#Odisha

బెంగళూరులో దారుణ హత్య వెలుగులోకి వచ్చింది. ఖాళీ ప్రదేశంలో పడివున్న పాత పరుపును తరలించేందుకు ప్రయత్నించిన కార్మికులకు అందులోంచి ఓ కాలు కనిపించడంతో పోలీసులకు సమాచారం అందించారు. దర్యాప్తులో అది 28 ఏళ్ల అనుసూయ మృతదేహంగా గుర్తించారు.

గంజాయి అక్రమ రవాణాపై పోలీసులు భారీ ఆపరేషన్ చేపట్టారు. కుత్బుల్లాపూర్ జోన్ పరిధిలోని దుండిగల్ పోలీస్ స్టేషన్ పరిధిలో ఔటర్ రింగ్‌రోడ్డుపై తనిఖీలు నిర్వహించి డీసీఎంలో తరలిస్తున్న 425 కేజీల గంజాయిని స్వాధీనం చేసుకున్నారు. ఈ కేసులో ఆరుగురు సభ్యుల ముఠాను పోలీసులు అరెస్ట్ చేశారు.

ఒడిశాలోని కటక్ జిల్లా బంకీ సమీపంలో షాకింగ్ ఘటన చోటుచేసుకుంది. కాలువలో స్నానం చేస్తున్న 14 ఏళ్ల బాలుడిపై అకస్మాత్తుగా అడవి పంది దాడి చేసింది. భయపడకుండా బాలుడు దాదాపు రెండు గంటల పాటు దానితో పోరాడినట్లు సమాచారం. చివరకు అక్కడికి చేరుకున్న స్థానికులు బాలుడిని అడవి పంది నుంచి కాపాడారు.

భారత్ ఒడిశాలోని చాందీపూర్ నుంచి అణ్వాయుధ సామర్థ్యం కలిగిన అగ్ని-4 బాలిస్టిక్ క్షిపణిని విజయవంతంగా పరీక్షించింది. 4,000 కి.మీ. రేంజ్ కలిగిన ఈ క్షిపణి దేశ వ్యూహాత్మక రక్షణ సామర్థ్యాన్ని మరింత బలోపేతం చేసింది.

ఒడిశాలోని నైనీ బొగ్గు బ్లాక్ నుంచి 4 వేల టన్నుల G-10 గ్రేడ్ బొగ్గుతో 59 వ్యాగన్ల తొలి రైలు 1,131 కి.మీ. ప్రయాణించి తెలంగాణలోని సింగరేణి థర్మల్ పవర్ ప్లాంట్‌కు చేరుకుంది. రాష్ట్ర ఇంధన భద్రతలో ఇది కీలక మైలురాయిగా ప్రభుత్వం పేర్కొంది.

దేశంలో వరుసగా పరీక్షల నిర్వహణపై ప్రశ్నలు తలెత్తుతున్న వేళ మరో పేపర్ లీక్ తరహా ఘటన వెలుగులోకి వచ్చింది. ఒడిశాలో నిర్వహించిన పీజీ మెడికల్ పరీక్ష జరుగుతుండగానే ప్రశ్నాపత్రం ఫొటోలు వాట్సాప్‌లో వైరల్ కావడం కలకలం రేపింది. అయితే ఇది "పేపర్ లీక్ కాదు" అని అధికారులు చెబుతున్నప్పటికీ ఘటనపై అంతర్గత విచారణకు ఆదేశాలు జారీ చేశారు.