హైదరాబాద్, అక్టోబర్ 5 జనవాణి): హైదరాబాద్ శంషాబాద్‌లోని రాజీవ్ గాంధీ ఇంటర్నేషనల్ ఎయిర్‌పోర్ట్‌లో భారీగా బంగారం పట్టుబడింది. సోమవారం ఉదయం తిరుచిరాపల్లి నుంచి హైదరాబాద్ చేరుకున్న ఓ ప్రయాణికుడిని కస్టమ్స్ అధికారులు తనిఖీ చేశారు.
తనిఖీల్లో అతడి వద్ద బంగారం ఉన్నట్లు గుర్తించిన అధికారులు సుమారు 800 గ్రాముల బంగారాన్ని స్వాధీనం చేసుకుని సీజ్ చేశారు. పట్టుబడిన బంగారం విలువ దాదాపు రూ.1.20 కోట్లు ఉంటుందని కస్టమ్స్ అధికారులు వెల్లడించారు.
అనంతరం ప్రయాణికుడిని తదుపరి విచారణ నిమిత్తం డైరెక్టరేట్ ఆఫ్ రెవెన్యూ ఇంటెలిజెన్స్ (డీఆర్ఐ) అధికారులకు అప్పగించారు. ప్రస్తుతం డీఆర్ఐ అధికారులు ప్రయాణికుడిని ప్రశ్నిస్తున్నారు. బంగారం ఎక్కడి నుంచి తీసుకొచ్చారు? దాని వెనుక ఎవరైనా ఉన్నారా? అనే అంశాలపై అధికారులు ఆరా తీస్తున్నట్లు తెలుస్తోంది.
