డ్రైవర్ సుబ్రహ్మణ్యం హత్య కేసులో వైసీపీ ఎమ్మెల్సీ అనంతబాబుకు మరోసారి ఎదురుదెబ్బ తగిలింది. రాజమహేంద్రవరం ఎస్సీ, ఎస్టీ ప్రత్యేక కోర్టు ఆయన దాఖలు చేసిన బెయిల్ పిటిషన్‌ను తిరస్కరించింది. గతంలో బెయిల్‌పై బయటకు వచ్చిన అనంతబాబు సాక్షులను ప్రభావితం చేసేందుకు ప్రయత్నించారన్న ఆరోపణల నేపథ్యంలో ఆయనను పోలీసులు మళ్లీ అరెస్ట్ చేశారు. ప్రస్తుతం జ్యుడీషియల్ కస్టడీలో ఉన్న ఆయనకు తాజాగా కూడా బెయిల్ లభించకపోవడంతో కేసు విచారణ పూర్తయ్యే వరకు జైలులోనే ఉండాల్సిన పరిస్థితి ఏర్పడింది.
ఆంధ్రప్రదేశ్ మాజీ డిప్యూటీ సీఎం, టీడీపీ నేత ఆళ్ల కాళీ కృష్ణ శ్రీనివాస్‌ (ఆళ్ల నాని) కన్నుమూశారు. మంగళవారం విశాఖపట్నంలో గుండెపోటుకు గురై తుదిశ్వాస విడిచారు.
మాజీ మంత్రి, వైసీపీ నేత జోగి రమేష్ కుటుంబంపై ఆయన కోడలు మేఘన సంచలన ఆరోపణలు చేశారు. తనకు, తన కుటుంబ సభ్యులకు ప్రాణహాని ఉందంటూ ఏపీ గవర్నర్ అబ్దుల్ నజీర్‌ను కలిసి వినతిపత్రం సమర్పించారు. అదనపు కట్నం కోసం వేధించడంతో పాటు తనను హత్య చేసేందుకు ప్రయత్నించారని ఆరోపించిన మేఘన.. తనకు భద్రత కల్పించాలని, కేసు దర్యాప్తు నిష్పక్షపాతంగా జరిగేలా చర్యలు తీసుకోవాలని కోరారు.
చీపురుపల్లి రాజకీయాల్లో కీలక పరిణామం చోటుచేసుకుంది. మాజీ మంత్రి, వైసీపీ సీనియర్ నేత బొత్స సత్యనారాయణ మేనల్లుడు, విజయనగరం జిల్లా జెడ్పీ చైర్మన్ మజ్జి శ్రీనివాసరావు (చిన్న శ్రీను) వైసీపీని వీడి టీడీపీలో చేరడం రాజకీయంగా చర్చనీయాంశమైంది. ఈ నేపథ్యంలో గరివిడిలో జరిగిన వైసీపీ ఆత్మీయ సమావేశంలో బొత్స సత్యనారాయణ భావోద్వేగానికి గురై కంటతడి పెట్టడం హాట్ టాపిక్‌గా మారింది. చిన్న శ్రీనుతో ఉన్న అనుబంధాన్ని నేతలు, కార్యకర్తలు గుర్తు చేయడంతో బొత్స తీవ్ర భావోద్వేగానికి లోనైనట్లు తెలుస్తోంది.
వైఎస్సార్ కాంగ్రెస్ పార్టీ అధినేత, మాజీ ముఖ్యమంత్రి వైఎస్ జగన్ కీలక ప్రకటన చేశారు. వచ్చే ఏడాది సెప్టెంబర్ లేదా అక్టోబర్ నుంచి పాదయాత్ర చేపట్టనున్నట్లు వెల్లడించారు. 2017లో చేపట్టిన ప్రజా సంకల్ప పాదయాత్రకు వచ్చిన స్పందనను మరోసారి అందుకోవాలనే ధీమాను వ్యక్తం చేశారు. చంద్రబాబు పాలన, తమ పాలన మధ్య తేడాను ప్రజలు గమనిస్తున్నారని జగన్ వ్యాఖ్యానించారు.
