యారు. కొందరు పిల్లలు, పెద్దలు కలిసి కర్రల సాయంతో దాన్ని జనావాసానికి దూరంగా తరలించారు. దీనికి సంబంధించిన వీడియో సోషల్ మీడియాలో వైరల్‌గా మారింది.

నేపాల్‌లోని మనంగ్ జిల్లాలో భారీ కొండచరియలు విరిగిపడిన ఘటనకు సంబంధించిన వీడియో సోషల్ మీడియాలో వైరల్‌గా మారింది. చామే ప్రాంతంలో ఒక్కసారిగా భారీ బండరాళ్లు, మట్టి, చెట్లు కొండపై నుంచి కిందికి జారిపడగా సమీపంలోని ఓ ఇంటి భాగం కూడా కొండచరియలతో పాటు కూలిన దృశ్యాలు వీడియోలో కనిపిస్తున్నాయి.

వారణాసిలో లాట్ భైరవ్ ఆలయ వార్షిక ఉత్సవంలో పోలీసుల తీరుపై తీవ్ర విమర్శలు వ్యక్తమవుతున్నాయి. బందోబస్తు విధుల్లో ఉన్న పలువురు పోలీసులు వేదికపై మహిళా కళాకారుల డ్యాన్స్‌ను తమ మొబైల్ ఫోన్లలో చిత్రీకరిస్తూ కెమెరాలకు చిక్కారు. ఇందుకు సంబంధించిన వీడియోలు సోషల్ మీడియాలో వైరల్ కావడంతో నెటిజన్లు పోలీసులపై ఆగ్రహం వ్యక్తం చేస్తున్నారు.

బెంగళూరులో ఐటీ ఉద్యోగాన్ని వదిలి ఆటో డ్రైవర్‌గా మారిన ఓ యువతి కథ ప్రస్తుతం సోషల్ మీడియాలో వైరల్‌గా మారింది.

ఉత్తరప్రదేశ్‌లోని మహారాజ్‌గంజ్ ఫ్యామిలీ కోర్టు ప్రాంగణంలో షాకింగ్ ఘటన చోటుచేసుకుంది. కేసు విచారణ కోసం కోర్టుకు వచ్చిన మహిళపై ఆమె భర్త పోలీసు, లాయర్ల సమక్షంలోనే దాడికి పాల్పడ్డాడు. జుట్టు పట్టుకుని కిందపడేసి కొట్టడంతో పాటు గొంతు నులిమాడు. ఈ ఘటనకు సంబంధించిన వీడియో సోషల్ మీడియాలో వైరల్‌గా మారింది.

జార్ఖండ్‌లోని రాంచీలో ఓ కోతి చేసిన పని ఇప్పుడు సోషల్ మీడియాలో వైరల్‌గా మారింది. ఓ మద్యం దుకాణంలోకి ప్రవేశించిన కోతి.. సిబ్బందిపై దాడి చేసిన అనంతరం ఓ మద్యం బాటిల్‌ను తెరిచి తాగింది. ఆ తర్వాత మద్యం మత్తులో బాటిళ్ల మధ్యే పడుకుని నిద్రపోయింది.

హైదరాబాద్‌ గణేశ్‌ నిమజ్జన వేడుకల్లో భక్తి, సందడి నడుమ పోలీసుల సరదా డ్యాన్స్‌లు ప్రత్యేక ఆకర్షణగా మారాయి. గణేష్‌ నిమజ్జనం సందర్భంగా కొందరు పోలీసులు డ్యాన్స్‌ స్టెప్పులతో సందడి చేయగా ఈ దృశ్యాలు ప్రస్తుతం సోషల్‌ మీడియాలో వైరల్‌గా మారాయి.

