నేటి రాశిఫలాలు పరిశీలిస్తే బుధుడు, గురువు సమీప కలయిక ప్రభావంతో ఆలోచనల్లో స్పష్టత, సరైన నిర్ణయాలు తీసుకునే సామర్థ్యం పెరుగుతుంది. చంద్రుడు కన్యారాశిలో హస్త నక్షత్రంలో ఉండటంతో నైపుణ్యాలు, చేతి పనులు, కొత్త విషయాలు నేర్చుకోవడానికి అనుకూల పరిస్థితులు ఉంటాయి. మరోవైపు మంగళుడి ప్రభావంతో మాటపట్టింపులు, వాదనలు చోటుచేసుకునే అవకాశం ఉంది. ప్రేమ, వ్యక్తిగత విషయాల్లో మాత్రం ఆత్మవిమర్శకు దూరంగా ఉండటం మంచిది. మరి మేషం నుంచి మీనం వరకు ఏ రాశివారికి ఎలాంటి ఫలితాలు ఉన్నాయో చూద్దాం.
మేషం
కుటుంబానికి సంబంధించిన విషయంలో సరైన సలహా లభించి ఉపశమనం పొందుతారు. కొత్త ఆలోచనలను అమలు చేయడానికి, నిలిచిపోయిన పనులను పూర్తి చేయడానికి అనుకూలమైన రోజు. అయితే ఆరోగ్యం, దినచర్య విషయంలో మరీ కఠినంగా ఉండకండి. జీవిత భాగస్వామితో ఆశించినంత సహకారం లేకపోవచ్చు. ఆర్థికంగా పరిస్థితి సాధారణంగా ఉంటుంది. కొత్త అప్పులు, పెద్ద ఆర్థిక నిర్ణయాలకు దూరంగా ఉండటం మంచిది. ఉద్యోగంలో మాటతీరు విషయంలో జాగ్రత్తగా ఉండాలి. పరిచయాలు, నెట్‌వర్కింగ్ ద్వారా ప్రయోజనం పొందుతారు.
పరిహారం: పసుపు రంగు వస్తువులు లేదా శనగపప్పును దానం చేయండి
వృషభం
ఆలోచనలు, మాటల్లో స్పష్టత కనిపిస్తుంది. సృజనాత్మక పనులు, మీకు ఇష్టమైన కళలు, హాబీలపై ఆసక్తి పెరుగుతుంది. కొత్త నైపుణ్యాలను మెరుగుపర్చుకునేందుకు మంచి సమయం. అయితే మీ రూపం లేదా వ్యక్తిత్వం గురించి అనవసరంగా ఆత్మన్యూనతకు లోనుకావద్దు. ప్రేమ, కుటుంబ వ్యవహారాల్లో ఆహ్లాదకర వాతావరణం ఉంటుంది. పెద్ద ఆర్థిక నిర్ణయాలను వాయిదా వేయడం మంచిది. ఆరోగ్యం సాధారణంగా ఉంటుంది. ఉద్యోగంలో సహచరులు, స్నేహితుల సహకారం లభిస్తుంది.
పరిహారం:లక్ష్మీదేవి ఆలయంలో బతాశాలు సమర్పించండి.
మిథునం
ఆర్థిక వ్యవహారాల్లో మంచి సలహా, మార్గదర్శనం లభిస్తుంది. ఆత్మవిశ్వాసం, ఉత్సాహం పెరుగుతాయి. అయితే కుటుంబ విషయాల్లో ఒత్తిడికి దూరంగా ఉండాలి. తొందరపడి మాట్లాడితే చిన్న విషయం పెద్ద వివాదంగా మారే అవకాశం ఉంది. జీవిత భాగస్వామితో మాట్లాడేటప్పుడు సంయమనం పాటించండి. పాత పెట్టుబడి నుంచి లాభం కనిపించవచ్చు. కొనుగోళ్ల విషయంలో ఆచితూచి వ్యవహరించాలి. ఆరోగ్యపరంగా తొందరపాటు పనులకు దూరంగా ఉండాలి. ఉద్యోగంలో పాత సమస్యలను సమీక్షించి ముందుకు సాగడం మంచిది.
పరిహారం: గణపతికి దుర్వా సమర్పించండి.
కర్కాటకం
బుద్ధి, వివేకంతో వ్యవహరించే అవకాశం లభిస్తుంది. సోదరులతో ఉన్న పాత సమస్యలు పరిష్కారమయ్యే సూచనలు ఉన్నాయి. మాట్లాడేటప్పుడు మిమ్మల్ని మీరు విమర్శించుకోవడం మానుకోండి. ప్రేమ, కుటుంబ వ్యవహారాల్లో సున్నితంగా వ్యవహరించాలి. జీవిత భాగస్వామితో మంచి సంభాషణ ఉంటుంది. ఆర్థిక నిర్ణయాల్లో స్పష్టత కనిపించినా ఖర్చులు పెరిగే అవకాశం ఉంది. ఆరోగ్యంగా ఉత్సాహంగా ఉంటారు. ఉద్యోగంలో నాయకత్వ లక్షణాలను ప్రదర్శించే అవకాశం ఉంది. ముఖ్యమైన నిర్ణయాలను భావోద్వేగాలతో కాకుండా వాస్తవాలను పరిశీలించి తీసుకోవాలి.
