#Telangana Agriculture

వరంగల్ జిల్లా పర్వతగిరి మండలం సిత్య తండాలో సాగునీరు అందక ఎండిపోయిన పంట పొలాలను మాజీ మంత్రి ఎర్రబెల్లి దయాకర్ రావు పరిశీలించారు. SRSP కాలువ ద్వారా వెంటనే సాగునీరు విడుదల చేయాలని డిమాండ్ చేస్తూ రైతులకు మద్దతుగా నిరసన చేపట్టారు. రైతుల సమస్యలను ప్రభుత్వం పట్టించుకోవడం లేదని కాంగ్రెస్ ప్రభుత్వంపై విమర్శలు చేశారు.

రాష్ట్రంలోని వ్యవసాయ మార్కెట్ కమిటీల పనితీరును మరింత పారదర్శకంగా, రైతు కేంద్రంగా మార్చేందుకు తెలంగాణ ప్రభుత్వం కీలక చర్యలు చేపట్టింది. మార్కెట్ కమిటీల్లో సేవలు, కనీస మద్దతు ధర (MSP) అమలు, వేలం విధానం, మౌలిక సదుపాయాలు, మార్కెట్ సెస్ వసూళ్లపై సమగ్ర తనిఖీలు నిర్వహించేందుకు ఆరు ప్రత్యేక బృందాలను ఏర్పాటు చేసింది.