పెళ్లి, పండుగ, వేడుకల్లో డప్పుల దరువు వినిపిస్తే సందడి మామూలుగా ఉండదు. అలాంటి మాస్ బీట్‌కు ఓ రోబోట్ మనుషుల్లా స్టెప్పులు వేస్తూ అందరినీ ఆకట్టుకుంది. చేతులు, కాళ్లు, నడుము కదుపుతూ డ్రమ్స్ మ్యూజిక్ తగ్గట్టుగా డ్యాన్స్ చేసిన ఈ రోబోట్ వీడియో ప్రస్తుతం సోషల్ మీడియాలో వైరల్‌గా మారింది.

11 ఏళ్లుగా మనసులో దాచుకున్న వంట వ్యాపార కలను చివరకు నిజం చేసుకున్నారు తిరువనంతపురానికి చెందిన అనిజ. ఉద్యోగం చేస్తూనే అరిటాకులో బిర్యానీ విక్రయిస్తూ కొత్త గుర్తింపు తెచ్చుకున్నారు. తొలినాళ్లలో రోజుకు ఐదారు ప్యాకెట్లు మాత్రమే అమ్ముడవగా.. ఓ యూట్యూబ్ వీడియో వైరల్ కావడంతో ఇప్పుడు రోజుకు సుమారు 50 ప్యాకెట్ల వరకు విక్రయిస్తున్నారు.

ట్రాఫిక్ నిబంధనలను పట్టించుకోకుండా బైక్‌పై పరిమితికి మించి ప్రయాణికులను ఎక్కించుకోవడం ఎంత ప్రమాదకరమో చెప్పే వీడియో ఒకటి సోషల్ మీడియాలో వైరల్‌గా మారింది. ఉత్తరప్రదేశ్‌ రిజిస్ట్రేషన్‌ ఉన్న ఓ బైక్‌పై ఓ వృద్ధుడు ఏకంగా ఆరుగురు నుంచి ఏడుగురు చిన్నారులను తీసుకెళ్తున్న దృశ్యాలు నెటిజన్లను షాక్‌కు గురిచేస్తున్నాయి.

బెంగళూరు ట్రాఫిక్‌లో గంటల తరబడి చిక్కుకుపోవడం నుంచి తప్పించుకునేందుకు నగరవాసులు కొత్త మార్గాలను అన్వేషిస్తున్నారు. తాజాగా ఒకే చక్రంతో నడిచే ఎలక్ట్రిక్ యూనిసైకిల్స్ నగరంలో అందరి దృష్టిని ఆకర్షిస్తున్నాయి. గంటకు 70 కి.మీ వరకు వేగంతో ప్రయాణించగల ఈ వాహనాల ధర రూ.50 వేల నుంచి రూ.3.5 లక్షల వరకు ఉంటుందని రైడర్లు చెబుతున్నారు.

స్వదేశానికి వేల కిలోమీటర్ల దూరంలో ఉన్న అంటార్కిటికాలో భారత శాస్త్రవేత్తలు వినాయక చవితిని వినూత్నంగా జరుపుకున్నారు. మైత్రి పరిశోధన కేంద్రంలో మంచుతో గణపతి విగ్రహాన్ని స్వయంగా రూపొందించి పూజలు నిర్వహించారు. అనంతరం పర్యావరణానికి ఎలాంటి హాని కలగకుండా కేంద్రం లోపలే నీటితో నిమజ్జనం చేశారు. ఇందుకు సంబంధించిన వీడియో సోషల్ మీడియాలో వైరల్‌గా మారింది.

ప్లాస్టిక్ కుర్చీ మన్నికను కస్టమర్లకు చూపించేందుకు ఓ విక్రయదారుడు చేసిన వినూత్న ప్రయత్నం సోషల్ మీడియాలో వైరల్‌గా మారింది. సాధారణంగా కుర్చీలను నేలకేసి కొట్టడం, వంచడం వంటి స్టంట్లు చేసే విక్రయదారులు కనిపిస్తుంటారు. కానీ ఇతడు ఏకంగా కుర్చీపై నిలబడి డ్యాన్స్ చేస్తూ దాని బలాన్ని ప్రదర్శించాడు.