పరిహారం: శివలింగానికి పాలు, నీటితో అభిషేకం చేయండి.
సింహం
ఈ రోజు ఆత్మపరిశీలనకు అనుకూలంగా ఉంటుంది. అంతర్గతంగా స్పష్టత పెరుగుతుంది. గతంలో నిలిచిపోయిన పనులను పూర్తి చేసే అవకాశం ఉంది. ఆర్థిక విషయాల్లో మీపై మీరే విమర్శలు చేసుకోకుండా జాగ్రత్తగా నిర్ణయాలు తీసుకోండి. ప్రేమ, కుటుంబ విషయాల్లో భావాలను మనసులోనే ఉంచకుండా సన్నిహితులతో పంచుకోవడం మంచిది. ధ్యానం, ఆధ్యాత్మిక కార్యక్రమాలు మానసిక ప్రశాంతతను ఇస్తాయి. ఉద్యోగంలో తెరవెనుక చేస్తున్న పనులు మంచి ఫలితాలను ఇవ్వవచ్చు. రేపటి నుంచి కొత్త దశ ప్రారంభం కానున్నందున ముఖ్యమైన పనులను ఈ రోజే పూర్తి చేయడం మంచిది.
పరిహారం: రాగి పాత్రతో సూర్యుడికి అర్ఘ్యం ఇవ్వండి.
కన్య
ఆదాయం, సామాజిక సంబంధాలకు సంబంధించిన విషయాల్లో మంచి మార్గదర్శనం లభిస్తుంది. చేతి నైపుణ్యం, ప్రాక్టికల్ పనుల్లో కష్టానికి తగిన ఫలితం త్వరగా కనిపిస్తుంది. అయితే వ్యక్తిత్వం లేదా ఆకర్షణ గురించి అనవసరంగా ఆలోచించవద్దు. జీవిత భాగస్వామితో మాట్లాడేందుకు సమయం కేటాయించడం మంచిది. ఆదాయానికి కొత్త మార్గాలు కనిపించవచ్చు. ఖర్చులపై నియంత్రణ అవసరం. ఆరోగ్యం సాధారణంగా ఉంటుంది. ఉద్యోగం, వ్యాపారంలో కొత్త అవకాశాలు రావచ్చు. పెద్ద నిర్ణయాలు మాత్రం తొందరపడి తీసుకోకండి.
పరిహారం: అవసరంలో ఉన్నవారికి ఆకుపచ్చ కూరగాయలు లేదా ఇతర పచ్చని వస్తువులు దానం చేయండి.
తుల
కెరీర్‌కు సంబంధించిన ముఖ్యమైన నిర్ణయాలకు అనుకూలమైన రోజు. అదృష్టం కలిసివస్తుంది. పెద్దలు లేదా ఉన్నతస్థాయి వ్యక్తుల సలహా ప్రయోజనకరంగా ఉంటుంది. వ్యక్తిగత విషయాల్లో అనవసరమైన సందేహాలకు లోనుకావద్దు. ఒంటరితనం అనిపించినా సన్నిహితులతో మాట్లాడటం మంచిది. ఆర్థికంగా సాధారణ జాగ్రత్త అవసరం. పాతగా పెండింగ్‌లో ఉన్న ఆర్థిక నిర్ణయాన్ని తీసుకోవచ్చు. ఆరోగ్యం సాధారణంగా ఉంటుంది. ఉద్యోగంలో ముఖ్యమైన ప్రెజెంటేషన్లు, సమావేశాలకు రోజు అనుకూలంగా ఉంటుంది. ఫలితాలు కొంత ఆలస్యంగా వచ్చినా నిరాశ చెందకండి.
పరిహారం: చిన్నారులైన కన్యల ఆశీర్వాదం తీసుకుని వారికి కానుక ఇవ్వండి.
వృశ్చికం
నమ్మకం, ఆశావాదం పెరుగుతాయి. సామాజిక వర్గంలో మంచి గుర్తింపు లేదా గౌరవం లభించే అవకాశం ఉంది. అయితే తొందరపాటు నిర్ణయాలకు దూరంగా ఉండాలి. ప్రేమ, కుటుంబ విషయాల్లో భావోద్వేగాలు ఎక్కువగా ఉండొచ్చు. జీవిత భాగస్వామితో ఓపికగా మాట్లాడండి. దీర్ఘకాలిక ఆర్థిక స్థిరత్వానికి సూచనలు కనిపిస్తున్నాయి. స్నేహితుల నుంచి ఆర్థిక సహాయం లభించవచ్చు. నిద్ర, విశ్రాంతిపై శ్రద్ధ పెట్టాలి. ఉద్యోగంలో కష్టానికి తగిన ఫలితం లభిస్తుంది. సులభంగా డబ్బు సంపాదించాలనే ఆలోచనలకు దూరంగా ఉండండి.
పరిహారం: సుందరకాండ లేదా హనుమాన్ చాలీసా పారాయణం చేయండి.
