దేశంలోని మూడు రాష్ట్రాలు, ఒక కేంద్రపాలిత ప్రాంతంలో ఆరు స్థానాలకు ఉప ఎన్నికల పోలింగ్ జరుగుతుంది. పశ్చిమ బెంగాల్‌లో రెండు అసెంబ్లీ స్థానాలు, తమిళనాడులో రెండు, పుదుచ్చేరిలో ఒక అసెంబ్లీ స్థానం, అస్సాంలో ఒక లోక్‌సభ స్థానానికి మంగళవారం (అక్టోబర్ 6) ఉదయం 7 గంటలకు పోలింగ్ మొదలైంది. అక్టోబర్ 9న ఓట్ల లెక్కింపు జరగనుంది. అధికార పార్టీలకు కీలక పరీక్షగా మారిన ఈ ఉప ఎన్నికలపై దేశవ్యాప్తంగా ఆసక్తి నెలకొంది.
ఎన్నికల సంఘం పనితీరు, ఓటర్ల జాబితా ప్రత్యేక సవరణ (SIR) అంశాలపై కాంగ్రెస్ అగ్రనేత, లోక్‌సభలో ప్రతిపక్ష నేత రాహుల్ గాంధీ తీవ్ర విమర్శలు చేశారు. దేశంలో ‘ఓట్ చోరీ’ జరుగుతోందని ఆరోపించిన ఆయన ప్రజాస్వామ్యాన్ని కాపాడేందుకు తాము ఎట్టి పరిస్థితుల్లోనూ వెనక్కి తగ్గబోమని అన్నారు. చీఫ్ ఎలక్షన్ కమిషనర్ జ్ఞానేశ్ కుమార్‌పై తీవ్ర వ్యాఖ్యలు చేస్తూ రాజీనామా చేయాలని డిమాండ్ చేశారు. రాహుల్ వ్యాఖ్యలపై బీజేపీ కూడా ఘాటుగా స్పందించింది.
2004 కరీంనగర్ లోక్‌సభ ఎన్నికల అఫిడవిట్లో కేసీఆర్ తనకు ఒక్క ఎకరం భూమి కూడా లేదని పేర్కొన్నారని మంత్రి పొంగులేటి శ్రీనివాస్‌రెడ్డి అన్నారు. ప్రస్తుతం వేల కోట్ల విలువైన భూములు, ఆస్తులు ఎలా సమకూరాయో చెప్పాలని ప్రశ్నించారు. ఎన్నికల అఫిడవిట్‌ల ఆధారంగానే కేసీఆర్ ఆస్తుల పెరుగుదలపై ప్రశ్నలు తలెత్తుతున్నాయని పేర్కొంటూ ఎక్స్ వేదికగా విమర్శలు చేశారు.
పార్లమెంట్ వర్షాకాల సమావేశాల చివరి రోజు లోక్‌సభలో అరుదైన దృశ్యం కనిపించింది. గురువారం సభా కార్యకలాపాలు ప్రారంభమయ్యే ముందు తొలిసారిగా ‘వందే మాతరం’ను ఆలపించారు. ప్రధాని నరేంద్ర మోదీ, ప్రతిపక్ష నేత రాహుల్ గాంధీ సహా పలువురు ఎంపీలు ఈ సమయంలో సభలో ఉన్నారు. అనంతరం లోక్‌సభను నిరవధికంగా వాయిదా వేయడంతో వర్షాకాల సమావేశాలు ముగిశాయి.
కేరళ రాష్ట్ర అధికారిక పేరును ‘కేరళం’గా మార్చేందుకు ఉద్దేశించిన సవరణ బిల్లుకు లోక్‌సభ ఆమోదం తెలిపింది. విపక్ష సభ్యుల ఆందోళనల మధ్య బిల్లును ప్రవేశపెట్టిన అనంతరం మూజువాణి ఓటుతో ఆమోదించారు.
దేశంలో మొక్కజొన్న రైతులకు సంస్థాగత మద్దతు కల్పించేందుకు జాతీయ మొక్కజొన్న బోర్డు ఏర్పాటు చేయాలని నంద్యాల ఎంపీ, లోక్‌సభ టీడీపీ డిప్యూటీ ఫ్లోర్ లీడర్ డాక్టర్ బైరెడ్డి శబరి కేంద్ర ప్రభుత్వాన్ని కోరారు.
