సినిమా డెస్క్: నందమూరి బాలకృష్ణ చిన్న కుమార్తె తేజస్విని నందమూరి మరోసారి తన డాన్స్‌తో సోషల్ మీడియాలో ఆకట్టుకున్నారు. గతంలో ప్రముఖ కొరియోగ్రాఫర్ భాను మాస్టర్‌తో కలిసి ఓ పాటకు స్టెప్పులేసి అందరి దృష్టిని ఆకర్షించిన ఆమె.. ఈసారి ఒంటరిగా డాన్స్ చేసి అభిమానులను సర్‌ప్రైజ్ చేశారు.
'లవ్ స్టోరీ' సినిమాలోని సూపర్ హిట్ సాంగ్ 'సారంగదరియా'కు తేజస్విని తనదైన స్టైల్లో డాన్స్ చేశారు. ఆమె ఎనర్జీ, డాన్స్ మూవ్స్, ఎక్స్‌ప్రెషన్స్‌కు నెటిజన్లు ఫిదా అవుతున్నారు.
ఈ వీడియో సోషల్ మీడియాలో వేగంగా వైరల్ అవుతోంది. అభిమానులు "సూపర్ డాన్స్", "ప్రొఫెషనల్ డాన్సర్‌లా చేశారు", "బాలయ్య కూతురు టాలెంట్ అదిరిపోయింది" అంటూ ప్రశంసల వర్షం కురిపిస్తున్నారు.
తేజస్విని ఇప్పటివరకు సినిమాల్లోకి ఎంట్రీ ఇవ్వకపోయినా, ఆమెకు డాన్స్‌పై ఉన్న ఆసక్తి ఇలాంటి వీడియోల ద్వారా మరోసారి బయటపడిందని అభిమానులు అభిప్రాయపడుతున్నారు. ప్రస్తుతం ఈ వీడియో సోషల్ మీడియాలో ట్రెండింగ్‌లో కొనసాగుతోంది.
