#Vardhannapet

వరంగల్ జిల్లా వర్ధన్నపేటలో మున్సిపల్ ఛైర్మన్ పాలకుర్తి సారంగపాణి ఇంటి ముందు ఓ యువతి ఆందోళనకు దిగింది. ఛైర్మన్ కుమారుడు శ్రీకాంత్ ప్రేమ పేరుతో తనను నమ్మించి మోసం చేశాడని, పెళ్లి చేసుకుంటానని చెప్పి శారీరకంగా దగ్గరై, గర్భం దాల్చిన సందర్భాల్లో అబార్షన్ చేయించారని ఆమె ఆరోపించింది. తనకు న్యాయం చేయాలని డిమాండ్ చేసింది. యువతికి బీజేపీ, బీఆర్ఎస్ నాయకులు, స్థానికులు సంఘీభావం తెలిపారు.

వరంగల్ జిల్లా పర్వతగిరి మండలం సిత్య తండాలో సాగునీరు అందక ఎండిపోయిన పంట పొలాలను మాజీ మంత్రి ఎర్రబెల్లి దయాకర్ రావు పరిశీలించారు. SRSP కాలువ ద్వారా వెంటనే సాగునీరు విడుదల చేయాలని డిమాండ్ చేస్తూ రైతులకు మద్దతుగా నిరసన చేపట్టారు. రైతుల సమస్యలను ప్రభుత్వం పట్టించుకోవడం లేదని కాంగ్రెస్ ప్రభుత్వంపై విమర్శలు చేశారు.