పదో తరగతిలో ఏర్పడిన పరిచయం ఓ వివాహితకు తీవ్ర విషాదాన్ని మిగిల్చింది. పాత పరిచయంతో ఆమెతో తరచూ మాట్లాడిన ఓ కానిస్టేబుల్ కరీంనగర్‌లో ఆమెపై లైంగిక దాడికి పాల్పడి, రహస్యంగా వీడియోలు చిత్రీకరించినట్లు ఆరోపణలు వచ్చాయి. ఆ వీడియోలను అడ్డుపెట్టుకుని బెదిరింపులకు పాల్పడి రూ.1.30 లక్షలు తీసుకున్నాడని బాధితురాలు ఫిర్యాదు చేసింది. చివరకు వీడియోలను భర్తకు పంపడంతో ఆమె కాపురం కూడా దెబ్బతింది.
సోషల్ మీడియా రీల్స్ విషయంలో భార్యాభర్తల మధ్య తలెత్తిన విభేదాలు విషాదానికి దారితీశాయి. రీల్స్ చేయొద్దని భర్త వారించడంతో మనస్తాపానికి గురైన 35 ఏళ్ల వివాహిత గజ్వేల్‌లో ఆత్మహత్యకు పాల్పడినట్లు పోలీసులు తెలిపారు. 11 ఏళ్ల వైవాహిక బంధం, ఇద్దరు పిల్లలున్న కుటుంబంలో ఈ ఘటన తీవ్ర విషాదాన్ని నింపింది.
మద్యం, మత్తు పదార్థాలకు బానిసైన ఓ యువకుడు డబ్బులు ఇవ్వలేదన్న కోపంతో కన్నతల్లి నివసిస్తున్న ఇంటికే నిప్పుపెట్టాడు. పెట్రోల్ పోసి ఇంటిని దహనం చేయడంతో విలువైన వస్తువులతో పాటు రేషన్ సామాగ్రి పూర్తిగా కాలిపోయింది. ఈ దారుణ ఘటన మెదక్ జిల్లా రామాయంపేట మండలం నస్కల్‌ గ్రామంలో చోటుచేసుకుంది. నిందితుడిని పోలీసులు అరెస్ట్ చేసి రిమాండ్‌కు తరలించారు.
మేడ్చల్ జిల్లా మేడిపల్లిలో భారీ చోరీ కలకలం రేపింది. వరంగల్ జాతీయ రహదారిపై ఉన్న ఓ గోల్డ్ షాప్ షెట్టర్ తొలగించి లోపలికి ప్రవేశించిన దుండగులు సుమారు రూ.2 కోట్ల విలువైన వజ్రాలతో పాటు బంగారు ఆభరణాలను అపహరించినట్లు సిబ్బంది తెలిపారు. ఈ ఘటనపై పోలీసులు కేసు నమోదు చేసి దర్యాప్తు చేపట్టారు.
సికింద్రాబాద్ కంటోన్మెంట్ పరిధిలోని బొల్లారం 20 బెటాలియన్ మద్రాస్ రెజిమెంట్ క్యాంప్‌లో జరిగిన ఆయుధాల చోరీ కేసులో పోలీసులు భారీ కుట్రను ఛేదించారు. బ్యాంకులు, జ్యువెలరీ షాపులు, సంపన్నుల ఇళ్లలో దోపిడీలకు ఈ ఆయుధాలను ఉపయోగించేందుకు పథకం రచించినట్లు దర్యాప్తులో తేలింది. కేసులో ముగ్గురు సర్వీసులో ఉన్న ఆర్మీ జవాన్లతో పాటు ఏడుగురిని పోలీసులు అరెస్ట్ చేశారు.
భూపాలపల్లి జిల్లా గణపురం మండలం బుద్దారం గ్రామంలో దారుణ ఘటన వెలుగులోకి వచ్చింది. వివాహేతర సంబంధానికి భర్త అడ్డుగా ఉన్నాడని భావించిన ఓ మహిళ ప్రియుడితో కలిసి భర్తను హత్య చేయించినట్లు పోలీసులు దర్యాప్తులో తేలింది. పురుగుల మందు కలిపిన మద్యం తాగించి హత్య చేసిన అనంతరం.. ఆత్మహత్యగా చిత్రీకరించేందుకు నిందితులు ప్రయత్నించారు. అయితే మృతుడి తల్లి అనుమానంతో పోలీసులకు ఫిర్యాదు చేయడంతో అసలు విషయం బయటపడింది.
భద్రాద్రి కొత్తగూడెం జిల్లా జూలూరుపాడు మండలం వెంగన్నపాలెంలో సంచలనం సృష్టించిన బీఎస్సీ నర్సింగ్ విద్యార్థిని ఇంద్రవెల్లి హరిణి (18) హత్య కేసును పోలీసులు ఛేదించారు. ప్రేమ వ్యవహారంలో దూరం పెట్టడంతో కక్ష పెంచుకున్న పవన్‌కుమార్‌ ముందస్తు పథకంతో హరిణిని హత్య చేసినట్లు పోలీసులు వెల్లడించారు.
