#Captain Smith Machar

ఫ్లైదుబాయ్ విమానంలో కోపైలట్ గొడ్డలితో చేసిన దాడిలో తీవ్రంగా గాయపడినా.. విమానాన్ని అదుపులో ఉంచి 174 మంది ప్రయాణికుల ప్రాణాలను కాపాడిన భారతీయ పైలట్ కెప్టెన్ స్మిత్ మచ్చార్‌కు పుర్రెలో తీవ్ర ఫ్రాక్చర్ అయినట్లు వైద్యులు వెల్లడించారు. ప్రస్తుతం అబుధాబిలో చికిత్స పొందుతున్న ఆయన వేగంగా కోలుకుంటున్నారని తెలిపారు.

ఫ్లై దుబాయ్‌ విమానంలో జరిగిన కాక్‌పిట్‌ దాడి తీవ్ర కలకలం రేపింది. దాడిలో భారతీయ పైలట్‌ కెప్టెన్‌ స్మిత్‌ మచ్చార్‌ తీవ్రంగా గాయపడి భారీగా రక్తస్రావం కావడంతో స్పృహ కోల్పోయే పరిస్థితికి చేరుకున్నారు. అదే విమానంలో ప్రయాణిస్తున్న ఇజ్రాయెల్‌ దంత వైద్యుడు డాక్టర్‌ షోటా మొసావ్‌ వెంటనే కాక్‌పిట్‌లోకి వెళ్లి ప్రాథమిక చికిత్స అందించారు. ఆయన సకాలంలో స్పందించడం పైలట్‌ ప్రాణాలను కాపాడడంలో కీలకంగా మారింది.