#Indigo Flight

హైదరాబాద్‌ శంషాబాద్‌ ఎయిర్‌పోర్టులో తీవ్ర కలకలం రేగింది. కడపకు బయల్దేరిన ఇండిగో విమానం టేకాఫ్‌కు సిద్ధమవుతున్న సమయంలో ఓ ప్రయాణికుడు ఎమర్జెన్సీ డోర్‌ తెరిచేందుకు ప్రయత్నించాడు. అప్రమత్తమైన క్యాబిన్‌ సిబ్బంది వెంటనే అతడిని అడ్డుకోవడంతో పెను ప్రమాదం తప్పింది. అనంతరం ప్రయాణికుడిని విమానం నుంచి దించి పోలీసులకు అప్పగించారు.

బంగాళాఖాతంలో ఏర్పడిన అల్పపీడనం ప్రభావంతో ఆంధ్రప్రదేశ్‌లో పలు ప్రాంతాల్లో భారీ వర్షాలు కురుస్తున్నాయి. విజయవాడలో శనివారం ఉదయం నుంచి కురుస్తున్న భారీ వర్షానికి లోతట్టు ప్రాంతాలు జలమయమయ్యాయి. రోడ్లపై భారీగా నీరు నిలిచిపోవడంతో రాకపోకలకు అంతరాయం ఏర్పడింది. ప్రతికూల వాతావరణం కారణంగా గన్నవరం రావాల్సిన ఇండిగో విమానాన్ని రాజమండ్రికి మళ్లించారు. మరోవైపు దుర్గగుడి ఘాట్‌రోడ్డును అధికారులు మూసివేశారు.