హైదరాబాద్, ఆగస్టు 6 (జనవాణి): తెలంగాణలోని విద్యార్థులకు ఆగస్టు నెల సెలవుల సందడిని తీసుకొచ్చింది. ఈ నెలలో ఆదివారాలు, రెండో శనివారం, బోనాలు, స్వాతంత్ర్య దినోత్సవం, ఈద్ మిలాద్-ఉన్-నబీతో పాటు ఆప్షనల్ హాలిడేస్ కలుపుకొని పాఠశాలలు, విద్యాసంస్థలకు మొత్తం 11 రోజుల వరకు సెలవులు ఉండే అవకాశం ఉంది. ముఖ్యంగా ఆగస్టు 8, 9, 10 తేదీల్లో వరుసగా మూడు రోజుల సెలవులు వచ్చే అవకాశం ఉండటంతో విద్యార్థులకు లాంగ్ వీకెండ్ దక్కనుంది.
మూడు రోజులు వరుస సెలవులు!
ఈ నెల 8వ తేదీన రెండో శనివారం కాగా, ఆ మరుసటి రోజు ఆగస్టు 9 ఆదివారం. దీంతో వరుసగా రెండు రోజులు సాధారణ సెలవులు రానున్నాయి. ఇక ఆగస్టు 10న బోనాల పండుగ సందర్భంగా సెలవు ఉండే అవకాశం ఉంది. బోనాల సందర్భంగా సెలవు ప్రకటిస్తే మాత్రం విద్యార్థులకు శనివారం నుంచి సోమవారం వరకు వరుసగా మూడు రోజుల లాంగ్ వీకెండ్ దక్కనుంది. దీంతో స్కూల్, కాలేజీ విద్యార్థులు ఫుల్ ఖుషీ అవుతున్నారు.
బోనాలతో హైదరాబాద్‌లో సందడి
ఆగస్టు 10న హైదరాబాద్‌లో బోనాల ఉత్సవాలు వైభవంగా జరగనున్నాయి. అమ్మవార్లకు బోనాలు సమర్పించడంతో పాటు రంగం, పోతురాజుల విన్యాసాలు, ఘటాల ఊరేగింపులతో నగరంలో సందడి నెలకొననుంది.
లాంగ్ వీకెండ్.. ఊళ్లకు వెళ్లేందుకు ప్లాన్స్
వరుసగా మూడు రోజులు సెలవులు వచ్చే అవకాశం ఉండటంతో విద్యార్థులతో పాటు ఉద్యోగులు కూడా లాంగ్ వీకెండ్‌పై దృష్టిపెట్టారు. చాలామంది కుటుంబాలతో కలిసి స్వగ్రామాలకు వెళ్లేందుకు ప్లాన్ చేసుకుంటుండగా, మరికొందరు పర్యాటక ప్రాంతాలకు వెళ్లేందుకు సిద్ధమవుతున్నారు. దీంతో ఆగస్టు 7 సాయంత్రం నుంచే హైదరాబాద్ నుంచి జిల్లాలకు వెళ్లే బస్సులు, రైళ్లలో ప్రయాణికుల రద్దీ పెరిగే అవకాశం ఉంది.
ఆగస్టులో మరిన్ని సెలవులు
ఈ లాంగ్ వీకెండ్‌తోనే సెలవుల సందడి ముగియడం లేదు. ఆగస్టు నెలలో విద్యార్థులకు మరిన్ని హాలిడేస్ ఉన్నాయి. ఈ నెలలో ఐదు ఆదివారాలు ఉండగా, పండుగలు, ఇతర సెలవులు కూడా కలిసి వస్తున్నాయి. ఆగస్టు 15న స్వాతంత్ర్య దినోత్సవం సందర్భంగా సెలవు ఉంటుంది. అలాగే ఆగస్టు 26న ఈద్ మిలాద్-ఉన్-నబీ సందర్భంగా సెలవు ఉంది. వీటితో పాటు ఈ నెలలో మూడు ఆప్షనల్ హాలిడేస్ కూడా ఉన్నాయి.
మొత్తంగా చూస్తే ఆగస్టు నెలలో ఐదు ఆదివారాలు, సాధారణ, ఆప్షనల్ సెలవులను కలుపుకొని విద్యాసంస్థలకు 11 రోజుల వరకు సెలవులు ఉండే అవకాశం ఉంది.
