Telangana-government

తెలంగాణ విద్యుత్ వినియోగదారులపై అదనపు భారం పడనుంది. గత ఆర్థిక సంవత్సరాల్లో విద్యుత్ కొనుగోలు వ్యయం, ఆదాయ లోటును సర్దుబాటు చేసేందుకు రూ.5,420.23 కోట్ల ట్రూఅప్ ఛార్జీలను వ్యవసాయేతర వినియోగదారుల నుంచి వసూలు చేసేందుకు తెలంగాణ విద్యుత్ నియంత్రణ మండలి (టీజీఈఆర్‌సీ) డిస్కంలకు అనుమతి ఇచ్చింది. నవంబర్‌లో యూనిట్‌కు 30 పైసలు, డిసెంబర్‌ నుంచి యూనిట్‌కు 50 పైసల చొప్పున అదనపు ఛార్జీలు వసూలు చేయనున్నారు.

హైదరాబాద్‌ మహానగర పరిధిలో ఇందిరమ్మ టవర్స్‌ ఇళ్ల కేటాయింపు పొందిన లబ్ధిదారులకు తెలంగాణ హౌసింగ్‌ బోర్డు కీలక సూచన చేసింది. తొలి ఇన్‌స్టాల్‌మెంట్‌గా చెల్లించాల్సిన రూ.1 లక్ష మొత్తాన్ని చెల్లించేందుకు గడువును అక్టోబర్ 9 వరకు పొడిగించింది. ఈలోగా చెల్లింపు చేయని వారి తాత్కాలిక కేటాయింపులు రద్దయ్యే అవకాశం ఉందని అధికారులు స్పష్టం చేశారు.

తెలంగాణ సీఎం రేవంత్‌రెడ్డికి ప్రతిష్టాత్మక ఆర్యదాన్ మహమ్మద్-2026 బెస్ట్ పబ్లిక్ సర్వెంట్ అవార్డు దక్కనుంది. రైతులు, బీసీలు, సామాన్య ప్రజల కోసం చేపట్టిన సంక్షేమ కార్యక్రమాలు, ప్రజాస్వామిక విలువల పట్ల ఆయన నిబద్ధతను గుర్తిస్తూ ఈ పురస్కారానికి ఎంపిక చేసినట్లు నిర్వాహకుల జ్యూరీ వెల్లడించింది.

గణేశ్‌ నిమజ్జనాన్ని దృష్టిలో పెట్టుకుని తెలంగాణ ప్రభుత్వం కీలక నిర్ణయం తీసుకుంది. హైదరాబాద్‌, సికింద్రాబాద్‌ జంట నగరాలతో పాటు రంగారెడ్డి, మేడ్చల్‌–మల్కాజిగిరి జిల్లాల పరిధిలో సెప్టెంబర్‌ 25న సెలవు ప్రకటించింది. ఈ మేరకు జీఏడీ ఉత్తర్వులు జారీ చేసింది. అయితే ఈ సెలవుకు బదులుగా నవంబర్‌ 14ను పనిదినంగా నిర్ణయించింది.

హైదరాబాద్‌లో భారీ వర్షాలు కురుస్తున్న నేపథ్యంలో ముఖ్యమంత్రి రేవంత్ రెడ్డి అధికార యంత్రాంగాన్ని అప్రమత్తం చేశారు. రోడ్లపై వర్షపు నీరు నిలవకుండా, ట్రాఫిక్‌కు అంతరాయం కలగకుండా తక్షణ చర్యలు చేపట్టాలని ఆదేశించారు. జీహెచ్‌ఎంసీ, ఇతర కార్పొరేషన్ల కమిషనర్లు, హైడ్రా, పోలీసు అధికారులు సమన్వయంతో పనిచేయాలని సూచించారు.

తెలంగాణలో కొత్త పెన్షన్ల పంపిణీకి ప్రభుత్వం చర్యలు వేగవంతం చేస్తోంది. అక్టోబర్‌లో కొత్త పెన్షన్లను ప్రారంభించి, దసరా పండుగకు ముందే అర్హులైన లబ్ధిదారులకు పెన్షన్లు అందేలా ఏర్పాట్లు చేయాలని మంత్రి సీతక్క అధికారులను ఆదేశించారు.