సంగారెడ్డి జిల్లా నారాయణఖేడ్ మండలం చాప్టా(కె) గ్రామంలో విషాద ఘటన చోటుచేసుకుంది. ఉన్న వ్యవసాయ భూమిని కొడుకుల పిల్లలకు రాసిచ్చినా వృద్ధాప్యంలో కన్న కొడుకుల ఆదరణకు నోచుకోలేకపోయిన దంపతులు తీవ్ర మనస్తాపానికి గురయ్యారు. ఇంటి నుంచి గెంటివేయడంతో అద్దె ఇంట్లో ఉంటున్న వారు చివరకు తమ వ్యవసాయ పొలంలోని బావిలో దూకి ప్రాణాలు తీసుకున్నారు.
హైదరాబాద్ ఎస్ఆర్ నగర్‌లోని ఓయో హోటల్‌లో మహిళ హత్య కలకలం రేపింది. రెండు రోజుల క్రితం ఓ వ్యక్తితో కలిసి హోటల్‌లో దిగిన శిరీష గదిలో రక్తపు గాయాలతో మృతిచెందిన స్థితిలో కనిపించింది. ఆమెతో వచ్చిన శ్రీనివాస్‌ అక్కడి నుంచి వెళ్లిపోయి కనిపించకుండా పోవడంతో అతడిపై పోలీసులు అనుమానం వ్యక్తం చేస్తున్నారు. సీసీటీవీ ఫుటేజ్‌, హోటల్ రికార్డులు, ఇతర ఆధారాల ఆధారంగా దర్యాప్తు కొనసాగుతోంది.
హైదరాబాద్ శంషాబాద్‌లో విషాద ఘటన చోటుచేసుకుంది. రోడ్డు ప్రమాదంలో ప్రియుడు మృతి చెందడంతో తీవ్ర మనోవేదనకు గురైన 19 ఏళ్ల యువతి బలవన్మరణానికి పాల్పడింది. ఇటీవల తన ప్రియుడు కలలోకి వచ్చి తనను దగ్గరకు రమ్మంటున్నాడని కుటుంబ సభ్యులతో చెప్పిన కొద్దిరోజులకే ఈ ఘటన జరగడం విషాదాన్ని నింపింది.
రంగారెడ్డి జిల్లా రాజేంద్రనగర్ పోలీస్ స్టేషన్ పరిధిలో దారుణ హత్య కలకలం రేపింది. డ్రగ్స్ విక్రయాలకు సంబంధించిన సమాచారాన్ని పోలీసులకు చేరవేస్తున్నాడనే అనుమానంతో స్నేహితులే వసీం అనే యువకుడిపై కత్తులతో దాడి చేసి హత్య చేసినట్లు పోలీసులు తెలిపారు. నిందితులపై గతంలోనూ ఎన్డీపీఎస్ కేసులు ఉన్నట్లు సమాచారం.
బొల్లారంలోని మద్రాస్ రెజిమెంట్‌లో ఆయుధాల చోరీ కేసులో నిందితుడు మల్లేష్‌ను విచారించిన పోలీసులు కీలక విషయాలను గుర్తించారు. చోరీకి నాలుగు నెలల ముందే అతడు పథకం రూపొందించినట్లు దర్యాప్తులో తేలింది. ఆదివారం గార్డులు, ఆర్మీ అధికారుల కదలికలు తక్కువగా ఉంటాయని భావించి అదే రోజును ఎంచుకున్నట్లు పోలీసులు వెల్లడించారు.
పెళ్లైన 18 రోజులకే ఓ బీటెక్ విద్యార్థిని బలవన్మరణానికి పాల్పడిన విషాద ఘటన యాదాద్రి భువనగిరి జిల్లాలో కలకలం రేపింది. ఘట్‌కేసర్‌ పరిధిలోని ఓ ఇంజినీరింగ్ కళాశాలలో మూడో సంవత్సరం చదువుతున్న పల్లవి.. కళాశాల భవనం నుంచి దూకి ఆత్మహత్యకు పాల్పడింది.
హైదరాబాద్‌లో చోరీకి గురైన మొబైల్ ఫోన్లను ఇతర ప్రాంతాలకు తరలిస్తూ, అంతర్జాతీయ స్థాయిలో అక్రమంగా డిస్పోజల్ చేస్తున్న ముఠా గుట్టును పోలీసులు రట్టు చేశారు. హైదరాబాద్ టాస్క్‌ఫోర్స్ జూబ్లీహిల్స్ జోన్, ఖమ్మం పోలీసులు సంయుక్తంగా నిర్వహించిన ఆపరేషన్‌లో తొమ్మిది మంది నిందితులను అరెస్ట్ చేశారు. ఇదే ఆపరేషన్‌లో పశువుల దొంగతనాలకు పాల్పడుతున్న మరో ముఠాను కూడా పోలీసులు పట్టుకున్నారు.
