Temples

తిరుమల శ్రీవారి నవరాత్రి బ్రహ్మోత్సవాల నేపథ్యంలో టీటీడీ కీలక నిర్ణయం తీసుకుంది. అక్టోబర్‌ 11 నుంచి 20వ తేదీ వరకు వీఐపీ బ్రేక్‌ దర్శనాలతో పాటు పలు ప్రివిలేజ్డ్‌ దర్శనాలను రద్దు చేసింది. భక్తుల రద్దీని దృష్టిలో ఉంచుకుని ఈ నిర్ణయం తీసుకున్నట్లు టీటీడీ వెల్లడించింది. ఇదే సమయంలో కొన్ని తేదీలకు సంబంధించిన రూ.300 ప్రత్యేక ప్రవేశ దర్శనం టికెట్లను అక్టోబర్‌ 7న ఆన్‌లైన్‌లో విడుదల చేయనుంది.

ఆంధ్రప్రదేశ్‌లోని నెల్లూరు జిల్లాలో ఓ శివాలయంలో సోమవారం అరుదైన దృశ్యం భక్తులను ఆశ్చర్యానికి గురిచేసింది. ఒకటి కాదు.. ఏకంగా మూడు నాగుపాములు శివలింగం చుట్టూ తిరుగుతూ, అనంతరం దాని ముందు పడగవిప్పి నిలబడటం కనిపించింది. భక్తులు ఈ దృశ్యాలను తమ ఫోన్లలో చిత్రీకరించడంతో వీడియోలు సోషల్ మీడియాలో వైరల్‌గా మారాయి.

శబరిమల అయ్యప్ప స్వామి ప్రసాదం తయారీలో హలాల్ గుర్తు ఉన్న బెల్లం వినియోగంపై దాఖలైన పిటిషన్‌పై కేరళ హైకోర్టు కీలక ఆదేశాలు జారీ చేసింది. ఆలయ సంప్రదాయాలు, భక్తుల విశ్వాసాలకు అనుగుణంగా ప్రసాదం తయారీకి అవసరమైన ముడి పదార్థాలను అత్యంత జాగ్రత్తగా ఎంపిక చేయాలని ట్రావెన్‌కోర్ దేవస్వం బోర్డును ఆదేశించింది. భవిష్యత్తులో ఇలాంటి వివాదాలు తలెత్తకుండా ఈ-టెండర్ నిబంధనల్లోనే తగిన షరతులు చేర్చాలని సూచించింది.

కేరళలోని శబరిమల అయ్యప్ప స్వామి ఆలయంలో మరో బంగారం గోల్‌మాల్ వెలుగులోకి వచ్చింది. 2012లో భక్తులు సమర్పించిన 445 గ్రాముల బంగారు కిరీటం స్ట్రాంగ్‌రూమ్ నుంచి మాయమైనట్లు తేలింది. దాని స్థానంలో అదే డిజైన్‌తో ఉన్న 240 గ్రాముల నకిలీ కిరీటం ఉన్నట్లు అధికారులు గుర్తించారు. గతంలో వెలుగులోకి వచ్చిన బంగారం అవకతవకలపై జరుగుతున్న తనిఖీల్లో ఈ వ్యవహారం బయటపడింది.

తిరుచానూరులోని శ్రీ పద్మావతి అమ్మవారి ఆలయంలో పవిత్రోత్సవాలకు ఏర్పాట్లు పూర్తయ్యాయి. సెప్టెంబర్ 24 నుంచి 26 వరకు మూడు రోజుల పాటు పవిత్రోత్సవాలు నిర్వహించనుండగా, బుధవారం సాయంత్రం అంకురార్పణ కార్యక్రమాలను శాస్త్రోక్తంగా చేపట్టనున్నారు. పవిత్రోత్సవాల నేపథ్యంలో భక్తుల సౌకర్యార్థం పలు ఆర్జిత సేవలను టీటీడీ రద్దు చేసింది.

తిరుమల శ్రీవారి సాలకట్ల బ్రహ్మోత్సవాలు అర్చకులు, అధికారులు, ఉద్యోగులు, పోలీసులు, జిల్లా యంత్రాంగం, శ్రీవారి సేవకులు, మీడియా, భక్తుల సమష్టి కృషితో విజయవంతంగా ముగిశాయని టీటీడీ చైర్మన్ బీఆర్ నాయుడు తెలిపారు. ఎనిమిది రోజులపాటు జరిగిన ఉత్సవాల్లో 5.76 లక్షల మంది భక్తులు శ్రీవారిని దర్శించుకోగా హుండీ ద్వారా రూ.28.94 కోట్ల ఆదాయం లభించిందని వెల్లడించారు.