ఆంధ్రప్రదేశ్ రాజకీయాల్లో కీలక పరిణామం చోటుచేసుకుంది. మాజీ మంత్రి, ఎమ్మెల్సీ ప్రతిపక్ష నేత బొత్స సత్యనారాయణ మేనల్లుడు, విజయనగరం జిల్లా వైసీపీ అధ్యక్షుడు మజ్జి శ్రీనివాసరావు (చిన్న శ్రీను) వైసీపీకి రాజీనామా చేసి టీడీపీలో చేరారు. ముఖ్యమంత్రి, టీడీపీ అధినేత చంద్రబాబు నాయుడు సమక్షంలో ఆయన పసుపు కండువా కప్పుకున్నారు.
వైసీపీ మాజీ ఎంపీ విజయసాయిరెడ్డి, ఆ పార్టీ నేత సజ్జల రామకృష్ణారెడ్డిపై టీడీపీ నెల్లూరు రూరల్ ఎమ్మెల్యే కోటంరెడ్డి శ్రీధర్‌రెడ్డి సంచలన వ్యాఖ్యలు చేశారు. మంగళగిరి ప్లీనరీ సమయంలో సజ్జల, విజయసాయిరెడ్డి మధ్య వివాదం జరిగి కొట్టుకున్నది వాస్తవమేనని ఆయన పేర్కొన్నారు. వైసీపీలో విజయసాయికి అనేక అవమానాలు జరిగాయని ఆరోపించారు.
వైసీపీలో అంతర్గత రాజకీయాలు మరోసారి హాట్‌టాపిక్‌గా మారాయి. మాజీ ఎంపీ విజయసాయిరెడ్డి వ్యాఖ్యలకు వైసీపీ సీనియర్ నేత సజ్జల రామకృష్ణారెడ్డి ఘాటుగా కౌంటర్ ఇచ్చారు. వైసీపీకి వైఎస్ జగన్ ఒక్కరే నేత అని, మిగతా వారంతా కార్యకర్తలేనని స్పష్టం చేశారు.
వైసీపీలో తనపై జరుగుతున్న నమ్మకద్రోహి ప్రచారంపై మాజీ ఎంపీ విజయసాయిరెడ్డి తీవ్రంగా స్పందించారు. తాను నిజంగా నమ్మకద్రోహినైతే జగన్ జైలులో ఉన్న సమయంలోనే అప్రూవర్‌గా మారేవాడినని అన్నారు. పార్టీలో ‘కోటరీ’ నేతలే జగన్‌కు వెన్నుపోటు రాజకీయాలు చేశారని ఆరోపించారు.
ఏపీ మద్యం రవాణా కేసులో అరెస్టైన మాజీ మంత్రి, వైసీపీ నేత కారుమూరి నాగేశ్వరరావుకు హైదరాబాద్‌లోని ఈడీ కోర్టు 14 రోజుల జ్యుడీషియల్ రిమాండ్ విధించింది. వైద్య పరీక్షల అనంతరం ఆయనను కోర్టులో హాజరుపరిచారు. విచారణ అనంతరం రిమాండ్ విధించడంతో కారుమూరిని చంచల్‌గూడ జైలుకు తరలించారు.
వైసీపీ నేత, మాజీ మంత్రి జోగి రమేష్ తన కుమారుడు రాజీవ్, కోడలు మేఘన మధ్య నెలకొన్న వివాదంపై స్పందించారు. మేఘనను తమ కుటుంబంలో కూతురిలా చూసుకున్నామని చెప్పారు. కుటుంబ వివాదాన్ని రాజకీయంగా వాడుకుంటూ తన కుటుంబంపై ఫేక్ వీడియోలు, ఆడియోలతో దుష్ప్రచారం చేస్తున్నారని ఆరోపించారు.
మాజీ మంత్రి వైఎస్ వివేకానందరెడ్డి హత్య కేసు దర్యాప్తులో కీలక పరిణామం చోటుచేసుకుంది. వైసీపీ ఎంపీ వైఎస్ అవినాశ్ రెడ్డికి చెందిన ఇళ్లు, కార్యాలయాల్లో ఎన్‌ఫోర్స్‌మెంట్ డైరెక్టరేట్ (ఈడీ) అధికారులు శుక్రవారం తెల్లవారుజాము నుంచి సోదాలు నిర్వహిస్తున్నారు. హైదరాబాద్, పులివెందులతో పాటు రెండు తెలుగు రాష్ట్రాల్లో సుమారు 10 ప్రాంతాల్లో ఈ తనిఖీలు కొనసాగుతున్నాయి.