తెలంగాణ రేషన్‌ కార్డుదారులకు రాష్ట్ర పౌరసరఫరాల శాఖ కీలక సమాచారం ఇచ్చింది. ఆగస్టు, సెప్టెంబర్, అక్టోబర్ నెలలకు సంబంధించిన మూడు నెలల ఉచిత రేషన్ బియ్యం కోటాను తీసుకునేందుకు గడువును సెప్టెంబర్ 5వ తేదీ సాయంత్రం వరకు పొడిగించింది. ఇప్పటివరకు బియ్యం తీసుకోని కార్డుదారులు ఈ అవకాశాన్ని సద్వినియోగం చేసుకోవాలని అధికారులు సూచించారు.

హైదరాబాద్‌లోని ఖైరతాబాద్ గృహలక్ష్మి లబ్ధిదారుల ఎంపిక కోసం నిర్వహించిన లక్కీ డ్రాలో ప్రోటోకాల్ వివాదం తలెత్తింది. ఎమ్మెల్యే దానం నాగేందర్ వచ్చేలోపే అధికారులు డ్రా ప్రారంభించడంతో ఆయన తీవ్ర ఆగ్రహం వ్యక్తం చేశారు. ప్రోటోకాల్ ఉల్లంఘించిన అధికారులపై చర్యలు తీసుకుంటామని హెచ్చరించి, కార్యక్రమం మధ్యలోనే వెళ్లిపోయారు.

తెలంగాణలో 22A నిషేధిత జాబితా నుంచి భూములను మినహాయించేందుకు వచ్చిన దరఖాస్తుల్లో 98 శాతం వరకు అర్హమైనవేనని మంత్రి పొంగులేటి శ్రీనివాస్‌రెడ్డి తెలిపారు.

అమెరికా పర్యటనకు కేంద్ర ప్రభుత్వం అనుమతి నిరాకరించడంపై తెలంగాణ సీఎం రేవంత్‌రెడ్డి తీవ్ర ఆగ్రహం వ్యక్తం చేశారు. ఇది తనకు జరిగిన అవమానం కాదని, నాలుగు కోట్ల తెలంగాణ ప్రజలకు జరిగిన అవమానమని అన్నారు. రాజకీయ కారణాలతోనే తన పర్యటనను అడ్డుకున్నారని ఆరోపించిన సీఎం.. గుజరాత్ ముఖ్యమంత్రికి అమెరికా పర్యటనకు అనుమతి ఇచ్చి, తనకు ఎందుకు నిరాకరించారో ప్రధాని నరేంద్ర మోదీ సమాధానం చెప్పాలని డిమాండ్ చేశారు.

తెలంగాణలో ఇందిరమ్మ ఇళ్ల లబ్ధిదారులకు రాష్ట్ర ప్రభుత్వం కీలక నిర్ణయం తీసుకుంది. PMAY-G కింద కేంద్రం నుంచి ప్రతి ఇంటికి రావాల్సిన రూ.72 వేల నిధుల్లో జాప్యం జరుగుతోందని మంత్రి పొంగులేటి శ్రీనివాసరెడ్డి తెలిపారు.

అవుటర్ రింగ్ రోడ్ పరిధిలో ప్రభుత్వం నిర్మిస్తున్న ఇందిరమ్మ ఇళ్ల టవర్స్‌లో ఇళ్ల కేటాయింపునకు లాటరీ ప్రక్రియను ఆగస్టు 27 నుంచి 30 వరకు నిర్వహించనున్నట్లు హౌసింగ్ బోర్డు వైస్ ఛైర్మన్ వి.పీ. గౌతం తెలిపారు. అర్హుల తుది జాబితాను ఆగస్టు 25న ప్రకటించనున్నారు. 23వ తేదీ వరకు అభ్యంతరాలు స్వీకరించనున్నట్లు వెల్లడించారు.

తెలంగాణలో వచ్చే ఏడాది నుంచి 119 అడ్వాన్స్‌డ్ టెక్నాలజీ సెంటర్లలో స్కిల్ కాంపిటిషన్స్ నిర్వహించనున్నట్లు మంత్రి వివేక్ వెంకటస్వామి తెలిపారు. టాప్-10 ఇన్నోవేటర్లకు అవార్డులు, ప్రోత్సాహకాలు, ఉద్యోగావకాశాలు కల్పిస్తామని వెల్లడించారు.

తెలంగాణలో 22ఏ నిషేధిత భూముల జాబితా వ్యవహారం రాజకీయంగా వేడెక్కింది. మాజీ మంత్రి, బీఆర్‌ఎస్‌ ఎమ్మెల్యే హరీశ్‌రావు రాష్ట్ర ప్రభుత్వంపై తీవ్ర ఆరోపణలు చేశారు. ముఖ్యమంత్రి రేవంత్‌రెడ్డి ఇల్లు కూడా 22ఏ నిషేధిత జాబితాలో ఉందని ఆయన ఆరోపించారు. ఈ వ్యవహారంపై సమగ్ర విచారణ జరిపి, నిషేధిత జాబితాలో ఉన్న ఆస్తుల వివరాలతో శ్వేతపత్రం విడుదల చేయాలని డిమాండ్ చేశారు.

