మంత్రి పొంగులేటి శ్రీనివాస్‌రెడ్డికి సంబంధించిన ప్రాంతాల్లో 2024 సెప్టెంబర్ 27న జరిగిన ED సోదాలకు రెండేళ్లు పూర్తైన సందర్భంగా బీఆర్ఎస్ నిరసనకు దిగింది. సోదాల్లో ఏం గుర్తించారు, ఏం స్వాధీనం చేసుకున్నారు, కేసులో ఇప్పటివరకు ఏం పురోగతి సాధించారో వెల్లడించాలని EDని బీఆర్ఎస్ నేతలు డిమాండ్ చేశారు. ED కార్యాలయం వద్ద నోట్ల కట్టలపై పొంగులేటి కూర్చున్నట్లుగా రూపొందించిన కటౌట్‌ను ప్రదర్శించారు. ఇదే అంశంపై కేటీఆర్ కూడా స్పందిస్తూ కేంద్ర దర్యాప్తు సంస్థ తీరుపై ప్రశ్నలు సంధించారు.
ఏపీ మద్యం రవాణా కేసులో అరెస్టైన మాజీ మంత్రి, వైసీపీ నేత కారుమూరి నాగేశ్వరరావుకు హైదరాబాద్‌లోని ఈడీ కోర్టు 14 రోజుల జ్యుడీషియల్ రిమాండ్ విధించింది. వైద్య పరీక్షల అనంతరం ఆయనను కోర్టులో హాజరుపరిచారు. విచారణ అనంతరం రిమాండ్ విధించడంతో కారుమూరిని చంచల్‌గూడ జైలుకు తరలించారు.
మాజీ మంత్రి వైఎస్ వివేకానందరెడ్డి హత్య కేసు దర్యాప్తులో కీలక పరిణామం చోటుచేసుకుంది. వైసీపీ ఎంపీ వైఎస్ అవినాశ్ రెడ్డికి చెందిన ఇళ్లు, కార్యాలయాల్లో ఎన్‌ఫోర్స్‌మెంట్ డైరెక్టరేట్ (ఈడీ) అధికారులు శుక్రవారం తెల్లవారుజాము నుంచి సోదాలు నిర్వహిస్తున్నారు. హైదరాబాద్, పులివెందులతో పాటు రెండు తెలుగు రాష్ట్రాల్లో సుమారు 10 ప్రాంతాల్లో ఈ తనిఖీలు కొనసాగుతున్నాయి.