ఏపీ డీఎస్సీ నియామకాల్లో చోటుచేసుకున్నాయని ఆరోపిస్తున్న అవకతవకలు, లీకేజీపై వెంటనే సీబీఐ దర్యాప్తు చేపట్టాలని వైఎస్సార్‌సీపీ అధ్యక్షుడు, మాజీ సీఎం వైఎస్ జగన్‌మోహన్ రెడ్డి డిమాండ్ చేశారు. ప్రశ్నపత్రాల తయారీ, పరీక్ష నిర్వహణ బాధ్యతలను ఒకే అధికారి చేతిలో పెట్టడంపై సమగ్ర విచారణ జరగాలని కోరారు. డీఎస్సీ అంశంపై శాసన మండలిలో చర్చకు ప్రభుత్వం ఎందుకు వెనుకడుగు వేస్తోందని ప్రశ్నించారు.
అసెంబ్లీ, మండలి వర్షాకాల సమావేశాల నేపథ్యంలో వైఎస్సార్‌సీపీ ఎమ్మెల్యేలు, ఎమ్మెల్సీలతో వైఎస్ జగన్ సమావేశమయ్యారు. డీఎస్సీ అక్రమాలు, ఫీజు రీయింబర్స్మెంట్, రైతులు, పీపీపీ విధానం తదితర అంశాలపై గట్టిగా పోరాడాలని సూచించారు.
ఆంధ్రప్రదేశ్ అసెంబ్లీ వర్షాకాల సమావేశాలు ఆగస్టు 17 నుంచి ప్రారంభం కానున్నాయి. ఈ నేపథ్యంలో ముఖ్యమంత్రి చంద్రబాబు నాయుడు మంత్రులకు కీలక సూచనలు చేసినట్లు తెలుస్తోంది. అసెంబ్లీ, శాసన మండలిలో వైసీపీ సభ్యులు లేవనెత్తే ప్రతి అంశానికి స్పష్టమైన సమాధానం ఇచ్చేలా సిద్ధంగా ఉండాలని ఆదేశించినట్లు సమాచారం.
డీఎస్సీ నియామకాల్లో అక్రమాలపై సీబీఐ దర్యాప్తు జరపాలని వైఎస్సార్‌సీపీ ఎమ్మెల్సీ పర్వతరెడ్డి చంద్రశేఖర్‌రెడ్డి డిమాండ్ చేశారు. ముందుగా లోకేష్‌ రాజీనామా చేయాలని కోరారు.
ప్రముఖ నటుడు, కమెడియన్ అలీ తన రాజకీయ ప్రయాణంపై కీలక వ్యాఖ్యలు చేశారు. టీడీపీకి పనిచేసినా తగిన గుర్తింపు దక్కలేదని, ఆ తర్వాత వైసీపీలోకి వెళ్లినా పరిస్థితిలో మార్పు రాలేదని తెలిపారు. రాజకీయాలకు స్వస్తి చెప్పడానికి ఇదే కారణమని వెల్లడించారు.
వైఎస్సార్ కాంగ్రెస్ పార్టీ అధ్యక్షుడు వైఎస్ జగన్‌మోహన్ రెడ్డి శ్రీకాకుళం పర్యటనపై రాష్ట్ర ప్రభుత్వం విధించిన ఆంక్షలు ప్రజాస్వామ్య విరుద్ధమని శాసనమండలి విపక్ష నేత బొత్స సత్యనారాయణ ఆరోపించారు. తనను కూడా పోలీసులు నిబంధనలకు విరుద్ధంగా అడ్డుకున్నారని, ఈ ఘటనపై గవర్నర్‌కు ఫిర్యాదు చేయనున్నట్లు ప్రకటించారు.
