#Medical Students

ఏపీలో వైద్య విద్యార్థుల సమ్మె 10వ రోజుకు చేరింది. విశాఖ బీచ్‌లో ర్యాలీ నిర్వహించిన పీజీ విద్యార్థులు ప్రభుత్వ స్పందన కోరారు.

రాజమహేంద్రవరంలో మద్యం మత్తులో కారు నడుపుతూ ఇద్దరు వైద్య విద్యార్థులను ఢీకొట్టి తీవ్రంగా గాయపరిచిన ఘటనపై ప్రభుత్వం సీరియస్‌గా తీసుకుంది. ఈ ఘటనపై ముఖ్యమంత్రి నారా చంద్రబాబు నాయుడు, ఉప ముఖ్యమంత్రి పవన్‌ కల్యాణ్‌ తీవ్ర ఆగ్రహం వ్యక్తం చేస్తూ నిందితులపై కఠిన చర్యలు తీసుకోవాలని అధికారులను ఆదేశించారు.

దేశంలో వరుసగా పరీక్షల నిర్వహణపై ప్రశ్నలు తలెత్తుతున్న వేళ మరో పేపర్ లీక్ తరహా ఘటన వెలుగులోకి వచ్చింది. ఒడిశాలో నిర్వహించిన పీజీ మెడికల్ పరీక్ష జరుగుతుండగానే ప్రశ్నాపత్రం ఫొటోలు వాట్సాప్‌లో వైరల్ కావడం కలకలం రేపింది. అయితే ఇది "పేపర్ లీక్ కాదు" అని అధికారులు చెబుతున్నప్పటికీ ఘటనపై అంతర్గత విచారణకు ఆదేశాలు జారీ చేశారు.