#Sccl

ఒడిశాలోని నైనీ బొగ్గు బ్లాక్ నుంచి 4 వేల టన్నుల G-10 గ్రేడ్ బొగ్గుతో 59 వ్యాగన్ల తొలి రైలు 1,131 కి.మీ. ప్రయాణించి తెలంగాణలోని సింగరేణి థర్మల్ పవర్ ప్లాంట్‌కు చేరుకుంది. రాష్ట్ర ఇంధన భద్రతలో ఇది కీలక మైలురాయిగా ప్రభుత్వం పేర్కొంది.

సింగరేణి అనుబంధ సంస్థ ఆప్మెల్ (APHMEL) స్వర్ణోత్సవ సంవత్సరంలో మరో కీలక ముందడుగు వేసింది. విజయవాడలోని ప్లాంట్‌లో ఏర్పాటు చేసిన 300 కిలోవాట్ల సౌర విద్యుత్ ప్లాంట్‌ను సింగరేణి సీఎండీ డాక్టర్ బుద్దప్రకాశ్ జ్యోతి వర్చువల్‌గా ప్రారంభించారు. ఈ ప్లాంట్ ద్వారా ఏటా సుమారు రూ.24 లక్షల విద్యుత్ ఖర్చు ఆదా కానుండగా, సంస్థ ఈ ఏడాది రూ.23.33 కోట్ల రికార్డు స్థాయి నికర లాభాన్ని నమోదు చేయడం విశేషంగా నిలిచింది.

భవిష్యత్తులో బొగ్గుపై ఆధారపడే పరిస్థితులు తగ్గే అవకాశం ఉన్నందున.. సంప్రదాయ బొగ్గు గనులకే సింగరేణి పరిమితం కాకుండా లిథియం, కోబాల్ట్, రేర్ ఎర్త్ మినరల్స్ వంటి కీలక ఖనిజాల తవ్వకాల వైపు అడుగులు వేయాలని తెలంగాణ ఉప ముఖ్యమంత్రి భట్టి విక్రమార్క సూచించారు. సింగరేణిని ప్రపంచస్థాయి పోటీ సంస్థగా తీర్చిదిద్దేందుకు రాష్ట్ర ప్రభుత్వం సంపూర్ణ సహకారం అందిస్తుందని హామీ ఇచ్చారు.