నేపాల్‌లో సంభవించిన భారీ వరదలు, ఆకస్మిక వరదలతో తీవ్ర నష్టం వాటిల్లింది. ఈ విపత్కర పరిస్థితుల్లో వరద బాధితులకు అండగా నిలిచేందుకు బాలీవుడ్ నటుడు సోనూసూద్ ఖాఠ్మాండూకు వెళ్లారు. తీవ్రంగా ప్రభావితమైన త్రిశూలి బజార్‌ను సందర్శించి స్థానికులను కలుసుకుని పరిస్థితులను స్వయంగా పరిశీలించారు.
నేపాల్‌లో భారీ వరదలు తీవ్ర బీభత్సం సృష్టిస్తున్నాయి. నువాకోట్ జిల్లాలోని త్రిశూలి బజార్‌ను వరద ప్రవాహం ఒక్కసారిగా ముంచెత్తింది. దీంతో ప్రాణాలను అరచేతిలో పెట్టుకున్న స్థానికులు సురక్షిత ప్రాంతాలకు పరుగులు తీశారు. రద్దీగా ఉన్న మార్కెట్ క్షణాల్లోనే బురద, శిథిలాల దిబ్బగా మారిన దృశ్యాలు కలచివేస్తున్నాయి.