డీఎస్సీ వ్యవహారం, నిరుద్యోగ యువత సమస్యలు, ఫీజు బకాయిల చెల్లింపు వంటి అంశాలపై చేపట్టిన ఆందోళనలను ఆంధ్రప్రదేశ్ వ్యాప్తంగా మరింత విస్తరించాలని వైఎస్సార్ కాంగ్రెస్ పార్టీ స్టేట్ కో-ఆర్డినేటర్ సజ్జల రామకృష్ణారెడ్డి పార్టీ శ్రేణులకు పిలుపునిచ్చారు. పార్టీ అధ్యక్షుడు వైఎస్ జగన్‌మోహన్‌రెడ్డి ఆదేశాల మేరకు నిర్వహించిన టెలీ కాన్ఫరెన్స్‌లో భవిష్యత్ కార్యాచరణపై దిశానిర్దేశం చేశారు.
వైఎస్సార్ కాంగ్రెస్ పార్టీ అధ్యక్షుడు, ఆంధ్రప్రదేశ్ మాజీ ముఖ్యమంత్రి వైఎస్ జగన్ మోహన్ రెడ్డి కుటుంబంలో తీవ్ర విషాదం చోటుచేసుకుంది. జగన్ పెదనాన్న, వైఎస్ భాస్కర్ రెడ్డి సోదరుడు వైఎస్ ఆనంద్ రెడ్డి అనారోగ్యంతో చికిత్స పొందుతూ కన్నుమూశారు.
అనంతపురం జిల్లా బదినేహాల్ గ్రామానికి చెందిన గంగమ్మ అనుమానాస్పద మృతిపై స్వతంత్ర దర్యాప్తు చేపట్టాలని వైఎస్సార్‌సీపీ నేతలు మాజీ మంత్రి డాక్టర్ శైలజానాథ్, పార్టీ లీగల్ సెల్ రాష్ట్ర అధ్యక్షుడు మనోహర్ రెడ్డి డిమాండ్ చేశారు. ఈ కేసును సీబీఐతో గానీ, హైకోర్టు సిట్టింగ్ జడ్జి పర్యవేక్షణలో గానీ విచారించి వాస్తవాలను వెలుగులోకి తీసుకురావాలని కోరారు.
ఆంధ్రప్రదేశ్‌లో డీఎస్సీ పరీక్షల నిర్వహణ నుంచి ఫీజు రీయింబర్స్మెంట్ బకాయిల వరకు పలు అంశాలపై కూటమి ప్రభుత్వాన్ని వైఎస్సార్ కాంగ్రెస్ పార్టీ సీనియర్ నేత, శాసనమండలి ప్రతిపక్ష నేత బొత్స సత్యనారాయణ తీవ్రంగా విమర్శించారు. డీఎస్సీ వ్యవహారంపై సీబీఐతో విచారణ జరిపించాలని ఆయన డిమాండ్ చేశారు.
ఆంధ్రప్రదేశ్‌లో నిర్వహించిన మెగా డీఎస్సీ–2025 నియామక ప్రక్రియలో తీవ్ర అక్రమాలు జరిగాయని ఆరోపిస్తూ, ఈ అంశంపై పార్లమెంట్ ఉభయ సభల్లో చర్చ జరపాలని వైఎస్సార్ కాంగ్రెస్ పార్టీ డిమాండ్ చేసింది. ఈ మేరకు లోక్‌సభ, రాజ్యసభల్లో వాయిదా తీర్మానాలు ప్రవేశపెట్టింది.
ఆంధ్రప్రదేశ్‌లోని తాడేపల్లిలో జత్వాని కేసులో సీఐడీ దాఖలు చేసిన ఛార్జ్‌షీట్‌తో కూటమి ప్రభుత్వ వైఖరి బట్టబయలైందని మాజీ మంత్రి, వైఎస్సార్‌సీపీ నేత అంబటి రాంబాబు ఆరోపించారు.
ఆంధ్రప్రదేశ్‌లోని తాడేపల్లిలో తిరుమల అలిపిరి మెట్ల మార్గంలో ఆంజనేయస్వామి విగ్రహం మాయమైన ఘటనపై వైఎస్సార్‌సీపీ అధికార ప్రతినిధి ఆరె శ్యామల టీటీడీ, రాష్ట్ర ప్రభుత్వంపై విమర్శలు చేశారు.