తిరుమలలో సాలకట్ల బ్రహ్మోత్సవాల్లో భాగంగా శ్రీవారి రథోత్సవం భక్తిశ్రద్ధల మధ్య వైభవంగా జరిగింది. ఉభయదేవేరులతో కలిసి రథంపై కొలువుదీరిన శ్రీమలయప్పస్వామిని దర్శించుకునేందుకు వేలాది మంది భక్తులు తరలివచ్చారు. ‘గోవిందా.. గోవిందా’ నామస్మరణతో తిరుమాడ వీధులు మారుమోగాయి.

తిరుమల శ్రీవారి లడ్డూ ప్రసాదంలో కొబ్బరి పీచు ఉన్నట్లు సోషల్ మీడియాలో వైరల్ అవుతున్న ఫొటోపై టీటీడీ స్పందించింది. ఆ ఫొటోలో ఉన్నది శ్రీవారి లడ్డూ ప్రసాదం కాదని స్పష్టం చేసింది. భక్తుల మనోభావాలను దెబ్బతీసేలా తప్పుడు ప్రచారం చేస్తే చట్టపరమైన చర్యలు తీసుకుంటామని హెచ్చరించింది. టీటీడీ ఫిర్యాదుతో పోలీసులు కూడా కేసు నమోదు చేసి దర్యాప్తు ప్రారంభించారు.

ప్రముఖ సినీ నటుడు రామ్‌చరణ్‌ సతీమణి ఉపాసన కొణిదెల గురువారం కర్నూలు జిల్లాలోని మంత్రాలయాన్ని సందర్శించారు. శ్రీ రాఘవేంద్ర స్వామి ఆలయంలో ప్రత్యేక పూజలు నిర్వహించి, స్వామివారి ఆశీస్సులు పొందారు. ఉపాసన రాకతో ఆలయ పరిసరాల్లో అభిమానులు, భక్తుల సందడి నెలకొంది.

భారత్‌లో వినాయకుడికి లడ్డూలు, మోదకాలు, ఉండ్రాళ్లు, కుడుములు నైవేద్యంగా సమర్పించడం సాధారణం. అయితే థాయ్‌లాండ్‌లో మాత్రం గణేశుడికి బబుల్ టీని నైవేద్యంగా సమర్పించే ప్రత్యేక ఆచారం కనిపిస్తోంది. బ్యాంకాక్‌లోని యూనియన్ మాల్ సమీపంలోని గణేశుడి ఆలయంలో భక్తులు పెద్ద సంఖ్యలో బబుల్ టీ కప్పులను సమర్పిస్తున్న దృశ్యాలు సోషల్ మీడియాలో వైరల్‌గా మారాయి.

తిరుమల శ్రీవారి భక్తుల రవాణా సౌకర్యాన్ని మరింత మెరుగుపరిచేందుకు రిలయన్స్ సంస్థ టీటీడీకి రూ.27.5 కోట్ల విలువైన 25 ఎలక్ట్రిక్ ధర్మరథం బస్సులను అందిస్తోంది. వీటిలో తొలి విడతగా 15 బస్సులు తిరుమలకు చేరుకున్నాయి. మరో 10 బస్సులు త్వరలో అందుబాటులోకి రానున్నాయి. బస్సులతో పాటు 50 మంది డ్రైవర్లు, ఛార్జింగ్ స్టేషన్‌ను కూడా రిలయన్స్ సమకూర్చనుంది.

తిరుమల శ్రీవారిని రానున్న డిసెంబర్‌లో దర్శించుకోవాలనుకునే భక్తులకు టీటీడీ కీలక అప్డేట్ ఇచ్చింది. వివిధ ఆర్జిత సేవలు, ప్రత్యేక ప్రవేశ దర్శనం, వర్చువల్ సేవలు, వృద్ధులు-దివ్యాంగుల దర్శన టోకెన్లు, తిరుమల-తిరుపతిలో వసతి గదుల కోటా వివరాలు తెలుసుకోండి.

కేరళలో ఆయుర్వేద చికిత్స పొందుతున్న ఆంధ్రప్రదేశ్ ఉప ముఖ్యమంత్రి పవన్ కల్యాణ్ త్రిప్రయార్ శ్రీరామస్వామి ఆలయాన్ని దర్శించుకున్నారు. ఆలయ సంప్రదాయాలను అనుసరించి దీపారాధన, మీనుట్టు, వేది వజిపాడు తదితర సేవల్లో పాల్గొని స్వామివారికి ప్రత్యేక పూజలు నిర్వహించారు.

