ప్రముఖ సినీ నటుడు రామ్‌చరణ్‌ సతీమణి ఉపాసన కొణిదెల గురువారం కర్నూలు జిల్లాలోని మంత్రాలయాన్ని సందర్శించారు. శ్రీ రాఘవేంద్ర స్వామి ఆలయంలో ప్రత్యేక పూజలు నిర్వహించి, స్వామివారి ఆశీస్సులు పొందారు. ఉపాసన రాకతో ఆలయ పరిసరాల్లో అభిమానులు, భక్తుల సందడి నెలకొంది.
మెగా పవర్ స్టార్ రామ్ చరణ్ మణికట్టు గాయానికి శస్త్రచికిత్స చేయించుకోనున్నట్లు సినీ వర్గాల్లో వార్తలు వినిపిస్తున్నాయి. ఇందుకోసం ఆయన తమిళనాడులోని కోయంబత్తూరుకు వెళ్లినట్లు సమాచారం. ఈ సందర్భంగా కుటుంబ సభ్యులు కూడా ఆయనతో కలిసి వెళ్లినట్లు ప్రచారం జరుగుతోంది. అయితే ఈ విషయంపై అధికారిక ప్రకటన వెలువడాల్సి ఉంది.
