Krishna

కృష్ణా జిల్లాలో ఆసక్తికర ఘటన చోటుచేసుకుంది. ఉద్యోగం పేరుతో మూడేళ్లుగా కుటుంబానికి దూరంగా ఉంటూ కనిపించకుండా తిరుగుతున్న భర్త.. చివరకు తన కాలనీలోని ఓ ఇంట్లో మరో మహిళతో ఉండగా భార్యకు కనిపించాడు. దీంతో ఆగ్రహానికి గురైన భార్య, కుమారుడితో కలిసి అతడిపై దాడి చేసి పోలీసులకు అప్పగించింది.

కృష్ణా జిల్లా పామిడిముక్కల మండలం మాంటాడ సెంటర్‌ సమీపంలో బైక్ ప్రమాదం జరిగింది. వయ్యూరు నుంచి పామర్రు వెళ్తున్న దేవరకొండ రాజేష్ అనే 21 ఏళ్ల యువకుడు మలుపు వద్ద బైక్ అదుపుతప్పడంతో రోడ్డు పక్కకు దూసుకెళ్లాడు. ప్రమాదంలో తలకు తీవ్ర గాయాలై అక్కడికక్కడే మృతి చెందినట్లు సమాచారం. ఈ ఘటనకు సంబంధించిన దృశ్యాలు సీసీ కెమెరాలో నమోదయ్యాయి. అధిక వేగమే ప్రమాదానికి కారణంగా తెలుస్తోంది.