#Tte

హైదరాబాద్‌ మహానగర పరిధిలో ఇందిరమ్మ టవర్స్‌ ఇళ్ల కేటాయింపు పొందిన లబ్ధిదారులకు తెలంగాణ హౌసింగ్‌ బోర్డు కీలక సూచన చేసింది. తొలి ఇన్‌స్టాల్‌మెంట్‌గా చెల్లించాల్సిన రూ.1 లక్ష మొత్తాన్ని చెల్లించేందుకు గడువును అక్టోబర్ 9 వరకు పొడిగించింది. ఈలోగా చెల్లింపు చేయని వారి తాత్కాలిక కేటాయింపులు రద్దయ్యే అవకాశం ఉందని అధికారులు స్పష్టం చేశారు.

రోజూ రూ.500 కోసం కష్టపడే ఓ శ్రామికుడి జీవితం ఒక్క గంటలో పూర్తిగా మారిపోయింది. పశ్చిమ బెంగాల్‌కు చెందిన మధు సింగ్ పంజాబ్‌లోని బంగా ప్రాంతంలో కూలీ పనులు చేస్తూ కుటుంబాన్ని పోషించుకునేవాడు. పని ముగించుకుని ఇంటికి వెళ్తూ లాటరీ టికెట్ కొనగా గంటలోనే అతడికి ఏకంగా రూ.3 కోట్ల బహుమతి దక్కింది.

రైలు ప్రయాణంలో టికెట్ అడిగిన టీటీఈపై తప్పుడు లైంగిక వేధింపుల కేసు బనాయించేందుకు ఓ యువతి ప్రయత్నించినట్లు పేర్కొంటున్న వీడియో సోషల్ మీడియాలో వైరల్ అవుతోంది. టికెట్ లేకపోవడంతో తొలుత డబ్బులు ఇస్తానంటూ బేరసారాలకు దిగిన ఆమె టీటీఈ నిరాకరించడంతో బెదిరింపులకు పాల్పడినట్లు వీడియోలో కనిపిస్తోంది. అనంతరం తన దుస్తులను తానే చింపుకుని, టీటీఈ తనను వేధిస్తున్నాడంటూ 112కు ఫోన్ చేసినట్లు ఆరోపణలు ఉన్నాయి. అయితే టీటీఈ మొత్తం ఘటనను మొబైల్‌లో రికార్డు చేయడంతో అసలు విషయం వెలుగులోకి వచ్చినట్లు తెలుస్తోంది.

ఈ-సిగరెట్లు, షిషా, ఫ్లేవర్డ్‌ హుక్కాల వినియోగం యువతలో పెరుగుతున్న వేళ.. యోగా గురు బాబా రామ్‌దేవ్‌కు సంబంధించిన ఓ వీడియో సోషల్‌ మీడియాలో వైరల్‌గా మారింది. ఇందులో ములేఠీ, పసుపు, ఆవాలు, ఆవు నెయ్యి తదితర పదార్థాలతో హుక్కా తరహా తయారీని చూపిస్తూ.. దాని పొగను పీల్చడం వల్ల కొన్ని శ్వాసకోశ సమస్యలకు ఉపశమనం కలుగుతుందని ఆయన చెప్పినట్టు కనిపిస్తోంది. అయితే, ఈ విధానానికి వైద్యపరమైన ఆధారాలు లేవని నిపుణుల వాదన.

కనీస వేతనాల చెల్లింపులో తెలంగాణ దేశానికి ఆదర్శంగా నిలిచిందని కార్మిక శాఖ మంత్రి వివేక్ వెంకటస్వామి తెలిపారు. సింగరేణిలో పనిచేస్తున్న కాంట్రాక్ట్ కార్మికుల వేతనాల పెంపుపై ప్రభుత్వం పరిశీలన చేస్తోందన్నారు. ఔట్‌సోర్సింగ్ ఉద్యోగుల సమస్యల పరిష్కారానికి నదీమ్ కమిటీ నివేదిక వచ్చిన తర్వాత చర్యలు తీసుకుంటామని వెల్లడించారు.