సనత్‌నగర్‌ డా. MCR TIMS ను సీఎం రేవంత్ రెడ్డి, మంత్రి దామోదర్ రాజనర్సింహ ప్రారంభించనున్నారు. అధునాతన సూపర్‌ స్పెషాలిటీ ప్రబుత్వ వైద్య సేవలు అందుబాటులోకి రానున్నాయి.

రేపు సనత్‌నగర్‌లో డా. ఎంసీఆర్ టిమ్స్ ప్రారంభోత్సవానికి ఏర్పాట్లు పూర్తవుతున్నాయి. సీఎం రేవంత్ రెడ్డి చేతుల మీదుగా ప్రారంభం నేపథ్యంలో భద్రత, ట్రాఫిక్‌పై సమీక్ష నిర్వహించిన హెల్త్ మినిస్టర్ దామోదర్ రాజ నరసింహ.

తెలంగాణలో ఉద్యోగాల కోసం ఎదురుచూస్తున్న నిరుద్యోగులకు సీఎం రేవంత్ రెడ్డి కీలక హామీ ఇచ్చారు. ఇకపై ప్రతి ఆరు నెలలకు ఒకసారి ఉద్యోగ నోటిఫికేషన్లు జారీ చేసి పోటీ పరీక్షలు నిర్వహిస్తామని ప్రకటించారు. ఏ ఉద్యోగ ఖాళీని కూడా నిర్లక్ష్యం చేయబోమని స్పష్టం చేశారు.

బీజేపీ, బీఆర్ఎస్ పార్టీలు వేర్వేరు కాదని తెలంగాణ సీఎం రేవంత్ రెడ్డి విమర్శించారు. గతంలో అధికారంలో ఉన్న బీఆర్ఎస్, కేంద్రంలో అధికారంలో ఉన్న బీజేపీ పేదలకు సన్నబియ్యం అందించాలనే ఆలోచన చేయలేదని ఆరోపించారు. సంగారెడ్డి జిల్లా కేంద్రంలో స్మార్ట్ రేషన్ కార్డుల పంపిణీ కార్యక్రమంలో సీఎం ఈ వ్యాఖ్యలు చేశారు.

తెలంగాణ 80వ స్వాతంత్య్ర దినోత్సవ వేడుకలు హైదరాబాద్‌లోని గోల్కొండ కోటలో ఘనంగా జరిగాయి. రాష్ట్ర ప్రభుత్వం ఆధ్వర్యంలో నిర్వహించిన వేడుకల్లో సీఎం రేవంత్ రెడ్డి జాతీయ జెండాను ఎగురవేసి పోలీసు దళాల గౌరవవందనం స్వీకరించారు. అనంతరం రాష్ట్ర ప్రజలను ఉద్దేశించి ప్రసంగిస్తూ రైతు సంక్షేమం, జల హక్కులు, మహిళా సంక్షేమం, ప్రజావాణి, ఉద్యోగులు, డిజిటల్‌ కనెక్టివిటీ తదితర అంశాలపై కీలక ప్రకటనలు చేశారు.

తెలంగాణలోని ఐటీఐలు, ఏటీసీలు, పాలిటెక్నిక్‌ కళాశాలలను యంగ్‌ ఇండియా స్కిల్స్‌ యూనివర్సిటీ పరిధిలోకి తీసుకురావాలని కేబినెట్‌ నిర్ణయించింది. మరోవైపు ఏడు నియోజకవర్గాల్లో ఇంటిగ్రేటెడ్‌ రెసిడెన్షియల్‌ స్కూళ్లకు ఆమోదం తెలిపింది.

22ఏ నిషేధిత జాబితాలో ఉన్న భూముల హక్కుదారులు ఆందోళన చెందాల్సిన అవసరం లేదని సీఎం రేవంత్‌రెడ్డి భరోసా ఇచ్చారు. కోర్టు కేసులు మినహా మిగతా భూములకు బై నంబర్లు ఇచ్చి సమస్యలను పరిష్కరిస్తామని తెలిపారు.

