రవితేజ హీరోగా శివ నిర్వాణ దర్శకత్వంలో తెరకెక్కిన ‘ఇరుముడి’ బాక్సాఫీస్ వద్ద సంచలన రీతిలో దూసుకెళ్తోంది. ఆగస్టు 21న విడుదలైన ఈ సినిమా 26 రోజుల్లోనే రూ.240 కోట్లకు పైగా గ్రాస్ వసూళ్లు సాధించినట్టు ట్రేడ్ వర్గాల అంచనాలు చెబుతున్నాయి. కేవలం రూ.20 కోట్ల థియేట్రికల్ బిజినెస్‌తో విడుదలైన ఈ మూవీ భారీ లాభాలను అందుకుంటూ, సింగిల్ స్క్రీన్ థియేటర్లలో మరోసారి పండగ వాతావరణాన్ని తీసుకొచ్చింది.
సినిమా చిన్నదా.. పెద్దదా అని చూడకుండా మంచి విజయం సాధించిన చిత్రాలను అభినందించడం మెగాస్టార్ చిరంజీవి ప్రత్యేకత. తాజాగా బాక్సాఫీస్ వద్ద సక్సెస్ అందుకున్న ‘ఇరుముడి’ చిత్రబృందాన్ని చిరంజీవి, రామ్ చరణ్ ప్రత్యేకంగా అభినందించారు. చిత్రబృందాన్ని ఇంటికి ఆహ్వానించి ఆప్యాయంగా ముచ్చటించిన మెగా హీరోల ఫొటోలు ఇప్పుడు సోషల్ మీడియాలో వైరల్ అవుతున్నాయి.
రవితేజ హీరోగా తెరకెక్కిన ఇరుముడి మూవీ సక్సెస్ సెలబ్రేషన్స్‌లో అనుకోని ఘటన చోటుచేసుకుంది. హీరోయిన్ ప్రియా భవానీ శంకర్ స్టేజ్‌పైకి వెళ్తుండగా అదుపుతప్పి కిందపడిపోయారు. అయితే ఆమెకు ఎలాంటి గాయాలు కాకపోవడంతో మూవీ టీమ్ ఊపిరి పీల్చుకుంది. ఈ ఘటనకు సంబంధించిన వీడియో ప్రస్తుతం సోషల్ మీడియాలో వైరల్‌గా మారింది.
రవితేజ నటించిన ‘ఇరుముడి’ మూవీ బాక్సాఫీస్ వద్ద దూసుకెళ్తున్న వేళ అనుకోని వివాదంలో చిక్కుకుంది. సినిమాలో ప్రభుత్వ పాఠశాలలు, టీచర్లను కించపరిచేలా సన్నివేశాలు ఉన్నాయని ఆంధ్రప్రదేశ్ టీచర్స్ ఫెడరేషన్ (APTF) అభ్యంతరం వ్యక్తం చేసింది. వెంటనే ఆ సన్నివేశాలను తొలగించాలని డిమాండ్ చేసింది.
చాలాకాలంగా సరైన హిట్ కోసం ఎదురుచూస్తున్న మాస్ మహారాజ్ రవితేజకు ‘ఇరుముడి’ మంచి కమ్‌బ్యాక్‌గా నిలిచింది. శివ నిర్వాణ దర్శకత్వంలో తెరకెక్కిన ఈ ఎమోషనల్ డ్రామాలో తండ్రిగా రవితేజ అద్భుతంగా నటించారు. ముఖ్యంగా బేబీ నక్షత్ర, ప్రియ భవానీ శంకర్ పర్ఫామెన్స్, జీవీ ప్రకాశ్ కుమార్ సంగీతం సినిమాకు ప్రధాన బలంగా నిలిచాయి.