బీహార్‌లోని జమూయ్ జిల్లాలో పదో తరగతి చదువుతున్న ఇద్దరు మైనర్ విద్యార్థులపై ఓ గుంపు దురుసుగా ప్రవర్తించిన ఘటన కలకలం రేపుతోంది. సెప్టెంబర్ 19న కోచింగ్‌ ముగించుకుని స్కూటర్‌పై వెళ్తున్న విద్యార్థులను అడ్డుకుని వేధించిన దృశ్యాలు సోషల్ మీడియాలో వైరల్ కావడంతో పోలీసులు కేసు నమోదు చేశారు.

ముంబైలో జరుగుతున్న వినాయక చవితి వేడుకల్లో భారత స్టార్ క్రికెటర్ రోహిత్ శర్మ సందడి చేశారు. భార్య రితిక సజ్దేతో కలిసి లాల్‌బాగ్చా రాజాను దర్శించుకుని ప్రత్యేక పూజలు చేశారు. రోహిత్‌ను చూసిన అభిమానులు ‘రోహిత్.. రోహిత్’ అంటూ నినాదాలతో హోరెత్తించారు.

రైలు ప్రయాణంలో టికెట్ అడిగిన టీటీఈపై తప్పుడు లైంగిక వేధింపుల కేసు బనాయించేందుకు ఓ యువతి ప్రయత్నించినట్లు పేర్కొంటున్న వీడియో సోషల్ మీడియాలో వైరల్ అవుతోంది. టికెట్ లేకపోవడంతో తొలుత డబ్బులు ఇస్తానంటూ బేరసారాలకు దిగిన ఆమె టీటీఈ నిరాకరించడంతో బెదిరింపులకు పాల్పడినట్లు వీడియోలో కనిపిస్తోంది. అనంతరం తన దుస్తులను తానే చింపుకుని, టీటీఈ తనను వేధిస్తున్నాడంటూ 112కు ఫోన్ చేసినట్లు ఆరోపణలు ఉన్నాయి. అయితే టీటీఈ మొత్తం ఘటనను మొబైల్‌లో రికార్డు చేయడంతో అసలు విషయం వెలుగులోకి వచ్చినట్లు తెలుస్తోంది.

హైదరాబాద్‌ హఫీజ్‌పేట రైల్వే స్టేషన్‌ వద్ద మహిళను జుట్టు పట్టుకుని ఈడ్చుకెళ్లిన ఘటనపై దక్షిణ మధ్య రైల్వే కీలక వివరణ ఇచ్చింది. మహిళపై దాడి చేసింది రైల్వే పోలీసు కాదని, తెలంగాణ పోలీస్‌ శాఖకు చెందిన హోంగార్డు అని స్పష్టం చేసింది. ఘటనపై సీరియస్‌ అయిన డీజీపీ సీవీ ఆనంద్‌ ఆదేశాలతో హోంగార్డును సర్వీసు నుంచి తొలగించగా, మియాపూర్ పోలీసులు కేసు నమోదు చేసి అదుపులోకి తీసుకున్నారు.

హైదరాబాద్‌లోని దుర్గం చెరువు పరిసరాల్లో భారీ కొండచిలువ కనిపించడంతో ఐటీ ఉద్యోగులు ఒక్కసారిగా భయాందోళనకు గురయ్యారు. అయితే ఓ ఐటీ ఉద్యోగి దాన్ని చాకచక్యంగా పట్టుకుని చేతికి చుట్టేసుకున్నాడు. అనంతరం మిత్రుడితో కలిసి సురక్షిత ప్రాంతానికి తరలించినట్లు తెలుస్తోంది. ఇందుకు సంబంధించిన వీడియో ప్రస్తుతం సోషల్ మీడియాలో వైరల్‌గా మారింది.

