బాలాపూర్ గణేష్ లడ్డూ వేలం మరోసారి రికార్డు సృష్టించింది. ఏటా పెరుగుతూ వస్తున్న లడ్డూ ధర ఈసారి ఏకంగా రూ.39 లక్షలకు చేరింది. సాహెబ్‌నగర్‌కు చెందిన అర్బన్ గ్రూప్ అధినేత సామ ప్రణీత్ రెడ్డి ఈ ఏడాది లడ్డూను దక్కించుకున్నారు. గతేడాది రూ.35 లక్షలుగా ఉన్న ధరతో పోలిస్తే ఈసారి మరో రూ.4 లక్షలు పెరిగింది.
బాలాపూర్ గణేష్ ఉత్సవాల్లో కీలక ఘట్టమైన లడ్డూ వేలానికి రంగం సిద్ధమైంది. చివరి పూజా కార్యక్రమాలు ప్రారంభమైన అనంతరం గణనాథుడిని గ్రామ ప్రదక్షిణకు తీసుకెళ్లనున్నారు. అనంతరం ప్రసిద్ధ బాలాపూర్ గణేష్ లడ్డూ వేలం జరగనుంది. 1994లో కేవలం రూ.450తో ప్రారంభమైన ఈ వేలం.. 2025 నాటికి రూ.35 లక్షలకు చేరింది. దీంతో ఈసారి లడ్డూ ఎంత ధర పలుకుతుందనే ఆసక్తి నెలకొంది.
