ఎలాంటి అంచనాలు లేకుండా విడుదలై బాక్సాఫీస్ వద్ద విజయాన్ని అందుకున్న ఆధ్యాత్మిక చిత్రం ‘హనుమాన్ అంశ్’ ఇప్పుడు తెలుగులోకి రాబోతోంది. గతంలో తెలుగు విడుదలకు సంబంధించి త్రివిక్రమ్ శ్రీనివాస్ పేరు వినిపించిన ఈ సినిమా, కొన్ని కారణాలతో వాయిదా పడింది. తాజాగా అక్టోబర్ 9న థియేటర్లలోకి వస్తున్నట్లు మేకర్స్ ప్రకటించడంతో అదే రోజున విడుదల కానున్న త్రివిక్రమ్ చిత్రం ‘ఆదర్శకుటుంబం హౌస్ నెంబర్ 47’ తో ఆసక్తికరమైన పోటీ నెలకొంది.
ఆధ్యాత్మిక గురువు నీమ్ కరోలి బాబా జీవిత ఆధారంగా తెరకెక్కిన హిందీ భక్తిరస చిత్రం ‘హనుమాన్ అంశ్’ బాక్సాఫీస్ వద్ద సంచలనం సృష్టించింది. కేవలం రూ.2 కోట్ల బడ్జెట్‌తో రూపొందిన ఈ సినిమా హిందీలో రూ.175 కోట్లకు పైగా వసూళ్లు రాబట్టి బ్లాక్‌బస్టర్‌గా నిలిచింది. ఇప్పుడు స్టార్ డైరెక్టర్ త్రివిక్రమ్ శ్రీనివాస్ సమర్పణలో సెప్టెంబర్ 18న తెలుగు ప్రేక్షకుల ముందుకు రానుంది.
బాలీవుడ్‌లో చిన్న సినిమాగా విడుదలైన ‘హనుమాన్ అంశ్’ ఇప్పుడు భారీ విజయాన్ని అందుకుంటోంది. విడుదలైన ఐదో వారాంతంలో రూ.45.60 కోట్ల వసూళ్లు సాధించి, ఐదో వీకెండ్‌లో అత్యధిక కలెక్షన్లు రాబట్టిన భారతీయ చిత్రంగా సరికొత్త రికార్డు సృష్టించింది. ఈ క్రమంలో ‘ధురంధర్’, ‘పుష్ప 2’ హిందీ వెర్షన్‌ రికార్డులను సైతం అధిగమించింది.