ఫోక్ డ్యాన్సర్లు ఈశ్వర్ సాయి, మాధురి రాథోడ్‌ల వ్యవహారం మరోసారి తీవ్ర చర్చకు దారితీసింది. ఈశ్వర్ సాయి తనను పెళ్లి చేసుకుంటానని నమ్మించి మోసం చేశాడని మాధురి రాథోడ్ పోలీసులకు ఫిర్యాదు చేసిన విషయం తెలిసిందే. తాజాగా ఆమె ఆత్మహత్యాయత్నానికి పాల్పడినట్లు సమాచారం. ఇంట్లో ఫ్యాన్‌కు ఉరేసుకునేందుకు ప్రయత్నించగా కుటుంబ సభ్యులు గుర్తించి కాపాడినట్లు తెలుస్తోంది.

సూర్యాపేట జిల్లా మఠంపల్లి మండలంలో కాంగ్రెస్ నాయకుడిపై ఒక మహిళ సంచలన ఆరోపణలు చేసింది. లైంగిక వేదింపులు న్యూడ్ ఫొటోలతో బెదిరిస్తున్నాడని ఆరోపించింది.

పశ్చిమగోదావరి జిల్లాలో తీవ్ర విషాదం చోటుచేసుకుంది. తణుకుకు చెందిన ఓ కుటుంబం చించినాడ వంతెనపై నుంచి గోదావరిలో దూకి ఆత్మహత్యకు ప్రయత్నించింది. ఈ ఘటనలో మహిళను స్థానిక మత్స్యకారులు రక్షించగా.. ఆమె భర్త, కుమారుడు, కుమార్తె గల్లంతయ్యారు. గజ ఈతగాళ్లు, బోట్ల సాయంతో ముగ్గురి కోసం గాలింపు కొనసాగుతోంది.

తెలంగాణ రాజకీయాల్లో కొండా సురేఖ బర్తరఫ్ వ్యవహారం మరింత ముదురుతోంది. తనను మంత్రి పదవి నుంచి తొలగించకముందే కాంగ్రెస్ అగ్రనేత సోనియా గాంధీకి సురేఖ రాసిన 10 పేజీల లేఖ తాజాగా వెలుగులోకి వచ్చింది. సీఎం రేవంత్ రెడ్డి తనను ఉద్దేశపూర్వకంగా అణగదొక్కారని, తన శాఖల్లో తనకు తెలియకుండానే కీలక నిర్ణయాలు తీసుకున్నారని ఆమె ఆరోపించినట్లు లేఖలోని అంశాలు వెల్లడిస్తున్నాయి.

మంత్రి కొండా సురేఖ వ్యవహారం తెలంగాణ కాంగ్రెస్‌లో మరోసారి చర్చనీయాంశంగా మారింది. ఆమె కుమార్తె కొండా సుస్మిత చేసిన వ్యాఖ్యల నేపథ్యంలో పార్టీపరంగా వివాదం ముదిరిన వేళ.. కొండా సురేఖ హుటాహుటిన ఢిల్లీ వెళ్లడం ప్రాధాన్యత సంతరించుకుంది. అధిష్టానం నుంచి వచ్చిన పిలుపుతోనే ఆమె ఢిల్లీ వెళ్లినట్లు ప్రచారం జరుగుతోంది.

తెలంగాణలో కాంగ్రెస్ ప్రభుత్వం ఏర్పాటు చేసిన ఇందిరమ్మ కమిటీలపై మల్కాజ్‌గిరి ఎంపీ ఈటల రాజేందర్ తీవ్ర విమర్శలు చేశారు. కమిటీలను పార్టీ నాయకులకు కేటాయించుకోవడం సరికాదని, తెలంగాణ ఏ ఒక్కరి జాగీరు కాదని మండిపడ్డారు. కేసీఆర్ పాలనలో ఎలా ఉందో.. రేవంత్ రెడ్డి పాలన కూడా అలాగే ఉందని ఆరోపించారు.

