#Prohibited Lands

తెలంగాణలో 22ఏ నిషేధిత భూముల జాబితా వ్యవహారం రాజకీయంగా వేడెక్కింది. మాజీ మంత్రి, బీఆర్‌ఎస్‌ ఎమ్మెల్యే హరీశ్‌రావు రాష్ట్ర ప్రభుత్వంపై తీవ్ర ఆరోపణలు చేశారు. ముఖ్యమంత్రి రేవంత్‌రెడ్డి ఇల్లు కూడా 22ఏ నిషేధిత జాబితాలో ఉందని ఆయన ఆరోపించారు. ఈ వ్యవహారంపై సమగ్ర విచారణ జరిపి, నిషేధిత జాబితాలో ఉన్న ఆస్తుల వివరాలతో శ్వేతపత్రం విడుదల చేయాలని డిమాండ్ చేశారు.

22ఏ నిషేధిత జాబితాలో ఉన్న భూముల హక్కుదారులు ఆందోళన చెందాల్సిన అవసరం లేదని సీఎం రేవంత్‌రెడ్డి భరోసా ఇచ్చారు. కోర్టు కేసులు మినహా మిగతా భూములకు బై నంబర్లు ఇచ్చి సమస్యలను పరిష్కరిస్తామని తెలిపారు.

22ఎ/పీఓబీ నిషేధిత భూముల జాబితాలో ఉన్న ఆస్తులపై ప్రజలు ఆందోళన చెందాల్సిన అవసరం లేదని మంత్రి పొంగులేటి శ్రీనివాసరెడ్డి తెలిపారు. చట్టబద్ధంగా అర్హులైన ప్రతి ఒక్కరికీ న్యాయం చేస్తామని చెప్పారు. ఈ నెల 14లోగా సంబంధిత డాక్యుమెంట్లన్నీ ఆన్‌లైన్‌లో అప్‌లోడ్ చేయాలని అధికారులను ఆదేశించారు.