Irumudi Film: రవితేజ హీరోగా నటించిన ఇరుముడి మూవీ బాక్సాఫీస్ వద్ద భారీ విజయాన్ని అందుకుంటోంది. సుమారు రూ.40 కోట్ల బడ్జెట్‌తో తెరకెక్కిన ఈ సినిమా ఇప్పటికే రూ.250 కోట్లకు పైగా వసూళ్లు సాధించినట్లు చిత్రబృందం చెబుతోంది. రవితేజ కెరీర్‌లో రూ.200 కోట్ల మార్క్‌ను అందుకున్న తొలి సినిమాగా ఇరుముడి నిలిచిందని పేర్కొంటున్నారు. సినిమా విజయాన్ని పురస్కరించుకుని గురువారం చిత్రబృందం బ్లాక్‌బస్టర్ సెలబ్రేషన్స్ నిర్వహించింది. ఈ కార్యక్రమానికి హీరో రవితేజ, హీరోయిన్ ప్రియా భవానీ శంకర్‌తో పాటు నటీనటులు, సాంకేతిక నిపుణులు హాజరయ్యారు.
స్టేజ్‌పై కిందపడిపోయిన ప్రియా భవానీ శంకర్
సక్సెస్ మీట్‌లో రవితేజ యూనిట్ సభ్యులకు షీల్డ్‌లను అందజేశారు. ఈ క్రమంలో షీల్డ్ అందుకోవడానికి స్టేజ్‌పైకి వెళ్తున్న ప్రియా భవానీ శంకర్ ఒక్కసారిగా అదుపుతప్పి కిందపడిపోయారు. దీంతో అక్కడున్న వారంతా ఒక్కసారిగా కంగారుపడ్డారు. అయితే ఆమెకు ఎలాంటి గాయాలు కాకపోవడంతో అందరూ ఊపిరి పీల్చుకున్నారు. ఆ తర్వాత ప్రియా భవానీ శంకర్ స్టేజ్‌పైకి వెళ్లగా రవితేజ ఆమెకు షీల్డ్ అందించారు. ఈ ఘటనకు సంబంధించిన వీడియో సోషల్ మీడియాలో వైరల్‌గా మారింది.
రెమ్యునరేషన్ తీసుకోని రవితేజ?
ఇరుముడి సినిమాకు రవితేజ రెమ్యునరేషన్ తీసుకోకుండా ప్రాఫిట్ షేరింగ్ విధానంలో నటించినట్లు ప్రచారం జరుగుతోంది. ఈ సినిమా ద్వారా ఆయనకు రూ.75 కోట్లకు పైగా ఆదాయం వచ్చినట్లు సినీ వర్గాల్లో చర్చ జరుగుతోంది.
తొలి తెలుగు హిట్‌తో ప్రియా భవానీ శంకర్
ఇరుముడిలో ప్రియా భవానీ శంకర్ తల్లి పాత్రలో కనిపించారు. డీ-గ్లామర్ లుక్‌లో సహజమైన నటనతో ఆకట్టుకున్నారు. ఈ సినిమాతో ఆమె తెలుగులో తొలి విజయాన్ని అందుకున్నారు. తండ్రీకూతుళ్ల అనుబంధానికి థ్రిల్లర్ అంశాలను జోడిస్తూ దర్శకుడు శివ నిర్వాణ ఈ చిత్రాన్ని తెరకెక్కించారు. సాయికుమార్, బేబీ నక్షత్ర కీలక పాత్రల్లో నటించారు.
Loading Tweet...
