గ్యాస్‌ వినియోగదారులు తప్పనిసరిగా ఈకేవైసీ (eKYC) పూర్తి చేసుకోవాలని ఏజెన్సీ నిర్వాహకులు సూచిస్తున్నారు. ఈకేవైసీ చేసుకునేందుకు ఈనెల 16వ తేదీ సాయంత్రం వరకు గడువు ఉన్నట్లు చెబుతున్నారు. పలు గ్యాస్‌ కంపెనీల ఏజెన్సీలు వినియోగదారులకు ఫోన్‌లు, మెసేజ్‌ల ద్వారా సమాచారం అందిస్తూ.. వెంటనే ఈకేవైసీ పూర్తి చేసుకోవాలని సూచిస్తున్నాయి.
ఈకేవైసీ చేయకపోతే గ్యాస్‌ సరఫరాపై ఆంక్షలు విధించే అవకాశం ఉందని, సబ్సిడీకి సంబంధించిన సమస్యలు ఎదురయ్యే అవకాశం ఉందనే ప్రచారం జరుగుతోంది. దీంతో వినియోగదారులు ఆందోళనకు గురవుతున్నారు. ఇదిలా ఉండగా.. గ్యాస్‌ ఏజెన్సీల వద్ద ఈకేవైసీ కోసం వినియోగదారులు పెద్ద సంఖ్యలో క్యూకట్టారు. శనివారం స్వాతంత్య్ర దినోత్సవం, ఆదివారం సెలవు కావడంతో ఈకేవైసీ గడువుపై పలువురు సందేహాలు వ్యక్తం చేస్తున్నారు.
అయితే శని, ఆదివారాల్లోనూ ఏజెన్సీలు పనిచేసే అవకాశం ఉందని నిర్వాహకులు చెబుతున్నారు. గడువు విషయంలో స్పష్టత వచ్చే వరకు వేచి ఉండకుండా వీలైనంత త్వరగా సమీపంలోని గ్యాస్‌ ఏజెన్సీకి వెళ్లి ఈకేవైసీ పూర్తి చేసుకోవాలని సూచిస్తున్నారు.
