ఐటీఐ పూర్తి చేసిన నిరుద్యోగ యువతకు శుభవార్త. ప్రముఖ సంస్థ మెధా సర్వో డ్రైవ్స్ ప్రైవేట్ లిమిటెడ్ భారీ ఉద్యోగాల భర్తీకి మెగా జాబ్ మేళాను నిర్వహిస్తోంది.
ఈ జాబ్ మేళాలో మొత్తం 450 ఖాళీలు అందుబాటులో ఉన్నాయి. ఇందులో ఎలక్ట్రీషియన్ విభాగంలో 250 పోస్టులు, ఫిట్టర్‌లో 150 పోస్టులు, ఎలక్ట్రానిక్స్ ట్రేడ్‌లో 50 పోస్టులు భర్తీ చేయనున్నారు.
ఈ మెగా జాబ్ మేళా ఆగస్టు 2, 2026, ఆదివారం ఉదయం 9 గంటలకు హైదరాబాద్‌లోని జోడిమెట్ల ఎక్స్ రోడ్స్, ఘట్‌కేసర్‌లో ఉన్న మెధా సర్వో డ్రైవ్స్ ప్రైవేట్ లిమిటెడ్ కార్యాలయంలో నిర్వహించబడుతుంది.
అభ్యర్థులు ఎలక్ట్రీషియన్, ఫిట్టర్ లేదా ఎలక్ట్రానిక్స్ ట్రేడ్‌లో ఐటీఐ పూర్తి చేసి ఉండాలి. కనీసం 65 శాతం మార్కులు ఉండాలి. అలాగే వయస్సు 25 సంవత్సరాల లోపు ఉండాలి.
ఎంపికైన అభ్యర్థులకు నెలకు ₹18,300 స్టైపెండ్, ఈఎస్ఐ సౌకర్యం, అటెండెన్స్ బోనస్, క్యాంటీన్ అలవెన్స్ వంటి ప్రయోజనాలు అందించనున్నట్లు సంస్థ వెల్లడించింది.
జాబ్ మేళాకు హాజరయ్యే అభ్యర్థులు SSC మెమో, ITI సర్టిఫికెట్, అప్డేట్ చేసిన రెజ్యూమ్ మరియు పాస్‌పోర్ట్ సైజ్ ఫోటోలు తప్పనిసరిగా తీసుకురావాలి.
మరిన్ని వివరాల కోసం 91607 79222 నంబర్‌ను సంప్రదించవచ్చు.
ఉద్యోగ అవకాశాల కోసం ఎదురుచూస్తున్న ఐటీఐ అభ్యర్థులు ఈ అవకాశాన్ని సద్వినియోగం చేసుకోవాలని నిర్వాహకులు సూచిస్తున్నారు.