ఆంధ్రప్రదేశ్‌లో నెలకొన్న కరువు పరిస్థితులను నంద్యాల ఎంపీ, లోక్‌సభలో టీడీపీ డిప్యూటీ ఫ్లోర్ లీడర్ డాక్టర్ బైరెడ్డి శబరి లోక్‌సభలో ప్రస్తావించారు. జీరో అవర్ సందర్భంగా మాట్లాడిన ఆమె.. ఎల్‌నినో ప్రభావంతో రాష్ట్రంలో తీవ్ర వర్షాభావ పరిస్థితులు నెలకొన్నాయని, కరువు నివారణకు కేంద్ర ప్రభుత్వం పూర్తి సహకారం అందించాలని కోరారు.
ఎల్ఐసీ పాలసీదారులు చెల్లించే ప్రీమియం డబ్బుల్ని ఎల్ఐసీ ఏం చేస్తుందో తెలుసా? దీనిని ఎక్కడ పెట్టుబడి పెడుతున్నారనే విషయంపై కేంద్ర ప్రభుత్వం వివరణ ఇచ్చింది. మీరు కట్టే ప్రీమియం మొత్తాన్ని ఎలా వినియోగిస్తారు? ఏ ప్రాతిపదికన కంపెనీల్లో పెట్టుబడులు పెడతారు? అనే అంశాలపై కేంద్ర ప్రభుత్వం లోక్‌సభలో కీలక వివరణ ఇచ్చింది.
దేశవ్యాప్తంగా విద్యార్థులు, తల్లిదండ్రులు ఎంతోకాలంగా ఎదురుచూస్తున్న కీలక నిర్ణయం తీసుకుంది కేంద్ర ప్రభుత్వం. ప్రశ్నపత్రాల లీక్‌లకు అడ్డుకట్ట వేసేందుకు తీసుకొచ్చిన పబ్లిక్ ఎగ్జామినేషన్స్ (ప్రివెన్షన్ ఆఫ్ అన్‌ఫెయిర్ మీన్స్) సవరణ బిల్లు-2026కు లోక్‌సభ ఆమోదం తెలిపింది. మరి ఈ కొత్త చట్టంతో ఏం మారనుంది? ఇప్పుడు చూద్దాం.
తెలంగాణ రక్షణ సేన సంస్థాగత విస్తరణలో భాగంగా పార్టీ చీఫ్ కల్వకుంట్ల కవిత మరో 19 అసెంబ్లీ నియోజకవర్గాలకు ఇన్‌ఛార్జీలను నియమించారు. అలాగే 9 లోక్‌సభ నియోజకవర్గాలకు ఇన్‌ఛార్జీలతో పాటు పార్టీ అనుబంధ విభాగాల అధ్యక్షులు, ఇతర కీలక పదవులను కూడా భర్తీ చేశారు. రెండో విడత జాబితాలోనూ బీసీ వర్గాలకు అధిక ప్రాధాన్యం కల్పించారు.
దేశ భవిష్యత్తు నిర్మాణంలో యువత పాత్రను మరింత విస్తరించాల్సిన అవసరం ఉందని తెలంగాణ ముఖ్యమంత్రి ఎ. రేవంత్ రెడ్డి అన్నారు. అసెంబ్లీ, లోక్‌సభ ఎన్నికల్లో పోటీ చేసే కనిష్ఠ వయోపరిమితిని 25 నుంచి 21 ఏళ్లకు తగ్గించేలా రాజ్యాంగ సవరణ చేయాలని కేంద్ర ప్రభుత్వాన్ని కోరారు. ఇందుకు సంబంధించిన తీర్మానాన్ని తెలంగాణ శాసనసభలో ఆమోదించి కేంద్రానికి పంపనున్నట్లు వెల్లడించారు.
శాసనసభ, లోక్‌సభ ఎన్నికల్లో పోటీ చేసే కనీస వయసును 25 నుంచి 21 ఏళ్లకు తగ్గించాలని తెలంగాణ ప్రభుత్వం కేంద్రానికి ప్రతిపాదించనుంది. ఈ మేరకు అసెంబ్లీ, శాసనమండలిలో ప్రత్యేక తీర్మానం ఆమోదించి కేంద్ర ప్రభుత్వానికి పంపనున్నట్లు ముఖ్యమంత్రి రేవంత్ రెడ్డి ప్రకటించారు.
ఆంధ్రప్రదేశ్‌లో నిర్వహించిన మెగా డీఎస్సీ–2025 నియామక ప్రక్రియలో తీవ్ర అక్రమాలు జరిగాయని ఆరోపిస్తూ, ఈ అంశంపై పార్లమెంట్ ఉభయ సభల్లో చర్చ జరపాలని వైఎస్సార్ కాంగ్రెస్ పార్టీ డిమాండ్ చేసింది. ఈ మేరకు లోక్‌సభ, రాజ్యసభల్లో వాయిదా తీర్మానాలు ప్రవేశపెట్టింది.