భారత్‌లో ఎలక్ట్రిక్‌ స్కూటర్ల మార్కెట్‌లో ఓలా ఎలక్ట్రిక్‌ కొత్త ఎస్1జెడ్‌ శ్రేణిని విడుదల చేసింది. దేశీయంగా అభివృద్ధి చేసిన భారత్‌ సెల్‌ ఎల్‌ఎఫ్‌పీ బ్యాటరీ సాంకేతికతతో రూపొందించిన ఈ స్కూటర్‌ రెండు బ్యాటరీ వేరియంట్లలో లభిస్తుంది. ప్రారంభ ధర రూ.79,999 కాగా.. గరిష్ఠంగా 301 కిలోమీటర్ల వరకు రేంజ్‌ అందిస్తుందని కంపెనీ పేర్కొంది.

తెలంగాణ కాంగ్రెస్‌లో కొండా సురేఖ వ్యవహారం కొనసాగుతున్న వేళ జడ్చర్ల ఎమ్మెల్యే అనిరుధ్ రెడ్డి కీలక వ్యాఖ్యలు చేశారు. మహిళలను తాను గౌరవిస్తానని, వారిపై బహిరంగంగా విమర్శలు చేయడం తన విధానం కాదని స్పష్టం చేశారు. మహిళ కన్నీటి చుక్క సునామీగా మారుతుందంటూ ఆసక్తికర వ్యాఖ్యలు చేసిన ఆయన.. ఈ వ్యవహారంపై పార్టీ క్రమశిక్షణ కమిటీ నిర్ణయానికి కట్టుబడి ఉంటానన్నారు. అయితే జడ్చర్ల నియోజకవర్గ అభివృద్ధి పనులు, బిల్లుల చెల్లింపుల విషయంలో మాత్రం ప్రభుత్వాన్ని ప్రశ్నించడంలో వెనక్కి తగ్గబోనని తేల్చిచెప్పారు.

తెలంగాణ మంత్రి కొండా సురేఖ వ్యవహారంపై కాంగ్రెస్ క్రమశిక్షణ కమిటీ నివేదిక సిద్ధం చేసింది. ఆమె వివరణపై కమిటీ సంతృప్తి చెందలేదని, సురేఖతో పాటు మరో ఇద్దరిపై కఠిన చర్యలు తీసుకోవాలని సిఫారసు చేసినట్లు సమాచారం. ఈ నివేదికను టీపీసీసీ చీఫ్ మహేశ్ కుమార్ గౌడ్, కాంగ్రెస్ రాష్ట్ర వ్యవహారాల ఇన్‌చార్జీ మీనాక్షి నటరాజన్‌కు అందించనున్నారు.

తెలంగాణ కాంగ్రెస్‌లో అంతర్గత విభేదాలు మరోసారి తెరపైకి వచ్చాయి. తనను, తన కుటుంబ సభ్యులను లక్ష్యంగా చేసుకుని కొందరు ఎమ్మెల్యేలు, ఎమ్మెల్సీలు అవమానకర వ్యాఖ్యలు చేస్తున్నారని మంత్రి కొండా సురేఖ ఆరోపించారు.

అవుటర్ రింగ్ రోడ్ పరిధిలో ప్రభుత్వం నిర్మిస్తున్న ఇందిరమ్మ ఇళ్ల టవర్స్‌లో ఇళ్ల కేటాయింపునకు లాటరీ ప్రక్రియను ఆగస్టు 27 నుంచి 30 వరకు నిర్వహించనున్నట్లు హౌసింగ్ బోర్డు వైస్ ఛైర్మన్ వి.పీ. గౌతం తెలిపారు. అర్హుల తుది జాబితాను ఆగస్టు 25న ప్రకటించనున్నారు. 23వ తేదీ వరకు అభ్యంతరాలు స్వీకరించనున్నట్లు వెల్లడించారు.