మధ్యప్రదేశ్‌లోని ఉజ్జయినిలో రోడ్డు విస్తరణ పనుల కోసం దాదాపు 170 ఏళ్ల చరిత్ర కలిగిన ‘ఖడే హనుమాన్’ ఆలయాన్ని తొలగించారు. అయితే ఆలయంలోని హనుమంతుడి విగ్రహాన్ని తరలించేందుకు అధికారులు చేసిన ప్రయత్నాలు ఫలించలేదు. నాలుగు రోజుల పాటు భారీ యంత్రాలతో ప్రయత్నించినా విగ్రహం ఒక్క అంగుళం కూడా కదలకపోవడం స్థానికంగా ఆసక్తికర చర్చకు దారితీసింది.

మెగాస్టార్ చిరంజీవి కుమార్తె, సినీ నిర్మాత కొణిదెల సుస్మితకు ఆంధ్రప్రదేశ్ ప్రభుత్వం కీలక బాధ్యతలు అప్పగించింది. విజయవాడ ఇంద్రకీలాద్రిపై కొలువైన శ్రీ దుర్గామల్లేశ్వర స్వామి వార్ల దేవస్థానం ట్రస్ట్ బోర్డులో ఆమెను ప్రత్యేక ఆహ్వానితురాలిగా నియమించింది.

హైదరాబాద్‌ బొడుప్పల్‌లోని శ్రీ మాతా నిమిషాంబ దేవి ఆలయంలో విశేష పూజా కార్యక్రమాలు భక్తిశ్రద్ధలతో నిర్వహించారు. సౌభాగ్య లక్ష్మీ, సుమంగళి లక్ష్మీగా అమ్మవారిని అలంకరించి, మహిళామణులతో లక్ష నామాల సామూహిక కుంకుమార్చనలు నిర్వహించారు. లక్ష గాజుల విశేష అలంకరణలో అమ్మవారు దేదీప్యమానంగా భక్తులకు దర్శనమిచ్చారు.

విజయవాడ ఇంద్రకీలాద్రిపై కొలువైన శ్రీ దుర్గా మల్లేశ్వర స్వామివార్ల దేవస్థానంలో 2026 దసరా నవరాత్రి మహోత్సవాల షెడ్యూల్ ఖరారైంది. అక్టోబర్ 11 నుంచి 20 వరకు పది రోజుల పాటు ఉత్సవాలు వైభవంగా నిర్వహించనున్నారు. ఈ సందర్భంగా అమ్మవారు రోజుకో ప్రత్యేక అలంకారంలో భక్తులకు దర్శనమివ్వనున్నారు.

శబరిమల ఆలయ పరిసరాల్లో సినిమా షూటింగ్‌లకు కేరళ హైకోర్టు అనుమతి నిరాకరించింది. శబరిమలతో పాటు పెరియార్ టైగర్ రిజర్వ్ పరిధిలోనూ చిత్రీకరణలకు అనుమతి లేదని స్పష్టం చేసింది. దీంతో మోహన్‌లాల్ నటిస్తున్న ‘అతిమనోహరం’ సినిమా షూటింగ్‌కు బ్రేక్ పడింది.

శ్రావణ మాసం తొలి శుక్రవారం సందర్భంగా ఏపీ ఉప ముఖ్యమంత్రి పవన్ కల్యాణ్ సతీమణి అన్నా లెజినోవా పిఠాపురం, ద్రాక్షారామంలోని ప్రముఖ ఆలయాలను సందర్శించారు. కుక్కుటేశ్వర స్వామి, శ్రీపాద శ్రీవల్లభ మహాసంస్థానం, భీమేశ్వర స్వామి ఆలయాల్లో ప్రత్యేక పూజలు నిర్వహించారు.

శ్రావణమాసం తొలి శుక్రవారం సందర్భంగా శ్రీ మాతా నిమిషాంబ దేవి ఆలయంలో విశేష పూజలు, అలంకరణలు నిర్వహించారు. 1116 చీరలతో అమ్మవారిని అత్యంత వైభవంగా అలంకరించగా, తెల్లవారుజాము నుంచే భక్తులు పెద్ద సంఖ్యలో తరలివచ్చి అమ్మవారిని దర్శించుకున్నారు.

హిందూ సంప్రదాయంలో అత్యంత పవిత్రమైన మాసాల్లో శ్రావణ మాసానికి ప్రత్యేక స్థానం ఉంది. శ్రీ మహావిష్ణువు, మహాలక్ష్మి, పరమశివుడిని ఆరాధించేందుకు ఈ మాసం ఎంతో విశిష్టమైనదిగా భావిస్తారు. 2026లో తెలుగు శ్రావణ మాసం ఆగస్టు 13న ప్రారంభం కానుంది.

నాగార్జునసాగర్ విజయ విహార్ వద్ద కృష్ణా నది తీరంలో నిర్వహిస్తున్న మహా వరుణ యాగంలో తెలంగాణ సీఎం రేవంత్‌రెడ్డి దంపతులు పాల్గొన్నారు.