ధనుస్సు
అంతర్గత శక్తి, లోతైన ఆలోచనలు పెరుగుతాయి. కార్యాలయంలో మీ ప్రతిభకు గుర్తింపు లభించే అవకాశం ఉంది. అయితే సంబంధాల్లో తొందరపాటు, కఠినమైన మాటలకు దూరంగా ఉండాలి. జీవిత భాగస్వామి లేదా వ్యాపార భాగస్వామితో స్పష్టంగా మాట్లాడటం మంచిది. ఆర్థికంగా మంచి అవకాశాలు ఉన్నా పెద్ద ఖర్చులను కొంతకాలం వాయిదా వేయండి. ఆరోగ్యపరంగా మెడ, నరాలకు సంబంధించిన ఇబ్బందులు ఉంటే జాగ్రత్త అవసరం. ఉద్యోగ, వ్యాపార రంగాల్లో నిపుణుల సలహా ప్రయోజనం ఇస్తుంది.
పరిహారం: నుదుటిపై చందనం తిలకం ధరించండి.
మకరం
ఈ రోజు అంతర్గత బలం, లోతైన ఆలోచనలు పెరుగుతాయి. జీవిత భాగస్వామి లేదా వ్యాపార భాగస్వామితో కలిసి చేసే పనుల్లో ప్రయోజనం పొందవచ్చు. అయితే పాత విషయాలు మళ్లీ తెరపైకి రావచ్చు. మాట్లాడే ముందు ఆలోచించడం చాలా అవసరం. కుటుంబ, భాగస్వామ్య సంబంధాల్లో సున్నితంగా వ్యవహరించండి. ఆర్థికంగా సాధారణ జాగ్రత్త అవసరం. పెద్ద పెట్టుబడులను తొందరగా చేయకండి. అలసట, శరీరంలో భారంగా అనిపిస్తే విశ్రాంతి తీసుకోండి. ఉద్యోగంలో అధికారులు లేదా పెద్దలతో మాట్లాడే అవకాశం లభిస్తుంది.
పరిహారం: శని ఆలయంలో ఆవాల నూనెతో దీపం వెలిగించండి.
కుంభం
ఆరోగ్యం, రోజువారీ జీవనశైలిని మెరుగుపరుచుకోవడానికి మంచి రోజు. వృత్తిపరమైన భాగస్వామ్యాల్లో కొత్త స్పష్టత రావచ్చు. అయితే ఆర్థిక వ్యవహారాలను తీవ్రంగా సమీక్షించాలి. ఖర్చులు, పొదుపుపై దృష్టి పెట్టండి. ప్రేమ, కుటుంబ సంబంధాల్లో పాత గొడవలను ముగించేందుకు మంచి అవకాశం లభిస్తుంది. ఆరోగ్యం విషయంలో కొత్త అలవాట్లు ప్రారంభించవచ్చు. ఉద్యోగంలో పరిస్థితులు గతం కంటే మెరుగ్గా ఉండొచ్చు. కొత్త పనులు నేర్చుకునేందుకు, విధానాన్ని మార్చుకునేందుకు రోజు అనుకూలంగా ఉంటుంది.
పరిహారం: నల్ల నువ్వులు దానం చేయండి లేదా పక్షులకు ఆహారం వేయండి.
మీనం
సృజనాత్మకత, కొత్త ఆలోచనలకు ఈ రోజు చాలా అనుకూలంగా ఉంటుంది. పిల్లలకు సంబంధించిన శుభవార్త వినే అవకాశం ఉంది. అయితే గత కొంతకాలంగా కొనసాగుతున్న ఆత్మపరిశీలన వల్ల అనవసరంగా మీపై మీరే ఒత్తిడి తెచ్చుకోకండి. ప్రేమ, కుటుంబ విషయాల్లో జీవిత భాగస్వామి నుంచి మంచి సహకారం లభిస్తుంది. ఆర్థికంగా పరిస్థితి అనుకూలంగా ఉంటుంది, అయితే ఫలితాలు కొంత ఆలస్యంగా రావచ్చు. ఆరోగ్యం బాగుంటుంది. ఉద్యోగంలో కొత్త విధానాలు, కొత్త నైపుణ్యాలు ఉపయోగపడతాయి. సృజనాత్మక రంగంలో ఉన్నవారికి మంచి అవకాశాలు రావచ్చు.
పరిహారం: అరటి చెట్టుకు నీరు పోయండి.
నేటి సాధారణ సూచన
బుధుడు-గురువు ప్రభావంతో ఆలోచనల్లో స్పష్టత, సరైన సలహాలు, నిర్ణయాల్లో వివేకం పెరిగే రోజు. అయితే మంగళుడి ప్రభావంతో మాటపట్టింపులు, వాదనలు, తొందరపాటు నిర్ణయాలు ఇబ్బందులు కలిగించవచ్చు. ముఖ్యంగా ఆర్థిక, కుటుంబ, ఉద్యోగ విషయాల్లో ఒకటికి రెండుసార్లు ఆలోచించి ముందుకు సాగడం మంచిది.