మంత్రి కొండా సురేఖ కుమార్తె కొండా సుస్మిత చేసిన వ్యాఖ్యలు తెలంగాణ కాంగ్రెస్‌లో తీవ్ర చర్చకు దారితీశాయి. సీఎం రేవంత్ రెడ్డి ప్రతిష్ఠను దెబ్బతీసేలా వ్యాఖ్యలు ఉన్నాయంటూ కాంగ్రెస్ క్రమశిక్షణ కమిటీ చైర్మన్ మల్లు రవి తీవ్రంగా స్పందించారు. పార్టీ క్రమశిక్షణ రేఖను ఎవరైనా దాటితే చర్యలు తప్పవని స్పష్టం చేశారు.

ఉత్తరప్రదేశ్‌లోని గ్రేటర్ నోయిడాలో ఓ యువకుడి జేబులో కొత్త స్మార్ట్‌ఫోన్ ఒక్కసారిగా పేలిపోయింది. యువకుడి దుస్తులకు మంటలు అంటుకుని, రెండు చేతులకు తీవ్ర గాయాలయ్యాయి. ఘటనకు సంబంధించిన వీడియో సోషల్ మీడియాలో వైరల్‌గా మారింది.

ఆంధ్రప్రదేశ్ అసెంబ్లీ వర్షాకాల సమావేశాల నేపథ్యంలో ఎమ్మెల్యేల హాజరుపై స్పీకర్ చింతకాయల అయ్యన్నపాత్రుడు కీలక నిర్ణయం తీసుకున్నారు. ప్రతి సభ్యుడి సీటు వద్ద కెమెరాలు ఏర్పాటు చేసి, సభ్యుడు తన స్థానంలో కూర్చుంటేనే హాజరుగా పరిగణిస్తామని ప్రకటించారు. సభకు రాకుండా కేవలం రిజిస్టర్‌లో సంతకాలు చేసి వెళ్లిపోవడాన్ని అరికట్టడమే ఈ నిర్ణయ లక్ష్యమని స్పష్టం చేశారు.

మెదక్ జిల్లా రామాయంపేట పట్టణ అభివృద్ధి, సుందరీకరణలో భాగంగా ఏర్పాటు చేసిన బటర్‌ఫ్లై లైట్లు రామాయంపేటకు ప్రత్యేక శోభను తీసుకొచ్చాయి.

ఢిల్లీలోని జంతర్ మంతర్‌ను నిరసనల వేదికగా కొనసాగించడంపై ఢిల్లీ హైకోర్టు కీలక వ్యాఖ్యలు చేసింది. నిరసనల పేరుతో నగరాన్ని బందీగా మార్చడం సరికాదని శుక్రవారం ధర్మాసనం కీలక వ్యాఖ్యలు చేసింది.

యాక్సిడెంట్ చేయించి నా భర్తను చంపించు.. లేదంటే నేనే చస్తా అంటూ ప్రియుడితో ఓ భార్య చేసిన చాటింగ్ ఇప్పుడు వైరల్‌గా మారింది. మహబూబాబాద్ జిల్లా డోర్నకల్‌లో భర్తను చంపేందుకు ఆమె చేసిన కుట్ర ఆలస్యంగా వెలుగులోకి వచ్చింది.

పెట్రోలియం, సహజవాయువు రంగానికి సంబంధించిన కీలక అంశాలపై పార్లమెంటరీ స్థాయీ సంఘం సమావేశం బుధవారం న్యూఢిల్లీలో జరిగింది. పార్లమెంట్ అనెక్స్ భవన్‌లో నిర్వహించిన ఈ సమావేశానికి బీఆర్‌ఎస్ పార్లమెంటరీ పార్టీ నాయకుడు, రాజ్యసభ సభ్యుడు వద్దిరాజు రవిచంద్ర హాజరై పలు సూచనలు చేశారు.