హైదరాబాద్ మహాంకాళి అమ్మవారి బోనాల ఉత్సవాల్లో భాగంగా నిర్వహించిన రంగం కార్యక్రమంలో మాతంగి అనురాధ భవిష్యవాణి వినిపించారు. సమాజంలో పుణ్యం తగ్గి పాపం పెరుగుతోందని, ప్రజలు ఆచారాలు, సంప్రదాయాలను విస్మరిస్తే కుండపోత వర్షాలు, వరదలతో తీవ్ర నష్టం జరిగే ప్రమాదం ఉందని హెచ్చరించారు.

హైదరాబాద్‌లో బోనాల పండుగ సందర్భంగా ట్రాఫిక్ పోలీసులు కీలక ప్రకటన చేశారు. లాల్ దర్వాజా, అంబర్‌పేట్ మహంకాళి ఆలయం, దర్బార్ మైసమ్మ, కార్వాన్ బోనాల సందర్భంగా ఆది, సోమవారాల్లో పలు ప్రాంతాల్లో ట్రాఫిక్ ఆంక్షలు, వాహనాల మళ్లింపులు అమల్లో ఉంటాయని తెలిపారు.

హైదరాబాద్‌లో బోనాల సందడి కొనసాగుతున్న వేళ సినీ నటి, నిర్మాత నిహారిక కొణిదెల అమ్మవారిని దర్శించుకున్నారు. పాతబస్తీలోని మీరాలం మండిలో ఉన్న శ్రీ మహంకాళేశ్వర దేవాలయంలో ప్రత్యేక పూజలు నిర్వహించి బంగారు బోనం సమర్పించారు.

తిరుమల శ్రీవారి 2026 వార్షిక పుష్పయాగం సేవ టికెట్లను ఆగస్టు 21న ఉదయం 10 గంటలకు టీటీడీ ఆన్‌లైన్‌లో విడుదల చేయనుంది. ఈ టికెట్ల ద్వారా భక్తులకు ఒకే రోజు రెండుసార్లు శ్రీవారి దర్శనం చేసుకునే అరుదైన అవకాశం లభించనుంది.

సికింద్రాబాద్ ఉజ్జయిని మహంకాళి ఆలయంలో జరిగిన రంగం కార్యక్రమంలో మాతంగి స్వర్ణలత భవిష్యవాణి వినిపించారు. కుంభవృష్టి వర్షాలు, అగ్నిప్రమాదాలు, ప్రాణనష్టం పెరిగే అవకాశముందని హెచ్చరించారు.

ఆషాఢ బోనాల ఉత్సవాల సందర్భంగా సికింద్రాబాద్ ఉజ్జయిని మహంకాళి అమ్మవారిని హైదరాబాద్ పోలీసు కమిషనర్ సీపీ సజ్జనార్ దంపతులు దర్శించుకున్నారు. అమ్మవారికి ప్రత్యేక పూజలు నిర్వహించిన ఆయన... హైదరాబాద్‌లో బోనాలకు ఉన్న చారిత్రక ప్రాధాన్యాన్ని గుర్తు చేస్తూ, భక్తుల భద్రతకు పోలీసులు పటిష్ఠమైన ఏర్పాట్లు చేశారని తెలిపారు.

తెలంగాణ రాష్ట్రంలో అత్యంత వైభవంగా జరిగే లష్కర్ బోనాల మహోత్సవం ఘనంగా కొనసాగుతోంది. ఈ సందర్భంగా రాష్ట్ర ముఖ్యమంత్రి రేవంత్ రెడ్డి సికింద్రాబాద్ ఉజ్జయిని మహంకాళి అమ్మవారిని దర్శించుకుని ప్రత్యేక పూజలు నిర్వహించారు. ప్రభుత్వం తరఫున పట్టువస్త్రాలు సమర్పించి అమ్మవారి ఆశీస్సులు తీసుకున్నారు.

సికింద్రాబాద్ ఉజ్జయిని మహంకాళి బోనాల సందర్భంగా ఆగస్టు 2 నుంచి 4వ తేదీ తెల్లవారుజామున వరకు ఆలయం పరిసరాల్లో ట్రాఫిక్ ఆంక్షలు అమల్లో ఉంటాయి. పలు రోడ్లను మూసివేయడంతో పాటు వాహనాలను ప్రత్యామ్నాయ మార్గాల్లో మళ్లించనున్నారు. భక్తుల కోసం ప్రత్యేక పార్కింగ్ ఏర్పాట్లు, 175 ప్రత్యేక ఆర్టీసీ బస్సులను కూడా అందుబాటులో ఉంచారు.