లండన్‌ నుంచి ఢాకాకు బయలుదేరిన బిమాన్ బంగ్లాదేశ్ ఎయిర్‌లైన్స్ విమానంలో ఇద్దరు ప్రయాణికులు తీవ్రంగా గొడవపడ్డారు. మాటామాటా పెరిగి పరస్పరం పిడిగుద్దులు కురిపించుకోవడంతో విమానంలో కలకలం రేగింది. ఈ ఘటనకు సంబంధించిన వీడియో సోషల్ మీడియాలో వైరల్‌గా మారింది.

హర్యానాలోని సోనిపట్‌లో దారుణ ఘటన చోటుచేసుకుంది. తల్లి చేతుల్లో ఉన్న ఆరు నెలల పసికందుపై పిట్‌బుల్ కుక్క అకస్మాత్తుగా దాడి చేసింది. చిన్నారిని నోట కరుచుకుని రోడ్డుపై ఈడ్చుకెళ్లడంతో తీవ్ర గాయాలయ్యాయి. ప్రస్తుతం చిన్నారి పరిస్థితి విషమంగా ఉన్నట్లు సమాచారం.

భారత్‌లో వినాయకుడికి లడ్డూలు, మోదకాలు, ఉండ్రాళ్లు, కుడుములు నైవేద్యంగా సమర్పించడం సాధారణం. అయితే థాయ్‌లాండ్‌లో మాత్రం గణేశుడికి బబుల్ టీని నైవేద్యంగా సమర్పించే ప్రత్యేక ఆచారం కనిపిస్తోంది. బ్యాంకాక్‌లోని యూనియన్ మాల్ సమీపంలోని గణేశుడి ఆలయంలో భక్తులు పెద్ద సంఖ్యలో బబుల్ టీ కప్పులను సమర్పిస్తున్న దృశ్యాలు సోషల్ మీడియాలో వైరల్‌గా మారాయి.

ముఖేశ్ అంబానీ ఇంట వినాయక చవితి వేడుకలు ఘనంగా జరిగాయి. ఈ వేడుకల్లో అంబానీ కోడలు రాధిక మర్చంట్ ‘ఏకదంతాయ వక్రతుండాయ’ పాటకు చేసిన అద్భుత నృత్యం ప్రత్యేక ఆకర్షణగా నిలిచింది. ఆమె డ్యాన్స్ వీడియో ప్రస్తుతం సోషల్ మీడియాలో వైరల్‌గా మారింది.

ఆసియా కప్‌లో అద్భుత విజయం సాధించిన భారత మహిళల జట్టు వరుసగా ఎనిమిదోసారి టైటిల్‌ను సొంతం చేసుకుంది. అయితే విజయం అనంతరం జరిగిన సంబరాల్లో కెప్టెన్‌ హర్మన్‌ప్రీత్‌ కౌర్‌ ట్రోఫీకి బదులుగా వాటర్‌ బాటిల్‌ను పైకెత్తి సెలబ్రేట్‌ చేసుకోవడం ప్రత్యేకంగా నిలిచింది. ఈ ఘటనకు సంబంధించిన వీడియోలు, ఫొటోలు సోషల్‌ మీడియాలో వైరల్‌గా మారాయి.

ఈ-సిగరెట్లు, షిషా, ఫ్లేవర్డ్‌ హుక్కాల వినియోగం యువతలో పెరుగుతున్న వేళ.. యోగా గురు బాబా రామ్‌దేవ్‌కు సంబంధించిన ఓ వీడియో సోషల్‌ మీడియాలో వైరల్‌గా మారింది. ఇందులో ములేఠీ, పసుపు, ఆవాలు, ఆవు నెయ్యి తదితర పదార్థాలతో హుక్కా తరహా తయారీని చూపిస్తూ.. దాని పొగను పీల్చడం వల్ల కొన్ని శ్వాసకోశ సమస్యలకు ఉపశమనం కలుగుతుందని ఆయన చెప్పినట్టు కనిపిస్తోంది. అయితే, ఈ విధానానికి వైద్యపరమైన ఆధారాలు లేవని నిపుణుల వాదన.