ప్రధాని నరేంద్ర మోదీ ప్రసంగానికి సంబంధించిన వీడియోను ఫేస్‌బుక్‌లో కొన్ని గంటల పాటు తొలగించిన ఘటనపై పార్లమెంటరీ సమాచార సాంకేతిక కమిటీ తీవ్ర ఆగ్రహం వ్యక్తం చేసింది. మెటా సీఈఓ మార్క్ జుకర్‌బర్గ్ మూడు రోజుల్లో బేషరతుగా క్షమాపణ చెప్పాలని, లేనిపక్షంలో చట్టపరమైన చర్యలు ఎదుర్కోవాల్సి ఉంటుందని స్పష్టం చేసింది.

ఘట్టమనేని రమేశ్ బాబు కొడుకు ఘట్టమనేని జయకృష్ణ హీరోగా పరిచయం అవుతున్న మూవీ ‘శ్రీనివాస మంగాపురం’. అజయ్ భూపతి దర్శకత్వంలో తెరకెక్కిన ఈ మూవీ, జూలై 30న విడుదలైంది. హీరోయిన్ రవీనా టండన్ కూతురు రాషా తడాని హీరోయిన్ పరిచయం అయ్యింది. మరి ఈ మూవీ టాక్ ఏంటి?

మాజీ ఎమ్మెల్యే పెద్ది సుదర్శన్ రెడ్డి భద్రత, వెపన్ లైసెన్స్ రద్దు వ్యవహారంపై బీఆర్ఎస్ రాష్ట్ర ప్రధాన కార్యదర్శి డాక్టర్ ఆర్‌ఎస్ ప్రవీణ్ కుమార్ రాష్ట్ర ప్రభుత్వంపై తీవ్ర విమర్శలు చేశారు. ప్రతిపక్ష నాయకులను లక్ష్యంగా చేసుకుని భద్రత తొలగిస్తున్నారని ఆయన ఆరోపించారు. అలాగే సెక్యూరిటీ రివ్యూ కమిటీని రద్దు చేసి, భద్రత కల్పింపుపై అనుసరిస్తున్న ప్రమాణాలను ప్రజల ముందుంచాలని డిమాండ్ చేశారు.

ITI పూర్తి చేసిన ఎలక్ట్రీషియన్, ఫిట్టర్, ఎలక్ట్రానిక్స్ అభ్యర్థులకు మెధా సర్వో డ్రైవ్స్ ప్రైవేట్ లిమిటెడ్ మెగా జాబ్ మేళా నిర్వహిస్తోంది. దీనికి సంబంధించిన పూర్తి వివరాలను తెలుసుకుందాం.

ఫేస్‌బుక్, ఎక్స్, ఇన్‌స్టాగ్రామ్, గూగుల్ వంటి సోషల్ మీడియా ప్లాట్‌ఫామ్స్‌కి కేంద్రం షాకిచ్చింది. సమన్లు జారీ చేసింది. డేటా ప్రైవసీ, ఇతర రూల్స్ సంబంధించి వివరణ ఇవ్వాలని ఆదేశించింది.

రాష్ట్రంలోని వ్యవసాయ మార్కెట్ కమిటీల పనితీరును మరింత పారదర్శకంగా, రైతు కేంద్రంగా మార్చేందుకు తెలంగాణ ప్రభుత్వం కీలక చర్యలు చేపట్టింది. మార్కెట్ కమిటీల్లో సేవలు, కనీస మద్దతు ధర (MSP) అమలు, వేలం విధానం, మౌలిక సదుపాయాలు, మార్కెట్ సెస్ వసూళ్లపై సమగ్ర తనిఖీలు నిర్వహించేందుకు ఆరు ప్రత్యేక బృందాలను ఏర్పాటు చేసింది.

రాజీనామా చేసిన వెంటనే ధర్మేంద్ర ప్రధాన్ విడుదల చేసిన లేఖ ఇప్పుడు చర్చనీయాంశంగా మారింది. నీట్ వివాదం, ప్రభుత్వం తీసుకున్న చర్యలు, చివరకు ఎందుకు పదవికి రాజీనామా చేయాల్సి వచ్చిందనే విషయాలను ఆయన ఆ లేఖలో స్పష్టంగా వివరించారు.