#Semiconductor Mission 2.0

భారత్‌ను ప్రపంచ సెమీకండక్టర్ తయారీ కేంద్రంగా తీర్చిదిద్దే లక్ష్యంతో అమలు చేస్తున్న ఇండియా సెమీకండక్టర్ మిషన్-2.0లో తెలంగాణకు ప్రాధాన్యం ఇవ్వాలని రాష్ట్ర ఐటీ, పరిశ్రమలు, శాసన వ్యవహారాల మంత్రి దుద్దిళ్ల శ్రీధర్‌బాబు కేంద్ర ప్రభుత్వాన్ని కోరారు. చిప్ డిజైన్‌, గ్లోబల్ కేపబిలిటీ సెంటర్ల (GCCs) రంగంలో హైదరాబాద్ ఇప్పటికే దేశంలో అగ్రస్థానంలో ఉందని, ఇప్పుడు సెమీకండక్టర్ తయారీ పెట్టుబడుల్లో కూడా తెలంగాణకు ప్రాధాన్యత ఇవ్వాలని ఆయన అన్నారు.