తెలంగాణకు ప్రధానమంత్రి ఆవాస్‌ యోజన–గ్రామీణ్‌ (PMAY-G) కింద 11.56 లక్షల ఇళ్లను మంజూరు చేయాలని ఎంపీ మల్లు రవి, మంత్రి పొంగులేటి శ్రీనివాసరెడ్డి తదితర తెలంగాణ ఎంపీలు కేంద్ర మంత్రి శివరాజ్‌ సింగ్‌ చౌహాన్‌ను కోరారు.

ఎల్లంపల్లి, దేవాదుల, సీతారామ ప్రాజెక్టుల నుంచి సాధ్యమైనంత మేర నీటిని ఎత్తిపోసేలా చర్యలు చేపట్టాలని సీఎం రేవంత్‌రెడ్డి ఆదేశించారు. ముంపు గ్రామాలకు తక్షణ పరిహారం చెల్లించి బస్వాపూర్‌, గౌరవెల్లి ప్రాజెక్టుల్లో నీరు నింపేలా చూడాలన్నారు.

ఆర్మీ నియామకాల్లో తెలంగాణ యువతకు మరిన్ని అవకాశాలు కల్పించేందుకు జిల్లా కేంద్రాల్లో శిక్షణా కేంద్రాలు ఏర్పాటు చేయాలని సీఎం రేవంత్‌రెడ్డి కోరారు. దేశవ్యాప్త ఆర్మీ రిక్రూట్‌మెంట్లకు ముందే శిక్షణ ఇచ్చేందుకు సదరన్‌ కమాండ్‌ అధికారులు అంగీకరించారు.

ఇందిరమ్మ ఇండ్లు టవర్స్‌ పథకానికి దరఖాస్తుల స్వీకరణ గడువును ప్రభుత్వం మరో ఐదు రోజులు పొడిగించింది. ఆగస్టు 15 వరకు దరఖాస్తులు స్వీకరించనున్నారు. ఇప్పటివరకు 46,121 దరఖాస్తులు అందినట్లు మంత్రి పొంగులేటి శ్రీనివాసరెడ్డి తెలిపారు.

అర్హులైన ప్రతి పేద కుటుంబానికి దశలవారీగా సొంతింటిని అందించడమే ప్రభుత్వ లక్ష్యమని మంత్రి పొంగులేటి శ్రీనివాస్‌రెడ్డి తెలిపారు. రాష్ట్రవ్యాప్తంగా ఇప్పటికే 8 లక్షల ఇందిరమ్మ ఇళ్లు మంజూరు చేశామని, అర్హులందరికీ ఇళ్లు అందే వరకు కార్యక్రమం కొనసాగుతుందని చెప్పారు.

తెలంగాణలో 4,21,767 మంది మత్స్యకారులకు 2026-27లో గ్రూప్‌ ప్రమాద బీమా పథకం అమలు కానుంది. ప్రమాదవశాత్తు మరణం లేదా శాశ్వత వైకల్యానికి రూ.5 లక్షల వరకు బీమా రక్షణ లభించనుంది.

తెలంగాణలో పెండింగ్‌లో ఉన్న రూ.10,814 కోట్ల స్కాలర్‌షిప్‌లు, ఫీజు రీయింబర్స్‌మెంట్స్‌ను వెంటనే విడుదల చేయాలని SFI డిమాండ్‌ చేసింది. విద్యార్థుల సర్టిఫికెట్లు నిలిపివేస్తున్న ప్రైవేట్‌ కళాశాలలపై చర్యలు తీసుకోవాలని కోరుతూ ఆగస్టు 13న కలెక్టరేట్ల వద్ద ధర్నాలకు పిలుపునిచ్చింది.

8వ కేంద్ర వేతన సంఘం ముందు భారత్‌ పెన్షనర్స్‌ సమాజ్‌ కీలక ప్రతిపాదనలు చేసింది. కనీస వేతనాన్ని రూ.69 వేలకు, కనీస పెన్షన్‌ను రూ.45 వేలకు పెంచాలని కోరింది. అయితే ఇవి ప్రస్తుతం ప్రతిపాదనలు మాత్రమే.. తుది నిర్ణయం కేంద్ర ప్రభుత్వానిదే.

హైదరాబాద్‌లోని డా. ఎంసీఆర్ టిమ్స్ ప్రజలకు వైద్య సేవలు అందించేందుకు సిద్ధమైందని మంత్రి దామోదర్ రాజనర్సింహ తెలిపారు. ప్రారంభానికి ముందు ఏర్పాట్లను పరిశీలించి అధికారులకు కీలక ఆదేశాలు జారీ చేశారు.