భద్రాద్రి కొత్తగూడెం జిల్లాలో లంచం తీసుకుంటూ ఓ హాస్టల్ వార్డెన్ ఏసీబీ అధికారులకు పట్టుబడ్డారు. చర్ల మండలం సత్యనారాయణపురంలోని ఎస్టీ బాలుర ఇన్‌చార్జ్ హాస్టల్ వార్డెన్, రికార్డ్ అసిస్టెంట్‌గా పనిచేస్తున్న భూక్యా వాలుసింహ.. మహిళా ఉద్యోగి గైర్హాజరును అనధికారిక గైర్హాజరుగా నమోదు చేయకుండా ఉండేందుకు రూ.14 వేల లంచం తీసుకుంటుండగా అధికారులు దాడి చేసి అదుపులోకి తీసుకున్నారు.
నిజామాబాద్ జిల్లా నవీపేట్ మండలం జన్నేపల్లి గ్రామంలో విషాదం చోటుచేసుకుంది. వాగులోకి దూకిన చెల్లిని కాపాడేందుకు వెళ్లిన అన్న కూడా నీటి ఉధృతికి గల్లంతయ్యాడు. గజ ఈతగాళ్లతో గాలింపు చేపట్టగా అన్నాచెల్లెళ్ల మృతదేహాలు లభ్యమయ్యాయి.
మంచిర్యాల జిల్లా కోటపల్లి మండలంలో దారుణ ఘటన చోటుచేసుకుంది. అదనపు కట్నం కోసం కొంతకాలంగా భార్యను వేధిస్తున్న ఓ వ్యక్తి.. కుటుంబ వివాదంలో ఆమె తండ్రిపై దాడికి యత్నించాడు. తండ్రిని కాపాడేందుకు అడ్డుగా వెళ్లిన భార్యపై తీవ్ర ఆగ్రహంతో దాడి చేసి, ఆమె ముక్కును దంతాలతో కొరికేశాడు. తీవ్రంగా గాయపడిన బాధితురాలిని కుటుంబ సభ్యులు వరంగల్ ఎంజీఎం ఆస్పత్రికి తరలించారు. ఘటనపై పోలీసులు కేసు నమోదు చేసి దర్యాప్తు చేస్తున్నారు.
పెళ్లి చేసుకుంటానని నమ్మించి ప్రేమ పేరుతో దగ్గరైన వ్యక్తి.. ఆ తర్వాత పెళ్లి మాట దాటవేయడంతో ప్రియురాలు ఒత్తిడి పెంచింది. అంతేకాదు, ఇద్దరూ ఏకాంతంగా ఉన్న వీడియోలు, ఫొటోలను బయటపెడతానని బెదిరించింది. పరువు పోతుందనే భయంతో ఆమెను పెళ్లి చేసుకుంటానని నమ్మించి అటవీ ప్రాంతానికి తీసుకెళ్లిన ప్రియుడు గొంతు నులిమి హత్య చేశాడు. అనంతరం మృతదేహాన్ని ముక్కలుగా నరికి అడవిలో పడేశాడు. హన్మకొండ జిల్లా హసన్‌పర్తిలో వెలుగులోకి వచ్చిన ఈ ఘటన తీవ్ర కలకలం రేపింది.
దేశవ్యాప్తంగా సంచలనం సృష్టించిన సికింద్రాబాద్ బొల్లారంలోని మద్రాస్ రెజిమెంటల్ సెంటర్ ఆయుధాల చోరీ కేసును తెలంగాణ పోలీసులు ఛేదించారు. ఈ కేసులో ప్రధాన నిందితుడిగా ఇటీవలే పదవీ విరమణ పొందిన హవల్దార్ ఉప్పుతోళ్ల మల్లేశ్‌ను గుర్తించినట్లు రాష్ట్ర డీజీపీ సీవీ ఆనంద్ వెల్లడించారు. రిటైర్మెంట్‌పై అసంతృప్తితో ముందస్తు ప్రణాళిక ప్రకారం ఆయుధాలు, మందుగుండు సామగ్రిని చోరీ చేసి.. వాటిని నాగర్‌కర్నూల్‌లోని తన స్వగ్రామం, యాప్రాల్‌లోని మరో ప్రాంతంలో పాతిపెట్టినట్లు పోలీసులు తెలిపారు.
హైదరాబాద్‌లో లోన్ యాప్ నిర్వాహకుల వేధింపులు తీవ్ర కలకలం రేపాయి. రుణం చెల్లించలేదని ఓ మహిళను బెదిరించడంతో పాటు.. ఆమె పదో తరగతి చదువుతున్న కుమార్తె ఫొటోలను మార్ఫింగ్ చేసి వాట్సాప్‌లో పంపించారు. డబ్బు చెల్లించకపోతే వాటిని సోషల్ మీడియాలో పోస్టు చేస్తామంటూ బెదిరించడంతో బాధితురాలు పోలీసులను ఆశ్రయించింది.
సికింద్రాబాద్ బొల్లారంలోని మద్రాస్ రెజిమెంట్‌లో జరిగిన అత్యాధునిక ఆయుధాల చోరీ ఘటనపై దర్యాప్తు ముమ్మరమైంది. చోరీ జరిగి నాలుగు రోజులు గడిచినా ఆయుధాల ఆచూకీ లభించకపోవడంతో భద్రతా సంస్థలు అప్రమత్తమయ్యాయి. ఉగ్రకుట్ర కోణంపై అనుమానాలు వ్యక్తమవుతున్న నేపథ్యంలో NIA, IB, మిలిటరీ, స్థానిక పోలీసులు కలిసి దర్యాప్తు చేస్తున్నారు.
హైదరాబాద్ తుక్కుగూడలో నర్సు హత్య కేసులో కీలక పరిణామం చోటుచేసుకుంది. యువతిపై అత్యాచారం జరిగినట్టు పోస్టుమార్టం నివేదికలో నిర్ధారణైంది. నిందితుడు సనా వుల్లా కూడా నేరాన్ని అంగీకరించినట్టు పోలీసులు తెలిపారు. దీంతో కేసులో అత్యాచారం సెక్షన్‌ను చేర్చేందుకు పోలీసులు సిద్ధమవుతున్నారు.
పెద్దపల్లి జిల్లా రామగుండంలో NIA నిర్వహించిన తనిఖీలు కలకలం రేపాయి. అయోధ్య నగర్‌లో చేపట్టిన సోదాల్లో ఉగ్రవాద సంస్థలతో సంబంధాలు ఉన్నాయన్న అనుమానంతో ఓ ఇంజినీరింగ్ విద్యార్థిని అధికారులు అదుపులోకి తీసుకున్నట్లు సమాచారం. అతడిని ఎన్‌టీపీసీ పోలీస్‌స్టేషన్‌కు తరలించి విచారిస్తున్నట్లు తెలుస్తోంది.
ల్గొండలో ప్రిన్సిపల్ దారుణ హత్య.. దర్యాప్తులో షాకింగ్ ట్విస్ట్
27 కత్తిపోట్లు.. ప్రిన్సిపల్ హత్య వెనుక టెన్త్ విద్యార్థులేనా?
స్కూల్‌కు వస్తూనే ఉన్నారు.. కానీ హత్య కేసులో అనుమానితులుగా విద్యార్థులు
రూ.4 లక్షల కోసమే హత్య చేశారా?.. ప్రిన్సిపల్ కేసులో పోలీసుల దర్యాప్తు
80 మందిని విచారించిన తర్వాత కీలక మలుపు.. ముగ్గురు విద్యార్థులపై అనుమానం
సిద్దిపేట జిల్లా హుస్నాబాద్‌లో దారుణ ఘటన చోటుచేసుకుంది. రిటైర్మెంట్ అనంతరం వచ్చే డబ్బులు, ఆస్తి పంపకాల విషయంలో భార్యాభర్తల మధ్య తలెత్తిన వివాదం తీవ్ర ఘర్షణకు దారితీసింది. ఆగ్రహానికి గురైన భార్య రోకలిబండతో భర్త తలపై దాడి చేయడంతో ఆయన మృతి చెందారు.
హైదరాబాద్ పంజాగుట్ట హిందూ శ్మశానవాటికలో పూడ్చిపెట్టిన ఆరు నెలల పసికందు మృతదేహం అదృశ్యం కావడం కలకలం రేపుతోంది. కుటుంబ సభ్యుల ఫిర్యాదుతో బంజారాహిల్స్ పోలీసులు కేసు నమోదు చేసి దర్యాప్తు చేపట్టారు.
మేడ్చల్–మల్కాజిగిరి జిల్లా దమ్మాయిగూడలోని శ్రీచైతన్య హైస్కూల్ హాస్టల్‌లో పదో తరగతి విద్యార్థిపై తోటి విద్యార్థులు దాడి చేసినట్లు ఆరోపణలు. ర్యాగింగ్ పేరుతో దాడి చేశారని తల్లిదండ్రులు ఫిర్యాదు చేయగా, స్కూల్ యాజమాన్యంపైనా చర్యలు తీసుకోవాలని డిమాండ్ చేస్తున్నారు.
